Ikilisiati 11:9 - Yálá laawoo hɛɓɛ (dc)

⁹ Yɛ́i a nunwunu, ə́ wɔ nunwunulaa ɲąąnɛ̨ɛ̨ kulɔ, ə́ ɲąąnɛ̨ɛ̨ kulɔ nąąlɔwai. Yii kpɔ a nɛ̨ɛ̨ yɛ́, gɛ. Yii yá gaa a nɛlɛɛ, yili kɛ. Kɛlaa, ə́ kili lɛɛ ɉu a nɛlɛɛ, yɛ́ kɛ: Yálá kaa pai ə́ kɛ mɛ̨nįɠaa tii kəlee kiti teei.

Yálá laawoo hɛɓɛ

⁹ Yɛ́i a nunwunu, ə́ wɔ nunwunulaa ɲąąnɛ̨ɛ̨ kulɔ, ə́ ɲąąnɛ̨ɛ̨ kulɔ nąąlɔwai. Yii kpɔ a nɛ̨ɛ̨ yɛ́, gɛ. Yii yá gaa a nɛlɛɛ, yili kɛ. Kɛlaa, ə́ kili lɛɛ ɉu a nɛlɛɛ, yɛ́ kɛ: Yálá kaa pai ə́ kɛ mɛ̨nįɠaa tii kəlee kiti teei.

Bible

⁹ Núu tɔɔ-ŋa, ka lii-nɛ̃ɛ kula tãi kákaa niî la kánuu-tɔɔ kɔlɔi. M̀ɛnii kélee ka wɛ̂lii ka gɛ̂i ka gɛ́. Zãâi ka wɛ̂lii ká gáai, ka gáa. Kɛ́lɛ é kɛ́ kákili ŋá a gɛɛ Ɣâla a pâi núu kélee ŋɔmɛnii ŋá têei tɛi-tɛi.

Ikilisiati 11:9 ပူးပေါင်းရင်းမြစ်များ

Zɛnɛse 3:6

Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.

Zɛnɛse 6:2

Yálá lon ɉinąą di lɔi mɛ̨i nɛ̨ąą lɛlɛi kaa, diɛ daɠaa həɠə a di nɛ̨ąni.

Tɔɔɓɛlaa dɔlɔɔ 18:12

Gbəli hu, gáá lɔ pai həɠəi ɓɛ, Yai-Laa nwɔ Kilii yɛ li a yɛ́ ɓɛi və́ nąą kɔ́lɔn; ə lɛɛ, ŋą́ mo Akabə ɓa, a wala ə́ kaa, gaa pai báái. Ya pa, ə həɠə múhəɠə yələ ɓa, ŋą́ ɲɔw Yai-Laa ɓa.

Tɔɔɓɛlaa dɔlɔɔ 18:27

Hvóló paa nwun ma, Eli ə kɛi yɛlɛ kulɔ di hu, yɛ kɛ diɛ: «'Ka tomą a ka nwąnąi, kɛlɛi yálá li-e! Mąą mɛ̨nįɠaa tamąąi, aa li kiɛ kɛɛnąą ta. Gaa li kiɛ pələ pɔ, a wala kɛ tii gaa kiɛ yíi. Hvo kɛi ka ɲį́nąąɓo.»

Tɔɔɓɛlaa dɔlɔɔ 22:15

Mise ə pa, ə həli tɔɔmun ma, tɔɔmun yɛ mą: «Mise! Akɛti, mąąnɛ̨ɛ̨ kwə li ku kɔ́ pɛlɛ Ramotə taa ɓa, yai gaa Galaadə, awala kɛ tii, ku lɛɛ ɓɛ? Yɛ́ lə?» Mise yɛ tɔɔmun mą: «Li! Ə́ yee kaa lii lɔi, Yai-Laa kaa lii taa tii tɛɛi nwɔ́ tɔɔmun bɔ.»

Zôo 31:7

Akɛ, gɔ́wɔ́ aa ta həɠə bələ mɛ̨i, akɛ gíli a hiɛ a ɲɛ̨́i kɔ́w kpaalə. Akɛ ɲéé aa ta too mɛ̨nį ɲɔ̨n ɉu;

Mąątɛ̨nɛ̨ 81:12

Kɛlaa, nwɔ́ nu huwui hvo kɛ nwəli tɔɔ li nwóó ɓa, Israɛlə hvo gɛli mą́ą́.

