Ikilisiati 1:3 - Yálá laawoo hɛɓɛ (dc)

³ Yɛnɛ̨ɛ̨ nuą da kóló walawalaɠaa kɛ, Kɛlaa, tɔlɔ lə kɛɛ kpɔ ɓə da ɉɔlɔɓo ɉu?

Yálá laawoo hɛɓɛ

³ Yɛnɛ̨ɛ̨ nuą da kóló walawalaɠaa kɛ, Kɛlaa, tɔlɔ lə kɛɛ kpɔ ɓə da ɉɔlɔɓo ɉu?

Bible

³ Lé ƃé núu-kpune a pɔ̂ri zɔlɔ ƃôi ŋɔmɔ̃lɛ-laai su ŋ̀éniɛi ŋí sui?

Ikilisiati 1:3 ပူးပေါင်းရင်းမြစ်များ

Ikilisiati 2:11

Yili pulu, ŋą́ą́ gaa, kólóɠaa da mɔ̨nɔ̨ɠaai kpɔ ŋą́ mįi, yii lɔ ŋą́ gɔlɔn, ya ɓaa: Gəlee kaa lɔ a kpɛli-kpɛli mɛ̨nį, yɛ nu aa kɛi hvaŋą tənən dɔɔ. Nuą kɛ mɛ̨nį yɛnɛ̨ɛ̨, dɔlɔ leelee hvo mą.

Ikilisiati 2:18

Gólóɠaai kpɔ ŋį́ gɛ́ ɓɛ lɔi mɛ̨i, mɔ̨nɔ̨ɠaai kpɔ ŋą́ mįi ɓɛ lɔi mɛ̨i, gəlee wɛli aa kpɛɛ mą́ą́. Mąąhɔlɔɓo, gəlee kaa pai lɛɛi a nui pai mą́ą́hvalin ɉi, nwɔɔ.

Ikilisiati 2:19

Mąą nu kaa pai kɛi a kilimąą mun, a wala kɛ tii, kilikpɛɛgwəi mun? Nu ta hvo yili kpaɠala kɔ́lɔn. Kɛlaa, hɛn kpɔ ŋą́ gwɛli gɛ́ kóló hu da nwɔ́ kili mɛ̨nį hu, gəlee kaa pai lɛɛi nui pai mą́ą́hvalin ɉi ɲəi. Yili kəlee kaa a kpɛli-kpɛli mɛ̨nį.

Ikilisiati 2:22

Yili a kɛ tii, tɔlɔ lə kɛɛ kpɔ ɓə nu a ɉɔlɔɓo gólóɠaai a giliŋąhiɛ mą gəlee kɛɛ hu?

Ikilisiati 3:9

Tɔlɔ lə kɛɛ kpɔ ɓə kóló kɛmun a ɉɔlɔɓo nwɔ mɔ̨nɔ̨ mįi hu?

Ikilisiati 4:3

Lon di hvo ni gaa li, nwun na nɛ̨ɛ̨i, ə tɛɛ la nu heei hveelɛi tii ɓa. Mąąhɔlɔɓo, lon di hvo ni gaa li, mɛ̨nį kpəlaan ŋąąi kɛi ɓɛ lɔi mɛ̨i, hvo nąą kaa li.

Ikilisiati 4:7

Ŋą́ mɛ̨nį takpɛli kaa nwɔ̨nɔ̨ lɔi mɛ̨i, yii a nu kwəi pili mą, ya ɓaa:

Ikilisiati 5:16

Yili pulu, nwɔ yɛnɛ̨ɛ̨ kəlee hu, ɲɔw mɛ̨nį tamąą, líiholi da laanɔ̨nwɔ̨, di nwɔ kɛ yɛnɛ̨ɛ̨ hu kpinį.

Ikilisiati 5:18

Yili pulu, Yálá a hɛn gɔw da yee la hvólón dɛɛ nu pɔ, mąą nu yɛ pɛli gɛ kóló dɔlɔ kulɔi, yili kaa a Yálá yəi mɛ̨inɛ̨ɛ̨.

