Ifisiɛŋ 1:3 - Yálá laawoo hɛɓɛ (dc)

³ Lúwɔ́ ə kɛ gu Ną́mu Jesus Kristə Nąn Yálá ɓa, yai aa yələkɔlɔn ɉu lúwɔ́ɠaa kəlee too guɔ Kristə hu.

Yálá laawoo hɛɓɛ

³ Lúwɔ́ ə kɛ gu Ną́mu Jesus Kristə Nąn Yálá ɓa, yai aa yələkɔlɔn ɉu lúwɔ́ɠaa kəlee too guɔ Kristə hu.

Bible

³ Lûwa é kɛ́ Ɣâla ma nyíi gáa a Kúnuu-namui Zîsɛ Kôrai Ǹâŋ, nyíi a lûwa láa kûa Kôrai kponôi a Ŋ̀âla-lûwai kélee kùla Ɣâla-taai.

Ifisiɛŋ 1:3 ပူးပေါင်းရင်းမြစ်များ

Zɛnɛse 14:20

Mąąwiɛ ə kɛ Huwalawala Kəlee Nąmu Yálá ɓa, yai ə́ yowo nwɔ huwalawala too ə́ kɔ́wɔ mu!» Abramə ə nɛɛ mą, ɉɛn ə ɉɔlɔɓo laa, ə bow nąą tɛɛ Mɛlkisedɛkə pɔ.

Zɛnɛse 22:18

Gáá pai lúwɔ́ tooi lɔi mɛ̨i nuą diɛ, ə́ huwu haalai, mąąhɔlɔɓo, yáá nwóó hon.»

Kɔlɔnikɔ Maa-ŋuŋ 29:20

Davidə yɛ nu kpɔn gəlee ɓa: «'Ka Yai-Laa, ka wɔ Yálái mąątɛ̨nɛ̨.» Nu kpɔn kəlee di Yai-Laa di nąnni di wɔ Yálá mąątɛ̨nɛ̨, di pɛlɛ nɔi ɓa, di gwɛli hvilɛn Yai-Laa líi la, ɛlɛɛ, da tɔɔmun nií la.

Kɔlɔnikɔ Maa-ŋuŋ 4:10

Yaebɛsə ə Israɛlə ŋą Yálái hvɛli, yɛ kɛ mą: «Akɛ yá lúwɔ́ too mą́ą́, ə́ nwɔ́ lɔi hu kɛnɛ̨; yá tɔɔ búlú, ə́ mɛ̨nį ɲɔ̨n mąą kwɛa mą́ą́, mɔ̨nɔ̨ hvo laa mɛ̨́i!» Mɛ̨nįi tii ə ɉuhvɛli, Yálá ə gɛ mą.

Kɔlɔnikɔ Veerɛi 31:8

Yii kɛa Ezekiasə da nwɔ kalanɉonŋąą di pa di, ɉɛnŋąąi di paa la, di gaa, di Yai-Laa hɛɠɛɛɓo, di lúwɔ́ too Israɛlə nuą diɛ.

Nehemi 9:5

Yili pulu, Levi lonnii, Yesua, Kadmiɛlə, Bani, Hasavneya, Serevia, Hodiya, Sevania, da Petahia, diɛ nuą diɛ: «Ka ka waa, ka Yai-Laa ka wɔ Yálá mąątɛ̨nɛ̨, yələ kəlee da nwɔɔ. «Ka mąątɛ̨nɛ̨! Ka naa tɛ! Naa kɛnɛ̨i dɛɛ laa kəlee ɓa.

Mąątɛ̨nɛ̨ 134:3

Siɔn, Yai-Laa ŋɛ̨i yələkɔlɔn da lɔi di pɛli, ə lúwɔ́ too yɛ́!

Mąątɛ̨nɛ̨ 72:17

Laa kɛnɛ̨ ə kɛ mą kpɛɛ hva kɛ mą, naa ə həli ɓɛi hvoló a hɔɔ laai; nuą diɛ lúwɔ kɛ di keeni diɛ naa hu, lɔi kəlee yɛ nwun na nɛ̨ɛ̨ mɛ̨nį ɓo.

