Ikilisiati 1:2 - Yálá laawoo hɛɓɛ (dc)

² kpɛli-kpɛli mɛ̨nį da kpɛli-kpɛli mɛ̨nį, kilimąą mun nwoo li, mɛ̨nį kəlee kaa lɔ a kpɛli-kpɛli mɛ̨nį.

Yálá laawoo hɛɓɛ

² kpɛli-kpɛli mɛ̨nį da kpɛli-kpɛli mɛ̨nį, kilimąą mun nwoo li, mɛ̨nį kəlee kaa lɔ a kpɛli-kpɛli mɛ̨nį.

Bible

² Ɣéniɛ mɛni kélee káa nɔ́ kpɛ́ni-kpɛni. Mɛni lɛ́lɛɛ da kélee fé zu.

Ikilisiati 1:2 ပူးပေါင်းရင်းမြစ်များ

Zôo 11:12

Mąąhɔlɔɓo, nu hvii a kpɛɛ kɛnɛ̨, hva tɛ̨ą kɔ́lɔn, ə lɛɛ, nu kaai lɔwai, a kɛ lɔ yɛ hoohvaalən non.

Mąątɛ̨nɛ̨ 144:4

Nu kaa lɔ yɛ hvaŋą, nwɔ yɛnɛ̨ɛ̨ ə ɓo yɛ nįnįn a tɛɛ.

Mąątɛ̨nɛ̨ 89:47

Yai-Laa, ə́ kaa pai lɛɛi ə́ loo pələi ə lɛɛ ɉu mįnɛ̨ lɔwai? Ə́ lii kaa pai lɛɛi a ɉoliɛ ku pɔ, ə lɛɛ ɉu mįnɛ̨ lɔwai?

Ikilisiati 11:10

Mɛ̨nįi kpɔ a liihɛlɛn doo nu ɓa, da ɲɔw mɛ̨nįɠaa, yiliɠaa kəlee mąą kwɛa yɛ́; mąąhɔlɔɓo, nunwunulaa, da nwɔ kpakololaa, di kaa a kpɛli-kpɛli mɛ̨nį.

Ikilisiati 11:8

Gwɛlanŋąąi Yálá aa dɛɛ nu lonnii pɔ, mąąnɛ̨ɛ̨ dɛitɛi kəlee həli pələ, di di kwəinɛ̨ɛ̨; ə mą kɛ, daa kwɛlan damąą kɛ. Kɛlaa, mąąnɛ̨ɛ̨ di di kili lɛɛ ɉu, diɛ kɛ: kpinį nwɔ hvóló tamąąi kɛɛ pɔ̨nɔ̨ɔ̨ ɓa. Mąąhɔlɔɓo, tínąą hva nu kilaa pɔ̨nɔ̨.

Ikilisiati 12:8

Kilimąą mun yɛ diɛ: kpɛli-kpɛli mɛ̨nį da kpɛli-kpɛli mɛ̨nį, mɛ̨nį kəlee kaa a kpɛli-kpɛli.

Ikilisiati 2:11

Yili pulu, ŋą́ą́ gaa, kólóɠaa da mɔ̨nɔ̨ɠaai kpɔ ŋą́ mįi, yii lɔ ŋą́ gɔlɔn, ya ɓaa: Gəlee kaa lɔ a kpɛli-kpɛli mɛ̨nį, yɛ nu aa kɛi hvaŋą tənən dɔɔ. Nuą kɛ mɛ̨nį yɛnɛ̨ɛ̨, dɔlɔ leelee hvo mą.

Ikilisiati 2:15

Ya ɓə ŋą́ kɛ gbɔ́wɔ ɓa, yii kwa kilikpɛɛgwəi mun ku ŋąąkpɛɛi kaa tanɔ̨n, akɛti, lə mɛ̨nį ɓa ŋą́ kɛ a kilimąą mun? Gɛ́ gbɔ́wɔ ɓa: Yili kaa a kwəi pili mąą.

Ikilisiati 2:17

Yili ɓə gɛ, Yɛnɛ̨ɛ̨ wɛli yɛ kpɛɛ mą́ą́. Yaan, ŋą́ą́ gaa kpɔ, yii kpɔ nuą da gɛ lɔi mɛ̨i, da lɔpee wɛli hva ɉón, gəlee kaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 2:19

Mąą nu kaa pai kɛi a kilimąą mun, a wala kɛ tii, kilikpɛɛgwəi mun? Nu ta hvo yili kpaɠala kɔ́lɔn. Kɛlaa, hɛn kpɔ ŋą́ gwɛli gɛ́ kóló hu da nwɔ́ kili mɛ̨nį hu, gəlee kaa pai lɛɛi nui pai mą́ą́hvalin ɉi ɲəi. Yili kəlee kaa a kpɛli-kpɛli mɛ̨nį.

Ikilisiati 2:21

Ɓɛ kaa lə, nu ta a kóló kɛ a kili, ə gɛ a nwun gɛ ɉu laa; a mɛ̨nį kɔlɔn ŋąą, Kɛlaa, yii gaa mą ya ɓaa: nwɔ kólói tii dɔlɔ a lɛɛ nui hvo gólói tii ta kɛ li ɲəi. Yili a kɛ tii, mąą nu aa kpɛli-kpɛli kóló kɛ.

