Ikilisiati 7:2 - Yálá laawoo hɛɓɛ (dc)

² Pɛlɛ́i di kaa haa wɔlɔ ɓoi mu, nu liɛ laa hviɛlaɓoɔi, ə tɛɛ, pɛlɛ́i di kaa kulɔ-yɛnɛ̨ɛ̨ kɛi mu, ma. Mąąhɔlɔɓo nu kəlee ɲąąkpɛɛi ɓaa haa, viɛlaɓoɔi nu kəlee di di gili lɛɛ ɉu.

Yálá laawoo hɛɓɛ

² Pɛlɛ́i di kaa haa wɔlɔ ɓoi mu, nu liɛ laa hviɛlaɓoɔi, ə tɛɛ, pɛlɛ́i di kaa kulɔ-yɛnɛ̨ɛ̨ kɛi mu, ma. Mąąhɔlɔɓo nu kəlee ɲąąkpɛɛi ɓaa haa, viɛlaɓoɔi nu kəlee di di gili lɛɛ ɉu.

Bible

² Ǹɛ̂lɛɛi núu é lí ƃɛ́i nûa da maloŋ-see ƃôi naai é tɛ́ɛ núu liɛ́ɛ ma ƃɛ́i da kúu kɛ́tɛ kɛ̂i naai, kpɛ́ni fêi núu kélee é kɛ́ a gɔ́lɔŋɔɔ a gɛɛ a pâi saâi.

Ikilisiati 7:2 ပူးပေါင်းရင်းမြစ်များ

Mąątɛ̨nɛ̨ 90:12

Ku yíi hvóló hu hvo kwɛa li, yili kpaɠala lɛ kuɔ, ku kili ə pu ɉu, əgɛ, kuɔ pɛli kili hɔlɔɓoi.

Ikilisiati 2:14

Mąąhɔlɔɓo, kilimąą mun ə ɉiɛ pələ kɔ́lɔn, Kɛlaa, kilikpɛɛgwəi mun a kɛ hiɛi yɛ ɲɛ̨ipumun yɛ ɲee pɛlɛ ɓɛ-ɓɛ. Ŋą́ mɛ̨nį tɔ̨nɔ̨ kɔlɔn, ya ɓaa; nu hveelɛi tii, mɛ̨nį tɔ̨nɔ̨ ɓə di mąąkpɔn ɉi.

Ikilisiati 2:16

Mɛ̨nįɠaai daa tɛɛ ɓɛ yələkɔlɔn mu, ɉu hva kpɛli kwɛa nuą daa mąn lɛ̨ą mą, kilimąą mun gili hva lɛɛ nuą ɲą. Kilimąą mun da kilikpɛɛgwəi mun da haa, nuą di hva kɛa di kiliŋąhiɛ nu heei hveelɛi tii diɛ; lə ɓə a yili kɛ tii-yoo?

Ikilisiati 3:19

Mąąhɔlɔɓo, bələi lɔ nu ɲąą a kpɛɛ la, bələ lɔ ɓə huwɔɠaa ɲąą a kpɛɛ la. Nɔ̨ɔ̨ tanɔ̨n nu hu, ya lɔ ɓə gaa huwɔ hu; gəlee hveelɛi da haa. Yili ɓa, nu hvo hviɛlaɓo li hvo tɛɛ huwɔ ɓa, mąąhɔlɔɓo, gəlee ŋąąkpɛɛi kaa a kpɛli-kpɛli mɛ̨nį.

Ikilisiati 3:20

Nɔ̨ɔ̨-nɔ̨ɔ̨ hɛnŋaa kəlee ŋąąkpɛɛ pələ kaa tanɔ̨n. Nɔ̨ɔ̨-nɔ̨ɔ̨ hɛn gəlee da pənə di pu pɔlɔ hu ɓɛi di həɠə laa.

Ikilisiati 6:6

Ə mą kpɛli kɛ aa kwɛlan nwaa-hveelɛ kɛ yɛnɛ̨ɛ̨, a kɛ a wala ɲąąnɛ̨ɛ̨ kulɔ, lə ɓə yili a gɛ nu ɓa? Kɛlɛi nɔ̨ɔ̨-nɔ̨ɔ̨ hɛn gəlee ŋąąkpɛɛi kaa tanɔ̨n-e?

Ikilisiati 9:2

Hɛn gəlee ŋąąkpɛɛi kaa tanɔ̨n: tələnmomun da nwąnąlɔmun di ŋąąkpɛɛi kaa tanɔ̨n. Nɛlɛɛ da ɲɔ̨nwɔ̨ɔ̨ di ŋąąkpɛɛi kaa tanɔ̨n. Nui a ɲɔw Yálá ɓa, da nui hva ɲɔw Yálá ɓa, di ŋąąkpɛɛi kaa tanɔ̨n. Bələ lɔ ɓə gaa la, nui a Yálá kɔ, da nui hva Yálá kɔ di lɔwai, ə mą kɛ, mɛ̨nį lɛlɛɛ kɛmun da, nɛ̨ŋɛ̨n ɉəɠəmun di lɔwai, nui a hɛn naakwɛlanmo Yálá ɓa, da nui hva hɛn da laakwɛlanmo Yálá ɓa, di lɔwai.

