Izikiɛ 10:17 - Yálá laawoo hɛɓɛ (dc)

¹⁷ Mąąkpɛ malakaɠaa da tɔɔ kɛ, diɛ kpɛli mąn da tɔɔ. Da kɛi nwɔ̨nɔ̨ tɛ, da diɛni di kɛi tɛ, mąąhɔlɔɓo ɉɛn vulúmąą kili ə kɛ di hu.

Yálá laawoo hɛɓɛ

¹⁷ Mąąkpɛ malakaɠaa da tɔɔ kɛ, diɛ kpɛli mąn da tɔɔ. Da kɛi nwɔ̨nɔ̨ tɛ, da diɛni di kɛi tɛ, mąąhɔlɔɓo ɉɛn vulúmąą kili ə kɛ di hu.

Bible

¹⁷ À kɛ̀ goôŋ-sãai da kpèra da tɔ̀ɔ, gáraŋ-ŋai dia máŋ da kpêra dítɔɔ. À kɛ̀ da tɛ̀ ŋ̀elei su, gáraŋ ŋai dia máŋ da tɛ̂ ŋ̀elei su. Kpɛ́ni fêi ŋ̀âla-taa kôoŋ-sãai dímɔ̂leŋ è kɛ̀ gáraŋ-ŋai mɛi.

Izikiɛ 10:17 ပူးပေါင်းရင်းမြစ်များ

Zɛnɛse 2:7

Nąąlɔwai ɓə Yai-Laa ə nu pɛli la a pɔlɔ, ə yɛnɛ̨ɛ̨ kɛ hvaŋą pu ɉunwɛ̨i, nu ə kɛ a hɛn vulúmąą.

Izikiɛ 1:12

Di tɛitɛi di ɲɛ̨i haŋąą kɛ di ɲɛ̨i tɔwɔ diɛ li. Di kɛi li ɓɛ pələi kili ə kɛi di tənən dɔɔ la, di hvo kɛi hiɛ di hɛŋɛnɛn ma, di hvo kɛi di pulu kaa.

Izikiɛ 1:5

Ŋą́ hɛn vulúmąą nąąn gaa ɉąąi, di kɛ pələ ka: Di kulaa kɛ nuą diɛ,

Izikiɛ 10:16

Mąąkpɛ malakaɠaa da kɛi hiɛ, nwotolo kɔ́wɔɠaa di kɛi hiɛ di kwɛlɛ; mąąkpɛ malakaɠaa da kɛi di koonŋaa laaɓo diɛ tɛ yələi pələ, nwotolo kɔ́wɔɠaa di hvo kɛi lɛɛ pulu; kɛlaa di kɛi lɔ lɛɛ di kwɛlɛ.

Izikiɛ 3:13

Yili pulu ɉɛn vulúmąąɠaa koonŋaa tin di kɛi hee di kee ɓa, da ɉɛn giliɠilin gɛɛɠaa tin, tin da yɛ tɔɔ lɔ nwɔ̨nɔ̨ da tomą woo ta.

Lomaŋ 8:2

Mąąhɔlɔɓo, Kili nwɔ tɔ́n a yɛnɛ̨ɛ̨ tɛɛ nu pɔ Jesus Kristə hu, aa nwún mąąɓo nɛ̨ŋɛ̨n da haa di yəi.

M̀ɛni-lɛɛi 11:11

Kɛlaa, voló haaɓa da gbulɔi tii a kulɔ ɉu, yɛnɛ̨ɛ̨ kɛ hvaŋą a həɠə Yálá-taa ə pu diɛ, ɛlɛɛ, di haŋąn di tɔɔ. A kɛ lɔ tii, nuąi kɛli di kaa, ɲɔw kɛnɛ̨ ta a di hon.