Ikilisiati 6:6 - Yálá laawoo hɛɓɛ (dc)

⁶ Ə mą kpɛli kɛ aa kwɛlan nwaa-hveelɛ kɛ yɛnɛ̨ɛ̨, a kɛ a wala ɲąąnɛ̨ɛ̨ kulɔ, lə ɓə yili a gɛ nu ɓa? Kɛlɛi nɔ̨ɔ̨-nɔ̨ɔ̨ hɛn gəlee ŋąąkpɛɛi kaa tanɔ̨n-e?

Yálá laawoo hɛɓɛ

⁶ Ə mą kpɛli kɛ aa kwɛlan nwaa-hveelɛ kɛ yɛnɛ̨ɛ̨, a kɛ a wala ɲąąnɛ̨ɛ̨ kulɔ, lə ɓə yili a gɛ nu ɓa? Kɛlɛi nɔ̨ɔ̨-nɔ̨ɔ̨ hɛn gəlee ŋąąkpɛɛi kaa tanɔ̨n-e?

Bible

⁶ nyii gɔ̂liŋ è kɛ̀ a zu kɛ́tɛ kɛ́lɛ vé ŋ̀aa nɛ̃ɛ kula ní berei máŋ è kɛ̀ la ɣele ma a kóraŋ támaai. A nɛ̃ɛ ma é kɛ́ tí, díkelee da liî kwaa tɔnɔ ma.

Ikilisiati 6:6 ပူးပေါင်းရင်းမြစ်များ

Zɛnɛse 5:5

Adamə kaa kwɛlan gəlee pɛlɛɛ gee ɓa, ə kɛ a: kwɛlan nwun mɛ̨inąąn kwɛlan bow haaɓa. Yili pulu, ə haa.

Zôo 1:21

Yɛ diɛ: «Bələi lɔ néé ə gaa la a gbúwulu, bələ lɔ ɓə gáá pai pənəi la. Yai-Laa ɓə gɔ́. Yai-Laa ɓə pənə ə ɉəɠə. Mąąwiɛ ə kɛ Yai-Laa laa ɓa.»

Zôo 30:23

Gílí kaa ɉu, gɛ́, ə́ kaa lii a ɲą́ą́ haa pɔ pələ, yii nu huwu kəlee kaa mąąkpɔn ɉii.

Zôo 7:7

Gílí aa pu ɉu, gɛ́ nwɔ́ yɛnɛ̨ɛ̨ kaa lɔ a hvaŋą. Ə lɛɛ ɲɛ̨́i kɔ́w hvo kɛa pai mɛ̨nį ɲąąnɛ̨ɛ̨ kaai.

Mąątɛ̨nɛ̨ 34:12

Nónnii, 'ka pa ka ka wəli tɔɔ nwóó ɓa, bələi mąąnɛ̨ɛ̨ nu ə ɲɔw la Yai-Laa ɓa, ŋį́ bələ lɛ kaa.

Ikilisiati 12:7

Gɛɛ pɔlɔ hvo pu pɔlɔ ɓa ɓɛi ə həɠə laa, nɔ̨ɔ̨ ə tɛ Yálá pɔ yaai doo ɉu.

Ikilisiati 2:14

Mąąhɔlɔɓo, kilimąą mun ə ɉiɛ pələ kɔ́lɔn, Kɛlaa, kilikpɛɛgwəi mun a kɛ hiɛi yɛ ɲɛ̨ipumun yɛ ɲee pɛlɛ ɓɛ-ɓɛ. Ŋą́ mɛ̨nį tɔ̨nɔ̨ kɔlɔn, ya ɓaa; nu hveelɛi tii, mɛ̨nį tɔ̨nɔ̨ ɓə di mąąkpɔn ɉi.

Ikilisiati 3:20

Nɔ̨ɔ̨-nɔ̨ɔ̨ hɛnŋaa kəlee ŋąąkpɛɛ pələ kaa tanɔ̨n. Nɔ̨ɔ̨-nɔ̨ɔ̨ hɛn gəlee da pənə di pu pɔlɔ hu ɓɛi di həɠə laa.