Mąątɛ̨nɛ̨ 72:19

Lúwɔ́ ə kɛ naa mąąwiai ɓa a yələ kəlee; lɔi kəlee laa ə hvɛɛ a nwɔ mąąwiɛ, kɛi a mo tii Yálá ə kɛ! Mįiną!

Azaya 61:9

Ka huwu kaa pai kɔ́lɔn ɉii hįį takpɛliɠaa lɔwai, ka lonnii diɛ kɔ́lɔn huwu kəlee lɔwai; Nuąi kpɔ pai di ɲɛ̨i tɔɔi diɛ, da di kɔ́lɔn, a nuąi Yai-Laa ə lúwɔ too diɛ.

Danîa 4:34

Yii hu kɛa, ɲą́ą́ Nabukodonosorə, Yálái ŋɛ̨i gaa a yələkɔlɔn ɉu tɔɔmun, gáá mąąwiɛi, gɛ́ naa mąątɛ̨nɛ̨, gɛ kɛnɛ̨ laa tɛɛ bɔ. Yálái tii kɛ mɛ̨nįɠaa kəlee kaa a tɛ̨ą, nwɔ kpaaləɠaa kəlee haŋąąi. Nuąi da hiɛ a hu ɲąŋą kɛnɛ̨ pələ, a di mąąyɛɛ.

Lukə 2:28

Simeɔn ə nokoloi tii hon ə naa ɲee kɔ̨nwɔ̨n ɉu, ə Yálá hɛɠɛɛɓo yɛ kɛ mą:

Ɉaan 14:20

Volói tii a pa ɉəli, ka káá pai gɔlɔn ɉi kaa diɛ: kwa Yálá ku kaa tɔ̨nɔ̨, ə lɛɛ, gwa kaa ni gu ɓo tɔ̨nɔ̨.

Ɉaan 17:21

Ə gɛ, di kəlee di kɛ ɉu tɔ̨nɔ̨, yɛ pələi gu kaa la ɉu tɔ̨nɔ̨. Gwa diɛni gu kɛ ɉu tɔ̨nɔ̨, ə gɛ, yɛnɛ̨ɛ̨ nuą di gɔlɔn diɛ: yɛ́ ɓə dɔ́ɔ́.

Ɉaan 20:17

Jesus yɛ mą: «Hvó kanąn mą́ą́, mąąhɔlɔɓo, və́ nii tɛ li Ną́n bɔ yələi. Kɛlaa, li ya Ną́n nonnii kaa ə́ mo diɛ, yɛ diɛ: Gáá li Ną́n da ka Nąn bɔ, nwɔ́ Yálá da ka wɔ Yálá pɔ.»

Lomaŋ 12:5

Bələ lɔ ɓə gu kəlee gu yiliɛ la Kristə ɓa kɔ́lɔ tɔ̨nɔ̨ hu, nu tɔɔi ə ɓo mą.

Lomaŋ 15:6

Ya ɓə a gɛ, ka wɔ kiliŋąhiɛ ə kɛ tanɔ̨n, woolaamąą hu, káá Yálá mąąwiɛ la, yai a gu Ną́mu Jesus Kristə Ną́n.

Korɛntə dɔlɔɔ 1:30

Yai ɉáálai ɓə ka káá la Jesus Kristə hu, yai gaa a ku wɔ kilikɛɲəi laai həɠə Yálá pɔ, a təlimolaa, a mąąhəɠəlaa da ɓalo mɛ̨nį,

Korɛntə dɔlɔɔ 12:12

Bələi lɔ ɓə gaa la, nu kpįnį kaa la tɔ̨nɔ̨, dɔɔ-tɔɔi tamąąi mą, kɛlaa, bələi mąn tii damąąi la, gaa lɔ a kɔlɔ tɔ̨nɔ̨; bələ lɔ ɓə Kristə kaa la.

Korɛntə veelɛ 1:3

Mąąwiɛ ə kɛ Yálá ɓa, yai a gu Nąmu Jesus Kristə Ną́n, a yai a ɲɛ̨imąąwɛli kaa Nąn, da liilaa Yálá;

Korɛntə veelɛ 11:31

Yálá, gu Nąmu Jesus Nąn, yai lúwɔ́ kaa mą a yələ kəlee, ə gɔlɔn yɛ və́ lɛɛ kɛi.

