Izikiɛ 1:1 - Yálá laawoo hɛɓɛ (dc)

¹ Gwɛlan bow haaɓa ɲąnin nąąn naa nwɔ hvóló nɔɔli yələ, ŋą́ kɛ gɔ́ luwɔɠaa lɔwai; Kebarə yá kwɛlɛ, yələkɔlɔn naa ə ɓo, ɛlɛɛ, ŋą́ kpalo mɛ̨nį kaa yɛ həɠə Yálá pɔ.

Yálá laawoo hɛɓɛ

¹ Gwɛlan bow haaɓa ɲąnin nąąn naa nwɔ hvóló nɔɔli yələ, ŋą́ kɛ gɔ́ luwɔɠaa lɔwai; Kebarə yá kwɛlɛ, yələkɔlɔn naa ə ɓo, ɛlɛɛ, ŋą́ kpalo mɛ̨nį kaa yɛ həɠə Yálá pɔ.

Bible

^1-3 Ńyãa Izikiɛ, ŋ́gaa a sâla láa-soŋ nûu. Ńâŋ láa ƃa Buzi. Tãi kwa ḿarâa kɔ-soŋ-ŋai kú wɔ́lɔ kɛ̀ la Siƃa Ya-leei kɔlɛi, Ɣâla è lòno ḿbɔ. È kɛ̀ a kúkɛɛ gɔ-soŋ perei sui ŋɔkóraŋ buu-saaƃai, ŋɔŋáloŋ ǹáaŋ ŋɔfólo lɔ́ɔlu ɣele. Góraŋ ŋí ƃé Gâloŋ Zɛoasiŋ kɛ̀ la a kóraŋ lɔ́ɔlu gɔ-sôŋ laai su. Tãi ŋí ƃé ŋ̀ele-kɔlɔŋ láa è ƃò la ŋá zĩ̂a-ŋa káa gɛ́ pìlaŋ Ɣâla ma. Tãi ŋí yée mu, kúkɛ Siƃa Ya-leei kɔlɛ Babelɔŋ lɔii su. Yâwɛɛ è kɛ̀ ḿbôlu a m̀aa tãi tí.

Izikiɛ 1:1 ပူးပေါင်းရင်းမြစ်များ

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Zɛnɛse 46:2

Mąą kpinįi tii hu, Yálá ə Israɛlə təli a naa, hįį pələ, ə pələ ɓo mą, yɛ mą: «Ɉakɔbə! Ɉakɔbə!» Ɉakɔbə ə hvaa, yɛ mą: «Nwə́li tɔɔi!»

Mąątɛ̨nɛ̨ 137:1

Ku kɛɛ ɓɛlii, Babilonə yáɠaa kwɛlɛ, ku həɛi kɛ, kuɔ wɔlɔ, kuɔ ku kiliŋąhiɛ kuɔ vilɛn Siɔn ɓa.

Lɛɛ gbɔwɔ ɓa 24:10

Di Israɛlə nwɔ Yálái kaa, gɔwɔ mu ə kɛi lən yɛ da diamąn pɛlɛ laa, dɛɠiɛ yɛ yələkɔlɔn.

Azaya 1:1

Ɉįi Amɔsə lon Esai ə gaa yɛ hvilɛn na Ɉuda nu huwu ɓa, da Ɉerusalɛmə taa, ɓɛlɔwai Oziasə, Yotamə, Akazə, da Ezekiasə ni di kɛi tɔɔlaa kɛ la Ɉuda lɔi hu.

Azaya 6:1

Gwɛlan tii tɔɔmun Oziasə ə haa la, ŋį́ Ną́mu kaa hįį pələ, ə kɛ heeni tɔɔkpəlin mɛ̨i, mɛ̨i kwɛa. Mąą həɠəɠaa wəli ə Yálá hee pɛlɛ́ laa hvɛɛ.

Ɉeremi 29:15

«Ka káá kɛi diɛ: A tɛ̨ą, Yai-Laa aa gwəi mɛ̨nį hukulɔ nuą tɛɛ ku pɔ Babilonə.

Izikiɛ 1:3

Yai-Laa ə hvaa ɉaláá laa həli mun Buzi lon Ezekiɛlə pɔ, Kalde lɔi hu, Kebarə yá kwɛlɛ. Yai-Laa ə ɲee pɛlɛ laa mɛ̨́i.

Izikiɛ 10:1

Dulɔ kpinįn tii kɛ mąąkpɛ malakaɠaa nwun mɛ̨i, ŋą́ nąą kaa, hɛn da ə kɛ laa yɛ Kúwɔ́-kwɛni kɛ pələ; hɛn da ə ɓo yɛ tɔɔkpəlin gɛ pələ.

