Ikilisiati 10:19 - Yálá laawoo hɛɓɛ (dc)

¹⁹ Hɛn gɔw nąmįną da kɛ di di ɲąąnɛ̨ɛ̨ gulɔ, hɛli ɓə da bu, hɛn gɔw ɓə a ɲąŋą tɛ nu hu; wali a pɛlɛ́ kəlee laa ɓo.

Yálá laawoo hɛɓɛ

¹⁹ Hɛn gɔw nąmįną da kɛ di di ɲąąnɛ̨ɛ̨ gulɔ, hɛli ɓə da bu, hɛn gɔw ɓə a ɲąŋą tɛ nu hu; wali a pɛlɛ́ kəlee laa ɓo.

Bible

¹⁹ Kúu kɛ́ɛ káa a lii-nɛ̃ɛ kuláa. Lɔɔ a gɛ̀ núu kɛ́ koi-nɛ̃ɛ kùla. Kɛ́lɛ à kɛ̀ sɛŋ-kao fé núu yêei, va pɔ̂ri m̀ɛni-ŋai ŋí da kɛ̂i.

Ikilisiati 10:19 ပူးပေါင်းရင်းမြစ်များ

Zɛnɛse 43:34

Ɉosɛfə kpinįi ɓə nu kəlee kɔ̨nɔ̨n naa ɲəi ɉɛnɲąŋą hu. Ə nəɠə Bɛnɉamɛn nwɛi ɉuwɔ kɛ mɛ̨i gee mɛ̨i lɔɔli ə dɛɛ niɛni di wɛi ɓa. Da diɛni di lɔɔ kpələ gee ɓa yɛ pələi di kaa la bɔ.

Samia Veerɛi 13:28

Absalɔn yɛ ɲəi bɛlɛ́n góló kɛ nuą diɛ: «Ka gɛ a nɛlɛɛ, ɓɛlɔwai ka Amnɔn kaa la nɔɔ aa ɉon, ŋą́ kɛ kaa: ‹Ka Amnɔn kɛlɛ›, ka baa. Ka hvo ɲɔw, ɲą́ą́ ɓə ka tɔɔ la ka ká liikpələ, ka gɛ a hulɔnu laa.»

Kɔlɔnikɔ Maa-ŋuŋ 21:24

Kɛlaa, tɔɔmun Davidə yɛ Ornan ɓa: «Kpaa-oo! Yii kpɔ gáá bɔ́, ya ɓaa, ŋį́ ɲa a wali a ɉɔ̨nwɔ̨ kpɔ-kpɔ. Və́ bɔ hɛn gaa a ə́ wɔɔ, və́ ɉəɠə ə́ yəi a mɛ̨inɛ̨ɛ̨i ɉɔ̨nwɔ̨ hvo mą, gɛ́ gɛ a Yai-Laa kɔ́ hɛn, a haláái da gəlee kələn.»

Ɛsdrasə 1:6

Di heeyɔwɔɠaai kpɔ kɛ di kwɛlɛ, di mɛ̨inɛ̨ɛ̨ kpɛa-kpɛaa kɛ Israɛlə nuą diɛ, yɛ bələi di wɔ yee pɛli mąą ə kɛ la. Di hɛn ɲąŋąɠaa tɛɛ di pɔ, daɠaa di ɓo a wali kwɛli, daɠaa di ɓo a hɛni. Ə mą kɛ mɛ̨inɛ̨ɛ̨ takpɛliɠaa, da taatɛlɛɛɠaa, da hɛnŋaa yiiɠaai mąąwiaa, mɛlɛ yɛ ɓo mą. Naa gwəi mɛ̨inɛ̨ɛ̨ yiiɠaai di gɛ diɛ, naa kulaa ɉu.