Ikilisiati 9:3

Mɛ̨nį ɲąąnwąnąąi gaa lɔi mɛ̨i, ya ɓaa: hɛn gəlee ŋąąkpɛɛi kɛ mɛ̨nį tanɔ̨n. Nuąi da di kpɔwɔ lɔ mɛ̨nį ɲɔ̨n gɛɛ hu, ɛlɛɛ, di liiɓa yɛ ɓo a kilikpɛɛgwəi túwɔ́ ɓoɔ, yii lɔ a lɛɛ nąą pulu, ya lɔ ɓaa a haa.

Ikilisiati 9:5

Nuąi di kaa a di hvulú, di kili kaa ɉu diɛ: di kaa pai haai. Kɛlaa, nuąi daa haa, di hvo haa ŋą mɔ̨nɔ̨ kɔ́lɔn. Mąąhɔlɔɓo, daa li lɛ̨ąmąątaa.

Azaya 47:7

Ə́ kɛli kɛ diɛ: «Gáá pai kɛi heeni lɔiɠaa mɛ̨i, a yələ kəlee mɛ̨nį.» Hvó ə́ kiliŋąhiɛ li, yɛ́ mɛ̨nįɠaa mukulaa ɓa, hvó gaa, hvó kpɛli ə́ kiliŋąhiɛ li di laa kulɔi ɓa.

Ɉeremi 16:8

Pɛlɛi nwɔ̨nɔ̨ di kaa hɛli pui mu, 'hvó li laa. Ka diɛni ka hvo ka yee lɔ kɔ́wɔ tɔ̨nɔ̨ hu, ka hvo lɔɔ kpələ gee ɓa.

Egaa 1:5

Ɲą́ą́ Yai-Laa Mɛ̨nį Kəlee ŋą Hééɓomun, gɛ́ ka ka kiliŋąhiɛ, mɛ̨nįɠaai daa həli kaa diɛ.

Malasi 2:2

Ɲą́ą́ Yai-Laa Mɛ̨nį Kəlee ŋą Hééɓomun, ka wala ka wəli tɔɔ, ka hvo gɛ pələ kwɛli mą, ka hvo náá mąąwiɛ mɛ̨nį həɠə a ka lii kəlee, gáá pai mɛ̨nį ɲąąnwąnąą laai kaa, mɛ̨inɛ̨ɛ̨ɠaai wɔlɔ ŋą́ naakwɛlanmo kaa, ŋą́ mąą pənə a nɛ̨ŋɛ̨n naa; ŋą́ gɛ tii, mąąhɔlɔɓo, ka hva mɛ̨nį ta kɛ a gɛ pələ.

Lonon mo 23:10

Gbɛɛ ɓə a pɛli Ɉakɔbə nwɔ muluun gbalai nonon ɉii? Da Israɛlə nwɔ nu kpului tii líi lɔ daną danąi? Yálá ə gɛ ŋį́ haa a dələnmo nuąi ŋɛ̨i haa pələ. Nwɔ́ yɛnɛ̨ɛ̨ laa kulɔi ə kɛ yɛ di wɛi.»

Maafîu 5:4

Nwun na nɛ̨ɛ̨ nuą ɓaa nuąi di kaa wɔlɔi. Mąąhɔlɔɓo, Yálá kaa pai di ɲɛ̨iyá kələi di ɲɛ̨i!

Dutɛrɔnome 32:29

Ə li kɛ kili kaa diɛ, də li gbaɠala kaa, də li kili hɔlɔɓo di tinąą mɛ̨nį hu.

Dutɛrɔnome 32:46

ə mo diɛ, yɛ diɛ: «Nwooɠaa ŋɛ̨i ŋį́ ka kalan na háákələi, ka ɉon a ka nwąnąąi; gaa a gu lɔwai kɛla. Ka ka lonnii kalan a dɔ́n nwooɠaa ŋɛ̨i hon mɛ̨nį.

Filipə 3:19

Di kaa di kpɔɔ nwun na pilii, mąąhɔlɔɓo, di wɔ Yálá ɓaa di kolon. Mɛ̨nįi a di nwumɛ̨, ya ɓə da di kwəinɛ̨ɛ̨ ɉu, ɛlɛɛ, di wɔ kiliŋąhiɛ ka lɔ ɲɛnɛ̨ɛ̨ ŋɛ̨i hu hɛnŋąa diɛ.

Hebreu 9:27

Yɛ bələi gaa la, nu kanŋaa da haa lɔ tanɔ̨n gbən, yili pulu, kitii yɛ di mąąkpɔn.