Ikilisiati 9:18 - Yálá laawoo hɛɓɛ (dc)

¹⁸ Kili hviɛlaɓoɔi, kɔ́ kɔ́ kwɛli hɛn ma. Kɛlaa, kilikpɛɛgwəi mun nwoo ɲąą tanɔ̨n gbən a mɛ̨nį lɛlɛɛ tamąą hukala.

Yálá laawoo hɛɓɛ

¹⁸ Kili hviɛlaɓoɔi, kɔ́ kɔ́ kwɛli hɛn ma. Kɛlaa, kilikpɛɛgwəi mun nwoo ɲąą tanɔ̨n gbən a mɛ̨nį lɛlɛɛ tamąą hukala.

Bible

¹⁸ Táre lɛ̂lɛɛi é tɛ́ɛ kɔ́ kɔ́-sãa dîa. Kɛ́lɛ pɔara mâa kpua lòŋ a mɛni lɛ́lɛɛ támaa su-kara.

Ikilisiati 9:18 ပူးပေါင်းရင်းမြစ်များ

Tɔɔɓɛlaa veelɛ 21:2

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə ə gɛ, nɔiɠaa ŋɛ̨i Yai-Laa ə di kpɛ Israɛlə nuą ɲɛ̨i tɔwɔ, di túwɔ́ pələ ɲɔ̨n tii ɓə Manase ə kɛi gɛ.

Zôo 35:8

Ə́ ɓɛlaa lɔ ɓə, ə́ wɔ tuwɔ́ pələ ɲɔ̨n a həli diɛ, yá tələnmolaa kulɔ nwɔ̨nɔ̨, nuą lɔ ɓə a həli diɛ.

Ikilisiati 10:1

Liili powa a wulɔ kun nɛ̨ɛ̨ kala, bələ lɔ ɓə kilikpɛɛgwəi logolo a kilimąą mɛ̨nį hukala la.

Ikilisiati 10:10

Kóló kɛ kwɛli hɛn ŋąą a haa, yá wala ɲąąli a nɛlɛɛ, hvo kɛli ya ə́ hvaŋą həɠə kɛnɛ̨. Yaan, kili mɛ̨nį ɓə gaa a tɛ tɔwɔlaa kɛ kwɛli hɛn.

Ikilisiati 2:13

Yili kəlee hu, ŋą́ gaa, gɛ́ diɛ: Kili hviɛlaɓoɔi kilikpɛɛgwəi ɓa, yɛ bələi kpɔlɔɔ kɛɛ pɔ̨nɔ̨ hviɛlaɓoɔi la dɛɛ kpinį ɓa.

Ikilisiati 7:12

Hvó gaai, bələi lɔ wali a nu mɛ̨i kpulu la, bələ lɔ ɓə kili a kilimąą mun mɛ̨i kpulu la, mąąhɔlɔɓo, nui kili kaa mą a dɔlɔ hɔlɔɓo. Mɛ̨nįi gɛi mąąnɛ̨ɛ̨ nu kili ə kɛ la ɲəi, yaa li.

Ikilisiati 7:19

Kili a kilimąą mun daalə tɔɔ, ə tɛɛ, lɔi ɲąąwooɓo nuą pow kɛɛ taalee tɔ̨nɔ̨ ŋąąwoo ɓoi ɓa.

Ikilisiati 9:16

Ya ɓə ŋą́ kɛ gbɔ́wɔ́ ɓa: Kili hviɛlaɓoɔi huwalawala ɓa. Kɛlaa, nui nuą ɲɛ̨itɛɠɛɓoɔ ɉu, a kɛ a kilimąą mun, da mɛlɛkpɛɛ mą, ɛlɛɛ, di hva di wəli tɔɔ nwɔ liɛwoo ɓa.

Timote veelɛ 3:8

Bələi lɔ wɔlɔ, Ɉanɛsə da Ɉambrɛsə di tɔɔ la Moisə la, bələ lɔ ɓə nuąi ti diɛ kpɛlimąm, da tɔɔ la tɛ̨ą la. Di kaa a nuąi di kili ɲɔ̨nwɔ̨ɔ̨ di kwəi, di wɔ laa na laa hvo a hɛn da.

Zasua 22:20

Ɲələi Zera lon Akan ə nɛ̨ŋɛ̨n ɉəɠə la ɉɛn kɛ nɛ̨ŋɛ̨n naa mąą mɛ̨nį hu, kɛlɛi Israɛlə lonnii kəlee ɓə níiholi ə yɛɛ di mɛ̨i-yee! Ɛlɛɛ, yaa tɔ̨nɔ̨ hvəi haa nwɔ nɛ̨ŋɛ̨n tii mąą mɛ̨nį hu.»

Zasua 7:1

Ɉɛnŋąą ŋɛ̨i di tɔ́n dɔɔ mą, Israɛlə lonni di kulɔ nwoo mu laa kɛ mąą mɛ̨nį ɓa. Karmi lon Akan, yai kɛ a Ɉavdi lon, yɛ ɓo a Zera lon, Ɉuda huwu hu mun da, ɉɛn ŋɛ̨i kɛ tɔ́n dɔɔ mą, ə da həɠə, Yai-Laa ə nii ɲąąnwąnąą Israɛlə lonnii diɛ.

Zasua 7:5

Ai nuą di nu pow haaɓa kɔ́w mɛ̨ida ɲɔ̨nwɔ̨mąn baa Israɛlə nuą lɔwai. Ai nuą di hvilɛn nu kpəliɠaa pulu diɛ di kpɛ, ə həɠə daa ɉįi la, ə həli Sevarimə; ɲee yɛɛi ɓə di di paa laa. Israɛlə nuą hvii ə kpɛɛ, ya ə laa di kɔ́lɔi.

Samuɛlə dɔlɔɔ 14:30

Gu hvo mun kɛ nuą də li kɛ háákələi kɔ̨nɔ̨n mįi; ɉɛnŋaa gwəli ɉɔlɔɓo gu yowoɠaa pɔɔli, da mɔ̨nɔ̨i gwəli naa Filisti nuą diɛ, Ɲɛ̨i ə li kɛnɛ̨ tai!»