Ifisiɛŋ 1:23 - Yálá laawoo hɛɓɛ (dc)

²³ gbɔn tii ɓə a Kristə kpinį lee, a yai, Yálá kpinįi ə mąą mɛ̨nį laa kulɔi, ə bɛli ɉu, mɛ̨nį ta lɔpee hvo lɛɛ pulu.

Yálá laawoo hɛɓɛ

²³ gbɔn tii ɓə a Kristə kpinį lee, a yai, Yálá kpinįi ə mąą mɛ̨nį laa kulɔi, ə bɛli ɉu, mɛ̨nį ta lɔpee hvo lɛɛ pulu.

Bible

²³ nyíi gáa a ŋɔkponoi nyíi ǹáa fɛɛ̂i a ǹyaa kpîŋ, gɛ sɛŋ kélee láa fɛ̀ɛ a pere-sii kéleei.

Ifisiɛŋ 1:23 ပူးပေါင်းရင်းမြစ်များ

Ɉaan 1:16

A tɛ̨ą nwɔ mɛ̨inɛ̨ɛ̨ kɛnɛ̨i tii, gu kəlee gu da hɔlɔɓo, lúwɔ́ ə laa lúwɔ́ mɛ̨i guɔ ɉɔlɔɓo.

Lomaŋ 13:5

Yili ɓə gaa mą, mąąnɛ̨ɛ̨ gu lɛɛ nwun nąmįną woo mu, ə gɛ, gu həɠə Yálá nwɔ liiɲąnwąną tɔwɔ. Ɛlɛɛ, ə gɛ, mɛ̨nį ɲɔ̨n ə kulɔ guɔ kiliŋąhiɛ hu. Mąąhɔlɔɓo, guɔ kiliŋąhiɛ a nɛ guɔ yɛ gu lɛɛ nwoo mu laa kɛ.

Korɛntə dɔlɔɔ 12:6

Góló ɉee kpəlin na tamąąi, kɛlaa, Yálá tanɔ̨n nɔ ɓə a nu kəlee nwɔɔ too ɉu.

Korɛntə dɔlɔɔ 15:28

Ɛlɛɛ, ɓɛlɔwai Yálá kaa pai hɛn gəlee pɛlɛi la gɔwɔ mu, non yaa kpɛlimąn, a pɛlɛ, nui hɛn gəlee pɛlɛ, ə gɛ, Yálá ə kɛ a hɛn gəlee, gəlee hu.

Ifisiɛŋ 2:16

Kristə ə nu huwu hveelɛi tii kɛ a nu tanɔ̨n, yɛ di lɔwai ponnaa kulɔ da Yálá ni, kolɔwa háálai, kolɔwa mɛ̨i ɓə ə yowolaa paa laa.

Ifisiɛŋ 3:10

Bələ ɓə, ə həɠəla yiihu ɓa, ɲąąwooɓo laa da huwalawala laai yələkɔlɔn ɉu pələ, Yálá ŋą kpɔn háálai ɓə, da Yálá ŋą kilikɛɲəi tamąąi tii gbaɠa la gɔlɔn naa.

Ifisiɛŋ 3:19

Bələ ɓə ká pɛli Kristə nwɔ wɛlikɛmąąlaa kɔlɔn ɉii la, yai, kɛnɛ̨i naŋįŋąą dɛɛ, hɛn kpɔ kɔlɔn gaa mą, gəlee mɛ̨i, káá pɛli Yálá mąą mɛ̨nį kəlee ɲąą pɛliɛ hɔlɔɓoi la a mɛ̨inɛ̨ɛ̨, kaa-lon-naa hu.

Ifisiɛŋ 4:10

Nui ŋɛ̨i yɛɛ, ya lɔ ɓə nwɔ̨nɔ̨ tɛ, yɛ laŋįn yələkɔlɔn gəlee mɛ̨i, əgɛ, ə yələ kwəi kəlee hvɛɛ.

Ifisiɛŋ 4:12

bələ ɓə, ə Kristalɛaa heekpəlin na kɛ la, diɛ pɛli Kristə kɔlɔ ɲąąkɔn ɉii,

Ifisiɛŋ 4:13

ə lɛɛ ɉu, gu kəlee guɔ pɛli kɛi la ɉu tanɔ̨n, laa na laa hu, da Yálá lon gɔlɔnŋąą hu, gu kɛ a nu mąą pɔlɔɔɠaa, gu ɲąą ə pɛli yɛ bələi Kristə kaa la.

Ifisiɛŋ 4:4

Kɔlɔ kaa tanɔ̨n, Kili ə ɓo tanɔ̨n, bələi lɔ, 'ka təliɛ la hɛn dɔ̨nɔ̨ ɓa, ká ɲɛ̨i ə ɓo kilitɔɔlaa tanɔ̨n dɔwɔ;

Kolosə 1:24

Mɔ̨nɔ̨ɠaai gáá mįi ká mąą mɛ̨nį ɓa yiihu, ŋą́ gwə́inɛ̨ɛ̨ mɛ̨nį hɔlɔɓo ɉu, ɛlɛɛ, Kristə ŋą mɔ̨nɔ̨ yiiɠaai lɛɛ pulu, gáá naa kulɔi gɔ́lɔ́ hu, gɔlɔ mąą mɛ̨nį ɓa, yai a ŋą kpɔn;

Kolosə 2:19

Di hva gɛ di hvo kanąn Kristə ɓa, yai a nwun, ɉaalai hu ɓə tɔɔ-tɔɔiŋaa kəlee yiliɛ la di kee ɓa, diɛ kɛnɛ̨ la yɛ bələi Yálá ə mąą laa tɛɛ la bɔ.

Kolosə 3:11

Yiihu kɛa, Grɛkə mɛ̨nį hvo kɛa ɉu, Ɉuifə mɛ̨nį hvo kɛa ɉu, kɛ́nɛ̨-lon mɛ̨nį hvo kɛa ɉu, kɛ́nɛ̨-kpoloaa mɛ̨nį hvo kɛa ɉu, huwu takpɛli mɛ̨nį hvo kɛa ɉu, lɔwɔ-pɔmun mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛ gbɔwɔ ɓamun mɛ̨nį hvo kɛa ɉu, kɛlaa, Kristə ɓə a gəlee, gəlee hu.

Kolosə 3:15

Gɛ́! Kristə nwɔ liilaa yii Yálá ə ka təli mą, əgɛ, ka kɛ a nu tɔ̨nɔ̨, ə ɉeei kaa ka nįį hu, 'ká kɛ a mɛ̨inɛ̨ɛ̨ hu kɔ́lɔn nuą.