Ikilisiati 12:7 - Yálá laawoo hɛɓɛ (dc)

⁷ Gɛɛ pɔlɔ hvo pu pɔlɔ ɓa ɓɛi ə həɠə laa, nɔ̨ɔ̨ ə tɛ Yálá pɔ yaai doo ɉu.

Yálá laawoo hɛɓɛ

⁷ Gɛɛ pɔlɔ hvo pu pɔlɔ ɓa ɓɛi ə həɠə laa, nɔ̨ɔ̨ ə tɛ Yálá pɔ yaai doo ɉu.

Bible

⁷ Bɔ̂rɔi a pâi liî bɔ̂rɔi pɔ́, m̀ɔlêŋ é lí Ɣâla pɔ́ nyii dɛ̀ɛi.

Ikilisiati 12:7 ပူးပေါင်းရင်းမြစ်များ

Zɛnɛse 18:27

Abrahamə yɛ nwɔ̨nɔ̨ mą: «Ną́mu, ə́ lii laa bɔ́, gáá nwɔ̨nɔ̨ bɔ ŋą́ mɛ̨nį ta ɓo yɛ́, ɲą́ą́ ŋɛ̨i və́ ɓaa hɛn da, gáá lɔ a muluun gbala a wala kɛtii luwu.

Zɛnɛse 2:7

Nąąlɔwai ɓə Yai-Laa ə nu pɛli la a pɔlɔ, ə yɛnɛ̨ɛ̨ kɛ hvaŋą pu ɉunwɛ̨i, nu ə kɛ a hɛn vulúmąą.

Zɛnɛse 3:19

Ya wala hvɔnɔ̨ ya tee ə́ tɔwɔla, hva kɔ̨nɔ̨n ɉɔlɔɓo, ɛlɛɛ ɉu, ə́ tinɛ̨n ə́ too pɔlɔ hu, ɓɛi di ə́ kulɔ laa. Hvo gaai, pɔlɔ ɓaa yɛ́, mąąnɛ̨ɛ̨, ə́ pənə ə́ too pɔlɔ hu.»

Zôo 20:11

Ə kɛi gbɔwɔ kaa a nu nwųnų, hvaŋą ə ɓo gɔwɠaa hu, Kɛlaa, da diɛni di kaa pai laai pɔlɔ hu a gee.

Zôo 7:21

Hvo pɛli li ə́ lii kpələi nwɔ́ kwɛli tee laa mu? Hvo pɛli li ə́ kili kulɔi ɉɔ́n ɉu? Ya ka gáá kɛa pənəi a pɔlɔ Ə́ kaa pai gwɛ́lii, vá kɛa kɛ ɓɛ.

Mąątɛ̨nɛ̨ 103:14

Mąąhɔlɔɓo, ɉɛn di gu pɛli la ə gɔlɔn, gbaɠala kaa mą yɛ gu kaa a pɔlɔ.

Mąątɛ̨nɛ̨ 104:29

Ya ə́ ɲįnąą kpulu, di hu a pu diɛ, Yá di nɔ̨ɔ̨ kulɔ di hu, di nwun na ə pili, di pənə a pɔlɔ.

Mąątɛ̨nɛ̨ 146:4

Di nɔ̨ɔ̨ kaa pai kulɔi di hu, diɛ pənə diɛ kɛ a pɔlɔ, mąą yələi tii, di kwəi kiliɠaa da lɛɛ a kpɛli.

Mąątɛ̨nɛ̨ 31:6

Gáá nį́i lɛɛi ə́ yəi, yáá nwún mąąɓo, Yai-Laa yɛ́i a tɛ̨ą Yálá.

Mąątɛ̨nɛ̨ 90:3

Yá nu kan mąąpənə a pɔlɔ, mąąhɔlɔɓo, Yá kɛ diɛ: «Adamə lonnii, ka yali ka pulu ka too pɔlɔ hu!»

