Ifisiɛŋ 2:11 - Yálá laawoo hɛɓɛ (dc)

¹¹ Ká kili ə pu ɉu kani, káá, tɔlɔɔ-tɔlɔɔ, káá ŋɛ̨i kɛ hali yíi hu, ká kaa pələ hu, nuąi wɔlɔ kɛi di kpɔwɔ kaa a kɛ́nɛ̨lɛaa, a gɛ́nɛ̨i tii da gɛ nu kɔlɔ ɓa pələ, nuąi tii di kɛli ká təli a kɛ́nɛ̨ kpoloaɠaa;

Yálá laawoo hɛɓɛ

¹¹ Ká kili ə pu ɉu kani, káá, tɔlɔɔ-tɔlɔɔ, káá ŋɛ̨i kɛ hali yíi hu, ká kaa pələ hu, nuąi wɔlɔ kɛi di kpɔwɔ kaa a kɛ́nɛ̨lɛaa, a gɛ́nɛ̨i tii da gɛ nu kɔlɔ ɓa pələ, nuąi tii di kɛli ká təli a kɛ́nɛ̨ kpoloaɠaa;

Bible

¹¹ Mɛni ma é lɛ́ɛ kákili ŋá a gɛ́ɛ kákaa-perei ma ka kɛ̂ a Zɛ̃tai-ŋa a maa-ŋuŋ, Zûu-ŋai nyíi-ŋai kɛ̀ a díkpɛ-tɛɛ a núu yeei, dí kátòli a ǹûai dífe kpɛtɛ níi,

Ifisiɛŋ 2:11 ပူးပေါင်းရင်းမြစ်များ

Izikiɛ 20:43

Ka pa kɛi laa, ka káá pai ka kiliŋąhiɛi ka túwɔ pələ ɓa; da mɛ̨nįɠaai kpɔ ka gɛ, kaa ka mąąliɓi la; yili kaa pai kɛi ɓaɠi lii tɛi a kaa; dúwɔ pələ ɲɔ̨nŋaai kpɔ ka di kulɔ, di mąą mɛ̨nį ɓa.

Izikiɛ 36:31

Ka kɛi ka kiliŋąhiɛ, ka wɔ pələ ɲɔ̨nwɔ̨ɔ̨ɠaa diɛ, da ka kɛ mɛ̨nįɠaai tii di hvo kɛ lɛlɛ li di hu, káá kpinįi ka káá pai nwumɛ̨i, ka wɔ nɛ̨ŋɛ̨nŋaai mąą mɛ̨nį ɓa, da ka wɔ túwɔ pələ ɲɔ̨nŋaai.

Maafîu 20:7

«Di mo mą diɛ mą: ‹Mąąhɔlɔɓo, nu ta hvo kólo tɛɛ li ku pɔ.› Ə mo diɛ yɛ diɛ: ‹Ka li kaa kpɛli ka kólo kɛ ɲə́i ɲɛa, gaa pai ka halai.›

Lomaŋ 11:17

Akɛ yɛ́i ŋɛ̨i a lɔwɔ wulu, di ə́ tee di ə́ kanąn hin-nwulu kpaɠa pala ɲą, yá kɛ kɛa kɔ̨nɔ̨n ɉɔlɔɓo ɉin-nwului tii háálai.

Lomaŋ 2:26

Nui hvo a kɛ́nɛ̨-lon yɛ dɔ́n nwoo pɔ mɛ̨nį kɛ, nwɔ kɛ́nɛ̨ kpolɔwalaa a kɛ ɲəi a kɛ́nɛ̨-lonnaa.

Lomaŋ 2:27

Nui gɛ́nɛ hvo kɛ li kɔ́lɔ ɓa pələ, a dɔ́n nwoo pɔ mɛ̨nį kɛ, yɛ́i dɔn gaa ə́ yəi, yɛ́ gala, mąą nu a pɛli ə kiti teei.

Korɛntə dɔlɔɔ 12:2

'Ká kili kaa ɉu, káá, ká kɛɛ hali yíi hu, ká kɛli lɔ li ká nwun ɉu kun ma, ɉaliɠaa tii di hva hvaa, di pɔ pələ.

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Galatə 2:15

Ku wɛi ku ka pələ hu, ku kaa a Ɉuifəɠaa, ku hvo a huwu takpɛliɠaa, diɛi a nɛ̨ŋɛ̨n ɉəɠə nuą.

Galatə 6:12

Nuąi ká hɔlɔhimą ɓoi diɛ hvo kɛ li di ká hee kɛ́nɛ̨ ɓai, diɛ ɓə di kaa bɔ nuą di di mąątɛ̨nɛ̨; yii lɔ di kwəi ya ɓaa, di hvo mɔ̨nɔ̨ mįi Kristə nwɔ kolowaai mąą mɛ̨nį ɓa.

Ifisiɛŋ 2:2

Ká kɛi ká wɔɔ yɛnɛ̨ɛ̨ kɛ nɛ̨ŋɛ̨n ɉu, a hvilɛn ká mo, ɲɛnɛ̨ɛ̨ ŋɛ̨i nwɔ yálá pulu, a yai ɉeɛ yələkɔlɔn da lɔi di lɔwai, a gilii tii yiihu a kɛ kulɔ nwoo mu nuą ɲąąhɛn ɉi.

Ifisiɛŋ 5:8

Tɔlɔɔ yələ, ká kɛ a kpinį, kɛlaa, yiihu, káá kɛ a kɛɛ pono gu Nąmu hu. 'Ká ɲɛnɛ̨ɛ̨ kɛ kɛa, a kɛɛ pono lonnii di wɔɔ yɛnɛ̨ɛ̨ kɛ pələ.