Ikilisiati 6:12

Yɛ bələi nu yii hvóló hu hvo kwɛa li li la, yii nɛlɛɛ nu lonnii mąą mɛ̨nį ɓa, gbɛɛ ɓə a pɛli nɛi diɛ, ɲíi kuu kpuɔ lon ŋɛ̨i yee mu? Nu hva pɛli ɉaa pulu mɛ̨nį kaai.

Ikilisiati 7:11

Kili kɛɛ nu ɓa ɓɛlɛ kaa mą ə tɛɛ la, nu kwɛlin ma. Mąąhɔlɔɓo, kili kɛ ɲəi dɔlɔ a həli nu kəlee ɓa.

Ikilisiati 9:13

Ŋą́ą́ mɛ̨nį ta kaa yələkɔlɔn mu, a viɛlaɓoɔ yii kili ə gɛ, nɛlɛɛ ɲɛ̨́i ɓa, ya ɓaa:

Ikilisiati 9:3

Mɛ̨nį ɲąąnwąnąąi gaa lɔi mɛ̨i, ya ɓaa: hɛn gəlee ŋąąkpɛɛi kɛ mɛ̨nį tanɔ̨n. Nuąi da di kpɔwɔ lɔ mɛ̨nį ɲɔ̨n gɛɛ hu, ɛlɛɛ, di liiɓa yɛ ɓo a kilikpɛɛgwəi túwɔ́ ɓoɔ, yii lɔ a lɛɛ nąą pulu, ya lɔ ɓaa a haa.

Ikilisiati 9:6

Di wɔ wɛlikɛmąąlaa, di wɔ wɛlikpɛɛmąąlaa, di wɔ tolo kulaa, gəlee daa haa. Mɛ̨nįɠaai kɛi lɔi mɛ̨i, di wɔ nąą hvo ɉu.

Azaya 55:2

Lə mɛ̨nį ɓa yai ka ka wɔ walii hukala, ɉɛn hvo a kɔ̨nɔ̨n bulu, kaa kóló kɛ ɉɛn hva nu pilɛ bulu? 'Ka ka wəli tɔɔ, ka nwóó mɛ̨n, ɛlɛɛ, kaa pɛli kɔ̨nɔ̨n mįi, kaa pɛli ka lii hon gɔ̨nɔ̨n nɛɛɠaa mįi.

Habakukə 2:13

Kɛlaa nwɔ̨n gɔ̨nɔ̨n mə nuą da gwɛli diɛ mɔ̨nɔ̨ mįi kpɛli kpɛli yili kəlee a həɠə Mɛ̨nį Kəlee ŋą Hééɓomun Yai-Laa pɔ.

Habakukə 2:18

Hali pɛliɛ nwun maa a lə? A yɛlɛ kɛ nuą yee pɔɔ ti. Yai a kwɛli həɠeeiŋąą, diɛ nuą nwunɉu lan la, nui bɛli yɛ gilitɔɔ mą, hva kpɛli kan hvaa ɲəi.

Maafîu 16:26

Nu a yɛnɛ̨ɛ̨ hɛn gɔw kəlee hɔlɔɓo, ə hvɛɠɛ a nwɔ yɛ̨nɛ̨ɛ̨, yili dɔlɔ ɓaa a lə?

Ɉaan 6:27

Kɔ̨nɔ̨n ɲii a kalai, ka hvo kóló kɛ lɔ yili mąą mɛ̨nį ɓa, kɛlaa, kɔ̨nɔ̨n a yɛnɛ̨ɛ̨ hva kpɛɛ tɛɛ nu pɔ, ka yili mąą kóló ɓo. Nu Lon a pɛli ə yili tɛɛ ka pɔ. Mąąhɔlɔɓo, Ną́n Yálá aa mɛ̨nį kəlee nwɔ heeɓolaa tɛɛ bɔ.»

Korɛntə dɔlɔɔ 16:16

'Ká lɛɛ nu ɓɛlɛmąąɠaa tii woo mu, da nuąi kóló kɛi kee ɓa, di yee ə ɓo mɔ̨nɔ̨ tɔ̨nɔ̨ hu.