Izikiɛ 10:4 - Yálá laawoo hɛɓɛ (dc)

⁴ Yai-Laa nwɔ mąąwiɛ ə tɛ ŋələi pələ, mąąkpɛ malaka nwun mɛ̨i bɛlɛ́ laaləi pələ. Bɛlɛ́ laa ə hvɛɛ a tulɔ kpinįn, ɛlɛɛ, ɓɛi nuą da hee laa, Yai-Laa nwɔ mąąwiɛ nwɔ kɛɛ pɔ̨nɔ̨ ə naa laahvɛɛ.

Yálá laawoo hɛɓɛ

⁴ Yai-Laa nwɔ mąąwiɛ ə tɛ ŋələi pələ, mąąkpɛ malaka nwun mɛ̨i bɛlɛ́ laaləi pələ. Bɛlɛ́ laa ə hvɛɛ a tulɔ kpinįn, ɛlɛɛ, ɓɛi nuą da hee laa, Yai-Laa nwɔ mąąwiɛ nwɔ kɛɛ pɔ̨nɔ̨ ə naa laahvɛɛ.

Bible

⁴ Yâwɛɛ ŋɔfólo-laai è nâa kùla ŋ̀âla-taa kôoŋ-sãai mɛi é lí bɛ́rɛi lá-ƃerei. Ŋ̀ele-kɔ̂lɔŋ kolei è bɛ́rɛi láa fɛ̀ɛ. Yâwɛɛ ŋɔfólo-laai é Ŋ̀âla-pɛrɛ Kɛ́tɛi ŋɔsiɣãŋ láa fɛ̀ɛ.

Izikiɛ 10:4 ပူးပေါင်းရင်းမြစ်များ

Lɛɛ gbɔwɔ ɓa 40:34

Túlɔ kpinįn ə pɛlɛ gee kaa kələ mɛ̨i, Yai-Laa nwɔ mąąwiɛ ə bɛlɛ́ laa hvɛɛ.

Lɛɛ gbɔwɔ ɓa 40:35

Moisə hvo kɛi pɛli lɔi gee kaa kələ mu, mąąhɔlɔɓo, túlɔ kpinįn ə kɛ bɛlɛ́n, aa naa hvɛɛ a Yai-Laa nwɔ mąąwiɛ.

Azaya 6:1

Gwɛlan tii tɔɔmun Oziasə ə haa la, ŋį́ Ną́mu kaa hįį pələ, ə kɛ heeni tɔɔkpəlin mɛ̨i, mɛ̨i kwɛa. Mąą həɠəɠaa wəli ə Yálá hee pɛlɛ́ laa hvɛɛ.

Izikiɛ 1:28

Ə kɛ yɛ gbəimiliin, yai a laa tulɔ kpinįn dɔwɔ, a tulɔ pu yələ. Gɛɛ pɔ̨nɔ̨i tii kɛ naa kwɛlɛ kəlee, gɛ pələ ka tii kɛ. Yai-Laa nwɔ mąąwiɛ gulɔ mąą, da gɛ pələ ka tii kɛ; ŋą́ nąą kaa, ŋą́ pɛlɛ níí ɓa, nɔi ɓa, ŋą́ woo ta mɛ̨n yɛ pələ ɓo mą́ą́.

Izikiɛ 10:18

Yai-La nwɔ mąąwiɛ ə muhəɠə Yálá hee pɛlɛ́ laaləi, ə tɛ ɲələi pələ ə tɔɔ mąąkpɛ malakaɠaa nwun mɛ̨i.

Izikiɛ 43:2

Ŋą́ Israɛlə nwɔ Yálá nwɔ mąąwiɛlaa kaa, yɛ həɠə voló kulɔi pələ, yɛ pa a din gɛnɛ̨ɛ, yɛ ya hvɛɛ tin. Lɔi mɛ̨i ə pɔ̨nɔ̨ a nwɔ mąąwiɛlaa.

Izikiɛ 43:5

Yálá nwɔ Kilii ə ɉə́ɠə ə li a ɲą́ą́, gwəli hɛ̨ąi tii ɉu pələ ma, Yai-Laa nwɔ mąąwiɛ aa kɛ bɛlɛ́i tii laa hvɛɛ.

Izikiɛ 44:4

Nui tii ə nɔ́ voló ɓɛlai pələ pɛlɛ́ laaləi; bɛlɛ́ ɲɛ̨i lɛlɛɛ kɛɛnąą pələ. Ŋą́ ɲɛ̨i hee, ŋą́ Yai-Laa Mąąɲinɛ̨n gaa, aa kɛ Yai-Laa nwɔ pɛlɛ́i laa hvɛɛ, ŋą́ pɛlɛ nɔi ɓa, nííɓa.

Izikiɛ 9:3

Israɛlə nwɔ Yálái mąąɲinɛ̨n ə tɛ ɲələi pələ, mąąkpɛ malakaɠaa ti ə kɛ mɛ̨i a bɔlɔ pɔlɔ, yili nwun mɛ̨i pələ, yɛ li Yálá hee pɛlɛ́ laaləi pələ; ɉəɠə kwəlɛɛ nąmui ti ɉɛɓɛ́ kpɔw ə kɛ nwɔ hąmą yili kɔ́lɔi ɓa, ə yili təli.

Egaa 2:9

Ɲą́ą́ Yai-Laa Mɛ̨nį Kəlee ŋą Hééɓomun ɉéé pɛlɛ́ nįnɛ̨i ŋɛ̨i, nwɔ mąąwiɛ kaa pai kɛnɛ̨i ə tɛɛ la dɔlɔɔ ɓa. Ɲą́ą́ Yai-Laa Mɛ̨nį Kəlee ŋą Hééɓomun, ɲą́ą́ ɓə mįnɛ̨ həɠə kaa, gɛ́ kaa: Gɛɛnąą ŋɛ̨i ɓa ɓə, ka káá pai liilaa hɔlɔɓoi laa.»

Lonon mo 16:19

Kore ə nuą kəlee ɲąąkpɔn gwɛlɛ, gee kaa kələ laaləi. Nąąlɔwai, Yai-Laa nwɔ mąąwiɛ ə gbɔwɔ lɛ nu kəlee ɓa.

M̀ɛni-lɛɛi 15:8

Ɛlɛɛ, Yálá hee pɛlɛ́ laa ə hvɛɛ a lulu, Yálá nwɔ mąąwiɛlaa, da ŋą yəi kɛnɛ̨laa mąą mɛ̨nį ɓa. Ɛlɛɛ, nui lɔpee ta hva pɛli kɛ lɔi yálá hɛlɛ́n, ə lɛɛ ɉu, mɔ̨nɔ̨ mɛ̨ihveelɛi tii malaka mɛ̨ihveelɛi tii yəi, bɔ mɛ̨nį ə kɛ.