Korɛntə veelɛ 5:17

Yili ɓa, nui gaa Kristə hu, gaa kɛa a gulaa-nįnɛ̨, ɲɛnɛ̨ɛ̨ pɔlɔ aa tɛɛ, mąą aa hvalin a nįnɛ̨.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Galatə 3:9

Yili ɓa tii, nuąi a laa na nuą, da lúwɔ́ hɔlɔɓo da Abrahamə ni, yai a laa na mun.

Ifisiɛŋ 1:10

Mɛ̨nį kəlee laa kulɔ ɲələ; gaa pai yələkɔlɔn ɉu hɛnŋaa da lɔi mɛ̨i hɛnŋaa ɲąąkpɔn ɉii nwun nąmu tanɔ̨n ɲee mu, ya ɓaa a Kristə.

Ifisiɛŋ 1:17

Gu Nąmu Jesus Kristə nwɔ Yálá, Nąn, yai mąąwiɛlaa kəlee kaa a nwɔɔ, ə ká kɔ́ a mɛ̨nį hukpɛ kili, yɛ Yálá mąą mɛ̨nį hu pono ká ɲɛ̨i ɓa, káá pɛli gɔlɔn ɉii la a neelee;

Ifisiɛŋ 1:20

Ə ŋą huwalawalalaa tii kəlee lɛ Kristə hu, a nwun ə mo haa nuą lɔwai, yɛ ɉee mamįiyee hu pələ yələkɔlɔn ɉu.

Ifisiɛŋ 2:6

Aa gu nwun gwa Kristə ni haa yəi, aa gu hee yələkɔlɔn ɉu, Jesus Kristə hu.

Ifisiɛŋ 3:10

Bələ ɓə, ə həɠəla yiihu ɓa, ɲąąwooɓo laa da huwalawala laai yələkɔlɔn ɉu pələ, Yálá ŋą kpɔn háálai ɓə, da Yálá ŋą kilikɛɲəi tamąąi tii gbaɠa la gɔlɔn naa.

Ifisiɛŋ 6:12

Nu kan hvə gu kaa kɔ pɛlɛi mą, kɛlaa, ɲɛnɛ̨ɛ̨ hu kpiniɛ ŋɛ̨i ɲąąwooɓo kili, ɉu hvaŋą, ɉu heeɓolaai tɔɔlaa kɛi, mɛ̨nį ɲɔ̨n gɛ kiliɠaai di kaa yələ kwəi, diɛ ɓə.

Filipə 2:11

ɛlɛɛ, hįi kəlee diɛ mo, diɛ kɛ: Jesus Kristə ɓə a Ną́mu, Ną́n Yálá ŋą mąąwiɛlaa hu.

Hebreu 8:5

Kɛlaa, ɉaláái di kɛi naa həlii, di kɛi lɔ naa həli hɛn mąąnįnįnŋaa, a mɛ̨nį neelee gaa yələkɔlɔn ɉu gulɔ mąą, yɛ bələi, Yálá ə ɉɛnŋaa tii kiliin na Moisə ɓa, yɛ kɛ mą, həɠə kələ tɔɔ; yɛ mą: «Ə́ ɲɛ̨i hee, 'Ə́ gɛ kpɔlɔɔ yɛ bələi ŋą́ mąąnįnįn dɛɛ la ə́ pɔ ɲee nwuɔ̨.»

Hebreu 9:23

Akɛ yələkɔlɔn ɉu hɛnŋaa mąąnįnįn gaa ɓɛ lɔi mɛ̨i, di mąąhəɠɛɛi a mɛ̨nį huwuɠaai tii, gu hvomun kɛ, neeleeɠaai di kaa yələkɔlɔn ɉu, di mąą ə həɠə a haláá hɛn viɛlaɓoɔ.

Piɛrə dɔlɔɔ 1:3

Lúwɔ́ ə kɛ Yálá ɓa, yai a gu Nąmu Jesus Kristə Nąn: nwɔ ɲɛ̨imąąwɛli kaa laa kɛnɛ̨ɛ̨ hu, aa pənə aa gu kaa nwɔ̨nɔ̨ a nįnɛ̨, kilitɔɔmąą laa walawala mąą mɛ̨nį ɓa, a Jesus Kristə nwun ə mo haa nuą lɔwai,