Ikilisiati 9:11 - Yálá laawoo hɛɓɛ (dc)

¹¹ Ŋą́ą́ nwɔ̨nɔ̨ mɛ̨nį takpɛli kaa ɓɛ lɔi mɛ̨i, ya ɓaa: Nui mąąhulaa gilɛ həɠəi, ya lɔ hvəi a gilɛ həɠɛɛ dɔlɔ hɔlɔɓo; ɛlɛɛ, hvaŋą nąmįną lɔ hvəi kɔ́ a nɛ̨ɛ̨ diɛ; yili pulu, kilimąą mun nɔ hvəi a gbɔwɔ hɔlɔɓo yɛnɛ̨ɛ̨, ɛlɛɛ, nui nwun gaa ɉu, ya lɔ hvəi a kɛ a hɛn gɔw nąmu; kili mɛ̨nį kwɛli nuą lɔ hvəi da mąąwiɛ hɔlɔɓo. Mąąhɔlɔɓo, mɛ̨nį ɲąąnɛ̨ɛ̨ da ŋąąnwąnąą a həli nu kəlee ɓa.

Yálá laawoo hɛɓɛ

¹¹ Ŋą́ą́ nwɔ̨nɔ̨ mɛ̨nį takpɛli kaa ɓɛ lɔi mɛ̨i, ya ɓaa: Nui mąąhulaa gilɛ həɠəi, ya lɔ hvəi a gilɛ həɠɛɛ dɔlɔ hɔlɔɓo; ɛlɛɛ, hvaŋą nąmįną lɔ hvəi kɔ́ a nɛ̨ɛ̨ diɛ; yili pulu, kilimąą mun nɔ hvəi a gbɔwɔ hɔlɔɓo yɛnɛ̨ɛ̨, ɛlɛɛ, nui nwun gaa ɉu, ya lɔ hvəi a kɛ a hɛn gɔw nąmu; kili mɛ̨nį kwɛli nuą lɔ hvəi da mąąwiɛ hɔlɔɓo. Mąąhɔlɔɓo, mɛ̨nį ɲąąnɛ̨ɛ̨ da ŋąąnwąnąą a həli nu kəlee ɓa.

Bible

¹¹ Ŋa ŋɔ́nɔ mɛni da kpɛ́ni maa kɔ̂ri ŋá táre zu. Ŋá gàa a gɛɛ ǹúui a kîrɛ sìɣe a ŋ̀ánaai va nûa yée mɛi ɣâle gbagba fúlɔi su a tãi kélee. Ǹúui ŋ̀wála-walai, fa pɔ̂ri nûa yée mɛi ɣâlei kɔ̂i a tãi kélee. Mii-sɛŋ fa kɛ̂ nɔ́ dáre-ƃelai yêei a ɣele kélee. Zɛŋ kɔ́lɔŋ-ƃelai diai tɔ̂nɔ nɔ́ fa ɣéniɛ lɛ́lɛɛ kɛ̀. Ǹyɛrɛ-ƃelai dia tɔ̂nɔ nɔ́ fa tɔɔ-laa sɔlɔ ƃô. Kɛ́lɛ mɛni kpânaŋ à lâa núu kélee mà ɣéniɛ.

Ikilisiati 9:11 ပူးပေါင်းရင်းမြစ်များ

Samia Veerɛi 17:14

Absalɔn da Israɛlə kalanɉonŋaa kəlee diɛ mą: «Arki mun Husai nwɔ liɛwooi aa lɛlɛ, aa tɛɛ Ahitofɛlə nwɛi ɓa.» Yai-Laa ə hvaa mą, ə Ahitofɛlə nwɛi hu kala, yai kɛ viɛlaɓoɔ, ə gɛ, Yai-Laa ə Absalɔn nwun na pili.

Samia Veerɛi 17:23

Yii kɛa Ahitofɛlə ə gaa yɛ di hvo hvilɛn ɉii nwɔ liɛwooɠaai pulu, ə nwɔ hoohvaalən hąą yili ə hvilɛn bələ ɓa, yɛ li bɔ taai. Ə vɛli ɲəi bɛlɛ́n nuą kəlee diɛ, ə li ə gbɔwɔ hɛlɛn. Haai ə mo, di noo nąn gámą hu.

Kɔlɔnikɔ Veerɛi 20:15

Yɛ diɛ: «'Ka ká wəli tɔɔ kpɔ a nɛlɛɛ, kaa a Ɉuda nuą, kaa a Ɉerusalɛmə heeɓo nuą, ɛlɛɛ, yɛ́i ɓaa a tɔɔmun Ɉosafatə! Yai-Laa woo ka, yɛ diɛ: 'Ka hvo ɲɔw, 'ka mąą hvo kpɛlin nu kpulu kɛnɛ̨i tii ɲɛ̨i tɔwɔ; hvo gaai, ka mąą kɔ́ hvoli, Yálá mąą kɔ́ li.

