Ikilisiati 2:3 - Yálá laawoo hɛɓɛ (dc)

³ Ŋą́ naa gwə́i gɛ́ diɛ: «Gáá lɔɔ kpəlɛɛ ɲąąnɛ̨ɛ̨ kwɛlii mą, ɛlɛɛ, ŋą́ kilikpɛɛgwəi nuą pɔɔ kɔ́ɔn; kɛlaa, gɛ́ gbɔ́wɔ́ hu hon, níi yɛ lɛɛ kili pələ mɛ̨i; mɛ̨nįi kpɔ nuą da gɛ ɓɛ lɔi mɛ̨i di hvulú kɔ́wɔ ŋą, ŋą́ kɛ bɔ ŋą́ yiliɠaa kɔ́lɔn.»

Yálá laawoo hɛɓɛ

³ Ŋą́ naa gwə́i gɛ́ diɛ: «Gáá lɔɔ kpəlɛɛ ɲąąnɛ̨ɛ̨ kwɛlii mą, ɛlɛɛ, ŋą́ kilikpɛɛgwəi nuą pɔɔ kɔ́ɔn; kɛlaa, gɛ́ gbɔ́wɔ́ hu hon, níi yɛ lɛɛ kili pələ mɛ̨i; mɛ̨nįi kpɔ nuą da gɛ ɓɛ lɔi mɛ̨i di hvulú kɔ́wɔ ŋą, ŋą́ kɛ bɔ ŋą́ yiliɠaa kɔ́lɔn.»

Bible

³ Ŋátarei è nɛ̀ ḿâ a gɛɛ lɔɔ kpele mɛ̂ni lɛ̂lɛɛi. Ŋá pɛ̀lɛ lɔɔ kpelêi ŋ́gɛ ńîa kɛ̀. Ŋá kɛ̀ nɔ́ gâai lɔɔ kpele mɛ̂ni káa a mɛni lɛ́lɛɛ nyii núu a pɔ̂ri kɛ̂i gɛ̂i ŋɔkɛ-ɣeniɛ kpuai su.

Ikilisiati 2:3 ပူးပေါင်းရင်းမြစ်များ

Zɛnɛse 47:9

Ɉakɔbə yɛ mą: «Gwɛlan ŋą́ą́ gɛ too nwuma laa hu, gaa a kwɛlan nwundɔ̨nɔ̨ ɲee haaɓa. Da tɛɛ lɔ a ɉu kpua, ɛlɛɛ, gwɛlan ŋą́ą́ gɛ yɛnɛ̨ɛ̨, ŋą́ą́ mɔlɔmún gɛ mɔ̨nɔ̨ hu. Ŋį́ kwɛlan damą pələ hvo kpɛli pai həlii nąnni di wɛi pɔ, bələi mąn ɲɛnɛ̨ɛ̨ kɛ pələ kaa la tanɔ̨n kwa diɛni ku yəi.»

Zôo 14:14

Kɛlaa, nu kan a haa, a pənə ə nwun? Nwɔ́ mɔ̨nɔ̨i hu, ŋą́ pɛli kɛ nąą mąąkpɔn ɉii, ə lɛɛ ɉu mą́ą́hvalin ɲələ ə həli.

Mąątɛ̨nɛ̨ 104:15

Lɔɔ yɛ nu kan gwəinɛ̨ɛ̨, Yɛ́ di ɲɛ̨i wulɔ kulɔ, yɛ di ɲɛ̨i wulɔ kulɔ, dɛɛ wulɔ ɓa. Kɔ̨nɔ̨n yɛ hvąŋą tɛɛ nu kan bɔ.

Hanwon 20:1

Lɔɔ a nu kɛ a yɛlɛkulɔɉumun, lɔɔ kpəɠiɛ yɛ hvaa too. Nui a gbɔwɔ lɛɛ a lɔɔ ŋą hon, hva pɛli kɛi a kilimąą mun.

Ikilisiati 1:17

Ŋą́ hvilɛn gbɔ, gɛ́ diɛ: Ŋą́ mɛ̨nį kɔ́lɔn ŋąą da ɓowo mɛ̨nį di kulɔ nɔwai kɔ́lɔn; ŋą́ kili mɛ̨nį, da kilikpɛɛgwəi, di kulɔ nɔwai kɔ́lɔn. Kɛlaa, ŋą́ yili kaa lɔ yɛ nu aa kɛi hvaŋą tənən dɔɔ.

