Ikilisiati 5:17 - Yálá laawoo hɛɓɛ (dc)

¹⁷ Yii lɔ kɛa ŋą́ gaa a ŋąąkpɛɛi, ya ka: Yii viɛlaɓoɔi nu lonnii mąą mɛ̨nį ɓa, ya ɓaa: Nu nwɔ kɛ yɛnɛ̨ɛ̨ hu, ə naa mįi, ə gbələ, ə gɛ kóló ɲąąnɛ̨ɛ̨ kulɔ ɲɛnɛ̨ɛ̨ ŋɛ̨i Yálá ə dɛɛ bɔ ɉu; yili lɔ ɓə gaa a nu nwɔɔ nąą.

Yálá laawoo hɛɓɛ

¹⁷ Yii lɔ kɛa ŋą́ gaa a ŋąąkpɛɛi, ya ka: Yii viɛlaɓoɔi nu lonnii mąą mɛ̨nį ɓa, ya ɓaa: Nu nwɔ kɛ yɛnɛ̨ɛ̨ hu, ə naa mįi, ə gbələ, ə gɛ kóló ɲąąnɛ̨ɛ̨ kulɔ ɲɛnɛ̨ɛ̨ ŋɛ̨i Yálá ə dɛɛ bɔ ɉu; yili lɔ ɓə gaa a nu nwɔɔ nąą.

Bible

¹⁷ Gáa nɔ́ kpînii ŋɔɣéniɛi su, lii-too pôlu kɛ́tɛ da lii-ŋwana, ŋɔkili-ŋa-siai fa lî mɛni lɛ́lɛɛ ma.

Ikilisiati 5:17 ပူးပေါင်းရင်းမြစ်များ

Zɛnɛse 3:17

Yai-Laa yɛ kɛa hulɔnu ɓa: «Yii kpɔ ə́ ə́ wəli tɔɔ ə́ nɛ̨ą woo ɓa, ɛlɛɛ, nwului ŋɛ̨i ŋą́ kɛ yɛ́: ‹Hvó má ta mį́i›, ə́ da mį́i, ə́ hɔn tii mąąi mɛ̨nį ɓa, lɔi kaa pai kɛi a nɛ̨ŋɛ̨n naa. Ə́ kaa pai kɛi mɔ̨nɔ̨ mį́i ə kɔ̨nɔ̨n gwɛliɛ hu, lɔi ɓa, ə́ yíi hvóló kəlee hu.

Tɔɔɓɛlaa dɔlɔɔ 17:12

Nɛ̨ɛ̨nui yɛ Eli ɓa: «A tɛ̨ą, yɛ bələi Yai-Laa kaa la vulú! Lɛɠɛ hvo ɲə́i! Lɛɠɛ hunwɔ logolo tiikpə ɓə ɲə́i nəɠi kpon ŋą, ɛlɛɛ wulɔ logolo tiikpə ɓə ɲə́i múluun ɉu. Yili nwɔ kwɛi wolo lɔ ka ŋɛ̨i ŋą́ kɛi gwɛli, ŋą́ li, ŋą́ ɲili, kwa nón kwa mįi kɛa, kuɔ haa mąą kpɔn.»

Tɔɔɓɛlaa veelɛ 1:2

Yələ ta, tɔɔmun Akaziasə ə kɛ ɲəi dɔɔ pɛlɛ́ ɲimąn mu ɲələi, Samari, ə kulɔ vaŋą pili ə too, ə mąą nwąną kpɔ kɛnɛ̨. Tɔɔmun ə nɛɛ mą ə nuą tɔɔ, diɛ li Baalə-Zebubə mąąni gɛi. Baalə-Zebubə tii ɓə kɛ a Ɛkrɔn nuą di wɔ hali.

Tɔɔɓɛlaa veelɛ 1:6

Di diɛ mą: «Ku kwiɛn a nu ta bələi, yɛ kuɔ ka pənə ka li, ka mo tɔɔmun ma, kaa mą: ‹Yai-Laa yɛ diɛ: Akɛti, Yálá hvo Israɛlə nuą yəi? Yai ka káá lii Baalə-Zebubə mąąnin gɛi, yai a Ɛkrɔn nwɔ hali? Yili mąą mɛ̨nį ɓa, gbin tii ə́ kaa ŋą laani hvó pai həɠəi laa, nąą ɓə ə́ kaa haai laa.›»

Tɔɔɓɛlaa veelɛ 5:27

Yili ɓa, Naaman nwɔ hvólóɲɔ̨n tii a lɛɛ yɛ́ ka ə́ huwu kaa a yələ kəlee mɛ̨nį.» Gehazi ə kulɔ Elise pɔɔli, volóɲɔ̨n tii aa gɔlɔ nąą kəlee kwələ yɛ da luwu pu nu ɓa.

