Hebreu 9:22 - Yálá laawoo hɛɓɛ (dc)

²² ɛlɛɛ, yɛ bələi dɔn ə mo la, ɲąmą ɓə da ɉɛn gəlee mąąhəɠə la, ɛlɛɛ akɛ ɲąmą a wala pu, nɛ̨ŋɛ̨n mąąhvaa hva lɛɛ.

Yálá laawoo hɛɓɛ

²² ɛlɛɛ, yɛ bələi dɔn ə mo la, ɲąmą ɓə da ɉɛn gəlee mąąhəɠə la, ɛlɛɛ akɛ ɲąmą a wala pu, nɛ̨ŋɛ̨n mąąhvaa hva lɛɛ.

Bible

²² Tɔ̃yâ ma, dɔ̂ŋ yée mu sɛŋ kélee maa waai a ŋãa, ǹyaŋ sɔnyɔ̂ŋ su-mɛni-lɛɛ fé naa ŋãa puɔɔ ŋ́ɛi pôlu.

Hebreu 9:22 ပူးပေါင်းရင်းမြစ်များ

Izikiɛ 43:18

Ɉulɔnui tii yɛ mą́ą́: hulənu lon, Mɛ̨nį kəlee ŋą Hééɓomun Yálá woo ka: ɲələi di kaa pai ɉaláá kulɔi tɔɔi la, nąą mąą tɔ́nŋąą ka; Yálá kɔ́ haláá kulɔ mɛ̨nį ɓa mɛ̨i, diɛ ɲąmą pu laa.

Levetekɔ 14:14

Ɉaláá laa həli mu a ɉaláá taatɛlɛɛi ti ɲąmą laa həli ə da hiɛ nui di mąą haláá kulɔi mamįiyee wəli ɓa, da mamįiyee kpiɛ ɉinɛ̨ ɓa, ə mą kɛ mamįiyee kɔ́wɔ kpiɛ ɉinɛ̨.

Levetekɔ 14:25

Ə nu pɔɔŋą pɛli haláá ɓɛlaa lon nwun dee, ə daatɛlɛɛ ɲąmą ta həɠə, ə da hiɛ nui di kaa mąą haláá kulɔi mamįiyee wəli ɓa, ə da hiɛ mamįiyee kpiɛ ɉinɛ̨ ɓa, ə da hiɛ mamįiyee kɔ́wɔ kpiɛ ɉinɛ̨ ɓa.

Levetekɔ 14:6

Yili pulu, ə nwɛ̨ni hulu həɠə ə bɛlɛ gwɛi, ɉəɠə kpɔlu da isopə kpaɠa ɓa, ə di lɔ nwɛ̨nii tii di nwun dee ŋą mɛ̨i, ɲąmą hu.

Levetekɔ 17:11

Mąąhɔlɔɓo, hɛn kpɔ gaa a vulú, nwɔ yɛnɛ̨ɛ̨ kaa ɲąmą hu. Ɛlɛɛ, ŋį́ dɛɛ ka pɔ, kaa pɛli ka wɔɔ yɛnɛ̨ɛ̨ nwun mąąɓo haláá kulɔi la ɉaláá kulɔ kəhi mɛ̨i. Mąąhɔlɔɓo, ɲąmą ɓə da ka wɔ yɛnɛ̨ɛ̨ nwun mąąɓo la.

Levetekɔ 4:20

Bələi a gɛ la a nɛ̨ŋɛ̨n mąą hvaalɛɛ haláá nįŋɛ̨, bələ lɔ ɓə a gɛ la a niŋɛ̨i tii. Bələ lɔ ɓə a gɛ la a gbɔwɔ nwɛi. Yili ɓa, ɉaláá laa həli mun a gɛ lɔ tii a di wɛi, a kɛ tii, di mąąhvaa a lɛɛ.

Levetekɔ 4:26

Ə ɉuwɔ wulɔɠaa kəlee kələn ɉaláá kulɔ kəhi mɛ̨i, yɛ bələi da gɛ la a liilaa haláá. Ɉaláá laa həli mun a nɛ̨ŋɛ̨n mąą hvaalɛɛ kóló kɛ nuą ɲɛ̨itɔwɔ mun ma, mąąhvaa a lɛɛ.

Levetekɔ 4:35

Ə nwulɔ kɛɛnąą kəlee kulɔ mą, yɛ bələi da gulɔ la liilaa haláá ɓɛlaa ɓa. Ɉaláá laa həli mun ə di kələn ɉaláá kulɔ kəhi mɛ̨i, ɓɛlɛɛ ɉaláá kɔ̨nɔ̨nŋąą diɛ yiiɠaai a Yai-Laa nwɛiɠaai. Ɉaláá laa həli mun a gólói tii kɛ nui a ɉon gɛ mąą mɛ̨nį ɓa, nɛ̨ŋɛ̨n mąą nu ə ɉəɠə mąąhvaa a lɛɛ.

Levetekɔ 5:10

A veelɛnąą kɛ a haláá hɛn da gələə kələn, yɛ bələi mąą tɔ́n gaa la. Ɉaláá laa həli mun a nui tii nwɔ nɛ̨ŋɛ̨n ə ɉəɠə, mąąhvaalɛɛ kóló kɛ, mąąhvaa a lɛɛ.

Levetekɔ 5:11

«Nu ta yee a wala pɛli lɔwɔ tonwənən veelɛ ɓa, a wala kɛ tii kwii tonwənən veelɛ ɓa, a pɛli mą ə pa a lɛɠɛ hunwɔ̨ kəgən ɉu nąąn, a nɛ̨ŋɛ̨n mąąhvaalɛɛ haláá hɛn; hva wulɔ kɛ mą, hva lansan hee gwɛlɛ. Mąąhɔlɔɓo, nɛ̨ŋɛ̨n mąąhvaalɛɛ haláá li.

Levetekɔ 5:12

A paa la ɉaláá laa həli mun bɔ, yili a ɲee hvɛɛ ɉu, a kili too ŋą haláá. Ə gələn ɉaláá kulɔ kəhi mɛ̨i, ə bɛlɛ Yai-Laa nwɔ haláá kɔ̨nɔ̨nŋąą diɛ, nɛ̨ŋɛ̨n mąąhvaalɛɛ haláá li.

Levetekɔ 5:18

mąąnɛ̨ɛ̨ ə pa a ɓɛlaa hilɛ ɉaláá laa həli mun bɔ, kpɛɠii hvo kɛ mą, a ɉəɠə nwɔ taatɛlɛɛ kpulu hu, ɉɔ̨nwɔ̨ yɛ həli nu pɔɔŋą pɛli haláá wali hu. Nɛ̨ŋɛ̨n tii mąą nu ə ɉəɠə gbaɠala hvo kɛ mą, ɉaláá laa həli mun a mąąhvaalɛɛ kóló kɛ mɛ̨i, nɛ̨ŋɛ̨n tii ə kulɔ mą.

Levetekɔ 6:7

«Bələi mąąnɛ̨ɛ̨ di Yálá kɔ́ la a hihɛn má ta, bələ ka: Aarɔn lonnii ɓə da yili laa həli Yai-Laa ɓa, ɉaláá kulɔ kəhi lííla.