Ifisiɛŋ 1:6 - Yálá laawoo hɛɓɛ (dc)

⁶ Ká gu Yálá mąmąɓo mɛ̨inɛ̨ɛ̨ kɛnɛ̨ɛ̨i aa gɛ guɔ nwɔ wɛlikɛmąą Lon ɉáálai, mąą mɛ̨nį ɓa.

Yálá laawoo hɛɓɛ

⁶ Ká gu Yálá mąmąɓo mɛ̨inɛ̨ɛ̨ kɛnɛ̨ɛ̨i aa gɛ guɔ nwɔ wɛlikɛmąą Lon ɉáálai, mąą mɛ̨nį ɓa.

Bible

⁶ a gɛ́ɛ ku ŋɔfólo-laa ƃɛlɛ-sêei maa tɛ́, nyíi e dɛ̀ɛ kúpɔ a dámaa Ŋɔwɛli-kɛ-maa Loŋ kponôi.

Ifisiɛŋ 1:6 ပူးပေါင်းရင်းမြစ်များ

Mąątɛ̨nɛ̨ 22:20

Kɛlaa yɛ́, Yai-Laa, 'hvó tɔɔ kpɔ tii kwɛaala! Yɛ́i a vą́ŋą! 'Pa kilɛ mą́ą́! 'Ə́ mąą hvulɔ ɉa!

Mąątɛ̨nɛ̨ 60:5

Yáá naa ə́ wɔ nuąi diɛ, a ɲąąnwąnąą-e, yáá ku nwun ɉu tinɛ̨n nɔɔ tɔɔ ku la.

Hanwon 16:4

Yai-Laa ə mɛ̨nį kəlee kɛ mɛ̨nį nwun gɛ mą. Ə mą kɛ, nwąnąlɔmun mə, ə bɛli mąąwɛli yələ mąą mɛ̨nį ɓa.

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Azaya 43:21

A nu huwui tii ŋį́ bɛli a nwɔ́ɔ́, ɛlɛɛ, yɛ pa nwɔ̨nɔ̨ pənəi yɛ mą́ą́tɛ̨nɛ̨.

Azaya 61:11

A tɛ̨ą, yɛ bələi lɔ lɔi a ɓa la, yɛ bələi lɔ hihɛnŋaa da ɓɔn na, bələ lɔ ɓə Ną́mu Yai-Laa kaa pai tɛ̨ą mɛ̨nį ɓɔn ɉii la, da naa tɛ mɛ̨nį, lɔi kəlee mɛ̨i.

Azaya 61:3

Nuąi haa aa too diɛ Siɔn daai, ə gɛ: ŋį́ di wɔ mąąwɛli mąąhvalin a mąąwiɛ, ŋį́ di wɔ háá wɔlɔ ɓoɔ mąąhvalin a kwəinɛ̨ɛ̨ wulɔ, kwəinɛ̨ɛ̨ kulɔ həɠə tɛɛ mɛ̨nį ɓa di pɔ, a mɔ̨nɔ̨ mįi həɠə mąąhvalin. Di kaa pai di laa heei a, tələnmo wulu, Nwuluɠaai Yai-Laa ə di hin a ɲɛ̨i ponɔ̨ mɛ̨nį.»

Ɉeremi 23:6

Nwɔ yɛnɛ̨ɛ̨ hu, Ɉuda nwun mąą a ɓo Israɛlə yɛ kɛ nɛ̨ɛ̨ hu. Naai di kaa pai ɉeei mą, ya ka: ‹Yai-Laa ɓə a ku wɔ tələnmolaa.›»

Ɉeremi 33:9

Náá lɛlɛɛ kaa pai tɛi mɛ̨nįi tii hu, yɛ kɛ a ɲɛ̨́i pɔ̨nɔ̨ mɛ̨nį da gwə́inɛ̨ɛ̨ mɛ̨nį, ɓɛlɔwai yɛnɛ̨ɛ̨ lɔiɠaa kəlee kaa pai bələ mɛ̨n ɉii la, diɛ kɛ ŋą́ą́ mɛ̨nįɠaai tii kɛ Ɉuda da Israɛlə diɛ. Di kaa pai di laa taɠai, diɛ ɲɔw, nwun na nɛ̨ɛ̨ kɛnɛ̨i da mɛ̨inɛ̨ɛ̨ kɛnɛ̨i gáá pai gɛi Ɉuda ɓa, di mąą mɛ̨nį ɓa.»