Ikilisiati 2:23

Nu kan nwɔ yɛnɛ̨ɛ̨ ɲąąnɛ̨ɛ̨ hvo ɉu, kɛ mɛ̨nįɠaa kəlee da liihɛlɛn doo mą, yɛ gbaan, ə mą kɛ a kpinį ɓə, hvįitɔɔ hvo ɲəi. Yili kaa lɔ nwɔ̨nɔ̨ a kpɛli-kpɛli mɛ̨nį.

Ikilisiati 2:26

Yaan, nui nwɛli kaa Yálá ɓa, a gɔ́ a kili, mɛ̨nį kɔ́lɔn ŋąą, nwun gɛ ɉu laa da yíi la nɛ̨ɛ̨. Kɛlaa, a kóló laa nɛ̨ŋɛ̨n ɉəɠəmun nwuɔ̨, yili yɛ hɛn gwɛli a nui nwɛli kaa Yálá ɓa, nwɔɔ. Yili yaa kpɛli gaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 2:8

Ŋą́ wali hɔlɔɓo da hɛni, ŋą́ tɔɔɓɛlaa di wɔ hɛn gɔw hɔlɔɓo da di wɔ koɓitaaɠaa, di lɛɛ ɲéé mu. Wələ too hinąą da wələ too nɛ̨ąą di kɛ ɲə́i, hɛn kpɔ nu a giliŋąhiɛ mą yɛ ə kɛ ɲəi, gəlee ə kɛ ɲə́i; nɛ̨́ąni kpulu tamąą.

Ikilisiati 3:19

Mąąhɔlɔɓo, bələi lɔ nu ɲąą a kpɛɛ la, bələ lɔ ɓə huwɔɠaa ɲąą a kpɛɛ la. Nɔ̨ɔ̨ tanɔ̨n nu hu, ya lɔ ɓə gaa huwɔ hu; gəlee hveelɛi da haa. Yili ɓa, nu hvo hviɛlaɓo li hvo tɛɛ huwɔ ɓa, mąąhɔlɔɓo, gəlee ŋąąkpɛɛi kaa a kpɛli-kpɛli mɛ̨nį.

Ikilisiati 4:16

Nu kpulu kɛnɛ̨ ɓə ə kɛ di nwun na. Kɛlaa, ə mą kɛ tii, həɠə gee pɔ yii gaa pulu yɛ pa, di hvo pai di kwəinɛ̨ɛ̨i mąą mɛ̨nį hu. Mąąhɔlɔɓo, mɛ̨nįɠaa tii kaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 4:4

Ŋą́ą́ nwɔ̨nɔ̨ mɛ̨nį takpɛli kaa, ya ɓaa: Mɔ̨nɔ̨i nuą da mįi di kɛ kóló hu, gaa a tolo kulaa, ə gɛ, yii gaa gɛi, ə lɛlɛɛ ə tɛɛ mɛlaa di wɛi ɓa. Yili kaa a kpɛli-kpɛli mɛ̨nį, yɛ nu aa kɛi hvaŋą tənən dɔɔ.

Ikilisiati 4:8

Nu ta a kɛ laa, veelɛ hvo mą, yaa tɔ̨nɔ̨ lɔ ɓə nwɛi hu yɛnɛ̨ɛ̨; ɉiɛ gee pulu hvo mą, gaayɔwɔ hvə mą, ɛlɛɛ, lon və kpɛli mą. Kɛlaa, hva kpɛla kóló kɛɛ ɓa, yɛ mɔ̨nɔ̨ mįi, hvóló kəlee gaa lɔ hɛn gɔw gwɛliɛ hu; bələi mąn a góló himąi tii kɛ la, hva ɲąąnɛ̨ɛ̨ kulɔ ɉɛn gaa gwɛlii ɉu, yɛ kɛ gbɔwɔ ɓa: Akɛti, gbɛɛ kpɔ ɓə gáá ɉɛn ŋɛ̨i kwɛlii ma-oo?. Yili kaa nwɔ̨nɔ̨ a mɛ̨nįi a nu kwəi pili mą, ɛlɛɛ, nu nwɔ yɛnɛ̨ɛ̨ kɛ pələ a kɛ tii, yili ɲąąnwąnąąi.

Ikilisiati 5:10

Nu nwɔ hɛn gɔw hu a kɛnɛ̨ lɔ, mįi nuą diɛ tamą. Tɔlɔ lə kɛɛ kpɔ ɓə gaa yili hu, akɛ, ɉɛn gɔwi tii ɲəi, ɲɛ̨i gaa dɔɔi mą yaa lɔ hvəi?

Ikilisiati 6:11

Bələi lɔ gwa hɛatoo la kɛnɛ̨, bələ lɔ ɓə gwa lan na. Yili dɔlɔ ɓaa a lə?

Lomaŋ 8:20

Pɛli hɛnŋaai daa too kpɛli-kpɛli mɛ̨nį yeekɔnma, di hvo naali di kwəi; kɛlaa, ɉɛn tii di ɲąąhɛn, gɛ tíi li. Kɛlaa ə mą kɛ tii, kilitɔɔmąąlaa kaa lɔ ni di yəi.