Ikilisiati 10:12 - Yálá laawoo hɛɓɛ (dc)

¹² Kilimąą mun vaa woo a mąąwiɛ nuą lɔwai, Kɛlaa, kilikpɛɛgwəi mun vaa woo a mɛlɛkpɛɛ mą nu lɔwai.

Yálá laawoo hɛɓɛ

¹² Kilimąą mun vaa woo a mąąwiɛ nuą lɔwai, Kɛlaa, kilikpɛɛgwəi mun vaa woo a mɛlɛkpɛɛ mą nu lɔwai.

Bible

¹² Táre-nuu a lôno a ƃaa kɛ́-maa pere, kɛ́lɛ ƃaa kɛ́-maa fé ƃoo-nuu lóno-woo su.

Ikilisiati 10:12 ပူးပေါင်းရင်းမြစ်များ

Samia Veerɛi 1:16

Davidə yɛ mą: «Ə́ ŋama wulu a lɛɛ ə́ kpɔɔ nwuɔ̨, mąąhɔlɔɓo, yáá ə́ kpɔɔ kalama ɓo, kɛi ə́ mo diɛ: ‹Nui Yai-Laa ə dɔɔ wulɔ hiɛ mą, ɲą́ą́ ɓə baa.›»

Zôo 16:5

Kɛlaa, ŋį́ kɛ ka liilaa a nwóó, ŋį́ kɛi náálə́i tumo, yili yɛ ka hvaŋąlɔ.

Mąątɛ̨nɛ̨ 140:9

Yai-Laa, mɛ̨nįi nu ɲɔ̨nwɔ̨ɔ̨ɠaa kaa bɔ, 'hvó hvaa mą, 'hvó ə́ yee hee di wɔ nwundɔɔ hu wooɠaa mu, 'hvó di wɔ ɲaba nwundɔɔi hu nɛ̨ɛ̨.

Mąątɛ̨nɛ̨ 37:30

Tələnmomun naaləi hva kpɛla kili mɛ̨nį ɓoɔ ɓa, tɛ̨ą mɛ̨nį lɔ ɓə a kulɔ na.

Mąątɛ̨nɛ̨ 64:8

Kɛlaa, Yálá aa kilɛn bili diɛ, daa mɛ̨ikɔwɠaa kaa lɔ kɛa di tɛɠii, di kpɔwɔ mɛ̨nįi lɔ di gɛ, yaa lɔ li.

Hanwon 10:10

Nui a tɛ̨ą loo, a mɛlaa laanɔ̨nwɔ̨ ɓo, ɛlɛɛ, nwɔ̨nɔ̨, nui hva pələ ɓo a dənən, a gbɔwɔ nwun nɛɛ ɉu.

Hanwon 10:8

Kilimąą mun a nwəli tɔɔ liɛwoo ɓa, Kɛlaa, nui hva pələ ɓo a dənən, a gbɔwɔ nwun nɛɛ ɉu.

Hanwon 12:18

Hvaa pulu-pulu a kɛɛ kala lɔ yɛ ɓɔwa kwɛa, Kɛlaa, kilimąą nuą woo kaa a kɔ́lɔi pɔ̨nɔ̨ hali.

Hanwon 15:2

Kilimąą nuą hvaa woo a kili wɛli too nu ɓa a ŋąąnɛ̨ɛ̨. Kɛlaa, kilikpɛɛgwəi nuą laa hvili yɛ tɔɔ a ɓowo.

Hanwon 15:23

Mɛ̨nį hutoɔ a woo nɛ̨ɛ̨, a nu kwəinɛ̨ɛ̨, mɛ̨nį ɓoɔ a moi lɔwai, yili ɲąą nɛ̨ɛ̨i kpɔ nwɔ̨nɔ̨ a mɔlɔ.

Hanwon 19:5

Nui a kɛla hvaa ɓo a lɛɛ, ɉu tɔɔ mɛ̨nį hva ɉəɠə mą. Nui a lɛɛ kɛ, nwun va kulɔ ɉu.

Hanwon 22:11

Nui wɛlikɛmąą woo kaa na, da kiliŋąhiɛ lɛlɛɛ, mąą nu ɓə nwɛli a too tɔɔmun ma.