Izikiɛ 10:10

Di nąąn tii, di kəlee di kɛ pələ ə kɛ lɔ tanɔ̨n; di pili-pilɛɛ kɛ gee hu.

Izikiɛ 10:15

Mąąkpɛ malakaɠaa di tɛ yələi pələ; ɉɛn vulúmąąi ŋą́ gaa Kebarə yá-kwɛlɛ, yaa li kɛ.

Izikiɛ 10:20

Ɉɛn vulúmąąɠaai tii ta ŋą́ di kaa Israɛlə nwɔ Yálái mu Kebarə yá kwɛlɛ, diɛ li kɛ; ɛlɛɛ ŋą́ gili kɔ́lɔn gɛ́ kɛ mąąkpɛ malakaɠaa li kɛ.

Izikiɛ 10:22

Di ɲɛ̨ilai gulaa kɛ ɲɛ̨ilaiŋaai tii ŋą́ di kaa Kebarə yá kwɛlɛ di kɛ pələ ɓa. Di kəlee di kɛi li di ɲɛ̨i tɔwɔ pələ.

Izikiɛ 11:24

Yálá nwɔ Kilii ə gbə́ŋə́ nwɔ̨nɔ̨, ə li a ɲą́ą́ Kalde, gɔ́luwɔɠaa pɔɔli, yili kəlee ə kɛ kwɛlɛɛn gɛɛkaa hu, a Yálá nwɔ Kilii kɛ mɛ̨nį. Yili pulu, gwɛlɛɛn gɛɛ tii ŋį́ kɛli gaa, ə həɠə ɲɛ̨́i.

Izikiɛ 3:15

Ŋą́ həli gɔluwɔɠaa diɛ, Tɛlə-Avivə, nuąi ti kɛ Kebarə yá kwɛlɛ di pɔ. Gbala ə tɔɔ, nąą ɓə di həɛ ə kɛ laa. Ŋą́ hvóló mɛ̨ihveelɛ kɛ laa di lɔwai, ŋą́ ɓo lɔ tupɛɛ.

Izikiɛ 3:23

Ŋą́ múhəɠə, ŋą́ li ɲɛɛkɔwɔ hu; Yai-Laa mąąɲįnɛ̨n ə kɛ laa, lɔ yɛ bələi, ŋą́ mąąɲįnɛ̨n gaa la Kebarə yá kwɛlɛ; ŋą́ pɛlɛ nííɓa, nɔi ɓa.

Izikiɛ 40:2

Ə kɛ yɛ hį́i pələ, Yálá ə li a ɲą́ą́ Israɛlə lɔi hu, ə vílɛn yee tɔɔ ta ton na, ɲeei tii mɛ̨i ɉɛɠɛɛ pələ, ə kɛ yɛ pɛlɛ́ɠaa da kɛ laa a taa kɛ pələ.

Izikiɛ 43:3

Ə kɛ yɛ nu a kɛli hį́i kaa, yɛ ɉį́i tii ta ŋą́ gaa; a yii tii ŋą́ gaa ɓɛlɔwai ə paa la daa woloi. Ɉį́iɠaai tii kulaa kɛ, yii ta ŋą́ gaa Kebarə yá kwɛlɛ mą. Nąąlɔwai, ŋą́ pɛlɛ níí ɓa.

Izikiɛ 8:3

Ə hɛn da hąŋąn yɛ nu yee, ə ɉón a nwún nɛɠa; yili pulu, Yálá nwɔ Kilii ə gbə́ŋə, ə tɛ a ɲą́ą́ yələkɔ́lɔn da lɔi di lɔwai, ə li a ɲą́ą́ Ɉerusalɛmə, bɛlɛ́ laaləii ti naa a ɓo ɉu pələ, ŋą́ kɛ Yálá yee kɔ́nma, gɛ́ gɛɛ ti kaa, ɲɛ̨i həɛ ɲánwuɔ̨ pələ; nąą ɓə doló kulɔ hɛn mąąnįnįn gaa laa; a ɉɛn mąąnįnįn ti a tóló tɛ nu hui.

Osia 12:10

Kɛlaa, ɲą́ą́ nwɛ́i, ɲą́ą́ Yai-Laa, ə́ wɔ Yálá ɓaa a ɲą́ą́, ə həɠə Eziptə lɔi hu, ə həli la yiihu ɓa. Gáá pai pənəi ŋį́ ə́ lɔ ə́ wɔ həɠə pɛlɛ́ɠaai mu, yɛ bələi ə kɛ la, a ɲələi tii, gwa kaani gu gu kee kaa la.

