Izikiɛ 10:18 - Yálá laawoo hɛɓɛ (dc)

¹⁸ Yai-La nwɔ mąąwiɛ ə muhəɠə Yálá hee pɛlɛ́ laaləi, ə tɛ ɲələi pələ ə tɔɔ mąąkpɛ malakaɠaa nwun mɛ̨i.

Yálá laawoo hɛɓɛ

¹⁸ Yai-La nwɔ mąąwiɛ ə muhəɠə Yálá hee pɛlɛ́ laaləi, ə tɛ ɲələi pələ ə tɔɔ mąąkpɛ malakaɠaa nwun mɛ̨i.

Bible

¹⁸ Nya ƃe Yâwɛɛ ŋɔfólo-laai è nâa kùla Ŋ̀âla-pɛrɛ Kɛ́tɛi lá-ƃerei é tɛ́ goôŋ-sãai mɛi pêre.

Izikiɛ 10:18 ပူးပေါင်းရင်းမြစ်များ

Zɛnɛse 3:24

Ɓɛlɔwai kɛa Yálá ə nu kpɛ la Edɛn ɲɛa, Ə nɛɛ mą ə, mąąkpɛ malakaɠaa tɔɔ bələ nwun na, ɓɔwa kwɛa yɛ ɓo di yəi, yɛ nwɔ̨n, diɛ ɲɛnɛ̨ɛ̨ kɛ wului tii mąąkpɛ la.

Tɔɔɓɛlaa veelɛ 2:11

Di kɛɛ líi, diɛ mɛ̨nįi tii ɓo, wotolo tɔ̨nɔ̨, da hooɠaa di ɓo a nwɔ̨n, di kulɔ, di Eli da Elise di ɓɛlaɓo, ɉigilin ə Eli həɠə yɛ tɛ la yələkɔlɔn ɉu.

Mąątɛ̨nɛ̨ 18:10

Yai-Laa ə yələkɔlɔn da wolo kpinįn gɛ, ə tɛɛ laa, ə hvilɛn tulɔ kpinįn gɛnɛ̨ɛ̨ yɛ ɓo gɔwɔ mu.

Mąątɛ̨nɛ̨ 18:11

Ə kɛ heeni mąąkpɛ malaka ta mɛ̨i, yɛ koon yɛ li vaŋą lii pələ kəlee.

Mąątɛ̨nɛ̨ 99:1

Yai-Laa kaa a Heeɓomun, yɛnɛ̨ɛ̨ nuą 'ka ɲɔw mą! Gaa heenin mąąkpɛ malakaɠaa nwun mɛ̨i pələ. Lɔi ə tɔɔ takpa takpa.

Ɉeremi 6:8

«Ɉerusalɛmə, ə́ yee hee niɛwoo mu. A wala kɛ tii, gwa yɛ́ hvəi kɛa gu tɔɔ! Ŋą́ ə́ mąą pənə a mąąwɛli lɔi, a lɔi kpoloo.»

Izikiɛ 28:14

Ə́ kɛ a mąąkpɛ malaka, yɛ́ lən; ŋą́ ə́ kɛ a nuą mąąkpɛ mun, ə́ kɛ Yálá nwɔ yéé mąąhəɠɛɛ nwuɔ̨, yɛ́ li, yɛ́ pa nwɔ̨n nən ɉąą.

Izikiɛ 41:16

Ɓɛlɛ́ laaləi, da bɛlɛ́ woloɠaai kwɛli hɛan bilɛɛ laa, da nwoloɠaa mąątínɛ̨n ŋąą la bələ haaɓai ɓa, yɛ li la bɛlɛ́ laaləi, sehifə wulu ə kɛ laa; ə həɠə bɛlɛ́ laaləi nɔi ɓa, ə həli la bɛlɛ́ woloɠaa diɛ, bɛlɛ́ woloɠaa kpɛli mɛ̨i kɛɛ kɛ.

Izikiɛ 43:2

Ŋą́ Israɛlə nwɔ Yálá nwɔ mąąwiɛlaa kaa, yɛ həɠə voló kulɔi pələ, yɛ pa a din gɛnɛ̨ɛ, yɛ ya hvɛɛ tin. Lɔi mɛ̨i ə pɔ̨nɔ̨ a nwɔ mąąwiɛlaa.

Izikiɛ 8:6

Yɛ nwɔ̨nɔ̨ mą́ą́: «Hulɔnu lon, mɛ̨nįi di kaa gɛi ə́ kaa nąą kaai? A gili kpɛɛ gwəi mɛ̨nį kpɛa kpɛaɠaai Israɛlə nwɔ pɛlɛ́i kaa gɛi ɓɛ, yáá gaa? Yili ɓə aa gúlɔ ɲə́i bɛlɛ́n. Ə́ kaa pai ɓowo mɛ̨nį kpɛa kpɛa takpɛliɠaa kaai nwɔ̨nɔ̨.»

Osia 9:12

Di mąn lɛapɛlɛɛ kulɔ ɉu, ŋą́ di hvɛɠɛ nɛapɛlɛɛi tii hu, di nu kɛɛ tɔwɔ. A tɛ̨ą, ŋą́ pa həɠəi di pɔ, di kaa pai mɔ̨nɔ̨ mįi.

Nwun mąąɓo 19:27

Yələwala pɔ, ɉilɛ ə bɛlɛ́ laa ɓo, ə gɛ də li, ɉulɔnui ə nɛ̨ą kaa too ni bɛlɛ́ laaləi.