Azaya 57:16

Mąąhɔlɔɓo, və́ pai hvaa pɛlɛi kaa a yələ kəlee mɛ̨nį, və́ pai kąną ɉii ŋą́ lii hvolii ɓa, ŋą́ gɛ nəi tii, nuąi ŋį́ di pɛli, di nɔ̨ɔ̨ da di nį́į́ a nəi kulɔ di hu.

Ɉeremi 38:16

Tɔɔmun Sedesiasə ə nwoo kwɛlɛ kpɔ a nwalawalaa, loo pələi Ɉeremi ɓa, yɛ mą: «Yii kpɔ Yai-Laa kaa vulú, yai ɲɛnɛ̨ɛ̨ ŋɛ̨i tɛɛ ku pɔ, vá ə́ paa. Vá nwɔ̨nɔ̨ ə́ tɛɛ nuąi di hvilɛn ŋąą ə́ pulu, di pɔ.»

Danîa 12:2

Nuą tamąą daa haa, di kaa laani di kámą hu, di kaa pai di muhəɠəi, di kɛ a di hvulú. Daɠaa da di muhəɠə də li yɛnɛ̨ɛ̨ kpɛɛ hvo mą ɉu; daɠaa də li nwun napili hu, nwumɛ̨ hu yii hva kpɛɛ.

Zakari 12:1

Mɛ̨nįi Yai-Laa ə mo Israɛlə ɓa, 'mo a lolo. Yai-Laa woo ka; yai yələ kɔ́lɔn bɛli, ə lɔi laa, ə kili tɛɛ nu pɔ; yɛ:

Lonon mo 16:22

Moisə da Aarɔn di too nɔi ɓa, diɛ Yai-Laa ɓa: «Ee kə Yálá, yɛ́i pɛli hɛn gəlee nɔ̨ɔ̨ kaa ə́ yee kɔ́nma, nu tɔ̨nɔ̨ lɔ ɓə nɛ̨ŋɛ̨n ɉəɠə, ya ɓə ə́ kaa ə́ liiholii nu kpulu kəlee pɔ.»

Lonon mo 27:16

«Yai-Laa, yɛ́i ə́ kaa a Yálái pɛli hɛn gəlee nɔ̨ɔ̨ kaa ɲee kɔ́nma, gɛ́ ə́ nu ta lɛ, yai pai lɛɛi nuą nwun na.

Lukə 23:46

Nąąlɔwai, Jesus ə tómą kpɔ a nwoo kɛnɛ̨ yɛ mą: «Nąn Yálá, gáá nį́į́ tɛɛi ə́ pɔ.» Yii kɛa ə yili mo tii, nįį ə kulɔ.

Gɛlaɠaa 7:59

Di kɛɛ Etiɛnə hɔɔi a gwɛni, ə kɛi kpɔlɔ Yálá hvɛli yɛ kɛ mą: «Ną́mu Jesus, ə́ yee hee nį́į́ mu.»

Hebreu 12:23

ɛlɛɛ, káá lɔ, Yálá lonnii dɔlɔɔɠaa di wɔɔ kpɔn hu, a diɛi di laa pɛ̨ɛ̨i yələkɔlɔn ɉu; ɛlɛɛ, káá ká mąąlɛɠɛ Yálá ɓa, yai a nu kəlee kiti teemun, da tələnmo nuą nįį, diɛi daa həli mɛ̨nį kəlee laa kulɔi.

Hebreu 12:9

Gu nąnnii kɛ ɓɛ lɔi mɛ̨i, di kɛli gu hutɔɔ, yili ə ɓo guɔ a mɛ̨nį lɛlɛɛ, gu hvo mun kɛ gu Nąn yələi, a tɛ̨ą, mąąnɛ̨ɛ̨i, 'ká gu lɛɛ nwoo mu, əgɛ, gu yɛnɛ̨ɛ̨ hɔlɔɓo.