Ikilisiati 7:14 - Yálá laawoo hɛɓɛ (dc)

¹⁴ Ɓɛlɔwai ɲɛnɛ̨ɛ̨ ɲąą a nɛ̨ɛ̨ la gu yəi, ka gu gu kwəinɛ̨ɛ̨. Ɲąąnwąnąą a həli la guɔ, ka gu gu kiliŋąhiɛ, ɲąąnɛ̨ɛ̨ da ɲąąnwąnąą, Yálá kɛ mɛ̨nį ɓaa a gəlee, Ə yili kɛ tii, əgɛ, nu hvo pɛli Yálá kɛ mɛ̨nįɠaa kpun ɉu kaai.

Yálá laawoo hɛɓɛ

¹⁴ Ɓɛlɔwai ɲɛnɛ̨ɛ̨ ɲąą a nɛ̨ɛ̨ la gu yəi, ka gu gu kwəinɛ̨ɛ̨. Ɲąąnwąnąą a həli la guɔ, ka gu gu kiliŋąhiɛ, ɲąąnɛ̨ɛ̨ da ɲąąnwąnąą, Yálá kɛ mɛ̨nį ɓaa a gəlee, Ə yili kɛ tii, əgɛ, nu hvo pɛli Yálá kɛ mɛ̨nįɠaa kpun ɉu kaai.

Bible

¹⁴ Ŋ̀éniɛi a ŋ̀ɛi lɛ́lɛɛ tìnaŋ ípɔ naa pere, lii-nɛ̃ɛ kula. A tela ŋ̀ɛ́i pôlu fè yɛ̂, yéei sée mu kpɛ́ni fêi, Ɣâla ƃé mɛni feerɛi ŋí kpɛ̀tɛ. Mɛni ma, núu da fé m̀ɛnii kɔ́lɔŋ pâi kɛ̂i tínaai.

Ikilisiati 7:14 ပူးပေါင်းရင်းမြစ်များ

Tɔɔɓɛlaa dɔlɔɔ 8:47

nɔi da kɛ ɉu luwɔlaa hu, da lɛɛ laa, da di kiliŋąhiɛ, da di túwɔ́ pələ mąąhvalin, da nɛ̨ɛ̨mąą hvə yɛ́, ɓɛi tii di kaa laa nuwɔlaa hu, diɛ kɛ mą: ‹Nɛ̨ŋɛ̨n ɉəɠə nuą ɓaa kuɔ, kwaa ku ɉon gɛ, kwaa nɛ̨ŋɛ̨n ɉəɠə›.

Zôo 2:10

Ɉobə yɛ nɛ̨ą ɓa: «Yɛ́ hvaa yɛ nɛ̨ɛ̨nui hva mɛ̨nį ɲąąkaa. Mɛ̨inɛ̨ɛ̨ lɔ ɓə gwa ɉɔlɔɓo Yálá yəi, a nwɔ nu kpɔɔ laa hɛn, mɛ̨nį ɲąąnwąnąą yaan, lə mɛ̨nį ɓa gu hva pɛli gu yee heei yili mu?» Mɛ̨nįɠaai ti kəlee hu, woo ɲɔ̨n və kulɔ Ɉobə la.

Mąątɛ̨nɛ̨ 119:71

Mą́ą́ yɛɛ mɛ̨nį ə́ yəi, kaa mą́ą́ a mɛ̨nį lɛlɛɛ, əgɛ, ŋį́ ə́ wɔ tɔn nwooɠaai mąąkwɛli.

Mąątɛ̨nɛ̨ 40:3

Aa gúlɔ ɓoloon ɲɔ̨nwɔ̨ɔ̨ hu, da palayá kpon ɉu kwɛaa hu; ə ɉáŋą ə dɔ́ɔ́, ə gɔ́wɔ́ hvilɛn kwɛni mɛ̨i, ə gɔ́wɔ́ɠaa hukɔlɔ mú.

Ikilisiati 10:14

A kɛ tii kɛa, hva kɛa naapilɛ. Yaan, nu hvo ɉaa pulu mɛ̨nį kɔlɔn, gbɛɛ a pɛli nɛi mą?

Ikilisiati 11:9

Yɛ́i a nunwunu, ə́ wɔ nunwunulaa ɲąąnɛ̨ɛ̨ kulɔ, ə́ ɲąąnɛ̨ɛ̨ kulɔ nąąlɔwai. Yii kpɔ a nɛ̨ɛ̨ yɛ́, gɛ. Yii yá gaa a nɛlɛɛ, yili kɛ. Kɛlaa, ə́ kili lɛɛ ɉu a nɛlɛɛ, yɛ́ kɛ: Yálá kaa pai ə́ kɛ mɛ̨nįɠaa tii kəlee kiti teei.

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.

Ikilisiati 12:8

Kilimąą mun yɛ diɛ: kpɛli-kpɛli mɛ̨nį da kpɛli-kpɛli mɛ̨nį, mɛ̨nį kəlee kaa a kpɛli-kpɛli.

Ikilisiati 3:22

Yili ɓa, yii ŋą́ gaa ya ka: Yii lɔ nɛlɛɛ nu lonnii diɛ, ya ɓaa: Di di ɲąąnɛ̨ɛ̨ kulɔ di kɛ kóló hu. Yii lɔ mąąnɛ̨ɛ̨ ə gwəinɛ̨ɛ̨ ɉu, yaa lɔ li. Mąąhɔlɔɓo, mɛ̨nįi pai tɛɛi nu haa pulu, hva lɛɛ heeni hvo gaa!

