Ikilisiati 8:13 - Yálá laawoo hɛɓɛ (dc)

¹³ Nwąnąlɔmun nwɛi, hva pɛli kɛi a lúwɔ́ lon. Nwąnąlɔmun a tɛɛ yɛ nįnįn, a lɛɛ a nu nwunu, ə haa, mąąhɔlɔɓo, hva ɲɔw Yálá ɓa.»

Yálá laawoo hɛɓɛ

¹³ Nwąnąlɔmun nwɛi, hva pɛli kɛi a lúwɔ́ lon. Nwąnąlɔmun a tɛɛ yɛ nįnįn, a lɛɛ a nu nwunu, ə haa, mąąhɔlɔɓo, hva ɲɔw Yálá ɓa.»

Bible

¹³ Tãi nɔ́ zɔnyɔ̂ŋ-ƃelai dífa yâo la Ɣâla mai, lii-nɛ̃ɛ fé díyêei díkɛ-ɣeniɛi su, ǹyaŋ da sâa nɔ́ yɛ̂ɛ kɔyɛ̂ŋ a tèe.

Ikilisiati 8:13 ပူးပေါင်းရင်းမြစ်များ

Zôo 14:2

Gaa lɔ yɛ wulu powai a kulɔ, yɛ yohva; gaa lɔ yɛ nįnįn, a kulɔ, ɛlɛɛ hva lamun.

Zôo 18:5

Nu ɲɔ̨nwɔ̨ɔ̨ nwɔ kɛɛ pɔ̨nɔ̨i hu a kpinį, ɲəi bɛlɛ́n nwɔ̨n nən yɛ luwun.

Zôo 20:5

nu ɲɔ̨nwɔ̨ɔ̨ɠaa di wɔ yeetɛɛmąą laa kaa lɔ a hvóló tɔ́nɔ̨ mɛ̨nį, mɛ̨nį ɲɔ̨n gɛ nuą di wɔ kwəinɛ̨ɛ̨ kaa lɔ a gbuɔ.

Zôo 21:30

Mɛ̨nį ɲąąnwąnąą yələ, mɛ̨nį ɲɔ̨n gɛ mun maahvaa a lɛɛ, Yálá nwɔ líiɲąnwąną yələ, di ɓo di kwəinɛ̨ɛ̨ hu.

Mąątɛ̨nɛ̨ 11:5

Yai-Laa a tələnmomun ɉu kɔ́ɔn, yɛ wɛli kpɛɛmąąlaa kulɔ a nu ɲɔ̨nwɔ̨ɔ̨, da wɛamun.

Mąątɛ̨nɛ̨ 144:4

Nu kaa lɔ yɛ hvaŋą, nwɔ yɛnɛ̨ɛ̨ ə ɓo yɛ nįnįn a tɛɛ.

Mąątɛ̨nɛ̨ 37:1

Davidə nwɔ wələ woo. 'Ə́ líi hvo kələn ə́ kwəi nu ɲɔ̨nwɔ̨ɔ̨ɠaa pɔ, 'Hvó tolo kulɔ a piɛn doo nuą.

Mąątɛ̨nɛ̨ 39:5

Yai-Laa, nwɔ́ yɛnɛ̨ɛ̨ kpɛɛ yələ lɛ mą́ą́, hvóló yɛli ɓə kɛa aa lɛɛ ɲə́i, bələi və́ la a lamun ɉɛn, gɛ́ pɛli gbaɠala kaai. Ɲíikuu woloi aa lɛɛ ɲə́i, gɛ́ pɛli gɔlɔn ɉi.

Mąątɛ̨nɛ̨ 55:23

Yɛ́ tiɛ̨i tɛ Yai-Laa nwuɔ̨, ə ə́ laa hon mu, yɛ ə́ hvąŋąlɔ, hva tələnmomun nɛɛ laa, a yələ ta, hvo too.

Ikilisiati 3:14

Ŋą́ą́ gɔlɔn gɛ́ diɛ: Yálá kɛ mɛ̨nįɠaa da lamun yɛnɛ̨ɛ̨ wɔ-da-wɔ. Nu hva pɛli da pɛlɛi mą, a wala kɛ tii, da kulɔi mą. Ɛlɛɛ, Yálá ə yili kɛ tii, əgɛ, di nwɔ Heeɓolaa kɔ́lɔn.

Ikilisiati 5:7

Akɛ ya mąąwɛlimun gaa lɔi diɛ naanɔ̨nwɔ̨ ɓo, diɛ tələnmolaa da mɛ̨nį haŋąą ɓɛlɛkpɛɛ mą, yili hvo ə́ kwəi pili yɛ́. Mąąhɔlɔɓo, nu kɛnɛ̨ ta kaa nu kɛnɛ̨i tii nwun mɛ̨i, yɛ mąąkɔ̨nwɔ̨; gəlee hveelɛi nwun mɛ̨i, nu kɛnɛ̨ takpɛli kaa laa.

