Ikilisiati 7:16 - Yálá laawoo hɛɓɛ (dc)

¹⁶ 'Hvó ə́ kpɔwɔ kaa, ə́ ɲɛ̨i ɓa yɛ nu haŋąą. 'Hvó ə́ kpɔwɔ kaa ə́ ɲɛ̨i ɓa yɛ kilimąą mun. Akɛ tii, mɔ̨nɔ̨ lɔ ɓə gwa naa gu kpɔwɔ ɓa.

Yálá laawoo hɛɓɛ

¹⁶ 'Hvó ə́ kpɔwɔ kaa, ə́ ɲɛ̨i ɓa yɛ nu haŋąą. 'Hvó ə́ kpɔwɔ kaa ə́ ɲɛ̨i ɓa yɛ kilimąą mun. Akɛ tii, mɔ̨nɔ̨ lɔ ɓə gwa naa gu kpɔwɔ ɓa.

Bible

¹⁶ Ífe kɛ̀ a ísɔŋ lɛ́lɛɛ a ŋánaa. Ífe tela kɛ̀ a ítareɛɛ a ŋánaa. Ya gɛ̀ tí, gɛ̀ ní ya pɔ̂ri íkpîŋ su karâi.

Ikilisiati 7:16 ပူးပေါင်းရင်းမြစ်များ

Zɛnɛse 3:6

Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.

Zôo 11:12

Mąąhɔlɔɓo, nu hvii a kpɛɛ kɛnɛ̨, hva tɛ̨ą kɔ́lɔn, ə lɛɛ, nu kaai lɔwai, a kɛ lɔ yɛ hoohvaalən non.

Zôo 28:28

Yili pulu, ə mo nu kanŋaa diɛ, yɛ diɛ: «Nu a ɲɔw Nąmu Yálá ɓa, yili kaa a kilimąą mɛ̨nį! Nu a mąą kwɛa mɛ̨nį ɲɔ̨n ma, yili kaa a mɛ̨nį kɔ́lɔn ŋąą!»

Hanwon 23:4

'Hvó ə kpɔwɔ hviikpɛɛ, yɛ́ kɛ ə́ kaa kɛi a hɛn gɔw nąmu, 'hvó ə́ níí laa yili mɛ̨i.

Hanwon 25:16

Yá kwiɛn a kwɛ̨n nwulɔ, yii a pɛli yɛ́, yili kɔ̨mɔ̨, əgɛ, hvo pa lɛɛ kɔ̨mɔ̨i hvó ɓaɠi la.

Ikilisiati 12:12

Nón, hvo kɛ ə kaa mɛ̨nį ŋɛ̨i ta pɛlɛi mą. Da pɛli kɛ di hɛɓɛ́ yili tamąą pɛ̨ɛ̨, Kɛlaa, a tamą tii, gəlee hu mɛ̨nį mąąkwɛliɛ a hvaŋą kpɛɛ ə́ yə́i.

Maafîu 23:29

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo ɓɛlaai kaa. Mąąhɔlɔɓo, ka Yálá kwəi mɛ̨nį hukulɔ nuą pɔlɔɠaai da tələnmo nuą kámą pɛli a nəlɛɛ.

Maafîu 23:38

Yili ɓə gaa mą, ka wɔ pɛlɛ́i lɛɛ kpɔ ka tii gbɔwɔ ɓa.

Maafîu 23:5

Da di kɛ mɛ̨nįɠaa kɛ nuą ɲɛ̨i ɓa, ə gɛ di di kaa. Ka di tɔwɔla kaa, Yálá nwɔ tɔ́n taɠaa pɛ̨ɛ̨ kaa huwɔ kɔ́lɔ hu, a mɛla ɲa kɛnɛ̨ bəlɛɛ di tɔwɔla. Daɠaa yiliɛɛ di yee ɓa. Ɲalai da dɔɔ di wɔ həɠəɠaai mu, gaa a mɛla ŋą kɛnɛ̨.

Maafîu 9:14

Nąąlɔwai, Ɉaan-Batistə nwɔ kalan nɛai di pa diɛ Jesus ɓa: «Lə mɛ̨nį ɓa kwa Farisiɛ̨ɠaa kwa hin nɔ, ə́ wɔ kalan nɛai di hva hin nɔ?»