Ikilisiati 3:4

Nu wɔlɔ yələ kaa mą, nu yɛlɛ yələ yɛ ɓo mą. Woolaa kɛi yələ kaa mą, mąnąkaa yələ yɛ ɓo mą.

Ikilisiati 5:17

Yii lɔ kɛa ŋą́ gaa a ŋąąkpɛɛi, ya ka: Yii viɛlaɓoɔi nu lonnii mąą mɛ̨nį ɓa, ya ɓaa: Nu nwɔ kɛ yɛnɛ̨ɛ̨ hu, ə naa mįi, ə gbələ, ə gɛ kóló ɲąąnɛ̨ɛ̨ kulɔ ɲɛnɛ̨ɛ̨ ŋɛ̨i Yálá ə dɛɛ bɔ ɉu; yili lɔ ɓə gaa a nu nwɔɔ nąą.

Ikilisiati 8:7

mɛ̨nįi pai kɛi tínąą, gu hvo gɔlɔn. Bələi mɛ̨nįɠaa kaa pai kɛi la, gbɛɛ ɓə a pɛli nɛi guɔ?

Ikilisiati 9:7

Yili ɓa, ə́ laa mįi, ə́ wɔ lɔɔi kpələ a ə́ kwəinɛ̨ɛ̨; mąąhɔlɔɓo, Yálá aa ə́ kɛ mɛ̨nįɠaa hu nɛ̨ɛ̨.

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Azaya 42:25

Yili ɓə gɛ yɛ nwɔ lííholi kɛnɛ̨ɛ̨i hiɛ Israɛlə mɛ̨i, kɔ́ mɔ̨nɔ̨ɠaa diɛ hee ɉu; diɛ nwɔ̨n doo ɉu nąą kɔ́lɔ kəlee, ə mą kɛ tii, Israɛlə hvo tí hvo gɔlɔn, Yálá ə gələn, ə diɠi kɛ, ə həli ɉɛ̨ąi, ə mą kɛ tii, yili hvo kɛ Israɛlə ɓa a mɛ̨nį.

Ɉeremi 23:20

Yai-Laa nwɔ liiholi kɔ́lɔ hvo pai haai mą. Hvo kɛli mɛ̨nįɠaa ə naa gwəi a di kɛ. Ɲee laa kulaa pulu, ka káá pai mukulaa kaai.

Woolaa 3:38

Kɛlɛi Hɛn-Gəlee-Mɛ̨imun naaləi lɔ ɓə, ɲąąnwąnąą da ɲąąnɛ̨ɛ̨ da kulɔ laa-ee!

Mise 6:9

Yai-Laa kaa húú pilii daa ɓa; nuąi da ɲɔw naa ɓa, gaa pai di ɓaloi, «Nɔi lonnii, da kaai ɲąąkpɔn ɉu, 'ka ka wəli tɔɔ!

Maafîu 9:13

'Ka li, ka nwoo ɲɛ̨i mukulaa kwɛli; yai da kɛ mą: ‹Ɲɛ̨i mąąwɛli kaa ɓə gáá bɔ, ə tɛɛ taatɛlɛɛ haláá kulaa ɓa.› Mąąhɔlɔɓo, və́ pa li, nu haŋąąɠaa kwɛli, kɛlaa, ŋą pa nɛ̨ŋɛ̨n ɉəɠə nuą kwɛli mɛ̨nį ɓa.»

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Dutɛrɔnome 26:11

Ɛlɛɛ nwunnąnɛ̨ɛ̨ kpɔ tii, Yai-Laa ka wɔ Yálái ə gɛ kaa, ka ka yəi bɛlɛ́n nuą, ka kɛ kwəinɛ̨ɛ̨ hu, ka Levi lonnii da nwɛ̨ąi di kaa ka kɔ́wɔ mɛ̨i.

Dutɛrɔnome 28:47

«Akɛ ka wala tí Yai-Laa ka wɔ Yálái ɓa a ka kwəinɛ̨ɛ̨, da ka lii kəlee, ɓɛlɔwai ka yee laahvɛɛi la a hɛn gəlee,

Dutɛrɔnome 8:3

Ə ka kɛ a yeehowolo nuą, ə pulu too kaa, ɛlɛɛ, ə manə tɛɛ ka pɔ a ka kɔ̨nɔ̨n. Kaa-o, ka nąnni man-wo, ka hvo kɛ gɔlɔn a bɔlɔ. Ə kɛi nɛ tii kaa, yɛ kɛ kaa: nu hva nwɔ yɛnɛ̨ɛ̨ kɛ lɔ a laa mįi hɛn, kɛlaa, nu nwɔ yɛnɛ̨ɛ̨ kɛ hɛn mąą a: Yai-Laa hvaa woo.

Dutɛrɔnome 8:5

Mąąnɛ̨ɛ̨ ka ka kiliŋąhiɛ, ka gbaɠala kaa, kaa diɛ Yai-Laa ka wɔ Yálái kaa ka mąą kwɛlii yɛ bələi lon gaamun a non mąą kwɛli la.

Zĩi 5:13

Ká ta kaa mɔ̨nɔ̨ mį́i? Ə Yálá hvɛli. Gwəinɛ̨ɛ̨i? Ə Yálá mąąwiɛ wələ too.