Ikilisiati 5:10 - Yálá laawoo hɛɓɛ (dc)

¹⁰ Nu nwɔ hɛn gɔw hu a kɛnɛ̨ lɔ, mįi nuą diɛ tamą. Tɔlɔ lə kɛɛ kpɔ ɓə gaa yili hu, akɛ, ɉɛn gɔwi tii ɲəi, ɲɛ̨i gaa dɔɔi mą yaa lɔ hvəi?

Yálá laawoo hɛɓɛ

¹⁰ Nu nwɔ hɛn gɔw hu a kɛnɛ̨ lɔ, mįi nuą diɛ tamą. Tɔlɔ lə kɛɛ kpɔ ɓə gaa yili hu, akɛ, ɉɛn gɔwi tii ɲəi, ɲɛ̨i gaa dɔɔi mą yaa lɔ hvəi?

Bible

¹⁰ Ǹúui kélee seŋ-kao wɛ́lini a ŋánaai, zɛŋ-kaoi nyii ǹyêei ǹíi fa wɔ́lɔ làa m̀ɛni ma. Ǹúui tɔɔ-laa wɛ́linii, zɔlɔ ƃó sɛŋ-kao fa ǹíi làa. Nyíŋi máŋ káa nɔ́ kpɛ́ni-kpɛni.

Ikilisiati 5:10 ပူးပေါင်းရင်းမြစ်များ

Mąątɛ̨nɛ̨ 52:1

Nwələ ɲɛ̨itɔwɔmun. Davidə nwɔ kilimąą wələ.

Mąątɛ̨nɛ̨ 52:7

Yálá yaa kpinįi gaa pai ə́ hu kalai, a yələ kəlee mɛ̨nį. Gaa pai ə́ yalai, yɛ́ ə́ wɛan ə́ yəi bɛlɛ́n, yɛ ə́ kulɔ a ə́ nwun, yɛnɛ̨ɛ̨ nuą lɔwai.

Mąątɛ̨nɛ̨ 62:10

A tɛ̨ą, nɔi lonnii kaa kpɔlɔ yɛ nu nɔ̨ɔ̨n ɉii tanɔ̨n, nu kpɛa-kpɛa kaa kpɔlɔ a lɛɛ. Da di kɔ́ɔn, hvąŋą a kɛ a nwiaa dɛɛ diɛ.

Ikilisiati 1:17

Ŋą́ hvilɛn gbɔ, gɛ́ diɛ: Ŋą́ mɛ̨nį kɔ́lɔn ŋąą da ɓowo mɛ̨nį di kulɔ nɔwai kɔ́lɔn; ŋą́ kili mɛ̨nį, da kilikpɛɛgwəi, di kulɔ nɔwai kɔ́lɔn. Kɛlaa, ŋą́ yili kaa lɔ yɛ nu aa kɛi hvaŋą tənən dɔɔ.

Ikilisiati 1:8

Bələi yɛnɛ̨ɛ̨ hɛnŋąą kaa la kóló ɓa, nu hva pɛli gəlee hukulɔi. Ɲɛ̨ikɔw hvį hva kpɛɛ kɛɛ kaai, wəli hvįi hva kpɛɛ mɛ̨nį mąn ɉi.

Ikilisiati 2:10

Hɛn kpɔ ɲɛ̨́i kɔ́w ə kɛ bɔ ə gaa, ŋą́ gəlee lɛ mą. Mɛ̨nį ɲąąnɛ̨ɛ̨ ta hvo kɛ laa, yii və́ da kɛ. Kólói kpɔ ŋą́ gɛ, ŋą́ gəlee tɔlɔ hɔlɔɓo. Yii mąąnɛ̨ɛ̨ kɛ ŋą́ nííɓa kɛ ɉu, ŋą́ yili kəlee kɛ.

Ikilisiati 2:11

Yili pulu, ŋą́ą́ gaa, kólóɠaa da mɔ̨nɔ̨ɠaai kpɔ ŋą́ mįi, yii lɔ ŋą́ gɔlɔn, ya ɓaa: Gəlee kaa lɔ a kpɛli-kpɛli mɛ̨nį, yɛ nu aa kɛi hvaŋą tənən dɔɔ. Nuą kɛ mɛ̨nį yɛnɛ̨ɛ̨, dɔlɔ leelee hvo mą.

Ikilisiati 2:26

Yaan, nui nwɛli kaa Yálá ɓa, a gɔ́ a kili, mɛ̨nį kɔ́lɔn ŋąą, nwun gɛ ɉu laa da yíi la nɛ̨ɛ̨. Kɛlaa, a kóló laa nɛ̨ŋɛ̨n ɉəɠəmun nwuɔ̨, yili yɛ hɛn gwɛli a nui nwɛli kaa Yálá ɓa, nwɔɔ. Yili yaa kpɛli gaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 3:19

Mąąhɔlɔɓo, bələi lɔ nu ɲąą a kpɛɛ la, bələ lɔ ɓə huwɔɠaa ɲąą a kpɛɛ la. Nɔ̨ɔ̨ tanɔ̨n nu hu, ya lɔ ɓə gaa huwɔ hu; gəlee hveelɛi da haa. Yili ɓa, nu hvo hviɛlaɓo li hvo tɛɛ huwɔ ɓa, mąąhɔlɔɓo, gəlee ŋąąkpɛɛi kaa a kpɛli-kpɛli mɛ̨nį.

