Izikiɛ 1:3 - Yálá laawoo hɛɓɛ (dc)

³ Yai-Laa ə hvaa ɉaláá laa həli mun Buzi lon Ezekiɛlə pɔ, Kalde lɔi hu, Kebarə yá kwɛlɛ. Yai-Laa ə ɲee pɛlɛ laa mɛ̨́i.

Yálá laawoo hɛɓɛ

³ Yai-Laa ə hvaa ɉaláá laa həli mun Buzi lon Ezekiɛlə pɔ, Kalde lɔi hu, Kebarə yá kwɛlɛ. Yai-Laa ə ɲee pɛlɛ laa mɛ̨́i.

Izikiɛ 1:3 ပူးပေါင်းရင်းမြစ်များ

Tɔɔɓɛlaa dɔlɔɔ 18:46

Eli ə ɉąą yili, Yai-Laa ə ɲee pɛlɛ mɛ̨i, ə tɛɛ Akabə tɔwɔ a gilɛ, ə lɛɛ la ɉu, di li di həli Izreɛlə.

Tɔɔɓɛlaa veelɛ 3:15

Yɛ diɛ, 'ka hvɛli kɛmun dɔ̨nɔ̨ təli ə pa.» Yii kɛa vɛli kɛmun ə kɛi vɛli kɛ, Yai-Laa yee ə yɛɛ Elise mɛ̨i;

Mąątɛ̨nɛ̨ 137:1

Ku kɛɛ ɓɛlii, Babilonə yáɠaa kwɛlɛ, ku həɛi kɛ, kuɔ wɔlɔ, kuɔ ku kiliŋąhiɛ kuɔ vilɛn Siɔn ɓa.

Ɉeremi 1:2

Yai-Laa ə gwəi mɛ̨nį ɓo Ɉeremi ɓa, Amɔn lon Ɉosiasə nwɔ tɔɔlaa gwɛlan bow kɔ́w haaɓa lɔwai, Ɉuda lɔi hu nwun na.

Ɉeremi 1:4

Yai-Laa ə pə́lə́ ɓo mą́ą́, yɛ mą́ą́:

Ɉeremi 29:15

«Ka káá kɛi diɛ: A tɛ̨ą, Yai-Laa aa gwəi mɛ̨nį hukulɔ nuą tɛɛ ku pɔ Babilonə.

Izikiɛ 1:1

Gwɛlan bow haaɓa ɲąnin nąąn naa nwɔ hvóló nɔɔli yələ, ŋą́ kɛ gɔ́ luwɔɠaa lɔwai; Kebarə yá kwɛlɛ, yələkɔlɔn naa ə ɓo, ɛlɛɛ, ŋą́ kpalo mɛ̨nį kaa yɛ həɠə Yálá pɔ.

Izikiɛ 10:15

Mąąkpɛ malakaɠaa di tɛ yələi pələ; ɉɛn vulúmąąi ŋą́ gaa Kebarə yá-kwɛlɛ, yaa li kɛ.

Izikiɛ 12:13

Gáá pai hɛlɛn dɛi dɔwɔ, gaa pai kɔ́i a nwɔ́ hɛlɛn; gáá pai lííla Babilonə, Kalde lɔi hu. Gaa pai haai nɔi tii hu, ɛlɛɛ yaan hva kɛa pənə hvo ɲɛ̨i tɔɔi mą.

Izikiɛ 3:14

Yálá nwɔ Kilii ə gbə́ŋə́ nwɔ̨nɔ̨ ə li a ɲą́ą́ nąąlɔwai; ŋą́ kɛi li, níí ɲąą nwąnąą gwə́i, níí holiɛ kɛ, Yai-Laa yee pɛlɛɛi kɛ mɛ̨́i kpɔ a nwala wala.

Izikiɛ 3:15

Ŋą́ həli gɔluwɔɠaa diɛ, Tɛlə-Avivə, nuąi ti kɛ Kebarə yá kwɛlɛ di pɔ. Gbala ə tɔɔ, nąą ɓə di həɛ ə kɛ laa. Ŋą́ hvóló mɛ̨ihveelɛ kɛ laa di lɔwai, ŋą́ ɓo lɔ tupɛɛ.

