Ikilisiati 5:13 - Yálá laawoo hɛɓɛ (dc)

¹³ Kɛlaa, nwɔ hɛn gɔwi tii hu ə kala mɛ̨nį walawala ta hu. Ɓɛlɔwai ə lon ɉulɔnu hɔlɔɓo la, hɛn da hvo kɛa kɛ ɲəi.

Yálá laawoo hɛɓɛ

¹³ Kɛlaa, nwɔ hɛn gɔwi tii hu ə kala mɛ̨nį walawala ta hu. Ɓɛlɔwai ə lon ɉulɔnu hɔlɔɓo la, hɛn da hvo kɛa kɛ ɲəi.

Bible

¹³ Ŋá lii-too pôlu mɛni tɔnɔ kàa ŋ̀éniɛi ŋí su. Nya ƃa, dɔɔ-ƃela da dísɛŋ kâoi lâai kɛ̀, kɛ́lɛ va mɛni lɛ́lɛɛ kɛ̀ dîɛ.

Ikilisiati 5:13 ပူးပေါင်းရင်းမြစ်များ

Zɛnɛse 14:16

Ɉɛnŋąąi kpɔ ti di yowoɠaa di ɉəɠə, di gəlee həɠə, ə mą kɛ Lɔtə yai kɛ a Abramə mąnįn, da ɲəi hɛnŋąą kəlee, ɉinąą da nɛ̨ąąi kpɔ di di hon a kɔluwɔɠaa, di pa a gəlee.

Zɛnɛse 19:14

Lɔtə ə li, nuąi ŋɛ̨i kɛi pa nonnii nɛ̨ąą həɠəi a di nɛ̨ą, yɛ diɛ: «Ka kulɔ ɓɛ daai ɉa, mąąhɔlɔɓo, Yai-Laa kaa pai daai ŋɛ̨i kələn ɉii.» Kɛlaa, di kɛi Lɔtə wooi tii kaa yɛ yola woo.

Zɛnɛse 19:26

Lɔtə nɛ̨ą ə tinɛ̨n, ə ɲɛ̨i hee bulu pələ, ə mąą pənə a kpolo-kwɛni.

Zôo 20:20

Yii kpɔ gwəi hvo kɛ nɛɛ li mɛ̨nį ta hu, Ɲəi hɛn gɔw tɔ̨nɔ̨ kpɛli hvo pai kulɔi ɉu.

Hanwon 1:19

Bələ ɓə hvulu hɛn gɛli nuą di wɔ yɛnɛ̨ɛ̨ a kpɛɛ la, a diɛi tii di ɓɛlaa kwɛlin gulɔi di yəi.

Hanwon 1:32

Mąąhɔlɔɓo, nu lənɛɛ kili ɓa ɓə a nwun na pili, kilikpɛɛgwəilaa yɛ hupumąąmun baa.

Hanwon 11:4

Akɛ ya gwɛli yɛ pələi da walə kwɛli la, ə́ gwɛli pələ kɛ yɛ hɛn gɔw yii noɔ,

Hanwon 23:4

'Hvó ə kpɔwɔ hviikpɛɛ, yɛ́ kɛ ə́ kaa kɛi a hɛn gɔw nąmu, 'hvó ə́ níí laa yili mɛ̨i.

Hanwon 27:24

Mąąhɔlɔɓo, hɛn gɔw hva lamun a yələ kəlee, ɛlɛɛ, tɔɔhvili hva həli mąnįn bulu mąnįn diɛ.

Ikilisiati 4:8

Nu ta a kɛ laa, veelɛ hvo mą, yaa tɔ̨nɔ̨ lɔ ɓə nwɛi hu yɛnɛ̨ɛ̨; ɉiɛ gee pulu hvo mą, gaayɔwɔ hvə mą, ɛlɛɛ, lon və kpɛli mą. Kɛlaa, hva kpɛla kóló kɛɛ ɓa, yɛ mɔ̨nɔ̨ mįi, hvóló kəlee gaa lɔ hɛn gɔw gwɛliɛ hu; bələi mąn a góló himąi tii kɛ la, hva ɲąąnɛ̨ɛ̨ kulɔ ɉɛn gaa gwɛlii ɉu, yɛ kɛ gbɔwɔ ɓa: Akɛti, gbɛɛ kpɔ ɓə gáá ɉɛn ŋɛ̨i kwɛlii ma-oo?. Yili kaa nwɔ̨nɔ̨ a mɛ̨nįi a nu kwəi pili mą, ɛlɛɛ, nu nwɔ yɛnɛ̨ɛ̨ kɛ pələ a kɛ tii, yili ɲąąnwąnąąi.

Ikilisiati 5:14

Bələi lɔ tii nee ə gaa la, a gbuwulu, bələ lɔ ɓə ə həɠə la lɔi mɛ̨i, hɛn da hva lɛɛ ɲəi. Gɛ kólóɠaai ə kɛi gɛ, hva dɔlɔ kulɔ, Mąąhɔlɔɓo, hɛn da hva lɛɛ ɲəi yɛ bulu pənə la.

Ikilisiati 8:9

Mɛ̨nįɠaa kpɔ kɛi ɓɛ yələkɔlɔn mu, ŋą́ą́ mąąkpɛɛ, ŋą́ nu lonnii kaa, diɛ hee di ɓɛlaa mɛ̨i, diɛ di mɔ̨nɔ̨ɓo.

Azaya 2:20

Ɲələi tii a həli, ɉaliɠaai di bɛli a wali da hɛni, diɛ kwɛli hvilɛn mą, da nɛɛ kpəɠəiɠaa da lɔwɠaa di yəi.

Sofoni 1:18

Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.

Lukə 16:19

«Hɛn gɔw nąmu kɛnɛ̨ ta ə kɛ laa, tɔɔ həɠəɠaa lɔ ɓə kɛ mą. Ə kɛ lɔ hɛli pu mɛ̨nį hu a yələ kəlee.

Lukə 19:8

Zase ə́ muhəɠə yɛ Ną́mu Jesus ɓa: «Ną́mu! Gáá ɲə́i hɛn gɔw bələ tɔ̨nɔ̨ tɛɛi yeehvowolo nuą pɔ, ɛlɛɛ, akɛ ŋą nu ta hulu, ŋą hɛn gulɔ ɲəi, ŋą bɔɔi tɛɛ mąą nu pɔ gee mɛ̨i nąąn.»