Dutɛrɔnome 15:15

Mąąnɛ̨ɛ̨ ka ka kiliŋąhiɛ, kaa diɛ, ka kɛ a luwɔɠaa Eziptə lɔi hu, ɛlɛɛ, Yai-Laa ka wɔ Yálái ɓə ka nwun mąąɓo. Yili mąą mɛ̨nį ɓə gɛi, gɛ́ dɔ́nŋąą ŋɛ̨i tɛɛ la ka pɔ háákələi.

Dutɛrɔnome 16:12

Ka ka kili lɛɛ ɉu, kaa diɛ, ka kɛ a luwɔɠaa Eziptə lɔi hu. Dɔnŋąą ŋɛ̨i gáá dɛɛi ka pɔ, ka ɉon a nɛlɛɛ, ka bɔ mɛ̨nį kɛ.

Dutɛrɔnome 5:15

Mąąnɛ̨ɛ̨ ka kili ə pu ɉu kaa, ka kɛ a luwɔɠaa Eziptə lɔi hu. Ɛlɛɛ, Yai-Laa ka wɔ Yálái ə ka kulɔ laa a vaŋą kɛnɛ̨, a nwɔ huwalawalai ɲəi, hɛn da hva tɔɔ na. Yili mąą mɛ̨nį ɓə Yai-Laa ka wɔ Yálái ə ka tí la, yɛ ka túwɔ́ yələ mąą həɠə.

Dutɛrɔnome 8:2

Bələ kwɛaai Yai-Laa ka wɔ Yálá ə ka hvilɛn mɛ̨i kwɛlan bow nąąn ɲee mu, nɔi pun ɉu, yɛ mɔ̨nɔ̨ lɔ ka pɔ, ka gəlee nąą kili too ka ŋą. Ka hukɔɔn ga tii ə kɛi mo, yɛ ka kwəi kɔ́lɔn; akɛ ka káá pai nwɔ tíɓoɠaa kɛi, a wala kɛ tii, akɛ ka káá pai ɓoi diɛ ka di too.

Dutɛrɔnome 9:7

Ka kili ə kɛ ɉu kaa diɛ, ka Yai-Laa ka wɔ Yálái liiholi nɔi pun ɉu, ka hvo lɛ̨ą mɛ̨nįi tii ɓa. Ə həɠə ka kulɔ yələ ɓa Eziptə lɔi hu, ə lɛɛ ɉu ka həli la ɓɛ, ka kɛi lɔ tɔɔ Yai-Laa la.

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Kolosə 1:21

Ɛlɛɛ, káái tɔlɔɔ kɛ a nwɛ̨ąą, káá kɔ́ pɛlɛ mą a ká wɔɔ túwɔ́ pələ ɲɔ̨nŋaa.

Kolosə 2:11

Yaa tii ɉu ɓə, káá kɛ la a kɛ́nɛ̨-lonni, ka wɔ kɛ́nɛ̨ kuu hvo kɛ li, yɛ bələi nuą da gɛ la. Kɛlaa, yili ɓə a Kristə ŋą kɛ́nɛ̨ kui; yai gu wɔ nɛ̨ŋɛ̨n gɔlɔi kulɔ guɔ.

Kolosə 2:13

Ɛlɛɛ, káái tɔlɔɔ ká haa kɛ, a ká wɔɔ túwɔ́ pələ ɲɔ̨nŋaa da ká wɔɔ kɛ́nɛ̨-kpolaa laa laa pɔɔ, Yálá aa yɛnɛ̨ɛ̨ tɛɛ ká pɔ, ká Kristə ni: Aa gu wɔɔ túwɔ́ pələ ɲɔ̨nŋaa mąąhvaalɛɛ,

Kolosə 3:11

Yiihu kɛa, Grɛkə mɛ̨nį hvo kɛa ɉu, Ɉuifə mɛ̨nį hvo kɛa ɉu, kɛ́nɛ̨-lon mɛ̨nį hvo kɛa ɉu, kɛ́nɛ̨-kpoloaa mɛ̨nį hvo kɛa ɉu, huwu takpɛli mɛ̨nį hvo kɛa ɉu, lɔwɔ-pɔmun mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛ gbɔwɔ ɓamun mɛ̨nį hvo kɛa ɉu, kɛlaa, Kristə ɓə a gəlee, gəlee hu.

Samuɛlə dɔlɔɔ 17:26

Nuąi ŋɛ̨i kɛ Davidə kwɛlɛ, ə mo diɛ yɛ diɛ: «Nui a Filisti mun ŋɛ̨i paa, ə nwumɛ̨ həɠə Israɛlə ɲɛ̨i, lə ɓə da gɛ mąą nu ɓa? Lə kpɔɔ ɓaa Filisti kɛ́nɛ̨ kpolɔwai ŋɛ̨i, yai a Yálá hvulú nwɔ nuą paa pɔlɔn dɔɔ?»

Samuɛlə dɔlɔɔ 17:36

Ə́ wɔ luwɔi aa yala paa ə mą kɛ kwɛli. Filisti kɛ́nɛ̨ kpolɔwai ŋɛ̨i ɓaa lə! Gaa kpɔlɔ yɛ ɉuwoɠaai tii ta. Mąąhɔlɔɓo, aa Yálá hvulú kwɛlin baa pɔlɔn dɔɔ.