Lonon mo 12:6

Yɛ diɛ: «Ka ka wəli tɔɔ nwóó ɓa. Nu ta a kɛ ka lɔwai a gwə́i mɛ̨nį hukulɔ mun, ɲą́ą́ Yai-Laa, ŋą́ gbɔ́wɔ́ lɛ hįį pələ, gɛ́ mɛ̨nį ɓo mą.

Lonon mo 4:3

nuąi di kaa kwɛlan gaa pow haaɓa, yɛ həli pow lɔɔli pɔ, diɛi da pɛli kɛi a tínuą gee kaa kələ mu.

Maafîu 17:9

Di kɛɛ kɛa ɲee yɛɛi, Jesus ə mo diɛ yɛ diɛ: «Gɛɛ ŋɛ̨i ka gaa, ka hvo bələ ɓo nui lɔpee ta ɓa ə lɛɛ la ɉu Nu Lon ə nwun ə kulɔ haa ɓɛlaa lɔwai.»

Maafîu 3:16

Jesus mąąwaa pulu, gɛɛ kulɔi ɲai, nąąlɔwai, yələkɔlɔn naa ə ɓo, Yálá nwɔ Kilii ə yɛɛ ə hee mɛ̨i, yɛ tonwələn.

Markə 1:10

Ɓɛlɔwai Jesus ə kulɔ ɲái, ŋąąɓa, yələkɔlɔn naa ə ɓo, Kili-Mąąhəɠɛɛ ə yɛɛ mɛ̨i yɛ tonwələn.

Lukə 3:21

Ɉaan ə nu kpului tii mąąwaa lɔ, ə Jesus yaa kpɛli mąąwaa. Ɓɛlɔwai ə kɛi Yálá hvɛli la, yələkɔlɔn nąą ə ɓo;

Lukə 3:23

Jesus kaa kwɛlan ə kɛ pu-haaɓa ɓɛlɔwai ə nwɔ kolói kɔ́wɔ tɔɔ la. Yɛ bələi nuą di wɔ kiliŋąhiɛ ə kɛ la, diɛ kɛ mą: nąn ma kɛ a Ɉosɛfə, Ɉosɛfə yaa nąn ma kɛ a Heli.

Ɉaan 1:51

Jesus ə pənə ə mo yɛ mą: «A tɛ̨ą kpɔ-kpɔ gáá moi kaa, ka káá pai kɛi yələkɔlɔn gaai naa ɓoɔ, Yálá nwɔ malakaɠaa diɛ tɛ diɛ yɛɛ Nu Lon mɛ̨i.»

Gɛlaɠaa 10:11

Ə yələkɔlɔn gaa naa ə ɓo, hɛn da ə həɠə laa, yɛ yɛɛ, yɛ ɓo yɛ kpɔlɔ kɛnɛ̨ yɛli nąąn gbulɔn ŋąą mą, yɛ yɛɛ nɔi ɓa.

Gɛlaɠaa 10:3

Yələ ta, hvóló mąąlaa, ə malaka ta kaa a mąą ponɔɔ, ə lɔ ɲəi bɛlɛ́n, ə dəli, yɛ mą: «Kɔrnɛyɛ!»

Gɛlaɠaa 7:56

yɛ diɛ: «'Ka ɓɛ kaa, gáá yələkɔlɔn gaai naa ɓoɔ, Nu Lon ə ɓo tɔɔni Yálá yee lɛlɛɛ mɛ̨i pələ.»

Korɛntə veelɛ 12:1

Hvo kɛli mɔ̨ɔ̨ nu ə gbɔwɔ ɲąą kɛnɛ̨, ya pa, hɛn da hvo ɉu! Ɛlɛɛ yaan, gwɛlɛɛn gɛɛɠaai da mɛ̨nįɠaai gu Nąmu ə di lɛ mą́ą́i, ŋą́ą́ həli diɛ.

M̀ɛni-lɛɛi 19:11

Yili pulu, ŋį́ yələkɔlɔn gaa naa ɓoɔ, hoo kwɛlɛɛ ta ə kulɔ laa, nui kɛ heeni mɛ̨i, naa ɓaa a: Tələnmo, da Tɛ̨ą. A kiti tee, ɛlɛɛ, yɛ kɔ́ kɔ́ a ɉaŋąą.

M̀ɛni-lɛɛi 4:1

Yili pulu, ŋį́ kɛɛ ta kaa: Pɛlɛ́ ta laa ə ɓoɔ yələkɔlɔn ɉu, ɛlɛɛ, nwoo tɔlɔɔi ŋą́ mɛ̨n, yɛ pələ ɓo mą́ą́, ə kɛ yɛ tulu woo, yɛ mą: «'Tɛ́ ɓɛ! Ɛlɛɛ, mɛ̨nįɠaai pai kɛi nąą pulu, ŋį́ nɛ yɛ́.»