Ikilisiati 2:14 - Yálá laawoo hɛɓɛ (dc)

¹⁴ Mąąhɔlɔɓo, kilimąą mun ə ɉiɛ pələ kɔ́lɔn, Kɛlaa, kilikpɛɛgwəi mun a kɛ hiɛi yɛ ɲɛ̨ipumun yɛ ɲee pɛlɛ ɓɛ-ɓɛ. Ŋą́ mɛ̨nį tɔ̨nɔ̨ kɔlɔn, ya ɓaa; nu hveelɛi tii, mɛ̨nį tɔ̨nɔ̨ ɓə di mąąkpɔn ɉi.

Yálá laawoo hɛɓɛ

¹⁴ Mąąhɔlɔɓo, kilimąą mun ə ɉiɛ pələ kɔ́lɔn, Kɛlaa, kilikpɛɛgwəi mun a kɛ hiɛi yɛ ɲɛ̨ipumun yɛ ɲee pɛlɛ ɓɛ-ɓɛ. Ŋą́ mɛ̨nį tɔ̨nɔ̨ kɔlɔn, ya ɓaa; nu hveelɛi tii, mɛ̨nį tɔ̨nɔ̨ ɓə di mąąkpɔn ɉi.

Bible

¹⁴ Táre nuu kíli ŋá ponoɔ̂ɔi, kɛ́lɛ ƃoo nûu káa kpînii. É máŋ kɛ́ tí mɛni kpanaŋ a kùla nɔ́ dífeerɛ dîa kpaa máŋ dí sáa.

Ikilisiati 2:14 ပူးပေါင်းရင်းမြစ်များ

Mąątɛ̨nɛ̨ 19:10

Mɛ̨nį haŋąą ɓaa nu ə ɲɔw Yai-Laa ɓa, yili dɔlɔ hva kpɛɛ; Yai-Laa nwɔ mɛ̨nį hutɔɔ woo kəlee kaa a tɛ̨ą, gəlee haŋąąi.

Mąątɛ̨nɛ̨ 49:10

Mąą nu a mɔ̨ɔ̨ pɛli lɛɛi lɔ yɛnɛ̨ɛ̨ a yələ kəlee? Akɛtii, di hvo mɔ̨ɔ̨ pai naai kámąi?

Mąątɛ̨nɛ̨ 49:11

Ya pa, gu ɲɛ̨i kaa kilimąą nuą diɛ, diɛ haa, ɓowo nuą da kilikpɛɛgwəi nuą, di nwun na yɛ pili a gee; diɛ di wɔ hɛn gɔw lɛɛ nu takpɛliɠaa yəi.

Hanwon 14:8

Kilimąą mun gwəi pələ, kili kɛ ɲəi laa, ɓaa: nu ə gbɔwɔ hiɛ pələ ɲɛlɛ kɛ. Kɛlaa, kilikpɛɛgwəi nuą di wɔ ɓowo laa a nu lan.

Hanwon 17:24

Nui gili kaa ɲəi, da nwɔ mɛ̨nį kɔ́lɔn gili kaa ɲɛ̨ilai, Kɛlaa, nui kili hvo mą, nwun a kɛ lɔ a vilɛn ŋąą.

Ikilisiati 2:16

Mɛ̨nįɠaai daa tɛɛ ɓɛ yələkɔlɔn mu, ɉu hva kpɛli kwɛa nuą daa mąn lɛ̨ą mą, kilimąą mun gili hva lɛɛ nuą ɲą. Kilimąą mun da kilikpɛɛgwəi mun da haa, nuą di hva kɛa di kiliŋąhiɛ nu heei hveelɛi tii diɛ; lə ɓə a yili kɛ tii-yoo?