Ikilisiati 4:16

Nu kpulu kɛnɛ̨ ɓə ə kɛ di nwun na. Kɛlaa, ə mą kɛ tii, həɠə gee pɔ yii gaa pulu yɛ pa, di hvo pai di kwəinɛ̨ɛ̨i mąą mɛ̨nį hu. Mąąhɔlɔɓo, mɛ̨nįɠaa tii kaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 4:4

Ŋą́ą́ nwɔ̨nɔ̨ mɛ̨nį takpɛli kaa, ya ɓaa: Mɔ̨nɔ̨i nuą da mįi di kɛ kóló hu, gaa a tolo kulaa, ə gɛ, yii gaa gɛi, ə lɛlɛɛ ə tɛɛ mɛlaa di wɛi ɓa. Yili kaa a kpɛli-kpɛli mɛ̨nį, yɛ nu aa kɛi hvaŋą tənən dɔɔ.

Ikilisiati 4:8

Nu ta a kɛ laa, veelɛ hvo mą, yaa tɔ̨nɔ̨ lɔ ɓə nwɛi hu yɛnɛ̨ɛ̨; ɉiɛ gee pulu hvo mą, gaayɔwɔ hvə mą, ɛlɛɛ, lon və kpɛli mą. Kɛlaa, hva kpɛla kóló kɛɛ ɓa, yɛ mɔ̨nɔ̨ mįi, hvóló kəlee gaa lɔ hɛn gɔw gwɛliɛ hu; bələi mąn a góló himąi tii kɛ la, hva ɲąąnɛ̨ɛ̨ kulɔ ɉɛn gaa gwɛlii ɉu, yɛ kɛ gbɔwɔ ɓa: Akɛti, gbɛɛ kpɔ ɓə gáá ɉɛn ŋɛ̨i kwɛlii ma-oo?. Yili kaa nwɔ̨nɔ̨ a mɛ̨nįi a nu kwəi pili mą, ɛlɛɛ, nu nwɔ yɛnɛ̨ɛ̨ kɛ pələ a kɛ tii, yili ɲąąnwąnąąi.

Ikilisiati 5:9

Nui wali wɛlikaamą, hva pilɛ wali hu. Ɛlɛɛ, nui hɛn gɔw wɛlikaamą, hva dɔlɔ kulɔ. Yili kaa nwɔ̨nɔ̨ a kpɛli-kpɛli mɛ̨nį.

Ikilisiati 6:7

Nu kɛ kóló kaa lɔ a niiɓa ɲąąnɛ̨ɛ̨ mɛ̨nį. Kɛlaa, ɲąą hvo ta nɛ̨ɛ̨ li hvo kulɔ nu liiɓa.

Maafîu 6:19

«Ka hvo ka wɔ hɛn gɔw laaikɛ ɲɛnɛ̨ɛ̨ ŋɛ̨i hu, ɓɛi koló a pu laa hɛnŋąą hu, kpɛ̨ɛ̨ yɛ hee daɠaa diɛ, nwuɔ̨ nuą diɛ pɛlɛ laa yali, diɛ nwuɔ̨ kɛ laa.

Maafîu 6:24

«Nu hva pɛli tíi tɔɔmun veelɛ ɓa a gee. Ya dɔ̨nɔ̨ wɛli la kɛ, dɔ̨nɔ̨ wɛli ə kpɛɛ yɛ́. A wala kɛti, yá lɛɛ dɔ̨nɔ̨ woo mu, ə́ dɔ̨nɔ̨ hviiɓo. Ka hva pɛli kɛi a Yálá nwɔ tí mun, kaa ɓo nwɔ̨nɔ̨, a wali nwɔ tí mun.»

Lukə 12:15

Yili pulu, ə mo nuą kəlee diɛ, yɛ diɛ: «Ka gɛ a nɛlɛɛ, ka ka kpɔɔ mɛ̨i kaa, hɛn nwɛli laa mąą mɛ̨nį ɓa. Mąąhɔlɔɓo, hɛn gɔw hvəə a nu nwɔ ɲɛnɛ̨ɛ̨ mąą kɔ́nwɔ̨.»

Timote dɔlɔɔ 6:10

Mɛ̨nį ɲɔ̨n gəlee ɉamu ɓaa a, wali lii. Gɛ mɛ̨nį nuą diɛ di kpɔwɔ kwɛlɛ mą, daa lan, daa di mąą kwɛa laa na pələ ɓa, ɛlɛɛ, daa di kpɔwɔ liikələn di kwəi, a kiliŋąhiɛ huwu tamąą.