Lukə 18:12

Ŋą́ hin nɔ gee mɛ̨i hveelɛ lɔwɔ tɔ̨nɔ̨ yee mu, gɛ́ nwɔ́ hɔlɔɓo hɛnŋąa kəlee bow nąą tɛɛ ə́ pɔ.›

Lomaŋ 10:2

Mąąhɔlɔɓo, ŋą́ pɛli ŋą́ mąą kɛla hvaaɓo gɛ́ diɛ: Yálá mɛ̨nį kɛ kwəinɛ̨ɛ̨ kaa di hu; kɛlaa, di wɔ kwəinɛ̨ɛ̨i ti, mɛ̨nį kɔ́lɔn ŋąą, hvo ɉu pono li di yəi.

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

Lomaŋ 12:3

Mɛ̨inɛ̨ɛ̨i Yálá aa gɛ mą́ą́ ɉaalai ɓə gɛi, gɛ́ kɛ káá: 'Ká hvo ka kpɔwɔ hviala ɓo, kiliŋąhiɛ lɛlɛɛ ə kɛ kaa. Laa na laai Yálá aa dɛɛ ka pɔ, nu kəlee ə gbɔwɔ kaa yili hu.

Korɛntə dɔlɔɔ 3:18

Nu ta hvo gbɔwɔ ɓowo, nu ta a kɛ ka lɔwai yɛ gbɔwɔ kaa yɛ ɲɛ̨nɛ̨ɛ̨ ŋą kilimąą mun, ə gbɔwɔ kɛ a ɓowomun, ə gɛ, ə kɛ a kilimąą mun neelee.

Korɛntə dɔlɔɔ 3:20

Ɛlɛɛ nwɔ̨nɔ̨: «Gu Námu Yálá ə kilimąą nuą di wɔ kiliŋąhiɛ kɔ́lɔn, gili kaa ɉu yɛ gaa a kpɛli.»

Filipə 3:6

Yii hvilɛn na dɔ́n mąąkɔ̨nwɔ̨ mɛ̨nį ɓa, ŋį́ kɛi Kristə nwɔ nu kpului ɓɛlɛkpɛɛ diɛ, yii hvilɛn na dɔ́n ɉan haaɓa, hɔn və kɛ mą́ą́.

Kolosə 2:18

'Ká hvo ká kpɔwɔ lɛɛ laa, ɲɛ̨imąą-nɛ̨ɛ̨ nuą hvo ká ɲąąnɛ̨nɛ̨n, di hvo ká ɲɛ̨i tínɛ̨n di pɔ pələ: A kalan gɛ pələ huwu ta, a malakaɠaa hvɛli pələ huwu ta; da lɔ di kpɔɔ kiliŋąhiɛ hu, di wɔ mɛ̨nį kɔlɔn bələ yɛ di hu hvɛɛ a ɓowo pələ.

Kolosə 2:23

Di mąn kpɔ dɔn nwooɠaa ti heekpəlin na kɛ a kilikɛɲəi laai, gaa lɔ a: di kpɔ-kpɔɔ kalan bələ, a kalan bələ huwu ta, a di kɔlɔ mɔ̨nɔ̨ ɓo pələ; nwun nɔ pee ta hvo mą, gaa lɔ a kɔlɔ liiɓa kɛ mɛ̨nį.

Timote dɔlɔɔ 4:3

Di pai tɔn dɔɔi hilɛtai mɛ̨nį ɓa, diɛ tɔn dɔɔ kɔ̨nɔ̨n daɠaa diɛ, ya pa, Yálá ə di pɛli, laa na nuąi álá kɔlɔn a neelee, da kɛli mįi, diɛ Yálá mąmąɓo.

M̀ɛni-lɛɛi 18:19

Diɛ pɔ́lɔ́ pu di nwuɔ̨, diɛ tomą, diɛ di woolaa, diɛ kɛ: «Ee kə kpalo! Ə kə gbalo kɛnɛ̨ɛ̨! Daa-leei kɛ ɉu ɲąąnɛ̨ɛ̨ pələ, ə nuąi kpɔ di wɔɔ gələnŋaa di kɛ gboloyá ɲą, di yeela holoon, ya ka, lɛɛlɛ tanɔ̨n ɲee mu, aa hvɛɠɛ a ɉɛn tii kəlee.»