Izikiɛ 11:24 - Yálá laawoo hɛɓɛ (dc)

²⁴ Yálá nwɔ Kilii ə gbə́ŋə́ nwɔ̨nɔ̨, ə li a ɲą́ą́ Kalde, gɔ́luwɔɠaa pɔɔli, yili kəlee ə kɛ kwɛlɛɛn gɛɛkaa hu, a Yálá nwɔ Kilii kɛ mɛ̨nį. Yili pulu, gwɛlɛɛn gɛɛ tii ŋį́ kɛli gaa, ə həɠə ɲɛ̨́i.

Yálá laawoo hɛɓɛ

²⁴ Yálá nwɔ Nįį ə gbə́ŋə́ nwɔ̨nɔ̨, ə li a ɲą́ą́ Kalde, gɔ́luwɔɠaa pɔɔli, yili kəlee ə kɛ kwɛlɛɛn gɛɛkaa hu, a Yálá nwɔ Nįį kɛ mɛ̨nį. Yili pulu, gwɛlɛɛn gɛɛ tii ŋį́ kɛli gaa, ə həɠə ɲɛ̨́i.

Bible

²⁴ Nya ƃe Ɣâla ŋɔmɔ̂leŋ è ńzìɣe zĩ̂ai su é pá a ńyãa gɔ-sôŋ-ŋai pɔ naa Babelɔŋ. Gɛɛ tii, zĩ̂ai ŋa gaai è nâa kula ŋ̀ɛi.

Izikiɛ 11:24 ပူးပေါင်းရင်းမြစ်များ

Zɛnɛse 17:22

Ɓɛlɔwai Yálá ə kpɛɛ la a mɛ̨nįɠaa ɓoɔ Abrahamə ɓa, da yaa di di ɓɛlaɓo.

Zɛnɛse 35:13

Mɛ̨nįi tii ɓoɔ pulu, Yálá da Ɉakɔbə di di ɓɛlaɓo.

Tɔɔɓɛlaa veelɛ 2:16

diɛ mą: «Ə́ ɲɛ̨i hee, hinąą liikpəlɛɛ pow lɔɔli kaa ɓɛ yɛ́ tínuą yəi, ku kaa di tɔɔi, di li di ə́ kalamɔ̨ɔ̨ kwɛli; mąąhɔlɔɓo, Yai-Laa nwɔ Kilii, ɉəɠəi ɲɛ̨i ə mo, a pɛli lííla ə doo yee ta tona, a wala kɛ tii, ɓoloon da hu. 'Hvaa mą, də li di gwɛli.» Elise yɛ diɛ: «Və́ kɛ li ka nu ta tɔɔ kɛɛnąą ta.»

Mąątɛ̨nɛ̨ 137:1

Ku kɛɛ ɓɛlii, Babilonə yáɠaa kwɛlɛ, ku həɛi kɛ, kuɔ wɔlɔ, kuɔ ku kiliŋąhiɛ kuɔ vilɛn Siɔn ɓa.

Ɉeremi 50:10

Kalde lɔi aa kɛ a kɔ́ hon, nuąi kpɔ too mɛ̨i, gəlee kaa pilɛi, Yai-Laa woo li.

Izikiɛ 1:1

Gwɛlan bow haaɓa ɲąnin nąąn naa nwɔ hvóló nɔɔli yələ, ŋą́ kɛ gɔ́ luwɔɠaa lɔwai; Kebarə yá kwɛlɛ, yələkɔlɔn naa ə ɓo, ɛlɛɛ, ŋą́ kpalo mɛ̨nį kaa yɛ həɠə Yálá pɔ.

Izikiɛ 1:3

Yai-Laa ə hvaa ɉaláá laa həli mun Buzi lon Ezekiɛlə pɔ, Kalde lɔi hu, Kebarə yá kwɛlɛ. Yai-Laa ə ɲee pɛlɛ laa mɛ̨́i.

Izikiɛ 11:1

Yálá nwɔ Kilii ə gbə́ŋə, ə li a ɲą́ą́ Yálá hee pɛlɛ́ gbon yii tii vóló kulɔi pələ, naaləi. Ŋą́ hinąą pow hveelɛ kɔ́w lɔɔli kaa bɛlɛ́ laaləi kwɛlɛ, ŋą́ Azurə lon Yaazania da Benayahu lon Pelatiahu, diɛi kɛ a nuą ɲɛ̨itɔwɔ nuą hveelɛ.

Izikiɛ 3:12

Nąąlɔwai Yálá nwɔ Kilii ə gbə́ŋə; ɛlɛɛ ŋą́ tomą wóó kɛnɛ̨ ta mɛ̨n búlu pələ, woo kɛnɛ̨ ta yɛ mą́ą́: «Mąąwiɛ ə kɛ Yai-Laa kɛnɛ̨ pələ ɓa ɓɛi gaa laa!»

Izikiɛ 3:15

Ŋą́ həli gɔluwɔɠaa diɛ, Tɛlə-Avivə, nuąi ti kɛ Kebarə yá kwɛlɛ di pɔ. Gbala ə tɔɔ, nąą ɓə di həɛ ə kɛ laa. Ŋą́ hvóló mɛ̨ihveelɛ kɛ laa di lɔwai, ŋą́ ɓo lɔ tupɛɛ.

Izikiɛ 37:1

Yai-Laa yee ə yɛɛ mɛ̨́i, nwɔ Kilii ə li a ɲą́ą́ ɓoloon da hu, nąą laa hvɛɛ a nu kɔ́wɠaa.

Izikiɛ 43:5

Yálá nwɔ Kilii ə ɉə́ɠə ə li a ɲą́ą́, gwəli hɛ̨ąi tii ɉu pələ ma, Yai-Laa nwɔ mąąwiɛ aa kɛ bɛlɛ́i tii laa hvɛɛ.

Izikiɛ 8:3

Ə hɛn da hąŋąn yɛ nu yee, ə ɉón a nwún nɛɠa; yili pulu, Yálá nwɔ Kilii ə gbə́ŋə, ə tɛ a ɲą́ą́ yələkɔ́lɔn da lɔi di lɔwai, ə li a ɲą́ą́ Ɉerusalɛmə, bɛlɛ́ laaləii ti naa a ɓo ɉu pələ, ŋą́ kɛ Yálá yee kɔ́nma, gɛ́ gɛɛ ti kaa, ɲɛ̨i həɛ ɲánwuɔ̨ pələ; nąą ɓə doló kulɔ hɛn mąąnįnįn gaa laa; a ɉɛn mąąnįnįn ti a tóló tɛ nu hui.

Gɛlaɠaa 10:16

Di gɛi kɛ kpɔ ti gee mɛ̨i haaɓa, yili pulu, ɉɛn ti ə pənə ə tɛ.

Gɛlaɠaa 8:39

Kulɔi di mo ɲái gu Ną́mu nwɔ Kilii ə Filipə həɠə ə li la, ɛlɛɛ, gbɛtɛgbuwului hvo kɛa ɲɛ̨i tɔɔ mą. Kɛlaa ə mą kɛ ti, gwɛi ə lɛɛ lɔ a nɛ̨ɛ̨ yɛ li.