Nehemi 5:8

Gɛ́ diɛ: «Ɉuifəɠaa ŋɛ̨i a gu kaayɔwɔɠaa, diɛi kɛ daa di lɔwɔ́tɔɔ hį́i takpɛliɠaa diɛ, guɔ kpinįi ɓə di nwun mąąɓo, yɛ pələi guɔ yee pɛli mąą mɛ̨nį kaa la. Kɛlaa, kaa mun, ka káá ka kaayɔwɔɠaa lɔwɔ́tɔɔi, ku wɔ ɓə ka káá di lɔwɔ́tɔɔi kuɔ.» Di di mɛ̨i haa, di hvo pɛli mɛ̨nįi lɔpee ta ɓoi.

Mąątɛ̨nɛ̨ 104:15

Lɔɔ yɛ nu kan gwəinɛ̨ɛ̨, Yɛ́ di ɲɛ̨i wulɔ kulɔ, yɛ di ɲɛ̨i wulɔ kulɔ, dɛɛ wulɔ ɓa. Kɔ̨nɔ̨n yɛ hvąŋą tɛɛ nu kan bɔ.

Mąątɛ̨nɛ̨ 112:9

A mɛ̨inɛ̨ɛ̨ kpɛa-kpɛa kɛ yeehowolo mun ma, nwɔ tələnmolaa kaa a yələ kəlee mɛ̨nį, a nwun muhəɠə a ɲɛ̨i pono.

Ikilisiati 2:3

Ŋą́ naa gwə́i gɛ́ diɛ: «Gáá lɔɔ kpəlɛɛ ɲąąnɛ̨ɛ̨ kwɛlii mą, ɛlɛɛ, ŋą́ kilikpɛɛgwəi nuą pɔɔ kɔ́ɔn; kɛlaa, gɛ́ gbɔ́wɔ́ hu hon, níi yɛ lɛɛ kili pələ mɛ̨i; mɛ̨nįi kpɔ nuą da gɛ ɓɛ lɔi mɛ̨i di hvulú kɔ́wɔ ŋą, ŋą́ kɛ bɔ ŋą́ yiliɠaa kɔ́lɔn.»

Ikilisiati 9:7

Yili ɓa, ə́ laa mįi, ə́ wɔ lɔɔi kpələ a ə́ kwəinɛ̨ɛ̨; mąąhɔlɔɓo, Yálá aa ə́ kɛ mɛ̨nįɠaa hu nɛ̨ɛ̨.

Azaya 23:18

Kɛlaa ɉɛn a ɉɔlɔɓo, da dɔlɔɠaa, da gəlee laakwɛlanmo Yai-Laa ɓa; di hva di ɲąąkpɔn gee ɓa, di hva di pu gee mɛ̨i. Ɉɛn gɔwi tii kəlee da kɛ a, nuąi heeni Yai-Laa lííla, di kɔ̨nɔ̨n, diɛ pilə ɉu, diɛ həɠə lɛlɛɛɠaa hɔlɔɓo ɉu a lamun ɉəɠəɠaa.

Azaya 24:11

Di kaa lɔɔ kwɛlii gwəliɠaa pɔ, kwəinɛ̨ɛ̨ mɛ̨nį kəlee aa kpɛɛ, kwəinɛ̨ɛ̨ kəlee aa kpɛɛ nɔi.

Maafîu 17:27

Kɛlaa, gu wɛi, gu hvo bɔ gu hvo nuą lii hu kala. Yili ɓa, ɉɔwɔlee kwɛli həɠə, ə́ li bówa hu, ə́ kwɛli pili; Ɉɔwɔlee tɔlɔɔ tii ə́ kaa pai gulɔi, na kaa, wali kaa na, yii a pɛli gu nu hveelɛ guɔ nįįhɔ̨nwɔ̨ ɓa, ɉəɠə ə́ pa, ə́ guɔ nįįhɔ̨nwɔ̨i kulɔ la.»

Maafîu 19:21

Jesus yɛ mą: «Akɛ ə́ kaa bɔ ə́ mąą mɛ̨nį laa ə hvɛɛ, li, Ɉɛnɉaai gaa ə́ yəi, ə́ gəlee lɔwɔ́tɔɔ, ə́ nwali ɉaa kwɛlɛ yeehowolo nuą diɛ. Yili pulu ə́ pa ə́ hvilɛn búlú. A kɛ tii ya kɛ a hɛn gɔw nąmu Yálá-taa tɔɔlaa hu.»