Izikiɛ 3:22

Nąąlɔwai Yai-Laa yee ə kɛ lɔ nwɔ̨nɔ̨ mɛ̨́i; yɛ mą́ą́; «'Ə́ muhəɠə, 'li, ɲɛɛkɔwɔ hu, ŋą́ mɛ̨nį ɓo laa yɛ́.»

Izikiɛ 3:23

Ŋą́ múhəɠə, ŋą́ li ɲɛɛkɔwɔ hu; Yai-Laa mąąɲįnɛ̨n ə kɛ laa, lɔ yɛ bələi, ŋą́ mąąɲįnɛ̨n gaa la Kebarə yá kwɛlɛ; ŋą́ pɛlɛ nííɓa, nɔi ɓa.

Izikiɛ 33:22

Ɲələi tii bu mun tii ə paa la, mąąyíi yələ, yələ wulii pɔ, Yai-Laa ə nwɔ ə ɲee laa mɛ̨́i, ɓɛlɔwai nui tii ə həɠə la bɔ́ɔ́li yələwala pɔ; náá ə hvaa, və́ kɛa kɛ a muugbɛ.

Izikiɛ 37:1

Yai-Laa yee ə yɛɛ mɛ̨́i, nwɔ Kilii ə li a ɲą́ą́ ɓoloon da hu, nąą laa hvɛɛ a nu kɔ́wɠaa.

Izikiɛ 40:1

Ku wɔ luwɔlaa gwɛlan bow hveelɛ gɔw lɔɔli kpala tɔɔi lɔwai, ɲąnin nwɔ hvóló pow yələ, daa hon ŋąą a kɔ́, gwɛlan bow gɔw nąąn dɛɛ pulu, Yai-Laa yee ə yɛɛ mɛ̨i, ə li a ɲą́ą́ daa kpoloon ŋą.

Izikiɛ 43:3

Ə kɛ yɛ nu a kɛli hį́i kaa, yɛ ɉį́i tii ta ŋą́ gaa; a yii tii ŋą́ gaa ɓɛlɔwai ə paa la daa woloi. Ɉį́iɠaai tii kulaa kɛ, yii ta ŋą́ gaa Kebarə yá kwɛlɛ mą. Nąąlɔwai, ŋą́ pɛlɛ níí ɓa.

Izikiɛ 8:1

Gwɛlan mɛ̨ida nwɔ ɲąnin mɛ̨ida nąn ŋą hvóló lɔɔli yələ; ŋį́ kɛ heeni ɲə́i bɛlɛ́n, Ɉuda kalanɉonŋąą di ɓo heeni níí la, Yai-Laa ə ɲee pɛlɛ mɛ̨́i.

Danîa 10:4

Ɲąnin dɔlɔɔ nwɔ hvóló pow hveelɛ kɔ́w nąąn ɲələ, ɲa lee kɛnɛ̨i ŋɛ̨i da kɛ naa ɓaa: Tigrə, ŋą́ kɛ gwɛlɛ.

Osia 1:1

Mɛ̨nįi Yai-laa ə mo Beeri lon Ose ɓa, ɓɛlɔwai Oziasə, Yotamə, Akazə da Ezekiasə di kɛ la a Ɉuda tɔɔɓɛlaa; ɛlɛɛ, Ɉoasə lon Ɉeroboamə ə ɓo a Israɛlə tɔɔmun.

Zooɛ 1:1

Yai-Laa wooi həli Petuɛlə lon Ɉoɛlə ɓa ya ka:

Timote dɔlɔɔ 4:1

Yálá nwɔ Kilii a mo kpɔ a neelee yɛ, vóló gbɛla mąąɠaa ŋɛ̨i hu, nu tamąą kaa pai laa na pələ lɛɛi, diɛ hvilɛn di ɓowo nuą woo pulu, ɛlɛɛ da kalan ɉuwuɠaai a həɠə ɲinɛ̨nŋaa pɔ;

Piɛrə veelɛ 1:21

Mąąhɔlɔɓo, nu lɔpee ta nwɔ kiliŋąhiɛ hva pɛli hvo mɛ̨nį lɛɛ kwɛala hvo mo gbɔwɔ ɓa, kɛlaa, Kili-Mąąhəɠɛɛ ɓə kɛli nuą kilaa pono, diɛ mąą mɛ̨nį ɓo.