Ikilisiati 3:2 - Yálá laawoo hɛɓɛ (dc)

² Nu kaai yələ kaa mą, nu haa yələ yɛ ɓo mą. Hihɛn ɉin ɲələ kaa mą, gulɔi yələ yɛ ɓo mą.

Yálá laawoo hɛɓɛ

² Nu kaai yələ kaa mą, nu haa yələ yɛ ɓo mą. Hihɛn ɉin ɲələ kaa mą, gulɔi yələ yɛ ɓo mą.

Bible

² Núu maa sɔlɔ ƃó tãi káa ma, zàa tãi kɛ́ ƃò ma. Sí-sɛŋ sí tãi káa ma, m̀á kula tãi kɛ́ ƃò ma.

Ikilisiati 3:2 ပူးပေါင်းရင်းမြစ်များ

Zɛnɛse 17:21

Kɛlaa, yii ɓaa nwɔ́ mįnɛ̨i nwɛi, gaa a Isaakə nwɔɔ, yaai Sara kaa pai ɉɔlɔɓoi gwɛlan tii pai.»

Zɛnɛse 47:29

Israɛlə kɛɛ kɛa pai laai nąnni kwɛlɛ, ə non Ɉosɛfə təli, yɛ mą: «Akɛ nwɛ́li kaa yɛ́, ə́ wɔ wɛlikɛmąą da ə́ wɔ kulɔ nwoo ɓa laa lɛ mą́ą́; və́ bɔ gámą́ hvo kɛ ɓɛ Eziptə lɔi hu. Akɛ ə́ yee kaa nwóó tii mu, ə́ yee lɔ nwɛ́lɛ mu!

Tɔɔɓɛlaa dɔlɔɔ 13:2

Ə tomą ɉaláá kulɔi mɛ̨i, yɛ diɛ: «Haláá kulɔi yɛ́ ɓə! Mɛ̨nįi Yai-Laa kaa moi ə́ laa mɛ̨i, ya ka, yɛ diɛ: Lon ɉulɔnu ta kaa pai hɔlɔɓoi Davidə yəi bɛlɛ́n, diɛ kɛ mą: Ɉosiasə. Gaa pai ɉaláá laa həli nuą ŋɛ̨i ɉaliɠaa lííla, di kulɔi a haláá ɓɛ ɉaláá kulɔi. Diɛi tii kɛi lansan kələn ə́ mɛ̨i, di kaa pai nu kɔ́wɠaa kələn ɉii ə́ mɛ̨i.»

Tɔɔɓɛlaa veelɛ 4:16

Elise yɛ mą: «Gwɛlan ŋɛ̨i pai, ɓɛlɔwai, lon ɉulɔnu a kɛ laani ə́ yee kɔ̨nwɔ̨n ɉu.» Nɛ̨ɛ̨nui yɛ mą: «Nwɔ́ mɛ̨nį nąmu, Yálá nwɔ nu, mąą hvo nɛ̨ɛ̨li ə́ lɛɛ kɛ yɛ́ luwɔ-nɛ̨ą ɓa.»

Zôo 14:14

Kɛlaa, nu kan a haa, a pənə ə nwun? Nwɔ́ mɔ̨nɔ̨i hu, ŋą́ pɛli kɛ nąą mąąkpɔn ɉii, ə lɛɛ ɉu mą́ą́hvalin ɲələ ə həli.

Zôo 14:5

Mąąhɔlɔɓo, nu nwɔ yɛnɛ̨ɛ̨ ɲɛn, naai, nwɔ yɛnɛ̨ɛ̨ ɲąnin gəlee nonon ŋąąi, ə lɛɛ nwɔ yɛnɛ̨ɛ̨ gbəlai ə ɓo mą.

Zôo 7:1

A kɛ ti, koló gbɛli lɔ hvəi nu kan a gɛ yɛnɛ̨ɛ̨ ɓɛ, kɛlɛi a nwɔ yɛnɛ̨ɛ̨ kɛ lɔ yɛ pɔlɔ tɛ?

Mąątɛ̨nɛ̨ 113:9

A kpomąnɛ̨ą hee nwunɲą, Yɛ gwəi nɛ̨ɛ̨ a gɛi a mo a lon gaanɛ̨ą. Mąąwiɛ ə kɛ Yai-Laa ɓa! 'Kánikookwəi!