Zôo 34:29

Kɛlaa, Yálá a wala muhəɠə, gbɛɛ ɓə a pɛli hvaai bɔ? A ɲɛ̨ilai now, gbɛɛ ɓə a pɛli mɛ̨i həɠəi? Ya pa, a ɲɛ̨i pili lɔiɠaa mɛ̨i, da nu kanŋaa.

Mąątɛ̨nɛ̨ 76:5

Ə́ wɔ kɔ́ honŋaai mɛ̨i tɛ pələ ɓa, yɛ yee, a Ə́ mąąɲįnɛ̨n gɛ kpɔ yɛ́ kɛnɛ̨, yɛ kɛ mąi-mąi

Hanwon 1:5

Ə mą kɛ kilimąą nuą diɛ kpɛli, da di wəli tɔɔ mą, da dɔlɔ kaa. Nwun gɛ ɉu nuą da taalə hɔlɔɓo ɉu.

Ikilisiati 2:12

Ŋą́ kɛ bɔ ŋą́ kili mɛ̨nį tɔlɔ kaa, bələi viɛlaɓoɔi la dɛɛ kilikpɛɛgwəi ɓa da ɓowo. Yili pulu, gɛ́ gbɔwɔ ɓa: Nui pai heei tɔɔlaa hu a mą́ą́hvalin, gili kaa pai kɛi ɲəi ə tɛɛ la nuą wɔlɔ daa tɔɔlaa kɛ dɔwɔ diɛ?

Ikilisiati 3:14

Ŋą́ą́ gɔlɔn gɛ́ diɛ: Yálá kɛ mɛ̨nįɠaa da lamun yɛnɛ̨ɛ̨ wɔ-da-wɔ. Nu hva pɛli da pɛlɛi mą, a wala kɛ tii, da kulɔi mą. Ɛlɛɛ, Yálá ə yili kɛ tii, əgɛ, di nwɔ Heeɓolaa kɔ́lɔn.

Ikilisiati 3:17

Yili ɓə gɛ, gɛ́ gbɔ́wɔ́ ɓa: Yálá kaa pai nu haŋąą da nwąnąlɔmun di kiti teei. Mąąhɔlɔɓo, mɛ̨nį kəlee da nwɔ yələ ɓə, ɛlɛɛ, Yálá kaa pai nu kɛ mɛ̨nįɠaa kəlee kiti teei.

Ikilisiati 4:1

Mɛ̨nį nwɔ̨nɔ̨i ŋą́ gaa yələkɔlɔn mu, kɛɛnąą tamąą ɓa, ya ka, ya ɓaa: Mɛ̨nį kpəlaan ŋąąi nuą da gɛ lɔi mɛ̨i. Nuą da kɛ mɔ̨nɔ̨ laai di ɓɛlaa mɛ̨i, yiliɠaai diɛ wɔlɔ di yəi, Kɛlaa, nu hva hɔlɔɓo hvo di mąą kpɔmąą ɓo. Ɉeemɛ̨i nuą tii ɓə huwalawala kaa di yəi, diɛ pɛli kpɔmąą kɛi, Kɛlaa, di tɔ̨nɔ̨ kpɛli hva kpɔmąą tɛɛ mɔ̨nɔ̨ mįi nuą tii pɔ.

Ikilisiati 4:4

Ŋą́ą́ nwɔ̨nɔ̨ mɛ̨nį takpɛli kaa, ya ɓaa: Mɔ̨nɔ̨i nuą da mįi di kɛ kóló hu, gaa a tolo kulaa, ə gɛ, yii gaa gɛi, ə lɛlɛɛ ə tɛɛ mɛlaa di wɛi ɓa. Yili kaa a kpɛli-kpɛli mɛ̨nį, yɛ nu aa kɛi hvaŋą tənən dɔɔ.

Ikilisiati 7:13

Ka gu Yálá kɛ mɛ̨nįɠaa mąąkpɛɛ tai! Hɛn Yálá ə mąą pɛlɛ, nu ta hva pɛli ɉaŋąi.

