Ikilisiati 3:14 - Yálá laawoo hɛɓɛ (dc)

¹⁴ Ŋą́ą́ gɔlɔn gɛ́ diɛ: Yálá kɛ mɛ̨nįɠaa da lamun yɛnɛ̨ɛ̨ wɔ-da-wɔ. Nu hva pɛli da pɛlɛi mą, a wala kɛ tii, da kulɔi mą. Ɛlɛɛ, Yálá ə yili kɛ tii, əgɛ, di nwɔ Heeɓolaa kɔ́lɔn.

Yálá laawoo hɛɓɛ

¹⁴ Ŋą́ą́ gɔlɔn gɛ́ diɛ: Yálá kɛ mɛ̨nįɠaa da lamun yɛnɛ̨ɛ̨ wɔ-da-wɔ. Nu hva pɛli da pɛlɛi mą, a wala kɛ tii, da kulɔi mą. Ɛlɛɛ, Yálá ə yili kɛ tii, əgɛ, di nwɔ Heeɓolaa kɔ́lɔn.

Bible

¹⁴ Ŋá gɔ́lɔŋ a gɛɛ Ɣâla kɛ́ mɛni da maa va wɔ́lɔ faleŋ. Núu da fa pɔ̂ri da pûi ma kpaa máŋ é da kula ma. È gɛ̀ tí a gɛɛ maa mɛ̂ni kíli é lɛ́ɛ núu-kpune kíli ŋá.

Ikilisiati 3:14 ပူးပေါင်းရင်းမြစ်များ

Samia Veerɛi 22:31

Yálá kaa a nu tənən dɔɔ mun yii ɲɔ̨nwɔ̨mąn və mą. Yai-Laa hvaa woo kəlee hu pɔ̨nɔ̨ɔ̨i; Nuąi da lɔ Yai-Laa hvaŋan mu, gaa a di wɔɔ hə́mə́.

Mąątɛ̨nɛ̨ 33:11

Yai-Laa kwəi kili kaa lɔ a yələ kəlee mɛ̨nį, mɛ̨nįɠaai a mąąkili tee gwəi, kwɛlan gəlee mɛ̨nį li.

Mąątɛ̨nɛ̨ 64:9

Di nɛ̨n aa pɛ̨nɛ̨ aa kɔ́ pɛlɛ diɛ, nui lɔpee a di kaa, a nwun gbɛ̨ŋɛ̨n.

Mąątɛ̨nɛ̨ 76:10

A ɓɛlɔwai Yálá a muhəɠə la, giti mɛ̨nį ɓa, yɛ nɔi lonnii mąąwɛliɛ kəlee ɓalo.

Hanwon 19:21

Mɛ̨nį tamąą ka tii nu a mąą kili tee gwəi, Yai-Laa kwəi kili ɓə a nɛ̨ɛ̨ mą.

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Hanwon 30:6

'Hvó nwooɠaai ŋɛ̨i ta pɛlɛ mą, əgɛ, hvo pa haŋą yɛ́, hvó kɛ a lɛɛmun.

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.

Ikilisiati 5:6

Gwa hįi tamąą kaa, gwa hvaa tamąą nwun və mą, Kɛlaa, kilimąą mun, ə́ wɛi, ɲɔw Yálá ɓa.

Ikilisiati 5:7

Akɛ ya mąąwɛlimun gaa lɔi diɛ naanɔ̨nwɔ̨ ɓo, diɛ tələnmolaa da mɛ̨nį haŋąą ɓɛlɛkpɛɛ mą, yili hvo ə́ kwəi pili yɛ́. Mąąhɔlɔɓo, nu kɛnɛ̨ ta kaa nu kɛnɛ̨i tii nwun mɛ̨i, yɛ mąąkɔ̨nwɔ̨; gəlee hveelɛi nwun mɛ̨i, nu kɛnɛ̨ takpɛli kaa laa.

Ikilisiati 7:18

Mąąnɛ̨ɛ̨, nu ə nwɔ yɛnɛ̨ɛ̨ kɛ niɛwoo hveelɛi tii mɛ̨i. Mąąhɔlɔɓo, nui a mąąwiɛ tɛɛ Yálá pɔ, mɛ̨nįɠaai tii moɔ, hva pɛli gɛi.