Mąątɛ̨nɛ̨ 52:5

Yá mɛ̨nį ɲɔ̨n viɛlaɓo mɛ̨nį lɛlɛɛ ɓa. Yɛ́ lɛɛ hviɛlaɓo tɛ̨ą ɓa.

Hanwon 24:27

Ə́ kɛ kolóɠaa laa kulɔ ni ɲɛnɛ̨ɛ̨ pələ, ə́ ə́ pɔ yɛa mɛ̨nį ɲɛ̨i kulɔ; yili pulu, yá pɛli kɛa mą ə́ ə́ wɔ pɛ́lɛ́i tɔɔ.

Azaya 28:24

Akɛtii, tíi kɛmun a kɛ bɔ ə mɔ̨nun ɉɔlɔɓo, yələ kəlee lɔ ɓə mɔ̨ɔ̨ a kɛ la kɛɛhin mɛ̨nį hu, yɛ kɛɛhin, yɛ gbɛɠɛ̨n?

Azaya 38:1

Nąąlɔwai, ɲɔ̨n nwala wala ta ə pɛlɛ Ezekiasə ɓa a baa ɲɔ̨n. Yálá kwəi mɛ̨nį hu kulɔ mun Esai Amɔsə lon, ə pa, yɛ Ezekiasə ɓa: «Mɛ̨nii Yai-Laa ə mo ya ka, yɛ; 'Ə́i hvɛli ə́ yəi bɛlɛ́n nuą diɛ, mąąhɔlɔɓo, hvo pai kulɔi ɲɔ̨n ŋɛ̨i hu, ə́ haa hiɛ ka.»

Azaya 38:5

«'Li, yɛ́ Ezekiasə ɓa: Yai-Laa, ə́ nąn Davidə nwɔ Yálái yɛi: Ŋą́ą́ ə́ wɔ hvɛli wooi mɛ̨n, ŋą́ą́ ə́ ɲɛ̨i yá kaa. Gáá kwɛlan bow kɔ́w lɔɔli pɛlɛi ə́ wɔ yɛnɛ̨ɛ̨ ɓa.

Azaya 54:1

'Toma a kwəinɛ̨ɛ̨ kpoma nɛ̨ą, yɛ́i hvo kɛi lon gaa, 'pili yələi a kwəinɛ̨ɛ̨, ə́ mąną, yɛ́i hvo kɛi lon gwəi nwąną kɛ, mąąhɔlɔɓo, nɛ̨ɛ̨nui kɛ daa gulɔ lɔwɔi, nonnii kpulu tamąąi di tɛɛ hilɛ tai nɛ̨ą ɓa; Yai-Laa woo li.

Ɉeremi 1:10

Ə́ kili ə kɛ ɉu, yɛ́ kɛ gáá heeɓo laa tɛɛi ə́ pɔ háákələi lɔiɠaa mɛ̨i, da tɔɔɓɛlaa mɛ̨i. Yɛ́ mɛ̨nįɠaa kulɔ a nwun, yɛ́ naa pɛlɛ, yɛ́ di hu kala, yɛ́ di ɓuwɔ. Yɛ́ da tɔɔ, yɛ́ da hi.»

Ɉeremi 45:4

Mɛ̨nįi ə́ kaa lii moi mą, ya ka, yá kɛ mą: «Yai-Laa woo ka, yɛ: ‹Hɛn ŋą́ dɔɔ, ɲą́ą́ ɓə ŋą́ bu. Hɛn ŋą́ ɉin, ɲą́ą́ ɓə ŋą́ gulɔ a nwun; ɛlɛɛ, bələ ɓə ŋą́ gɛ la yɛnɛ̨ɛ̨ nąą kəlee.

Maafîu 13:41

Nu Lon kaa pai Yálá nwɔ malakaɠaa tɛɛi, əgɛ, nuą yiiɠaai da kɛ di ɓɛlaa ɓowoi, diɛ di həɠə Yálá kɔ́lɔn bələ mɛ̨i, da di kulɔ nwɔ tɔɔlaai hu.