Zôo 21:25

Nu taɠaa diɛ haa, di laahvɛɛ a liikələn gwəi. Di hva yɛnɛ̨ɛ̨ kwəinɛ̨ɛ̨ tɔ̨nɔ̨ kpɛli hɔlɔɓo.

Mąątɛ̨nɛ̨ 102:9

Ɲówóɠaa da túwɔ́ lɔ vííɓoi, nuąi kɛi mą́ą́tɛ̨nɛ̨ toloo toloo, diɛ nɛ̨ŋɛ̨nnaa kɛ a náá.

Mąątɛ̨nɛ̨ 127:2

Kpɛli ɓaa nu ə humo a muhəɠɛɛ, yɛ lɛɛ ɲɛ̨i ɓa kpinį hu yɛ kwɛa, yɛ́ mɔ̨nɔ̨ kɔ̨nɔ̨n mį́i lɔ! Yai-Laa a nwɛlikɛmąą nuą lɛɛ yíi, Ə di kɔ́ a kɔ̨nɔ̨n.

Mąątɛ̨nɛ̨ 39:6

Hvo gaai, yáá nwɔ́ hvólóɠaai hu kpuwɔ kɛnɛ̨, ɛlɛɛ, nwɔ́ yɛnɛ̨ɛ̨ kaa kpɔ a lə, ə́ ɲɛ̨i ɓa? A tɛ̨ą, nu hu kilinŋąą kaa lɔ ə́ ɲɛ̨i ɓa hvɔan-hvɔan, yɛ hvaŋą.

Mąątɛ̨nɛ̨ 78:33

Ə di wɔ hvólóɠaai lɛɛ a kpɛli, yɛ hvaŋą, diɛ di wɔ kwɛlanŋaa kɛ ɲɔw kɛnɛ̨ hu.

Ikilisiati 2:10

Hɛn kpɔ ɲɛ̨́i kɔ́w ə kɛ bɔ ə gaa, ŋą́ gəlee lɛ mą. Mɛ̨nį ɲąąnɛ̨ɛ̨ ta hvo kɛ laa, yii və́ da kɛ. Kólói kpɔ ŋą́ gɛ, ŋą́ gəlee tɔlɔ hɔlɔɓo. Yii mąąnɛ̨ɛ̨ kɛ ŋą́ nííɓa kɛ ɉu, ŋą́ yili kəlee kɛ.

Ikilisiati 2:23

Nu kan nwɔ yɛnɛ̨ɛ̨ ɲąąnɛ̨ɛ̨ hvo ɉu, kɛ mɛ̨nįɠaa kəlee da liihɛlɛn doo mą, yɛ gbaan, ə mą kɛ a kpinį ɓə, hvįitɔɔ hvo ɲəi. Yili kaa lɔ nwɔ̨nɔ̨ a kpɛli-kpɛli mɛ̨nį.

Ikilisiati 2:24

Mɛ̨nį ɲąąnɛ̨ɛ̨i lɔ gaa nu yəi, ya ɓaa: Ə kɔ̨nɔ̨n mįi, ə gbələ, ɛlɛɛ, ə gwəinɛ̨ɛ̨ kɛ kóló dɔlɔ hu. Ŋą́ gaa gɛ́ diɛ Yálá ɓə a nu kɔ́ a yili.

Ikilisiati 7:14

Ɓɛlɔwai ɲɛnɛ̨ɛ̨ ɲąą a nɛ̨ɛ̨ la gu yəi, ka gu gu kwəinɛ̨ɛ̨. Ɲąąnwąnąą a həli la guɔ, ka gu gu kiliŋąhiɛ, ɲąąnɛ̨ɛ̨ da ɲąąnwąnąą, Yálá kɛ mɛ̨nį ɓaa a gəlee, Ə yili kɛ tii, əgɛ, nu hvo pɛli Yálá kɛ mɛ̨nįɠaa kpun ɉu kaai.

Gɛlaɠaa 12:23

Kɛlaa, nąąlɔwai ti kpɔlɔ, gu Ną́mu nwɔ malaka ta ə gɛlɛ, mąąhɔlɔɓo, hvo kɛ Yálá mąąwiɛ li. Ɲąą ɓa, koló ə pu ɉu, ə haa.