Ikilisiati 3:19

Mąąhɔlɔɓo, bələi lɔ nu ɲąą a kpɛɛ la, bələ lɔ ɓə huwɔɠaa ɲąą a kpɛɛ la. Nɔ̨ɔ̨ tanɔ̨n nu hu, ya lɔ ɓə gaa huwɔ hu; gəlee hveelɛi da haa. Yili ɓa, nu hvo hviɛlaɓo li hvo tɛɛ huwɔ ɓa, mąąhɔlɔɓo, gəlee ŋąąkpɛɛi kaa a kpɛli-kpɛli mɛ̨nį.

Ikilisiati 6:6

Ə mą kpɛli kɛ aa kwɛlan nwaa-hveelɛ kɛ yɛnɛ̨ɛ̨, a kɛ a wala ɲąąnɛ̨ɛ̨ kulɔ, lə ɓə yili a gɛ nu ɓa? Kɛlɛi nɔ̨ɔ̨-nɔ̨ɔ̨ hɛn gəlee ŋąąkpɛɛi kaa tanɔ̨n-e?

Ikilisiati 6:8

Lə ɓə Kilimąą mun ɲəi viɛlaɓoɔ ə tɛɛ la kilikpɛɛgwəi mun ma? Tɔlɔ ləi kpɔ ɓə yeehvowolomun a nwɔlɔɓo, aa kɛi ɉiɛ pələ ɲɛlɛ kɛ nuą ɲɛ̨i ɓa?

Ikilisiati 7:2

Pɛlɛ́i di kaa haa wɔlɔ ɓoi mu, nu liɛ laa hviɛlaɓoɔi, ə tɛɛ, pɛlɛ́i di kaa kulɔ-yɛnɛ̨ɛ̨ kɛi mu, ma. Mąąhɔlɔɓo nu kəlee ɲąąkpɛɛi ɓaa haa, viɛlaɓoɔi nu kəlee di di gili lɛɛ ɉu.

Ikilisiati 8:1

Kili hvo nu ɓa, yɛ pɛli yɛnɛ̨ɛ̨ mɛ̨nįɠaa hee pələ hukulɔi. Kɛlaa, ə mą kɛ tii, kilimąą mun nwɔ kili a ɲɛ̨i pɔ̨nɔ̨, yɛ ɲɛ̨i həɠəən.

Ikilisiati 9:11

Ŋą́ą́ nwɔ̨nɔ̨ mɛ̨nį takpɛli kaa ɓɛ lɔi mɛ̨i, ya ɓaa: Nui mąąhulaa gilɛ həɠəi, ya lɔ hvəi a gilɛ həɠɛɛ dɔlɔ hɔlɔɓo; ɛlɛɛ, hvaŋą nąmįną lɔ hvəi kɔ́ a nɛ̨ɛ̨ diɛ; yili pulu, kilimąą mun nɔ hvəi a gbɔwɔ hɔlɔɓo yɛnɛ̨ɛ̨, ɛlɛɛ, nui nwun gaa ɉu, ya lɔ hvəi a kɛ a hɛn gɔw nąmu; kili mɛ̨nį kwɛli nuą lɔ hvəi da mąąwiɛ hɔlɔɓo. Mąąhɔlɔɓo, mɛ̨nį ɲąąnɛ̨ɛ̨ da ŋąąnwąnąą a həli nu kəlee ɓa.

Ikilisiati 9:16

Ya ɓə ŋą́ kɛ gbɔ́wɔ́ ɓa: Kili hviɛlaɓoɔi huwalawala ɓa. Kɛlaa, nui nuą ɲɛ̨itɛɠɛɓoɔ ɉu, a kɛ a kilimąą mun, da mɛlɛkpɛɛ mą, ɛlɛɛ, di hva di wəli tɔɔ nwɔ liɛwoo ɓa.

Zɔ̂ŋ Maa-ŋuŋ 2:11

Kɛlaa, nui nąn non nwɛli kpɛɛ mą, gaa kpini hu, yɛ hiɛ kpini mu, hvo nií pələ kɔlɔn; mąąhɔlɔɓo, kpini aa ɲɛ̨i pu.