Izikiɛ 11:17 - Yálá laawoo hɛɓɛ (dc)

¹⁷ 'Mo diɛ, yɛ́ diɛ: Mɛ̨nį kəlee ŋą Hééɓomun Yálá woo ka: ‹Gáá pai ka kulɔi nɔiɠaa hu, gɛɛnąąɠaai tii di ka taɠa-taɠa laa, ŋą́ ka həɠə laa ŋą́ pa a kaa kɛɛnąą tɔ̨nɔ̨ ɓa; yili pulu ŋą́ Israɛlə lɔi tɛɛ ka pɔ.

Yálá laawoo hɛɓɛ

¹⁷ 'Mo diɛ, yɛ́ diɛ: Mɛ̨nį kəlee ŋą Hééɓomun Yálá woo ka: ‹Gáá pai ka kulɔi nɔiɠaa hu, gɛɛnąąɠaai tii di ka taɠa-taɠa laa, ŋą́ ka həɠə laa ŋą́ pa a kaa kɛɛnąą tɔ̨nɔ̨ ɓa; yili pulu ŋą́ Israɛlə lɔi tɛɛ ka pɔ.

Bible

¹⁷ “M̀ɛni ma mò gɔ-sôŋ-ŋai dîa yɛɛi, Ŋ̀wála-wâla kélee Yawɛɛi ǹyɛɛi, ‘Ŋa pâi ká kulai ǹûai sama, ŋá ká kákula ǹɔii-ŋai su ƃɛi kátaa-taai naai ŋá Eezuɛ-lɔii tɛ́ɛ ká pɔ.’

Izikiɛ 11:17 ပူးပေါင်းရင်းမြစ်များ

Mąątɛ̨nɛ̨ 107:3

yɛ di kulɔ lɔi kəlee hu, yɛ di ɲąąkpɔn, diɛ həɠə hvoló həɠəi pələ da dooi pələ, diɛ həɠə ɲá nwuɔ̨ pələ da ɉɛɠɛɛ pələ.

Azaya 60:21

Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.

Ɉeremi 24:5

«Yai-Laa Israɛlə nwɔ Yálá woo ka, yɛ diɛ: Bələi lɔ da di ɲɛ̨i hee la a nɛlɛɛ mɔ́láá ɓá lɛlɛɛɠaa ŋɛ̨i diɛ, bələ lɔ ɓə gáá pai ɲɛ̨́i lɛlɛɛ heei la Ɉuda kɔluwɔɠaa diɛ, diɛi tii ŋį́ di kpɛ gɛɛnąą ŋɛ̨i ɓa, diɛ li Kalde lɔi hu.

Ɉeremi 24:6

Gáá ɲɛ̨́i lɛlɛɛ heei diɛ a wɛlikɛmąąlaa. Gáá pai pənəi ŋį́ pa a diɛ nɔi ŋɛ̨i hu, ŋį́ di tɔɔ, vá kɛa di kala. Ŋą́ di hin, vá kɛa di kulɔ a di nwun.

Ɉeremi 24:7

Gáá pai kili tɛɛi di pɔ, diɛ pɛli gɔ́lɔn ɉii la, diɛ kɛ diɛ: Ɲą́ą́ ɓə gáá a Yai-Laa diɛ ɓo a nwɔ nuą, ɲą́ą́ ɓə a di wɔ Yálá; mąąhɔlɔɓo, da pənə di pa bɔ a di kwəi kwəlɛɛ.»

Ɉeremi 29:10

«Yai-Laa woo ka, yɛ diɛ: Gwɛlan bow mɛ̨ihveelɛi bɛ̨ɛ̨ Babilonə nwuɔ̨, a tɛɛ, ŋą́ ka mąą mɛ̨nį ɲɛ̨i kulɔ, ka pənə ka pa, gɛɛnąą ŋɛ̨i ɓa, ɓɛi ŋį́ naakwɛlanmo kaa, gɛ́ nwóó tii pɔ mɛ̨nį kɛ.

Ɉeremi 3:12

Ɉeremi! Li kani, ə́ wooɠaa ŋɛ̨i ɓo a lolo ɲanwuɔ̨ pələ, yɛ diɛ: Yai-Laa woo ka! Yɛ: Israɛlə, pənə ə́ pa! Yɛ́i yáá nɛ́ɛ́! A tɛ̨ą, ŋį́ kulɔ nwóó ɓa; vá ə́ hɔn ɉee gwə́i! Ɲą́ą́ Yai-Laa nwóó li!

Ɉeremi 3:18

Nąąlɔwai, Ɉuda nuą, da Israɛlə nuą da kpɔn di kee ɓa, di həɠə ɲanwuɔ̨ pələ, di pa di nąnni kwɛlin nɔi hu, yii ŋį́ dɛɛ di pɔ; di hee ɉu a di wɔɔ.