Levetekɔ 15:15

Ɉaláá laa həli mun a donwələn tii tɔ̨nɔ̨ kɛ a nɛ̨ŋɛ̨n mąąhvaalɛɛ haláá hɛn, ə dɔ̨nɔ̨ kɛ a haláái da gəlee kələn. Ɉaláá laa həli mun a nɛ̨ŋɛ̨n mąąhvaalɛɛ woo ɓo mɛ̨i Yai-Laa lííla Dɔ́n ti kulɔ mɛ̨nį ɓa mą.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

Maafîu 20:9

«Nuą kɛ pa a hvóló laa kpɔlɔ ŋą, di wali kwələ tɛitɛi tɛɛ di pɔ.

Maafîu 3:17

Woo ta ə kulɔ yələkɔlɔn ɉu, yɛ mą: «Nui ŋɛ̨i kaa a nííɓa Lon, ŋą́ą́ nííɓa mɛ̨nįɠaa kəlee lɛɛ mą.»

Lukə 2:14

«Mąąwiɛ kaa Yálá ɓa yələkɔlɔn mɛ̨i pələ; Nuąi Yálá aa di wɛli la kɛ lɔi mɛ̨i, liilaa aa tɛɛ di pɔ.»

Ɉaan 10:17

«Nwɛ́li kaa ną́n ma; mąąhɔlɔɓo, ŋą pɛli ŋį́ háá gbɔ́ɔ́ ɓa, ŋį́ pənə ŋį́ kɛ a vúlú.

Ɉaan 3:35

Lon wɛli kaa Nąn ma, a mɛ̨nįɠaa kəlee mąą huwalawala lɛɛ ɲei.

Lomaŋ 8:1

Yiihu kɛa, nuąi di kaa Jesus Kristə hu, nwun na pili hvo kɛa diɛ.

Korɛntə veelɛ 4:15

Mɛ̨nįɠaai kpɔ laai kuɔ, ká mąą mɛ̨nį ɓə, nɛ̨ɛ̨laa ta yɛ pɛlɛ la mą, gbɔn ɉu yɛ kɛnɛ̨ la, ɛlɛɛ, Yálá ŋą mąąwiɛlaa hɛɠɛɛɓo woo hu yɛ wiɛ la.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Ifisiɛŋ 1:12

Guɔi gbɛa gu kilitɔɔ Kristə ɓa tɔwɔi, 'ká gu Yálá mąątɛ̨nɛ̨ wələ too.

Ifisiɛŋ 1:14

Gilii tii ɓə gaa a Yálá kwɛlin gu kaa pai ɉɔlɔɓoi, tɔlɔɔ, guɔ gu wɔɔ hɔlɔɓo naa tɛ́ mɛ̨ni da mąąwiɛ mɛ̨ni hu.

Ifisiɛŋ 1:18

ə ká kili laaɓo nwɔ kɛɛ ponoi tɔwɔ, mɛ̨nįi ə ká təli mą, yai ká ɲɛ̨i kaa dɔwɔ, káá pɛli gɔlɔn ɉii, da nwɔɔ mąąwiɛlaa hu kɛnɛ̨ pələ, ya ɓaa, gwɛlin tii gaa ká kɔ́i ɉu, ka mąąhəɠə nuą;

Ifisiɛŋ 2:7

Yálá lii nɛ̨ɛ̨i mɔ̨ɔ̨ gwəi gu pɔ, Jesus Kristə háálai, Ə kɛ bɔ, ə nɛ, ɲɛnɛ̨ɛ̨i pai tɔwɔ pələ ɉu nuą diɛ, bələi nwɔ nɛ̨ɛ̨laa hu kɛnɛ̨ɛ̨ la, gɔɔnmąą hvo mą.

Filipə 1:11

yili ɓə a gɛ, ká pilɛ kɛa a tələnmolaai a həɠə Jesus Kristə yəi, yɛ pa gu pɔ, guɔ Yálá mąąwiɛ la, guɔ Naa tɛ.

Filipə 3:9

kwa yaa ku yili ku kɛɛ ɓa, hva kɛ a gbɔ́wɔ́ ŋą tələnmo laa, yai ŋą́ ɉɔlɔɓo dɔn bɔ yíí hu, kɛlaa, a tələnmolaai a kulɔ nu laa mɛ̨nį Kristə la, hu, yɛ həɠə Yálá pɔ, gɔwɔ hvilɛnŋąą laa na laa mɛ̨i.

Filipə 4:19

Ɛlɛɛ, nwɔ́ Yálái kaa pai ka mąą kpaan gəlee kpɛɛi yɛ pələi nwɔ hɛn Ną́mu laa kaa la Jesus Kristə hu.

Kolosə 1:13

Aa gu kulɔ kpinį ŋą luwɔlaa yəi, aa gu lɔ nwɛlikɛmąą lon ŋą tɔɔlaa hu.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!