Ikilisiati 6:3

Nu ta a pɛli mą ə lon ɉɔlɔɓo nwun dɔ̨nɔ̨, mąą nu ə kwɛlan damąą kɛ yɛnɛ̨ɛ̨, akɛ hvo ɲąąnɛ̨ɛ̨ kulɔ li ɲíi hvóló tamąą tii hu, ɛlɛɛ nwɔ̨nɔ̨, di hvo kpɛli bowa loo li a nɛlɛɛ, yili ɲąąnɛ̨ɛ̨ ɓaa a lə? Nwɔ́ kwəi, yəikalalon viɛlaɓoɔi mąą nu ɓa.

Ikilisiati 6:5

Hvo kɛ hvóló kaa li, hvo yɛnɛ̨ɛ̨ mɛ̨nį ta kɔ́lɔn. Nwɛi, nwɔ hvįitɔɔi kɛnɛ̨i, ə tɛɛ nui ŋɛ̨i kwɛlan damąą kɛ yɛnɛ̨ɛ̨, mą.

Ikilisiati 7:2

Pɛlɛ́i di kaa haa wɔlɔ ɓoi mu, nu liɛ laa hviɛlaɓoɔi, ə tɛɛ, pɛlɛ́i di kaa kulɔ-yɛnɛ̨ɛ̨ kɛi mu, ma. Mąąhɔlɔɓo nu kəlee ɲąąkpɛɛi ɓaa haa, viɛlaɓoɔi nu kəlee di di gili lɛɛ ɉu.

Ikilisiati 9:2

Hɛn gəlee ŋąąkpɛɛi kaa tanɔ̨n: tələnmomun da nwąnąlɔmun di ŋąąkpɛɛi kaa tanɔ̨n. Nɛlɛɛ da ɲɔ̨nwɔ̨ɔ̨ di ŋąąkpɛɛi kaa tanɔ̨n. Nui a ɲɔw Yálá ɓa, da nui hva ɲɔw Yálá ɓa, di ŋąąkpɛɛi kaa tanɔ̨n. Bələ lɔ ɓə gaa la, nui a Yálá kɔ, da nui hva Yálá kɔ di lɔwai, ə mą kɛ, mɛ̨nį lɛlɛɛ kɛmun da, nɛ̨ŋɛ̨n ɉəɠəmun di lɔwai, nui a hɛn naakwɛlanmo Yálá ɓa, da nui hva hɛn da laakwɛlanmo Yálá ɓa, di lɔwai.

Azaya 65:20

Lon dala hvo kɛa pai haai laa, a yii kuu hveelɛ yee mu lon, ə mą kɛ hulɔgolo, yii hvo nwɔ yɛnɛ̨ɛ̨ laa hvɛɛ li, nui a haa a nwɔ kwɛlan nwundɔ̨nɔ̨, a kɛ tii, aa haa ɉilənon gɔlɔi, ɛlɛɛ, nɛ̨ŋɛ̨n mun a kwɛlan nwun dɔ̨nɔ̨ hɔlɔɓo, da gaa a nɛ̨ŋɛ̨n naa mun.

Azaya 65:22

Di hvo kɛa pai pɛlɛ tɔɔi, nu ta kpɛli yɛ lɔ mu, di hvo kɛa pai tíi kɛi, nu ta kpɛli yɛ mą mįi. Mąąhɔlɔɓo, bələi lɔ wulu a lamu la, bələ lɔ ɓə nwɔ́ nuąi kaa pai lamui la. Nííɓa nuą kaa pai kulɔi, di yee kɛ kóló dɔlɔ ɓa.

Ɉeremi 17:6

Gaa yɛ wulu yii gaa gbalə hu, hva nwun nanɛɛ kaa yɛ pa, lɔi pun gələn ŋąą ɓə ɲɛ̨i kaa dɔwɔ, kwɛni lɔi hu ɓɛi a tɔɔ laa.

Hebreu 9:27

Yɛ bələi gaa la, nu kanŋaa da haa lɔ tanɔ̨n gbən, yili pulu, kitii yɛ di mąąkpɔn.