Ikilisiati 12:1

Yɛ́i ŋɛ̨i a nunwunu! Ə́ nwunu yələi tii, 'hvó lɛ̨ą ə́ pɛli Yálá ɓa. Gɛɛ ə́ pɔlɔ yələ hvo kɛ həli mą, gɛɛ hvó pa kɛ diɛ: «Yɛnɛ̨ɛ̨ kun aa hee ɉú!» Ə́ kili lɛɛ ə́ pɛli Yálá hu.

Ikilisiati 12:14

Yálá kaa tínąą nu kəlee da di kwɛlanmo Yálá ɓa; yii kpɔ hvilɛn na nu kɛ mɛ̨nįɠaa diɛ, ə kɛ a nɛlɛɛ, ə kɛ a ɲɔ̨nwɔ̨ɔ̨, ə mą kɛ, yiiɠaai di gɛ loo hu, da tínąą gəlee gwɛlanmo kɛ Yálá ɓa.

Ikilisiati 2:10

Hɛn kpɔ ɲɛ̨́i kɔ́w ə kɛ bɔ ə gaa, ŋą́ gəlee lɛ mą. Mɛ̨nį ɲąąnɛ̨ɛ̨ ta hvo kɛ laa, yii və́ da kɛ. Kólói kpɔ ŋą́ gɛ, ŋą́ gəlee tɔlɔ hɔlɔɓo. Yii mąąnɛ̨ɛ̨ kɛ ŋą́ nííɓa kɛ ɉu, ŋą́ yili kəlee kɛ.

Ikilisiati 3:12

Ŋą́ą́ gɔlɔn, gɛ́ diɛ: Tɔlɔ takpɛli hvo nu lonnii yəi, hvo kɛli lɔ di di ɲąąnɛ̨ɛ̨ kulɔ di kɛ kóló dɔlɔ hu; di wɔɔ yɛnɛ̨ɛ̨ hu.

Ikilisiati 3:17

Yili ɓə gɛ, gɛ́ gbɔ́wɔ́ ɓa: Yálá kaa pai nu haŋąą da nwąnąlɔmun di kiti teei. Mąąhɔlɔɓo, mɛ̨nį kəlee da nwɔ yələ ɓə, ɛlɛɛ, Yálá kaa pai nu kɛ mɛ̨nįɠaa kəlee kiti teei.

Ikilisiati 6:9

Viɛlaɓoɔi, hɛn gaa nu yəi ə gwəinɛ̨ɛ̨, ə tɛɛ nu kpɔwɔ ɲąą kɛnɛ̨ɛ̨ ɓa, mąąhɔlɔɓo, yili kaa a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 7:14

Ɓɛlɔwai ɲɛnɛ̨ɛ̨ ɲąą a nɛ̨ɛ̨ la gu yəi, ka gu gu kwəinɛ̨ɛ̨. Ɲąąnwąnąą a həli la guɔ, ka gu gu kiliŋąhiɛ, ɲąąnɛ̨ɛ̨ da ɲąąnwąnąą, Yálá kɛ mɛ̨nį ɓaa a gəlee, Ə yili kɛ tii, əgɛ, nu hvo pɛli Yálá kɛ mɛ̨nįɠaa kpun ɉu kaai.

Ɉeremi 23:17

Nuąi da Yai-Laa woo ɓɛlɛkpɛɛmą, diɛ kɛ yiliɠaa diɛ: ‹Ka wɛi hu kaa pai nɛɛi.› Nuąi di yee kaa di túwɔ́ pələ ɲɔ̨n ɉu, diɛ kɛ yiliɠaa diɛ: ‹mɛ̨ni ta hva həli kaa.›

Ɉeremi 7:24

Kɛlaa, ya ka tii, di hvo gɛ li di hvo di wəli tɔɔ mą, di hvo bɔ mɛ̨nį kɛ; di túwɔ́ a di liiɓa, a di wɔ wəlii kpɔlɔ ɲɔ̨nwɔ̨ɔ̨. Di ɲɛ̨i kɛ mąąnɛ̨ɛ̨ di ɉee mą́ą́, daa tinɛ̨n di pulu pələ ɓə di ɉee mą́ą́.

Woolaa 3:27

Nu ə mɔ̨nɔ̨ mįi a ə́ muhəɠə yələ hviɛlaɓoɔi.

Lonon mo 15:30

«Kɛlɛɛ, nui a gili a gɛ, ə kɛ a nɔi lon da, ə kɛ a nwɛ̨ąi gaa heeni ka kɔ́wɔ mɛ̨i, yili kaa a Yai-Laa lalan ŋąą. Mąąnɛ̨ɛ̨ di mąą nu lɛɛ dɔ̨nɔ̨ kon ɉu.

