Ikilisiati 9:7 - Yálá laawoo hɛɓɛ (dc)

⁷ Yili ɓa, ə́ laa mįi, ə́ wɔ lɔɔi kpələ a ə́ kwəinɛ̨ɛ̨; mąąhɔlɔɓo, Yálá aa ə́ kɛ mɛ̨nįɠaa hu nɛ̨ɛ̨.

Yálá laawoo hɛɓɛ

⁷ Yili ɓa, ə́ laa mįi, ə́ wɔ lɔɔi kpələ a ə́ kwəinɛ̨ɛ̨; mąąhɔlɔɓo, Yálá aa ə́ kɛ mɛ̨nįɠaa hu nɛ̨ɛ̨.

Bible

⁷ Kɛ́ ílaa miî a lii-nɛ̃ɛ pere, íkɛ íŋwã̂ai kpêle a koi-nɛ̃ɛ, kpɛ́ni fêi, m̀ɛnii ŋí ƃé a Ɣâla líi làa.

Ikilisiati 9:7 ပူးပေါင်းရင်းမြစ်များ

Zɛnɛse 12:19

Lə mɛ̨nį ɓa ə́ kɛ mą́ą́ ə́ mąąhala ɓaa Sarai? Yɛ́ gɛ gɛ́ ɉəɠə a nɛ̨́ą? Yili ɓa, ə́i, ə́ nɛ̨ą ka, ɉəɠə ka yaa ka li.»

Tɔɔɓɛlaa dɔlɔɔ 8:66

Voló mɛ̨ihaaɓa yələ, Salomɔn ə ɓo nuą diɛ, di di hvɛli da tɔɔmun ni, nu kəlee ə li bɔ taai a gwəinɛ̨ɛ̨. Di kwəinɛ̨ɛ̨i kɛ, mɛ̨nįi kpɔ Yai-Laa ə gɛ nwɔ tímun Davidə da nwɔ nu huwui Israɛlə ɓa, mąą mɛ̨nį ɓa.

Ikilisiati 10:19

Hɛn gɔw nąmįną da kɛ di di ɲąąnɛ̨ɛ̨ gulɔ, hɛli ɓə da bu, hɛn gɔw ɓə a ɲąŋą tɛ nu hu; wali a pɛlɛ́ kəlee laa ɓo.

Ikilisiati 11:8

Gwɛlanŋąąi Yálá aa dɛɛ nu lonnii pɔ, mąąnɛ̨ɛ̨ dɛitɛi kəlee həli pələ, di di kwəinɛ̨ɛ̨; ə mą kɛ, daa kwɛlan damąą kɛ. Kɛlaa, mąąnɛ̨ɛ̨ di di kili lɛɛ ɉu, diɛ kɛ: kpinį nwɔ hvóló tamąąi kɛɛ pɔ̨nɔ̨ɔ̨ ɓa. Mąąhɔlɔɓo, tínąą hva nu kilaa pɔ̨nɔ̨.

Ikilisiati 5:18

Yili pulu, Yálá a hɛn gɔw da yee la hvólón dɛɛ nu pɔ, mąą nu yɛ pɛli gɛ kóló dɔlɔ kulɔi, yili kaa a Yálá yəi mɛ̨inɛ̨ɛ̨.

Ikilisiati 7:14

Ɓɛlɔwai ɲɛnɛ̨ɛ̨ ɲąą a nɛ̨ɛ̨ la gu yəi, ka gu gu kwəinɛ̨ɛ̨. Ɲąąnwąnąą a həli la guɔ, ka gu gu kiliŋąhiɛ, ɲąąnɛ̨ɛ̨ da ɲąąnwąnąą, Yálá kɛ mɛ̨nį ɓaa a gəlee, Ə yili kɛ tii, əgɛ, nu hvo pɛli Yálá kɛ mɛ̨nįɠaa kpun ɉu kaai.

Ikilisiati 8:15

Yii ɓaa nwɛ́i, ŋą́ kwəinɛ̨ɛ̨ kulɔ, mąąhɔlɔɓo, hɛn gaa a nu lonnii di wɔ nwuna nɛ̨ɛ̨ ɓɛ lɔi mɛ̨i, ya ɓaa: di di laa mįi, di di kpələ, di di ɲąąnɛ̨ɛ̨ kulɔ. Volói ŋɛ̨i Yálá ə dɛɛ nu lonnii pɔ lɔi mɛ̨i, yili lɔ ɓə mąąnɛ̨ɛ̨ ə kɛ di kɛ kóló pɔ.

Lonon mo 6:20

Ɉaláá laa həli mun a di laa həli Yai-Laa ɓa, a di laa həli pələ. Ɉaláá laa həli mun nwɔɔ li, bɛlɛɛ gəŋə ɓa, da ɉuwɔ nwɛlɛ yii gaa a nwɔɔ a bɔlɔ. Ə həɠə nąą lɔwai ɓa, ɉulɔnui tii a pɛli kɛa ə lɔɔ kpələ.

Markə 7:29

Jesus ə mo nɛ̨ɛ̨nu tii ɓa, yɛ mą: «Ə wɔ woo pulu pənə mąą mɛ̨nį ɓa, pənə ə́ li ə́ pɔɔli. Ɲįnɛ̨n tii kɛi ə́ lon naa nɔ̨nwɔ̨ ɓo, aa həɠə bulu.»

Lukə 11:41

Yii gaa ka yəi gbələkɔwɔɠaa da gəgənŋąą hu, ka yili tɛɛ yeehowolo nuą pɔ, a kɛ tii, mɛ̨nį kəlee mąą a həɠə ka yəi.

Ɉaan 4:50

Jesus yɛ mą: «Li ə́ pɔ taai, ə́ kaa li ə́ lon gaai gɔlɔi aa pono.» Ɉulɔnui tii ə laa Jesus woo la, ə tɛɛ yɛ li.

Gɛlaɠaa 10:35

Nui lɔpee a ɲɔw mą, yɛ tələnmo yíiɓo a ɲɛ̨i lɛlɛɛ hee mą.

Dutɛrɔnome 12:12

Nąą ɓə ka káá pai kɛi kwəinɛ̨ɛ̨ kulɔi laa Yai-Laa ka wɔ Yálái lííla; kaa mąn, ka lon ɉinąą mąn, ka lon nɛ̨ąą mąn, ka wɔ luwɔ hinąą da ka wɔ luwɔ nɛ̨ąą, ə mą kɛ Levi lonnii di kaa ka wɔ taaɠaai hu. Mąąhɔlɔɓo, Levi lonnii tii lɔi hvo di yəi, di kwɛlin və di yəi yɛ kaa.

Dutɛrɔnome 12:7

Nąą ɓə ka káá pai kɛi ka laa mį́i laa gee ɓa, ka ka yəi bɛlɛ́n nuąi Yai-Laa ka wɔ Yálá ɲɛ̨i ɓa a kwəinɛ̨ɛ̨. Mąąhɔlɔɓo, mɛ̨nįɠaa kpɔ ka káá pai ka yee tooi ɉu, Yai-Laa ka wɔ Yálái kaa pai ɉu nɛɛi, ə lúwɔ́ too ka.

Rutə 3:7

Boozə ə naa mįi, ə gbələ, gwəi ə nɛ̨ɛ̨, ə li ə laa gbai hįį ta kwɛlɛ; Rutə ə lɛɠɛ mą, ə ɉəɠə həɠə gɔwɔ mɛ̨i, ə laa.