Ikilisiati 9:2

Hɛn gəlee ŋąąkpɛɛi kaa tanɔ̨n: tələnmomun da nwąnąlɔmun di ŋąąkpɛɛi kaa tanɔ̨n. Nɛlɛɛ da ɲɔ̨nwɔ̨ɔ̨ di ŋąąkpɛɛi kaa tanɔ̨n. Nui a ɲɔw Yálá ɓa, da nui hva ɲɔw Yálá ɓa, di ŋąąkpɛɛi kaa tanɔ̨n. Bələ lɔ ɓə gaa la, nui a Yálá kɔ, da nui hva Yálá kɔ di lɔwai, ə mą kɛ, mɛ̨nį lɛlɛɛ kɛmun da, nɛ̨ŋɛ̨n ɉəɠəmun di lɔwai, nui a hɛn naakwɛlanmo Yálá ɓa, da nui hva hɛn da laakwɛlanmo Yálá ɓa, di lɔwai.

Ikilisiati 9:3

Mɛ̨nį ɲąąnwąnąąi gaa lɔi mɛ̨i, ya ɓaa: hɛn gəlee ŋąąkpɛɛi kɛ mɛ̨nį tanɔ̨n. Nuąi da di kpɔwɔ lɔ mɛ̨nį ɲɔ̨n gɛɛ hu, ɛlɛɛ, di liiɓa yɛ ɓo a kilikpɛɛgwəi túwɔ́ ɓoɔ, yii lɔ a lɛɛ nąą pulu, ya lɔ ɓaa a haa.

Ɉeremi 46:6

Gilɛ həɠə nuą di hva pɛli pui, huwalawala nuą di hva pɛli kulɔi ɉu. Ɲánwuɔ̨ pələ Eufratə kwɛlɛ, daa kalin, diɛ too.

Ɉeremi 48:14

Ka tɔɔ pələ kɛi ləi, kaa kɛ diɛ: «Kɔkulaa gbəliɠaa ɓaa kuɔ? Kɔ kɔ́ nuą kpɔ-kpɔ ɓaa kuɔ?»

Ɉeremi 9:23

Akɛ nu a kɛ bɔ ə gbɔwɔ ɲąąkɛnɛ, gbɔwɔ ɲąą kɛnɛ̨ mɛ̨nį nwun ga: Maa nɛɛ ə gɔ́lɔn yɛ kɛ, ɲąą ɓə, gaa a: Yee lɔ gee hu mɛ̨nį, tɛ̨ą mɛ̨nį, da tələnmo la ɓɛ yɛnɛ̨ɛ̨. Yili ɓə nwɛli kaa mą́ą́.

Zakari 4:6

Ə pənə, yɛ mą́ą́: «Mɛ̨nii Yai-Laa ə mo Zorobabɛlə ɓa, ya ka, yɛ: Yee walawala mɛ̨nį hvə li, huwalawala mɛ̨nį hvə li, kɛlaa nwɔ́ Nį́į ɓə. Yai-Laa Mɛ̨nį Kəlee ŋą Hééɓomun woo li!

Malasi 3:18

Nąąlɔwai tii hu, ka gaa, bələi ɓɛla ɓo kaa la nu haŋąą da nwąnąlɔ mun di lɔwai a nįnɛ̨. Ɓɛla ɓoi gaa, nuąi da tí Yálá ɓa, da nuąi di hva tí mą di lɔwai.

Ifisiɛŋ 1:11

Yaa ti ɉu lɔ ɓə, gu gu wɔɔ nąą kɔlɔɓo laa, a nui a mɛ̨nį kəlee hee kpəlin na kɛ, a niiɓa, yɛ bələi ə gbɛa gu həɠə la ɉu.

Dutɛrɔnome 8:17

Ka hvə tɔɔ kaa kɛ diɛ: «Ku wɔ huwalawalalaa ɓə gɛ kuɔ ɉɛn gɔw ŋɛ̨i hɔlɔɓo.»

Dutɛrɔnome 8:18

Kɛlaa, mąąnɛ̨ɛ̨ ka kili ə kɛ ɉu kaa diɛ; Yai-Laa ka wɔ Yálái ɓə hvaŋą tɛɛ ka pɔ kaa hɛn ɉɔlɔɓo la. Nwoo tii ə gwɛlɛ ka nąnni diɛ, yɛ bɔ mɛ̨nį kɛ la, yɛ bələi gaa gɛi la háákələi.

Samuɛlə dɔlɔɔ 17:50

Bələ ɓə Davidə yee ə tɛɛ la Goliatə ɓa a ɲələvin da kwɛni, ə Goliatə hɔɔ ə baa, kɔ́ kɔ́ ɓɔwa hvo kɛ Davidə yəi.

Samuɛlə dɔlɔɔ 6:9

Ka gaa nįŋɛ̨ɠaa da Israɛlə pələ həɠə diɛ li Bɛtə-Sɛmɛsə pələ, a kɛ tii, ya ka tii ɲee ə kɛ guɔ, kɛlaa, da wala ɉon a bələ, a kɛ tii, naa hvo kɛ gu wɔ laanɔ̨nwɔ̨i ŋɛ̨i hu.»