Lonon mo 15:39

Bələ ɓə mąąnɛ̨ɛ̨ ka ka mąą həɠə kɔ́wɔ la laa la, ka kɛi gaa, Yai-Laa nwɔ tɔ́nŋąą nąą kili yɛ too ka ŋą. Ka di kaa, ka hva hvilɛn ka wɔ kiliŋąhiɛ da ka wɔ ɲɛ̨i kulɔ bɔɠaa pulu, yai a gɛ kaa Yálá woo tee ŋą.

Lonon mo 22:32

Yai-Laa nwɔ malakai yɛ kɛa mą: «Lə ɓə kɛ yai ə́ ə́ wɔ hoohvaalən kɛlɛ gee mɛ̨i haaɓa? Yáá gaa, ɲą́ą́ ɓə pa gɛ kpeɲan bələi ə́ tɔwɔ; yíli ɓa, yáá ɉiɛi ŋɛ̨i kulɔ hvo ə́ kiliŋąhiɛ li a nɛlɛɛ.

Maafîu 5:28

Kɛlaa, nwɛ́i gáá moi kaa, nui lɔpee a nɛ̨ɛ̨nu ta kaa, ɲɛ̨i a kulɔ bɔ nwɔ kiliŋąhiɛ hu, a kɛti a gbɛa láá a mąąnɛ̨ɛ̨nu.

Lukə 12:19

Ŋą́ mo kɛa gbɔ́ɔ́ ɓa, gɛ́ mą: Náwəi, yaa kwɛlan damąą kɔ̨nɔ̨n ɉɔlɔɓo, ə́ hvįįtɔɔ kɛa; ə́ ə́ laa mį́į́, ə́ ə́ kpələ, ɛlɛɛ, ə́ ə́ kwəinɛ̨ɛ̨.›

Gɛlaɠaa 14:16

Tɔwɔ-tɔwɔ yələ, Yálá ə nuą lɛɛ laa, diɛ ɉon a di liiɓa pələ.

Gɛlaɠaa 24:25

Kɛlaa, yii kɛa nono woo ə hvilɛn, tələnmo yíí ɓa, da nu kpɔwɔ huhon mɛ̨nį, ɛlɛɛ, gitii gaa nuą tɔwɔ; Felisə ə ɲɔw, yɛ mą: «'Li kɛa, gáá pai ə́ təlii a yələ takpɛli.»

Lomaŋ 14:10

Kɛlaa, yɛ́i ŋɛ̨i, lə mɛ̨nį ɓa, ə́ kaa ə́ ɓɛlan giti tee? Ɛlɛɛ, yɛ́n, lə mɛ̨nį ɓa, ə́ kaa ə́ ɓɛlan viiɓoi? Gu kəlee guɔ pa tínąą tɔɔi Yálá ŋą kitii lííla.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Dutɛrɔnome 29:19

Nui taaləi tii, Yai-Laa hva mąą hvaalɛɛ. Yai-Laa nwɔ liiholi da nwɔ tolo kaa pai ɓɛlai mąą nu mɛ̨i, mɛ̨nį nwąnąąɠaa kpɔ di pɛ̨ɛ̨i ɉɛɓɛ́i ŋɛ̨i hu, di kaa pai pui mɛ̨i; ɛlɛɛ, Yai-Laa yɛ mąą nu laa kpɛɛ yələkɔlɔn mu.

Hebreu 9:27

Yɛ bələi gaa la, nu kanŋaa da haa lɔ tanɔ̨n gbən, yili pulu, kitii yɛ di mąąkpɔn.

Zasua 7:21

Gɔ pulu hɛnŋąąi tii lɔwai, ŋį́ lɔ́həɠə lɛlɛɛ ta kaa laa, yii da həɠə la Sinearə; wali kwələ nwun veelɛ, da hɛni kpuwulu kɛnɛ̨ yii kɛ mu wia kpɔ kɛnɛ̨. Ɲɛ̨́i ə kulɔ bɔ, ŋį́ ɉəɠə, ŋį́ li la, ŋą́ di loo nwɔ́ həɠə pɛ́lɛ́i ɉąąi, nwɔ̨n dinįi; nwali tii kaa laani ɉɛnəŋąą mu nɔi mu.»

Piɛrə veelɛ 3:7

Yálá lawoo tɔ̨nɔ̨i ti ɓə mo yɛ diɛ: Yiihu, yələkɔlɔn da lɔi ŋɛ̨i, nwɔ̨n gaa pai di kələn ɉi. Yálá aa ɲee kɛ diɛ, ə lɛɛ la ɉu, volói gaa pai mɛ̨nį ɲɔ̨n gɛ nuą kiti teei la, yɛ ɉəli.