Ifisiɛŋ 2:17 - Yálá laawoo hɛɓɛ (dc)

¹⁷ Kristə ə pa liilaa mąą wɛlɛɛ lɛlɛɛ laa həlii káá, a káá tii kɛ kwɛaa la káá, da nuąi kɛ kpuɔ la diɛ.

Yálá laawoo hɛɓɛ

¹⁷ Kristə ə pa liilaa mąą wɛlɛɛ lɛlɛɛ laa həlii káá, a káá tii kɛ kwɛaa la káá, da nuąi kɛ kpuɔ la diɛ.

Bible

¹⁷ E pà é lii-sêe maa-mɛni ƃó kâa, káai ká kɛ̀ kwaa kôya mai da káai ká kɛ̀ naa kɔlɛi;

Ifisiɛŋ 2:17 ပူးပေါင်းရင်းမြစ်များ

Mąątɛ̨nɛ̨ 148:14

Aa nwɔ nu huwui hvaŋą tɛ, aa ɲɛ̨i pɔ̨nɔ̨, ɲee pɔnuą kəlee nwun muhəɠə mɛ̨nį li, diɛi ɓaa a Israɛlə lonnii, a nu huwui tii nɛɠɛɛ mą. 'Kánikookwəi!

Mąątɛ̨nɛ̨ 75:1

Nwələ ɲɛ̨itɔwɔmun. Nwələi da kɛ mą: «'Hvo ɉu kala.» Asafə nwɔ hvɛ́li woo.

Mąątɛ̨nɛ̨ 85:10

Nuąi da ɲɔw mą, nwɔ ɓaloi a mąą lɛɠɛ diɛ, ɛlɛɛ, mąąwiɛ kaa pai heei nɔi hu.

Azaya 27:5

Kɛlaa nui a gɛ́ a mąąkpɛmun, kwa yaa kwa liilaa mįnɛ̨ həɠə, kuɔ yɛnɛ̨ɛ̨ kɛ liilaa hu.

Azaya 52:7

Nuąi wɛlɛɛ woo lɛlɛɛ laa həli, di kɔ́wɔ lɛlɛɛi di mu, ɲeeɠaa ton na, diɛi di kaa liilaa woo laahəlii, diɛi da kɛ mɛ̨nį lɛlɛɛ woo laa həlii, diɛi da kɛ nwun mąąɓo loloɓoi; diɛi da kɛ kɛi Siɔn ɓa: Ə́ wɔ Yálái kaa tɔɔlaa kɛi.

Zakari 9:10

Gaa pai kɔ-kɔ-wotolo mɛ̨nį kpɛɛi Ɛfraimə lɔi hu, yɛ kɔ-kɔ-wotolo mɛ̨nį kpɛɛ Ɉerusalɛmə. Gaa pai gɔ-kɔ kilɛn ɉu yalii, ɛlɛɛ, yɛ liilaa yɛnɛ̨ɛ̨ loloɓo a lɔi kəlee nwɔɔ. Nwɔ heeɓolaa kaa pai həɠəi gboloyá ta ɓa, ə həli da kpɛli ɓa, yɛ həɠə ɲá kɛnɛ̨ ɓa, yɛ həli nɔi kpɛlai.

Maafîu 10:13

Akɛ bɛlɛi tii mu nuą da di yee hee ka mui, ka wɔ liilaai a kɛ diɛ. Kɛlaa, da wala di yee hee ka mu, ka wɔ liilaai a lɛɛ ka yəi.

Lukə 15:8

«A wala kɛ tii, akɛ wali kwələ pow a kɛ nɛ̨ɛ̨nu ta yəi, dɔ̨nɔ̨ a pili ɉu ɲəi, hva mɔ̨ɔ̨ labon dɔɔ, ə bɛlɛ́n nąą kəlee kələ yɛ gwɛli kpɔ a nwąnąąi, ə lɛɛ la ɉu ə gaa?

Lukə 2:14

«Mąąwiɛ kaa Yálá ɓa yələkɔlɔn mɛ̨i pələ; Nuąi Yálá aa di wɛli la kɛ lɔi mɛ̨i, liilaa aa tɛɛ di pɔ.»

Gɛlaɠaa 10:36

Ə mɛ̨nįɓo Israɛlə lonnii diɛ, yɛ liilaa wəlɛɛ lɛlɛɛ laa həli diɛ, a Jesus Kristə yai a nu kəlee di Ną́mu.

Gɛlaɠaa 2:39

Mąąhɔlɔɓo, kaa ɓə Yálá ə naakwɛlan mo kaa, da ka lonnii, ə mą kɛ nuą yiiɠaai di heɛ kaa kwɛa la, ə mą kɛ nuą yiiɠaai ku Ną́mu Yálá kaa pai di təlii.»

Lomaŋ 10:14

Akɛ tii, da pɛli di woo tɛ pələ kɛi ləi bɔ pələ, akɛ di hvo laa li na? Da pɛli laai ləi na, akɛ, di hvo naa woo mɛ̨n ni? Da pɛli di mąą mɛ̨nį mɛ̨n nəi, akɛ, nu ta hvo naa həli li diɛ?

Lomaŋ 5:1

Laa na laa háálai, gwaa kɛ a tələnmo nuą Yálá ɲɛ̨i ɓa. Liilaa aa kɛ gwa diɛ ni gu lɔwai gu Nąmu Jesus Kristə laa hu.

Korɛntə veelɛ 5:20

Yili ɓa, Kristə laa hu ɓə, ku kaa la ɓɛ lɔi mɛ̨i, a ɲɛ̨i kɔw, ɛlɛɛ, ku pɔ pələ ɓə Yálá a ká təli la. Kristə laa hu, ku kaa nɛ̨ɛ̨mąą hvəə káá, kuɔ, 'ká ká kpɔwɔ lɛɛ laa, di ká lɔwai ponnaa kulɔ, ká Yálá ni ká yee ə lɔ gee hu.

Ifisiɛŋ 4:21

Akɛ kpɔ Kristə ɓə ká mąą mɛ̨nį mɛ̨n, akɛ kpɔ yaa ɓə ká mąą mɛ̨nį mąąkwɛlii, yɛ bələi gaa la a tɛ̨ą Jesus hui:

Dutɛrɔnome 4:7

Yaan, lɔi lə kɛɛ ɓə laa, gɛnɛ̨, yii nwɔ haliɠaa da pɛli lɛɠɛi diɛ ɓɛlɔwai da di təli la, diɛ lɛɠɛ diɛ yɛ bələi Yai-Laa guɔ Yálái a gɛ la?