Ikilisiati 8:16 - Yálá laawoo hɛɓɛ (dc)

¹⁶ Bələi nu a tɛɛ la yɛ kɛ a kilimąą mun, ŋą́ą́ nį́í lɔ yili kwɛliɛ hu, ə gɛ, ŋą́ gbaɠala kaa. Ɛlɛɛ, mɛ̨nįi kpɔ nu lonnii yee kaa mą lɔi mɛ̨i, ə gɛ, ŋį́ gaa ŋį́ mąąkpɛɛ. Mąąhɔlɔɓo, ŋą́ą́ gaa, yɛ ə kɛ a kpinį yɛ ə kɛ a hvóló, nu lonnii di yíi, di lɔ a di ɲɛ̨i.

Yálá laawoo hɛɓɛ

¹⁶ Bələi nu a tɛɛ la yɛ kɛ a kilimąą mun, ŋą́ą́ nį́í lɔ yili kwɛliɛ hu, ə gɛ, ŋą́ gbaɠala kaa. Ɛlɛɛ, mɛ̨nįi kpɔ nu lonnii yee kaa mą lɔi mɛ̨i, ə gɛ, ŋį́ gaa ŋį́ mąąkpɛɛ. Mąąhɔlɔɓo, ŋą́ą́ gaa, yɛ ə kɛ a kpinį yɛ ə kɛ a hvóló, nu lonnii di yíi, di lɔ a di ɲɛ̨i.

Bible

¹⁶ Ŋá tãi támaa sìɣe ŋá táre maa kɔ́ri ŋá núu-kpune ŋɔmɔ̃lɛ-laai maa kpɛ́ɛ ɣele ma. Ŋɔkili-ŋa sîai a gɛ̀ va nyîi a kpíni da fólo.

Ikilisiati 8:16 ပူးပေါင်းရင်းမြစ်များ

Zɛnɛse 31:40

Yələɓoɔ, hvóló yɛ gə́lən, kpinįi, gɛ́ kwɛlɛ həɠə, vá yii.

Mąątɛ̨nɛ̨ 127:2

Kpɛli ɓaa nu ə humo a muhəɠɛɛ, yɛ lɛɛ ɲɛ̨i ɓa kpinį hu yɛ kwɛa, yɛ́ mɔ̨nɔ̨ kɔ̨nɔ̨n mį́i lɔ! Yai-Laa a nwɛlikɛmąą nuą lɛɛ yíi, Ə di kɔ́ a kɔ̨nɔ̨n.

Ikilisiati 1:13

Mɛ̨nįɠaai da kɛ tɛɛi yələkɔlɔn mu, ŋą́ gəlee mąąkpɛɛ kpɔ a nɛlɛɛ, a nwɔ́ kili mɛ̨nį, əgɛ, ŋą́ di kɛ mɛ̨nį nwun gɔlɔn. Kɛlaa, yili kaa a líihɛlɛn da yii Yálá a doo nu lonnii diɛ.

Ikilisiati 1:14

Mɛ̨nįɠaai kpɔ da tɛɛ ɓɛ lɔi mɛ̨i, ŋą́ gəlee kaa. Kɛlaa, gəlee kaa a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 1:17

Ŋą́ hvilɛn gbɔ, gɛ́ diɛ: Ŋą́ mɛ̨nį kɔ́lɔn ŋąą da ɓowo mɛ̨nį di kulɔ nɔwai kɔ́lɔn; ŋą́ kili mɛ̨nį, da kilikpɛɛgwəi, di kulɔ nɔwai kɔ́lɔn. Kɛlaa, ŋą́ yili kaa lɔ yɛ nu aa kɛi hvaŋą tənən dɔɔ.

Ikilisiati 2:23

Nu kan nwɔ yɛnɛ̨ɛ̨ ɲąąnɛ̨ɛ̨ hvo ɉu, kɛ mɛ̨nįɠaa kəlee da liihɛlɛn doo mą, yɛ gbaan, ə mą kɛ a kpinį ɓə, hvįitɔɔ hvo ɲəi. Yili kaa lɔ nwɔ̨nɔ̨ a kpɛli-kpɛli mɛ̨nį.

Ikilisiati 4:8

Nu ta a kɛ laa, veelɛ hvo mą, yaa tɔ̨nɔ̨ lɔ ɓə nwɛi hu yɛnɛ̨ɛ̨; ɉiɛ gee pulu hvo mą, gaayɔwɔ hvə mą, ɛlɛɛ, lon və kpɛli mą. Kɛlaa, hva kpɛla kóló kɛɛ ɓa, yɛ mɔ̨nɔ̨ mįi, hvóló kəlee gaa lɔ hɛn gɔw gwɛliɛ hu; bələi mąn a góló himąi tii kɛ la, hva ɲąąnɛ̨ɛ̨ kulɔ ɉɛn gaa gwɛlii ɉu, yɛ kɛ gbɔwɔ ɓa: Akɛti, gbɛɛ kpɔ ɓə gáá ɉɛn ŋɛ̨i kwɛlii ma-oo?. Yili kaa nwɔ̨nɔ̨ a mɛ̨nįi a nu kwəi pili mą, ɛlɛɛ, nu nwɔ yɛnɛ̨ɛ̨ kɛ pələ a kɛ tii, yili ɲąąnwąnąąi.

Ikilisiati 5:12

Ŋą́ mɛ̨nį mąąwɛliɛ ta kaa ɓɛ yələkɔlɔn mu, ya ɓaa: Nu ta ə nwɔ wali laaikɛ, gbaan mɛ̨nįɠaa tɔwɔ,

Ikilisiati 7:25

Yili ɓa, ŋą́ gbɔ́wɔ́ lɔ mɛ̨nį kwɛliɛ hu da mɛ̨nįɠaa kɛ mɛ̨nį nwun; ŋą́ kɛ bɔ, ŋą́ kili mɛ̨nį kaa. Yii ŋį́ gaa ya ɓaa: Nwąnąlɔ da kilikpɛɛgwəi di kaa a ɓowo mɛ̨nį.

Ikilisiati 8:7

mɛ̨nįi pai kɛi tínąą, gu hvo gɔlɔn. Bələi mɛ̨nįɠaa kaa pai kɛi la, gbɛɛ ɓə a pɛli nɛi guɔ?

Ikilisiati 8:9

Mɛ̨nįɠaa kpɔ kɛi ɓɛ yələkɔlɔn mu, ŋą́ą́ mąąkpɛɛ, ŋą́ nu lonnii kaa, diɛ hee di ɓɛlaa mɛ̨i, diɛ di mɔ̨nɔ̨ɓo.