Ikilisiati 3:19 - Yálá laawoo hɛɓɛ (dc)

¹⁹ Mąąhɔlɔɓo, bələi lɔ nu ɲąą a kpɛɛ la, bələ lɔ ɓə huwɔɠaa ɲąą a kpɛɛ la. Nɔ̨ɔ̨ tanɔ̨n nu hu, ya lɔ ɓə gaa huwɔ hu; gəlee hveelɛi da haa. Yili ɓa, nu hvo hviɛlaɓo li hvo tɛɛ huwɔ ɓa, mąąhɔlɔɓo, gəlee ŋąąkpɛɛi kaa a kpɛli-kpɛli mɛ̨nį.

Yálá laawoo hɛɓɛ

¹⁹ Mąąhɔlɔɓo, bələi lɔ nu ɲąą a kpɛɛ la, bələ lɔ ɓə huwɔɠaa ɲąą a kpɛɛ la. Nɔ̨ɔ̨ tanɔ̨n nu hu, ya lɔ ɓə gaa huwɔ hu; gəlee hveelɛi da haa. Yili ɓa, nu hvo hviɛlaɓo li hvo tɛɛ huwɔ ɓa, mąąhɔlɔɓo, gəlee ŋąąkpɛɛi kaa a kpɛli-kpɛli mɛ̨nį.

Bible

¹⁹ M̀ɛni feerɛi ŋí da kɛ̂ a núu-kpune da fɛnɛ-sãa. Núu-kpune a lɛ̂wo gɛ́ saa, fɛnɛ-sãa díkɛ lɛ̀wo díkɛ sàa. Núu-kpune maa mɛ̂ni fé kpanaŋ ní é tɛ́ɛ fɛnɛ-sãa dîa. Kɛ-ɣeniɛ káa nɔ́ kpɛ́ni-kpɛni.

Ikilisiati 3:19 ပူးပေါင်းရင်းမြစ်များ

Samia Veerɛi 14:14

A kɛ tii gu kaa mɔ̨ɔ̨ pai haai a hvoló tɔ̨nɔ̨, yɛ yai daa bu lɔi ɓa hva pɛli kɛa yɛɠɛi. Kɛlaa, Yálá hva giliŋąhiɛ a ɲɔ̨nwɔ̨ɔ̨ nu ɓa, ə lɛɛ, aa gɛ pələ kwɛli mą, nui di gbɛ, mąą hvo kwɛa ma a mɔlɔɔ.

Mąątɛ̨nɛ̨ 104:29

Ya ə́ ɲįnąą kpulu, di hu a pu diɛ, Yá di nɔ̨ɔ̨ kulɔ di hu, di nwun na ə pili, di pənə a pɔlɔ.

Mąątɛ̨nɛ̨ 49:12

Ə kɛ di kwəi, di wɔ pɛ́lɛ́i kaa pai kɛi lɔ laa a yələ kəlee, di hva pɛli kɛ di yíi pɛlɛ́ pui; da di laaɠaa hee di wɔ lɔiɠaai diɛ.

Mąątɛ̨nɛ̨ 49:13

Nu da nwɔ mąąwiɛ laa, di hva kpɛli yíikuu tanɔ̨n gɛ di kee ɓa, gɛ pələ kaa yɛ huwɔi a naapilɛ.

Mąątɛ̨nɛ̨ 49:20

Gaa pai lii nąnni pɔɔli, di hvo kɛa pai kɛɛ pɔ̨nɔ̨ kaai.

Ikilisiati 1:14

Mɛ̨nįɠaai kpɔ da tɛɛ ɓɛ lɔi mɛ̨i, ŋą́ gəlee kaa. Kɛlaa, gəlee kaa a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 1:17

Ŋą́ hvilɛn gbɔ, gɛ́ diɛ: Ŋą́ mɛ̨nį kɔ́lɔn ŋąą da ɓowo mɛ̨nį di kulɔ nɔwai kɔ́lɔn; ŋą́ kili mɛ̨nį, da kilikpɛɛgwəi, di kulɔ nɔwai kɔ́lɔn. Kɛlaa, ŋą́ yili kaa lɔ yɛ nu aa kɛi hvaŋą tənən dɔɔ.

Ikilisiati 2:14

Mąąhɔlɔɓo, kilimąą mun ə ɉiɛ pələ kɔ́lɔn, Kɛlaa, kilikpɛɛgwəi mun a kɛ hiɛi yɛ ɲɛ̨ipumun yɛ ɲee pɛlɛ ɓɛ-ɓɛ. Ŋą́ mɛ̨nį tɔ̨nɔ̨ kɔlɔn, ya ɓaa; nu hveelɛi tii, mɛ̨nį tɔ̨nɔ̨ ɓə di mąąkpɔn ɉi.

Ikilisiati 2:16

Mɛ̨nįɠaai daa tɛɛ ɓɛ yələkɔlɔn mu, ɉu hva kpɛli kwɛa nuą daa mąn lɛ̨ą mą, kilimąą mun gili hva lɛɛ nuą ɲą. Kilimąą mun da kilikpɛɛgwəi mun da haa, nuą di hva kɛa di kiliŋąhiɛ nu heei hveelɛi tii diɛ; lə ɓə a yili kɛ tii-yoo?

Ikilisiati 7:2

Pɛlɛ́i di kaa haa wɔlɔ ɓoi mu, nu liɛ laa hviɛlaɓoɔi, ə tɛɛ, pɛlɛ́i di kaa kulɔ-yɛnɛ̨ɛ̨ kɛi mu, ma. Mąąhɔlɔɓo nu kəlee ɲąąkpɛɛi ɓaa haa, viɛlaɓoɔi nu kəlee di di gili lɛɛ ɉu.

Ikilisiati 9:12

Yan, nu lonnii di hvo mɛ̨nį ɲąąnwąnąą pai yələ kɔ́lɔn. Bələi lɔ hɔ̨nwɔ̨lee a too la yá-tuluun dumɔ̨ hu, a wala kɛ tii, nwɛ̨nį yɛ too nwɛ̨nį kpɛ diŋɛ̨n ɉu, di ɲɛ̨i heɛ haa ɓa yɛ pa di pɔ, bələ lɔ ɓə nu kanŋaa kaa la.

Ikilisiati 9:2

Hɛn gəlee ŋąąkpɛɛi kaa tanɔ̨n: tələnmomun da nwąnąlɔmun di ŋąąkpɛɛi kaa tanɔ̨n. Nɛlɛɛ da ɲɔ̨nwɔ̨ɔ̨ di ŋąąkpɛɛi kaa tanɔ̨n. Nui a ɲɔw Yálá ɓa, da nui hva ɲɔw Yálá ɓa, di ŋąąkpɛɛi kaa tanɔ̨n. Bələ lɔ ɓə gaa la, nui a Yálá kɔ, da nui hva Yálá kɔ di lɔwai, ə mą kɛ, mɛ̨nį lɛlɛɛ kɛmun da, nɛ̨ŋɛ̨n ɉəɠəmun di lɔwai, nui a hɛn naakwɛlanmo Yálá ɓa, da nui hva hɛn da laakwɛlanmo Yálá ɓa, di lɔwai.

Lonon mo 16:29

Nuąi ŋɛ̨i da haa lɔ a nu kəlee haa pələ, mɛ̨nįi bɛ̨ɛ̨ nu kəlee nwuɔ̨ yɛ laa diɛ, a kɛ tii Yai-Laa hvo dɔ́ɔ́ li.