Ikilisiati 7:5 - Yálá laawoo hɛɓɛ (dc)

⁵ Nu wəli tɔɔ kilimąą mun nwɔ liɛwoo ɓa hviɛlaɓoɔi, ə tɛɛ nu wəli tɔɔ kilikpɛɛgwəi nuą di wɔ wələ wooɠaa diɛ.

Yálá laawoo hɛɓɛ

⁵ Nu wəli tɔɔ kilimąą mun nwɔ liɛwoo ɓa hviɛlaɓoɔi, ə tɛɛ nu wəli tɔɔ kilikpɛɛgwəi nuą di wɔ wələ wooɠaa diɛ.

Bible

⁵ Ǹɛ̂lɛɛi táre-nuu é lóno yâ é tɛ́ɛ la ƃoo-nuu kɛ́ɛ ƃaa kɛ́-maa wule toôi yâ.

Ikilisiati 7:5 ပူးပေါင်းရင်းမြစ်များ

Mąątɛ̨nɛ̨ 141:5

Tələnmolon a gɛ́lɛ, wɛlikɛmąą túwɔ́ li, tələnmolon a kɛi ɉútɔɔ, nwun na nɛ̨ɛ̨ li; Kɛlaa, nu ɲɔnwɔ̨ɔ̨ nwɔ nɛ̨ɛ̨laa nwɛi, ŋą́ nwún gulɔ mu. Ə mą kɛ tii, gáá lɔ mą gɛ́ Ə́ hvɛli, bələi mąn di kaa túwɔ́i la a ɲą́ą́ a ɲɔ̨nwɔ̨ɔ̨.

Mąątɛ̨nɛ̨ 69:12

Ŋį́ ɓíi haɠa too gwą́ną́, yɛ haa a too nu ɓa, ɛlɛɛ, ŋą́ą́ kɛ a di wɔ laapuɉu hɛn, yili mąą mɛ̨nį ɓa.

Hanwon 13:13

Nui a nu woo pili, a gbɔwɔ nwun na pili. Kɛlaa, nui a tɔ́n bɔ liɛwooŋąą hon, mąą nu a vɛla hɔlɔɓo.

Hanwon 13:18

Nui a bulu tɔɔ mąąkwɛli woo ɓa, laanɔ̨nwɔ̨ da nwumɛ̨ da hee mą. Kɛlaa, nui da nwəli lon doo ɉi, ə gili lɛɛ ɉu, mąą a wiɛ.

Hanwon 17:10

Mɛ̨nį toɔ kilimąą mun ma, dɔlɔ kaa mą, ə tɛɛ hvaɠa ɲąą nwun dɔ̨nɔ̨ kulaa kilikpɛɛgwəi mun ɉu, ɓa.

Hanwon 25:12

Kilimąą mun a nu hɔn doo, yá ə́ nwəli tɔɔ mą a nɛlɛɛ, gaa yɛ hɛni gbono da hɛni kwɛɛn.

Hanwon 27:6

Ə́ ɓɛlan a ə́ túwɔ́ a ɲee kpuwulu, wɛlikɛmąą kɛlɛ ɓo li, ə́ yowo a ə́ nɛ̨nɛ̨ɓo, yili kaa a mąąɲɔw hɛn.

Hanwon 6:23

Mąąhɔlɔɓo, liɛwoo kaa yɛ labon, mɛ̨nįi da nu kalan na, gaa a kɛɛ pɔ̨nɔ̨. Kili nwɔ hutɔɔ wooɠaa kaa a yɛnɛ̨ɛ̨ kɛ hɛn.

Hanwon 9:8

'Hvó yɛlɛkulɔ ɉumun ɉutɔɔ, ə́ wɛli hvo pa kpɛɛ mą. Kɛlaa, yá kilimąą mun ɉɔn nɛ mą, a ə́ wɛlilakɛ.

Ikilisiati 12:11

Kilimąą nuą woo kaa yɛ hɛ́pɛlɛ, a yali nu lii ɓa, ə nu kili nwun. Kilimąą nuą woo a nu kili lɛɛ mɛ̨nį kɔ́lɔn mɛ̨nįɠaa hu. Kilimąą nuą woo a həɠə Yálá tanɔ̨n gbən mə bɔ, yai a nu tənən dɔɔ a tɛ̨ą.

Ikilisiati 7:4

Kilimąą nuą da di kiliŋąhiɛ haa ɓa, kilikpɛɛgwəi nuą di wɛi, pə́lə́ lɔ ɓə da di kiliŋąhiɛ mą.

Ikilisiati 9:17

Kɛlaa yaamun, viɛlaɓoɔi nu ə́ ə́ wəli tɔɔ kilimąą mun ma a nɛlɛɛ, ə tɛɛ, tɔɔmun a kɛ mɛ̨nį ɓoi kilikpɛɛgwəi nuą diɛ yɛlɛ, mą.

M̀ɛni-lɛɛi 3:19

Nwɛ́i, nui nwɛli kaa mą́ą́, ya ɓə ŋą́ ɉɔn doo mą, gɛ́ ɉutɔɔ. 'Tɔɔ kani a ə́ nwąnąi, ə́ ə́ tuwɔ pələ mąąhvalin!