Ikilisiati 10:19

Hɛn gɔw nąmįną da kɛ di di ɲąąnɛ̨ɛ̨ gulɔ, hɛli ɓə da bu, hɛn gɔw ɓə a ɲąŋą tɛ nu hu; wali a pɛlɛ́ kəlee laa ɓo.

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.

Ikilisiati 2:24

Mɛ̨nį ɲąąnɛ̨ɛ̨i lɔ gaa nu yəi, ya ɓaa: Ə kɔ̨nɔ̨n mįi, ə gbələ, ɛlɛɛ, ə gwəinɛ̨ɛ̨ kɛ kóló dɔlɔ hu. Ŋą́ gaa gɛ́ diɛ Yálá ɓə a nu kɔ́ a yili.

Ikilisiati 5:18

Yili pulu, Yálá a hɛn gɔw da yee la hvólón dɛɛ nu pɔ, mąą nu yɛ pɛli gɛ kóló dɔlɔ kulɔi, yili kaa a Yálá yəi mɛ̨inɛ̨ɛ̨.

Ikilisiati 6:12

Yɛ bələi nu yii hvóló hu hvo kwɛa li li la, yii nɛlɛɛ nu lonnii mąą mɛ̨nį ɓa, gbɛɛ ɓə a pɛli nɛi diɛ, ɲíi kuu kpuɔ lon ŋɛ̨i yee mu? Nu hva pɛli ɉaa pulu mɛ̨nį kaai.

Ikilisiati 7:18

Mąąnɛ̨ɛ̨, nu ə nwɔ yɛnɛ̨ɛ̨ kɛ niɛwoo hveelɛi tii mɛ̨i. Mąąhɔlɔɓo, nui a mąąwiɛ tɛɛ Yálá pɔ, mɛ̨nįɠaai tii moɔ, hva pɛli gɛi.

Ikilisiati 7:25

Yili ɓa, ŋą́ gbɔ́wɔ́ lɔ mɛ̨nį kwɛliɛ hu da mɛ̨nįɠaa kɛ mɛ̨nį nwun; ŋą́ kɛ bɔ, ŋą́ kili mɛ̨nį kaa. Yii ŋį́ gaa ya ɓaa: Nwąnąlɔ da kilikpɛɛgwəi di kaa a ɓowo mɛ̨nį.

Ikilisiati 8:15

Yii ɓaa nwɛ́i, ŋą́ kwəinɛ̨ɛ̨ kulɔ, mąąhɔlɔɓo, hɛn gaa a nu lonnii di wɔ nwuna nɛ̨ɛ̨ ɓɛ lɔi mɛ̨i, ya ɓaa: di di laa mįi, di di kpələ, di di ɲąąnɛ̨ɛ̨ kulɔ. Volói ŋɛ̨i Yálá ə dɛɛ nu lonnii pɔ lɔi mɛ̨i, yili lɔ ɓə mąąnɛ̨ɛ̨ ə kɛ di kɛ kóló pɔ.

Maafîu 6:24

«Nu hva pɛli tíi tɔɔmun veelɛ ɓa a gee. Ya dɔ̨nɔ̨ wɛli la kɛ, dɔ̨nɔ̨ wɛli ə kpɛɛ yɛ́. A wala kɛti, yá lɛɛ dɔ̨nɔ̨ woo mu, ə́ dɔ̨nɔ̨ hviiɓo. Ka hva pɛli kɛi a Yálá nwɔ tí mun, kaa ɓo nwɔ̨nɔ̨, a wali nwɔ tí mun.»

Ifisiɛŋ 5:18

'Ká hvo kɛ a lɔɔ hon, a nu nwun na pili, kɛlaa, 'ká pilɛ a Yálá nwɔ Kilii.

Nwun mąąɓo 9:13

«Viɲə yɛ diɛ: ‹Gaa ka kwəi, gáá pai ɲéé kulɔi nwɔ́ lɔɔi hu, yaai a Yálá kwəinɛ̨ɛ̨, yɛ nuą kwəinɛ̨ɛ̨, ŋą́ li, gɛ́ tɛɛ tɛɛ ɓo wuluɠaa mɛ̨i?›

Samuɛlə dɔlɔɔ 25:36

Avigailə ə pənə ə pa Navalə pɔ, Navalə ə kɛi hɛli pu ɲəi bɛlɛ́n, ə kɛ kpɔ a tɔɔ kuu kpɔ-kpɔɔ. Lɔɔ yee a kɛ tɛɛ mą, nɛ̨ą hvo mɛ̨nįi tii hukulɔ mą, ə lɛɛ ɉu yələ ə ɓɔ.