Azaya 46:10

Mɛ̨nį ta kaa lɔ gbalatɔɔi, gɛ́ naa kulɔ pələ lɛ, ŋą́ mɛ̨nį lɛɛ kpɔ tɔwɔ, kwɛala, ŋį́ ɉu kulɔ. Gáá kpɔ kɛi kaa: «Mɛ̨nii gwə́i hva ɉəɠə mą, gaa mą a yələ kəlee, ɛlɛɛ, mɛ̨nįi a nɛ̨ɛ̨ mą́ą́, ya ɓə ŋą́ gɛ.»

Danîa 8:8

Molu hilɛi tii ə kɛnɛ̨ laa hɔlɔɓo, kɛlaa, ɓɛlɔwai ɲee ə walawala la, mįnɛ̨ kɛnɛ̨ tɔ̨nɔ̨i tii kɛ nwuɔ̨, ə yali. Mįnɛ̨ nąąn dakpɛli ə pənə ə tɔɔ, yiliɠaai diɛ ɓo a kaakaa hɛn. Dɔ̨nɔ̨ ə tɔɔ voló həɠəi pələ, dɔ̨nɔ̨ ə tɔɔ voló tooi pələ, dɔ̨nɔ̨ ə tɔɔ ɲələi pələ, dɔ̨nɔ̨ ə tɔɔ ɉɛɠɛɛ pələ.

Gɛlaɠaa 2:23

Ɉulɔnui ti, yɛ bələi ə kɛ la a Yálá nwɔ mɛ̨nį pɛliɛ da nwɔ mɛ̨nį kɔ́lɔnŋąa, ká gwɛlɛ nuąi di hvo Yálá kɔ́lɔn diɛ, di gbanwo kolɔwa ɓa, di baa.

Gɛlaɠaa 4:28

Yii kpɔ wɔlɔ ə́ mąą kili tee ə́ kwəi, ya ka tii daa bɔ mɛ̨nį ə kɛ.

Gɛlaɠaa 5:39

Kɛlaa, akɛ ə həɠə Yálá pɔ, ka hva pɛli ɉu taɠai. Ka gɛ a nɛlɛɛ, ka hvo pa kɔ́ pɛlɛ Yálá ɓa.» Diɛn hvaa nwoo ɓa.

Lomaŋ 11:36

Gbala ə tɔɔ, hɛn gəlee a həɠə ɲee ɲą, ya ɓə gəlee pɛli, gəlee ə ɓo a nwɔɔ. Mąąwiɛ ə kɛ mą a yələ kəlee, kɛi a mo tii Yálá ə kɛ! Mįiną.

Ifisiɛŋ 3:11

Mɛ̨nįi ə mąą kili tee gwəi ə həɠə wɔlɔ-wɔlɔ ɓa, ə bɔ mɛ̨nį kɛ gu Nąmu Jesus Kristə hu.

Dutɛrɔnome 32:4

Yaa ɓə gaa a gu mąą kɔ́nwɔ̨ kwɛni kpuwulu. Mąą kulɔ hvo gɛ mɛ̨nį ta ɓa, nwɔ pələɠaa kəlee haŋąąi. Gaa a Yálái a kulɔ nwoo ɓa. Hvulu mɛ̨nį hvo ɲee pɔ. Dələnmoɔ, ɉaŋąą.

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Zĩi 1:17

Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.

M̀ɛni-lɛɛi 15:4

Ną́mu, gbɛɛ ɓə hva pɛli ɲɔwi yɛ́, ɛlɛɛ, hvo mąąwiɛlaa tɛɛ ə́ laa pɔ? Mąąhɔlɔɓo, yɛ́ kɔw tanɔ̨n gbən mə ə́ mąąhəɠɛɛ. Hįi lɔi kəlee kaa pai pai, ɛlɛɛ, di gwɛli hvilɛn yɛ́, mąąhɔlɔɓo, ə́ wɔ kitiɠaai daa too pono ɲą.»