Hanwon 26:9

Kilikpɛɛɲəimun gɛɛ hanwon ɉɔɔi, kaa yɛ kpala a kɛ lɔɔ hon ɲəi yɛ kɔ̨nwɔ̨ la nuą nwun mɛ̨i.

Hanwon 31:26

A pələ ɓo a gili, nwɔ lono kɛɛ yɛ nu kilaa pɔ̨nɔ̨.

Ikilisiati 12:11

Kilimąą nuą woo kaa yɛ hɛ́pɛlɛ, a yali nu lii ɓa, ə nu kili nwun. Kilimąą nuą woo a nu kili lɛɛ mɛ̨nį kɔ́lɔn mɛ̨nįɠaa hu. Kilimąą nuą woo a həɠə Yálá tanɔ̨n gbən mə bɔ, yai a nu tənən dɔɔ a tɛ̨ą.

Ikilisiati 4:5

A tɛ̨ą, kilikpɛɛgwəi mun a hee, ə ɲee pili gee hui, yaa lɔ ɓə pulu a baa.

Ikilisiati 5:2

Mąąhɔlɔɓo, nu a kɛi hvaa tamąą, a da ɓo, yii hvo giliŋąhiɛ li mą, ɛlɛɛ, bələi lɔ, liihɛlɛn a kɛnɛ̨ la nu ɓa, bələ lɔ ɓə ya hįi ɲɔ̨nwɔ̨ɔ̨ɠaa kaa la.

Ikilisiati 5:6

Gwa hįi tamąą kaa, gwa hvaa tamąą nwun və mą, Kɛlaa, kilimąą mun, ə́ wɛi, ɲɔw Yálá ɓa.

Ikilisiati 9:17

Kɛlaa yaamun, viɛlaɓoɔi nu ə́ ə́ wəli tɔɔ kilimąą mun ma a nɛlɛɛ, ə tɛɛ, tɔɔmun a kɛ mɛ̨nį ɓoi kilikpɛɛgwəi nuą diɛ yɛlɛ, mą.

Maafîu 12:35

Nui ɉɔn nɛlɛɛ, ya lɔ ɓə mɛ̨nį lɛlɛɛ a kulɔ nwɔ kiliŋąhiɛ hu. Nui ɉɔn ɲɔ̨nwɔ̨ɔ̨, ya lɔ ɓə mɛ̨nį ɲɔ̨n a kulɔ nwɔ kiliŋąhiɛ hu.

Lukə 19:22

«Tɔɔmun yɛ mą: ‹Kóló kɛmun ɲɔ̨nwɔ̨ɔ̨ ɓaa yɛ; ə́ woo tii ə́ mo ya lɔ ɓə gáá ə́ kiti teei mɛ̨i. Ə́ gɔlɔn gbɔ kɛ yɛ́, gáá a nui nwɔ mɛ̨nį walawala, ɓɛi və́ hɛn nąą li laa, nąą ɓə ŋą ɉəɠə laa; ɓɛi və́ tíi kɛ li laa nąą ɓə ŋą mɔ̨nun dee laa.

Lukə 4:22

Nu kəlee di kɛi mąąwiɛi kaa, ə lɛɛ, mɛ̨nį lɛlɛɛɠaa ŋɛ̨i kɛi kulɔ na yɛ mo, ə nuą kəlee kwəi pili diɛ. Di kɛi di kee mąąni kɛ, diɛ kɛ mą: «Akɛti, Ɉosɛfə lon vəi mɔ̨ɔ̨?»

Ifisiɛŋ 4:29

Woo ɲɔ̨n nɔpee ta hvo kulɔ ká la, kɛlaa yaamun, ká hvaa woo ə kɛ a nɛ̨ɛ̨, yɛ pɛli nu tənən dɔɔi, yɛ mɛ̨nį lɛlɛɛ kɛ mɛ̨n nuą diɛ.

Kolosə 4:6

'Ká lono woo ə nɛ̨ɛ̨ nuą wəlii a yələ kəlee, yɛ pɛli nɛ̨ɛ̨laa pələ laa ɓoi nuą lɔwai, 'ká nu tɛitɛi woo pulu pənə, a ɲąą pənə pələ.