Ikilisiati 3:17 - Yálá laawoo hɛɓɛ (dc)

¹⁷ Yili ɓə gɛ, gɛ́ gbɔ́wɔ́ ɓa: Yálá kaa pai nu haŋąą da nwąnąlɔmun di kiti teei. Mąąhɔlɔɓo, mɛ̨nį kəlee da nwɔ yələ ɓə, ɛlɛɛ, Yálá kaa pai nu kɛ mɛ̨nįɠaa kəlee kiti teei.

Yálá laawoo hɛɓɛ

¹⁷ Yili ɓə gɛ, gɛ́ gbɔ́wɔ́ ɓa: Yálá kaa pai nu haŋąą da nwąnąlɔmun di kiti teei. Mąąhɔlɔɓo, mɛ̨nį kəlee da nwɔ yələ ɓə, ɛlɛɛ, Yálá kaa pai nu kɛ mɛ̨nįɠaa kəlee kiti teei.

Bible

¹⁷ Nya ƃe ŋá mò ńyɛ̂ɛi, “Ɣâla a pâi dɔ̃yâ-ƃelai da zɔnyɔ̂ŋ-ƃelai dímɛnii ŋá teêi a bɔriɛɛ, kpɛ́ni fêi, mɛni kélee kɛ́ tãi káa ma, mɛni kélee kpɛtɛ tãi kɛ́ ƃò ma.”

Ikilisiati 3:17 ပူးပေါင်းရင်းမြစ်များ

Zɛnɛse 18:25

Gílí kaa ɉu gɛ́ diɛ́, hvá pɛli mą. Hvá hvaa mą, nuąi hɔn və diɛ, da hɔn mąą nuą, hvə́ di nwun na pili a gee. Nui ŋɛ̨i a yɛnɛ̨ɛ̨ mɛ̨nįɠaa kəlee kitii tee, hva hvaa mą, hvo tələnmomun nwun na pili.»

Mąątɛ̨nɛ̨ 96:13

'ka gɛ tii Yai-Laa tɔwɔ, mąąhɔlɔɓo, gaa pai, gaa pai lɔi ɲąąwooɓoi. Gaa pai yɛnɛ̨ɛ̨ ɲąąwooɓoi a tələnmolaa, da nu huwuɠaa, yɛ bələi ɉąŋąąi la.

Mąątɛ̨nɛ̨ 98:9

'Ka gɛ tii Yai-Laa tɔwɔ, mąąhɔlɔɓo, gaa pai lɔi kiti teei, gaa pai yɛnɛ̨ɛ̨ kiti teei a tələnmolaa, ə mą kɛ nu huwuɠaa.

Ikilisiati 1:16

Ŋą́ kɛ gbɔwɔ ɓa: Ɲą́ą́ ka, ŋą́ą́ kɛnɛ̨, ŋą́ą́ kili hɔlɔɓo; ŋą́ą́ tɛɛ dɔɔɓɛlaa yiiɠaa kpɔ daa tɛɛ dɔ́wɔ́, ɓɛ Ɉerusalɛmə diɛ. Yaan, nwɔ́ mɛ̨nį kɔ́lɔn ŋąą, da gíli ə kɛnɛ̨ yɛnɛ̨ɛ̨ mɛ̨nį kɔ́lɔn ŋąą hu a neelee.

Ikilisiati 11:9

Yɛ́i a nunwunu, ə́ wɔ nunwunulaa ɲąąnɛ̨ɛ̨ kulɔ, ə́ ɲąąnɛ̨ɛ̨ kulɔ nąąlɔwai. Yii kpɔ a nɛ̨ɛ̨ yɛ́, gɛ. Yii yá gaa a nɛlɛɛ, yili kɛ. Kɛlaa, ə́ kili lɛɛ ɉu a nɛlɛɛ, yɛ́ kɛ: Yálá kaa pai ə́ kɛ mɛ̨nįɠaa tii kəlee kiti teei.

Ikilisiati 12:14

Yálá kaa tínąą nu kəlee da di kwɛlanmo Yálá ɓa; yii kpɔ hvilɛn na nu kɛ mɛ̨nįɠaa diɛ, ə kɛ a nɛlɛɛ, ə kɛ a ɲɔ̨nwɔ̨ɔ̨, ə mą kɛ, yiiɠaai di gɛ loo hu, da tínąą gəlee gwɛlanmo kɛ Yálá ɓa.