Lukə 12:19

Ŋą́ mo kɛa gbɔ́ɔ́ ɓa, gɛ́ mą: Náwəi, yaa kwɛlan damąą kɔ̨nɔ̨n ɉɔlɔɓo, ə́ hvįįtɔɔ kɛa; ə́ ə́ laa mį́į́, ə́ ə́ kpələ, ɛlɛɛ, ə́ ə́ kwəinɛ̨ɛ̨.›

Lukə 16:9

Jesus ə mo, yɛ diɛ: «Gáá moi kaa, ka ɓɛlan naa kwɛli kaa, a ɲɛnɛ̨ɛ̨ ŋɛ̨i hu hɛn gɔw, ya ɓə a gɛ, ɓɛlɔwai hɛn və la ka yəi, ka ɓɛlaa tii, di di ɲee hee la ka mu, bɛlɛi hva kala mu.

Lukə 8:3

Nɛa tii tɔ̨nɔ̨ ɓaa kɛ a: Ɉanə, yai kɛ a Herodə nwɔ hɛn gɔw mɛ̨i kaa mun gɛnɛ̨ nɛ̨ą, ɉulɔnui tii laa ɓa kɛ a Kuza. Da ɓaa kɛ a Suzanə, da nɛ̨ą takpɛliɠaa, yiiɠaai kɛi di yəi hɛnŋąa tɛɛ Jesus pɔ da nwɔ kalan nɛai, di mąą kpɔnmąą ɓo mɛ̨nį ɓa.

Gɛlaɠaa 11:29

Galan nɛa di di nwun dɔɔ, kpɔnmąą tɛɛ mɛ̨nį ɓa galan nɛa yiiɠaai kɛ Ɉude lɔi hu, di pɔ.

Gɛlaɠaa 2:45

Di kɛi di yəi hɛnŋąa lɔwɔ́tɔɔ, diɛ nwali ɲąąkwɛlɛ di kee lɔwai, yɛ pələi di mąą kpaanŋąa di kɛ la.

Piɛrə dɔlɔɔ 4:3

A tɛ̨ą, yii tii kɛ, aa pɛli ɉu, a yai wɔlɔ ká gɛ hali pulu yíi hu, káá tuwɔ pələ ɲɔ̨n ɉuwu kəlee kulɔ, ɲɛ̨i kulɔ bɔɠaa, lɔɔ hon naa, kwəi kɛnɛ̨ laa, lɔɔ kpələ kpɔn naa, da hali ŋą mąąliɓi mɛ̨nįɠaa.

Nwun mąąɓo 14:10

Yili pulu, Samsɔn nąn ə li nɛ̨ɛ̨non pɔɔli, Samsɔn ə hɛli kɔ̨nɔ̨n bɛli, mąąhɔlɔɓo, pələ ɓə hilɛlɛa da gɛ la kɛ, di yíi pələ hu.

Nwun mąąɓo 9:13

«Viɲə yɛ diɛ: ‹Gaa ka kwəi, gáá pai ɲéé kulɔi nwɔ́ lɔɔi hu, yaai a Yálá kwəinɛ̨ɛ̨, yɛ nuą kwəinɛ̨ɛ̨, ŋą́ li, gɛ́ tɛɛ tɛɛ ɓo wuluɠaa mɛ̨i?›

Samuɛlə dɔlɔɔ 25:36

Avigailə ə pənə ə pa Navalə pɔ, Navalə ə kɛi hɛli pu ɲəi bɛlɛ́n, ə kɛ kpɔ a tɔɔ kuu kpɔ-kpɔɔ. Lɔɔ yee a kɛ tɛɛ mą, nɛ̨ą hvo mɛ̨nįi tii hukulɔ mą, ə lɛɛ ɉu yələ ə ɓɔ.