Ifisiɛŋ 1:22 - Yálá laawoo hɛɓɛ (dc)

²² A tɛ̨ą, Yálá ə hɛn gəlee laa Kristə kɔ́wɔ mu, ə ɉee hɛn kəlee nwun mɛ̨i, ə gɛ a Yálá nwɔ kpɔn nwun ganįn,

Yálá laawoo hɛɓɛ

²² A tɛ̨ą, Yálá ə hɛn gəlee laa Kristə kɔ́wɔ mu, ə ɉee hɛn kəlee nwun mɛ̨i, ə gɛ a Yálá nwɔ kpɔn nwun ganįn,

Bible

²² Ɣâla a sɛŋ kélee pú gɔ́ɔ mu, a gɛ́ a zãâi kélee mɛi-nuu Kôrai-toli-kpɔŋ mɛni ma,

Ifisiɛŋ 1:22 ပူးပေါင်းရင်းမြစ်များ

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Mąątɛ̨nɛ̨ 110:1

Yálá mąątɛ̨nɛ̨ wələ. Davidə nwɔ wələ. Mɛ̨nįi Yai-Laa ə mo nwɔ́ mɛ̨nį nąmu ɓa, ya ka: «'Hee mamįiyee hu pələ, ə lɛɛ ɉu, ŋį ə́ yowo kɛ a ə́ kɔ́wɔ tɔɔ kpəlin!»

Mąątɛ̨nɛ̨ 91:13

Ə́ kaa pai hiɛi yala da tumo di mɛ̨i, yɛ́ ɓɔlɔn yala lon da yíleen di mɛ̨i.

Maafîu 16:18

Gáá tɛ̨ą ɓoi yɛ́, ə́ laa ɓaa a Piɛrə. Gwɛnii tii mɛ̨i ɓə gáá pai nwɔ́ nu kpului ŋąąkpɔn ɉii laa. Haa yee hvə pai pɛli mą.

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Korɛntə dɔlɔɔ 11:3

Kɛlaa, gɛ́ ká mɛ̨nįi ŋɛ̨i kpaɠala kaa: Hinąą kəlee di nwun nąmu ɓaa a Kristə. Nɛ̨ɛ̨nu nwun nąmu ɓaa a hulɔnu. Kristə nwun nąmu ɓaa a Yálá.

Ifisiɛŋ 3:21

mąąwiɛ ə kɛ mą, nwɔ kpɔn hu, da Kristə Jesus hu, huwu kəlee lɔwai, kwɛlan gəlee yee mu, kpɛɛ hvo kɛ mą! Yálá ə kɛti!

Ifisiɛŋ 5:23

Mąąhɔlɔɓo, nɛ̨ɛ̨nu nwun nąmu ɓaa a ɉilɛ; yɛ bələi lɔ Kristə kaa la a gbɔn nwun nąmu, yai a kɔlɔ nwun mąąɓomun.

Kolosə 1:18

Ɛlɛɛ Yaa lɔ ɓə, a Yaa, a gɔlɔ nwun ganįn, yai a Yálá ŋą kpɔn. Yaa ɓə a gɔwɔ tɔɔi, a nuąi da haa, diɛ nwun, di tɔlɔɔ, ə gɛ, mɛ̨nį kəlee hu, Yaa tii, ə kɛ tɔwɔ.

Kolosə 1:8

wɛlikɛmąąlaa huwui Kili-Mąąhəɠɛɛ aa ká huwələən na, ya ɓə pa, ə ɉukulɔ kuɔ.

Kolosə 2:10

Ɛlɛɛ, nui ŋɛ̨i a, hééɓolaa kəlee da huwalawalalaa kəlee, nąmu, ɉu ɓə kɛa, ká mąą mɛ̨nį kəlee ɲąą a pɛli laa.

Kolosə 2:19

Di hva gɛ di hvo kanąn Kristə ɓa, yai a nwun, ɉaalai hu ɓə tɔɔ-tɔɔiŋaa kəlee yiliɛ la di kee ɓa, diɛ kɛnɛ̨ la yɛ bələi Yálá ə mąą laa tɛɛ la bɔ.

Timote dɔlɔɔ 3:15

Kɛlaa, ə mą kɛ və́ pa li ɉa, bələi mąąnɛ̨ɛ̨ ə́ túwɔ́ la Yálá ŋą pɛlɛ́i mu, yáá bələ kɔlɔn, yai a Yálá hvúlúmąą ŋą kpɔn, a tɛ̨ą hąątíliin da tɔɔbulu.

Hebreu 2:8

Ə́ hɛn gəlee mąąyɛɛ gɔwɔ mu.» Ɛlɛɛ, hɛn gəlee mąąyɛɛi ə́ mo gɔwɔ mui, hɛn da hvo laa, yii hvo nu yee mu. Ya pa, yiihui ŋɛ̨i, gu hva pɛli gbaɠala kɔlɔn ɉi a kɛ, hɛn gəlee kaa nu yee mu,