Ikilisiati 2:1

Ŋą́ kɛ gbɔwɔ ɓa: «Hɛn kpɔ Yɛnɛ̨ɛ̨ ɓɛ kwəinɛ̨ɛ̨ a dɛɛ nu pɔ, hvo kɛli ŋą́ gɔlɔn, da bɔ ɲąąnɛ̨ɛ̨.» A tɛ̨ą, yili yaa kpɛli gaa lɔ a kpɛli-kpɛli mɛ̨nį.

Ikilisiati 3:1

Mɛ̨nį kəlee nwɔ yələ kaa mą, yələ kəlee nwɔ mɛ̨nį yɛ ɓo mą ɓɛ lɔi mɛ̨i.

Ikilisiati 8:6

'Hvó gaai, mɛ̨nį kəlee kiti tee yələ kaa mą, mąąhɔlɔɓo, nu kan níi ɲɔ̨nwɔ̨ɔ̨i gwəi kɛnɛ̨;

Danîa 11:40

«Ŋaakpɛɛi lɔwai, hɛɠɛɛ tɔɔmun mə pai kɛa nwɛlikpɛɛ maa laa həɠəi, kɛlaa, yanwuɔ̨ tɔɔmun gaa pai kɔ́ pɛlɛi ma, da nwɔ wotoloɠaai, da nwɔ hoo mɛ̨i hee ɓo nuą, da nwɔ ɓaton gbulu kɛnɛ̨; da nwɔ kɔlaɠai di kaa pai lɔi tamąą hu ɓɔi, di tɛɛ ɲɛn bələ tamąą ɓa, yɛ ya hvɛɛ.

Danîa 12:4

Daniɛlə, nwɛlɛɛ ŋɛ̨i lɛɛ yɛ́ tɔ̨nɔ̨ ə́ kwəi; hvo ɉɛɓɛ́ ŋɛ̨i hu mɛ̨nį kulɔ pɔ̨nɔ̨ŋa, gɛɛ ŋaakpɛɛi lɔwai hvo kɛ ɉəlii. Nąąlɔwai a ɉəli nu tamąą da gɔlɔn, di wɔ mɛ̨nį kɔ́lɔn ŋąą ta a pɛlɛ ma kɛnɛ̨.

Danîa 12:9

Ə mo mą́ą́, yɛ mą: «Daniɛlə, yili hvo ə́ liihɛlɛn, nwɛlɛɛ tii mąąnɛ̨ɛ̨ kpɔ ə lɛɛ a noɔ ə lɛɛ la ɉu, ŋaakpɛɛi lɔwai.

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Ɉaan 5:22

Gbala ə tɔɔ, Ną́n va nu ta kiti tee, Ə gití təɛ kəlee mąąlaa tɛɛ Non bɔ.

Gɛlaɠaa 1:7

Jesus ə di woo ŋąą pənə yɛ diɛ: «Yii hvilɛn na ɲələi ti kɔ́lɔn mɛ̨nį ɓa, ka wɔɔ naa hvəli, Ną́n yaa kpinįi ɓə ɲələ kɔlɔn, ə ɉee a nwɔ Hééɓolaa.

Gɛlaɠaa 17:31

Hvo gaai, aa kuu ta hee, yɛ gaa pai yɛnɛ̨ɛ̨ nuą kəlee kiti teei a ɉaŋąa, a Nui ə ɉəɠə ɉu. Ə nɛ nu kəlee ɓa, yɛ mɛ̨nįi tii hvo pai ɉəɠəi mą, a nui ə nwun, ə gulɔ haa nuą lɔwai.»

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Tɛsalonikə dɔlɔɔ 5:1

Yii hvilɛn na ɲələ da nąąlɔwai ɓa, ną́n nonnii, ká wɛi, ə mą kɛ di hvo bɛ̨ɛ̨ li di hvo dɛɛ káá;

M̀ɛni-lɛɛi 11:18

Hįi lɔiɠaa daa di kpɔwɔ liikələn di kwəi, kɛlaa, ə́ wɔ liiɲąnwąną aa too pono ɲą. Haa nuą kiti tee yələ ka, yɛ́ tínuąi a ə́ kwəi mɛ̨nį hukulɔ nuą, di hvɛla kulɔ yələ ka, ə pɛlɛ la nu mąąhəɠɛɛɠaa diɛ da nuąi da ɲɔw ə́ laa ɓa, bɛlɛɛɠaa da mąn gbɛa-kpɛaa mąn, a nuąi daa yɛnɛ̨ɛ̨ kala, di kala yələ.»

M̀ɛni-lɛɛi 20:2

Ə mąąɲɔw-hɛn tii hon, a gaaləi tii wɔlɔ kɛi, yai, nąnį da ɓilihi. Ɛlɛɛ, ə ɲili a ɲɔwɔn, a kwɛlan nwaa-tɔnɔ mɛ̨nį.