Ikilisiati 7:9 - Yálá laawoo hɛɓɛ (dc)

⁹ Mąą hvo nɛ̨ɛ̨li nu hvo níiholi ɉą, kilikpɛɛgwəi mun mə níiholi laa nɛ̨ɛ̨.

Yálá laawoo hɛɓɛ

⁹ Mąą hvo nɛ̨ɛ̨li nu hvo níiholi ɉą, kilikpɛɛgwəi mun mə níiholi laa nɛ̨ɛ̨.

Bible

⁹ Ífe kɛ̀ a ǹúui a ǹíi ŋ̀wana a maa félaai. Lii-ŋwana káa a ƃoo mɛni.

Ikilisiati 7:9 ပူးပေါင်းရင်းမြစ်များ

Zɛnɛse 4:8

Ə kɛ lɔ a yələ ta, Kain yɛ nəɠə Abɛlə ɓa: «Pa gwəli ə́ náálɛ.» Lii kɛa di moi, Kain ə wolo nəɠə Abɛlə ɓa, ə baa.

Samia Veerɛi 13:22

Absalɔn hvo mɛ̨nį lɔpee ta ɓo Amnɔn laa mɛ̨i a ɲɔ̨nwɔ̨ɔ̨ ə mą kɛ a nɛlɛɛ. Kɛlaa, nwɛli ə kpɛɛ mą, mąąhɔlɔɓo, aa too mąąhala Tamarə mɛ̨i.

Samia Veerɛi 13:28

Absalɔn yɛ ɲəi bɛlɛ́n góló kɛ nuą diɛ: «Ka gɛ a nɛlɛɛ, ɓɛlɔwai ka Amnɔn kaa la nɔɔ aa ɉon, ŋą́ kɛ kaa: ‹Ka Amnɔn kɛlɛ›, ka baa. Ka hvo ɲɔw, ɲą́ą́ ɓə ka tɔɔ la ka ká liikpələ, ka gɛ a hulɔnu laa.»

Samia Veerɛi 13:32

Davidə niɛ Simea lon Yonadavə ə mo yɛ diɛ: «Nwɔ́ mɛ̨nį Nąmu hvo giliŋąhiɛ, yɛ kɛ diɛ daa tɔɔmun lon ɉinąą kəlee paa, Amnɔn yaa tɔ̨nɔ̨ lɔ bə aa haa. Absalɔn ə yili mąą kili tee tii gwəi, ə həɠə ɲələi di too la mąąhala Tamarə mɛ̨i ɲələ ɓa.

Samia Veerɛi 19:43

Ɉuda nuą kəlee di Israɛlə nuą kəlee woo pulu pənə diɛ mą: «Mąąhɔlɔɓo, tɔɔmun gaa a ku kpįnį ɓa mun, yili a nwąną kaa lə mɛ̨nį ɓa? Akɛtii, tɔɔmun ɲəi hɛn da ɓə ku mįi? Awala kɛ tii, mɛ̨nį ta ɓə ə gɛ kuɔ?»

Hanwon 14:17

Nui a níiholi ɉa, a ɓowo mɛ̨nį kɛ, lamąnąnmun yɛ gbɔwɔ wɛli kpɛɛ nuą diɛ.

Hanwon 14:29

Nui hva níiholi ɉa, kilimąą mun gɛnɛ̨ li. Nui níiholi laa nɛ̨ɛ̨i, a nwɔ ɓowo laa tɔɔ ɲɛ̨i.

Hanwon 16:32

Nui hva níiholi ɉa, viɛlaɓoɔ ɓə kɔ́kuláá ɓa. Nui a gbɔwɔ hu hon, viɛlaɓoɔ ɓə dɛɛ taalee honmun ma a kɔ́.

Hanwon 25:8

Mɛ̨nįi ə́ ɲɛ̨i ə gaa, 'hvó humo 'hvó mo kiti haɠa ɓa, yili a kɛ tii, akɛ nui ŋɛ̨i ə́ ɉɔn doo a pa, tɛ̨ą a wala kɛ ə́ pɔ, lə ɓə kɛa yá gɛ?

Ikilisiati 7:10

Mąą hvo nɛ̨ɛ̨li gu hvo kɛ mą: Lə mɛ̨nį ɓa, wɛi lɛlɛɛi kɛ háákələi ɓa? Kilimąą mun na woo hvə li.

Zôna 4:3

Yili ɓa, Yai-Laa ɉə́ɠə, mąąhɔlɔɓo, ɉáá hviɛlaɓoɔi gɛ́ɛ́ yɛnɛ̨ɛ̨ ɓa.»

Zôna 4:8

Ɓɛlɔwai hvóló ə kulɔ la, Yálá ə hvaŋą ta tɛɛ yɛ həɠə hvóló kulɔi pələ, a gələn ŋąą. Hvóló ə Ɉonasə nwuɔ̨ kələn gbɔ yɛ kɛ ə hvowa. Ə mo yɛ mą: «Ɉáá hviɛlaɓoɔi gɛ́ɛ́ yɛnɛ̨ɛ̨ ɓa.»

Zôna 4:9

Yálá ə Ɉonasə mąąnikɛ, yɛ mą: «Nwului tii haa mɛ̨nį ə nwąną yɛ́ lə mɛ̨nį ɓa?» Ɉonasə ə nwoo ŋąąpənə yɛ mą: «Tɛ̨ą kaa bɔ́ ŋį́ kɛ diɛ ɉáá hviɛlaɓoɔi.»

Markə 6:19

Herodiadə liiholiɛ kɛ Ɉaan pɔ, ə kɛ bɔ ə Ɉaan paa. Kɛlaa, hva pɛli kɛ mą, Herodə mąą mɛ̨nį ɓa.

Markə 6:24

Nɛ̨ɛ̨non tii ə kulɔ ə li yɛ nee ɓa: «Lə kpɔ ɓə mąąnɛ̨ɛ̨ ŋą vɛli tɔɔmun ma?» Nee yɛ mą: «Li yɛ mą: Ɉaan-Batistə nwun galən ɓə gáá bɔ.»

Zĩi 1:19

Nąn nonnii nwɛ́likɛmąą nuą, ká káá a kilimąą nuą. 'Ká ká mąą hulɔ, mɛ̨nį mɛ̨n mɛ̨nį ɓa ɉa, kɛlaa, 'ká hvo humo a hvaa ɉa, 'ká hvo ká lííholi ɉa,