Ikilisiati 6:12

Yɛ bələi nu yii hvóló hu hvo kwɛa li li la, yii nɛlɛɛ nu lonnii mąą mɛ̨nį ɓa, gbɛɛ ɓə a pɛli nɛi diɛ, ɲíi kuu kpuɔ lon ŋɛ̨i yee mu? Nu hva pɛli ɉaa pulu mɛ̨nį kaai.

Ikilisiati 7:15

Ɲíi kuu kpuɔ lon ŋɛ̨i ŋą́ gɛ lɔi mɛ̨i, yii ŋį́ gílí lɛɛ ɉu, ya ɓaa: mɛ̨nį kəlee da pɛli kɛi. Nu haŋąą a tee kpə, bələi mąn ɉaŋąąi la. Nwąnąlɔmun yɛ lamun yɛnɛ̨ɛ̨, bələi mąn nwąnąlɔi la.

Ikilisiati 7:18

Mąąnɛ̨ɛ̨, nu ə nwɔ yɛnɛ̨ɛ̨ kɛ niɛwoo hveelɛi tii mɛ̨i. Mąąhɔlɔɓo, nui a mąąwiɛ tɛɛ Yálá pɔ, mɛ̨nįɠaai tii moɔ, hva pɛli gɛi.

Ikilisiati 8:8

Nui lɔpee ta hva pɛli ɲee kąnąn ɉi nɔ̨ɔ̨ ɓa. Nu ta hva pɛli ɉaa yələ həɠəi mą. Kɔ́ a kɛ nu mɛ̨i, ə́ pui hva kɛ mą. Nwąnąlɔ hva mɛ̨nį ɲɔ̨n gɛmun malo.

Azaya 3:11

Kpalo ɓɛlaai mɛ̨nį ɲɔn gɛmun mą, hvó gaai mąąwɛli mɛ̨nį hɛlɛ ŋąąi nwun mɛ̨i, di kaa pai ɉon ɉii, yɛ bələi ə gwɛli la a dúwɔ́ pələ.

Azaya 30:13

Yili ɓa nɛ̨ŋɛ̨n tii kaa pai kɛi kaa, yɛ pɛlɛ́ nwąnąi a ɓɛla donna, yɛ wɛan mą lɔ tanɔ̨n, yɛ pu nɔi ɓa.

Azaya 57:21

Nwɔ́ Yálái yɛ diɛ: «Liilaa hva hɔlɔɓo mɛ̨nį ɲɔ̨n gɛ nuąi yəi.»

Azaya 65:20

Lon dala hvo kɛa pai haai laa, a yii kuu hveelɛ yee mu lon, ə mą kɛ hulɔgolo, yii hvo nwɔ yɛnɛ̨ɛ̨ laa hvɛɛ li, nui a haa a nwɔ kwɛlan nwundɔ̨nɔ̨, a kɛ tii, aa haa ɉilənon gɔlɔi, ɛlɛɛ, nɛ̨ŋɛ̨n mun a kwɛlan nwun dɔ̨nɔ̨ hɔlɔɓo, da gaa a nɛ̨ŋɛ̨n naa mun.

Ɉeremi 44:10

Háá ɓa háá, ka hvo ni ka hɔn mąąhvalin ni, ka hva ɲɔw, mąąwiɛ hvo ka yəi, ka hvo hvilɛn na nwɔ́ tɔ́nŋaa da bɔ liɛwooɠaai ŋį́ dɛɛ ka nąnni pɔ di pulu, ká hvo hiɛ la.»

Malasi 3:18

Nąąlɔwai tii hu, ka gaa, bələi ɓɛla ɓo kaa la nu haŋąą da nwąnąlɔ mun di lɔwai a nįnɛ̨. Ɓɛla ɓoi gaa, nuąi da tí Yálá ɓa, da nuąi di hva tí mą di lɔwai.

Ɉaan 5:29

Nuąi túwɔ́ pələ lɛlɛ kulɔ da nwun, diɛ yɛnɛ̨ɛ̨ kpɔkpɔɔ hɔlɔɓo. Nuąi túwɔ́ pələ ɲɔ̨n gulɔ, da nwun di kiti tee mɛ̨nį ɓa.

Zĩi 4:14

Yaan, yii tinąą pai kɛi a káá, ká hvo gɔlɔn. Mąąhɔlɔɓo, ká káá lɔ yɛ luwu-luwui a pu lɔ ti a lɔwai logolo tiipə, naa tawolo a gə, aa kpɛɛ.

Piɛrə veelɛ 2:3

Ə lɛɛ, di wɔ hɛn nwɛli laa mąą mɛ̨nį ɓa, di kaa pai kɛi tooi ka mɛ̨i, diɛ hɛn gulɔ ka yəi a lɛɛ woo, kɛlaa, di kiti tee mun gɛ pələ pɛliɛi ə di kiti tee, ə lɛɛ, di wɔ nwun napili hu hvo kwɛa li.