Ɉeremi 30:18

Yai-Laa woo ka: Gáá pai pənəi ŋą́ Ɉakɔbə nwɔ pɛlɛ́ɠaai tɔɔ, gáá nwɔ pɛlɛ́ɠaai mąąwɛli kaai. Di kaa pai pənəi di daaɠaa tɔɔ di kpoloon ŋą. Diɛ bɛlɛ pɔlɔɠaa kəlee tɔɔ ɓɛi di kɛ laa tɔɔni.

Ɉeremi 31:16

Yai-Laa woo ka, yɛ diɛ: Nwoolaa woo aa pɛli ɉu, ka ka laapilɛ, ka ka ɲɛ̨i kələ, ə́ wɔ mɔ̨nɔ̨i vɛla ka; di kaa həɠəi di yowoɠaa pɔɔli diɛ pa. Yai-Laa woo li!

Izikiɛ 20:34

Gɛ́ ka kulɔ a váŋa kɛnɛ̨, a níí holiɛ nuą lɔwai, ɓɛɠaai tii ŋą́ ka taɠa taɠa laai; gɛ́ ka ɲąąkpɔn a nįnɛ̨.

Izikiɛ 20:41

Ŋą́ ɲéé hee ɉaláá kun nɛ̨ɛ̨ɠaa mu, ə mą kɛ, ka kpinį lee. Ŋą́ pa kɛa ka kulɔi nɔiɠaa hu, ɓɛɠaai ka taɠa taɠaa laa, ŋą́ ka kulɔ laa, gɛ́ ka ɲąąkpɔn, bələi mą́ą́həɠɛɛ la, ŋą́ gbaɠala lɛ lɔiɠaa diɛ, a ka hon bələ ɲə́i.

Izikiɛ 20:42

Ka gili kɔ́lɔn kaa kɛ ɲą́ą́ ɓə gáá a Yai-Laa, a pai gáá pai moi a kaa Israɛlə lɔi hu, a nɔi ŋɛ̨i ŋą́ gwɛ́la ɲéé tɛɛ yələi, gɛ́ kɛ ŋą́ dɛɛ ka nąnni pɔ.

Izikiɛ 28:25

«Mɛ̨ni kəlee ŋą Hééɓomun Yálá woo ka; yɛ: Ɲələi gaa pai Israɛlə nwɔ pɛlɛ́i mu nuą kulɔi la nɔiɠaai ŋą́ di taɠa taɠa ɉu di lɔwai, gɛ́ ɲąąkpɔn, gáá pai nɛi lɔiɠaa diɛ, gɛ́ kɛ mą́ą́həɠɛɛi. Di kaa pai kɛi di wɔ lɔi hu, yai ŋą́ dɛɛ nwɔ́ tí mun Ɉakɔbə pɔ.

Izikiɛ 34:11

«Mąąhɔlɔɓo, mɛ̨nįi Mɛ̨nį kəlee ŋą Hééɓomun Yálá kaa moi, ya ka, yɛ: Ɲą́ą́ gbį́nį ɓə pai lii nwɔ́ taatɛlɛɛ kpului kwɛlii, gɛ́ naa hɔn mo.

Izikiɛ 34:13

Gáá pai gulɔi nu huwu takpɛliɠaa lɔwai, gɛ́ di kulɔ lɔiɠaa hu, gɛ́ di ɲąąkpɔn, gɛ́ pənə gɛ́ pa a diɛ di wɔ lɔi hu. Gáá pai di laa hɔnmoi lííla kala tiliin mɛ̨i, Israɛlə yeeɠaa nwuɔ̨, yee lɔwai lɔiɠaa hu; ɓɛɠaai kpɔ nu kaa laa nɔi hu.

Izikiɛ 36:24

«Gáá pai ka həɠəi lɔiɠaa hu, gɛ́ ka ɲąąkpɔn a ka kulɔi ŋą́ mo lɔi kəlee hu, gɛ́ pənə gɛ́ pa a kaa, ka wɔ lɔi mɛ̨i.

Zakari 8:7

Yai-Laa Mɛ̨nį Kəlee ŋą Hééɓomun nwoo ka, yɛ diɛ: A tɛ̨ą, gáá pai nwɔ́ nu huwui nwun mąąɓoi, yiiɠaai hvoló ɓɛlai bələ, da yiiɠaai hvóló tooi bələ.

Dutɛrɔnome 30:3

Nąąlɔwai, Yai-Laa ka wɔ Yálá a ka wɔ yɛnɛ̨ɛ̨ ɲɛ̨ilaa mąąhvalin, ə nwɔ liinɛɛ gwəi laa lɛ kaa. Nɔiɠaa kpɔ tii ə ka taɠa taɠa ɉu, a pənə ə ka kulɔ laaɠaa, ə ka ɲąą kpɔn nwɔ̨nɔ̨.