Maafîu 15:13

Ə́ di woo ŋąąpənə yɛ diɛ: «Wulu yii kpɔ, Ną́n Yálá gaa yələkɔlɔn ɉu hvo ɉi li, da gulɔ.

Lukə 1:13

Kɛlaa, malakai tii yɛ mą: «Zakari hvo ɲɔw, mąąhɔlɔɓo, Yálá aa ə wɔ hvɛli woo mɛ̨n aa bulu pənə. Yili ɓa, ə́ nɛ̨ą Elisabɛtə kaa pai lon ɉulɔnu hɔlɔɓoi, ə́ naa hee a Ɉaan.

Lukə 1:20

Kɛlaa, nwooɠaa ŋɛ̨i ŋą mo, yii hvo laa li nąąi; pələi mąn nąą kaa pai hvɛɛi la a nąąlɔwai, yili mąą mɛ̨nį ɓa, ə́ kaa pai kɛi a muugbɛ, hvo pai hvaai ə lɛɛ la ɉu, mɛ̨nįɠaai tii ŋą mo nąą ə hvɛɛ.»

Lukə 1:36

Ə́ tɛlɛn Elisabɛtə yaa kpɛli, pələi mąn ə kɛ la a kpomąnɛ̨ą, di kɛi kɛ diɛ: hvo pai lon gaai, ə lɛɛ, bɔlɔɔ kɛa, goo kaa kɛa a ɲąnįn mɛ̨ida koo.

Ɉaan 16:21

Ɓɛlɔwai nɛ̨ɛ̨nu a kɛ kwəinwąną kɛi la, nii a kɛ a gələn ŋąą gwəi, mąąhɔlɔɓo, nwɔ mɔ̨nɔ̨ mį́i lɔwai aa ɉəli. Kɛlaa, a naayɛɛ kɛa, nwɔ mɔ̨nɔ̨i tii kili a kpɛɛ ŋą́; mąąhɔlɔɓo, aa nu kan ɉɔlɔɓo.

Ɉaan 7:30

Nuą di kɛ bɔ di ɉon, kɛlaa, nu tɔ̨nɔ̨ kpɛli hvo ɲee pələ mą, mąąhɔlɔɓo, ɉon ɲələ hvo nii kɛ ɉəli li.

Gɛlaɠaa 7:17

«Mɛ̨ni Yálá ə naakwɛlanmo Abrahamə ɓa yɛ gwɛla ɉu, kɛi lɔwai ə kɛɛ kɛa lɛɠɛi, di huwu hu ə kɛnɛ̨ Eziptə lɔi hu;

Gɛlaɠaa 7:20

Nąąlɔwai ti ɓə Moisə ə hɔlɔɓo la, ə kɛ a lokolo lɛlɛɛ Yálá ɲɛ̨i ɓa. Ɲąnįn ɲąąɓa ɓə ə gɛ nąn ɲəi bɛlɛ́n.

Galatə 4:4

Kɛlaa, ɲələi Yálá ə vaaɓo, yii kɛa ə ɉəli, Ə Non dɛɛ yɛnɛ̨ɛ̨, nɛ̨ɛ̨nu ta ə gaa a lon, ɛlɛɛ, non ti ə ɓo dɔ́n ɲee mu.

Dutɛrɔnome 34:5

Ɲee tii ɓa ɓə Yai-Laa nwɔ tímun Moisə ə haa laa, Moabə lɔi hu; yɛ bələi Yai-Laa ə gbɛa mo la mą.

Hebreu 9:27

Yɛ bələi gaa la, nu kanŋaa da haa lɔ tanɔ̨n gbən, yili pulu, kitii yɛ di mąąkpɔn.

Samuɛlə dɔlɔɔ 2:5

Nuąi kɛi kɔ̨nɔ̨n ɉu kala, di kaa kóló kwɛlii kɔ̨nɔ̨n ɉɔlɔɓo mɛ̨nį ɓa. Nuąi kɛi pulu həɠə, diɛ di hvįitɔɔ. Ɛlɛɛ kpomąnɛ̨ą aa lon gaa mɛ̨ihveelɛ. Ɛlɛɛ, lon gaa nɛ̨ɛ̨nu kwəi aa haa.