Hebreu 9:14 - Yálá laawoo hɛɓɛ (dc)

¹⁴ gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,

Yálá laawoo hɛɓɛ

¹⁴ gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Nįį-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,

Bible

¹⁴ Kôrai, nyíi maa waai è gbîŋ tɛ̀ɛ Ɣâla pɔ Ŋwɔlɔ-wɔlɔ-Mɔleŋ sârai, ŋɔŋãai a pâi kálii maa waai a ǹɛ́lɛɛ é tée nyíti ma é kákula kátûa-pere-nyɔŋ pɔlɔ-ŋai sú a gɛɛ ka tíi kɛ́ Gɛ-ɣele-ma-Ɣâlai mi.

Hebreu 9:14 ပူးပေါင်းရင်းမြစ်များ

Samia Veerɛi 4:11

Guho mun kɛ, nu paa nuą da tələnmomun ba ɲəi bɛlɛ́n, akɛ tii vá mɔ̨ɔ̨ dəlimo mun tii ŋama mąą mɛ̨nį ɓo kaa, yii gaa ka yee ɓa? Ŋą́ ka həɠə lɔi yɛnɛ̨ɛ̨?»

Tɔɔɓɛlaa veelɛ 19:16

Ə́ wəli tɔɔ, Yai-Laa ə́ nwóó mɛ̨n, ə́ ɲəlaaɓo ə́ gáá, Senakeribə nwɔ nuą ə di tɔɔ, diɛ Yálá hvulú lalan, gaa.

Zôo 15:16

Gu hvo mu kɛ yɛ́i ŋɛ̨i a mąą liɓi mun, ə́ kwə́i kili ɲɔ̨nwɔ̨ɔ̨, yɛ́ mɛ̨nį ɲɔ̨n gbələ, yɛ nu a kɛi ya kpələ.

Mąątɛ̨nɛ̨ 51:2

Ɓɛlɔwai Yálá kwəi mɛ̨nį hu kulɔ mun Natan ə li ɉɔn moi la mą, yɛ hvilɛn na Bɛtsabe mąą mɛ̨nį ɓa.

Lɛɛ gbɔwɔ ɓa 12:5

Mɛlaa lon, di kaa pai gɛi la, mąąnɛ̨ɛ̨ ə kɛ a ɉilɛ, aa kwɛlan dɔ̨nɔ̨ kɛ, kpɛɠii hvo kɛ mą, gɔlɔi pɔ̨nɔ̨ɔ̨, ka pɛli ka ɉəɠə ɓɛlaa lonnii, awala kɛ tii, ɓolu lonnii lɔwai.

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Azaya 53:9

Di gámą tee nu ɲɔ̨nwɔ̨ɔ̨ɠaa lɔwai, di now hɛn gɔw nąmįną lɔwai, ya pa hvo mɛ̨nį ɲɔ̨n gɛ, ɛlɛɛ, hulu mɛ̨nį ta hvo kulɔ na.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Ɉeremi 10:10

Kɛlaa, Yai-Laa nwɛi, yaa ɓə a Yálá; yii gaa a vulú, yɛ ɓo a tɔɔmun a yələ kəlee. A níiholi, lɔi a kpɛlin, yɛnɛ̨ɛ̨ lɔi ta hva pɛli tɔɔi nwɔ liiholi tɔwɔ.

Izikiɛ 45:18

Mɛ̨nį kəlee ŋą Hééɓomun Yálá woo ka, yɛ: Ɲąnįn dɔlɔɔ nwɔ hvóló dɔlɔɔ yələ, yá nįŋɛ̨ lon ɉəɠə yii pɔɔ hvo mą, ə́ ɉaláá kulɔi mąą haláá kulɔ la.

Danîa 6:26

Mɛ̨nįgaai tii tɛɛ pulu, tɔɔmun Dariusə ə hɛɓɛ́ pɛ̨ɛ̨, ə naa həli hįi kəlee ɓa, nɔiɠaa kəlee hu, hįi woo kəlee ɓo nuą diɛ, diɛi di kaa lɔi mɛ̨i naa kəlee, yɛ diɛ: «Gɛ́ liilaa ə tɛɛ ka pɔ kpɔ kɛnɛ̨!

Levetekɔ 22:20

Ka hvo taatɛlɛɛ ta laa həli, yii kpɛɠii kaa mą, a kɛ tii, di hva di ɲɛ̨i lɛlɛɛ hee kaa.

Lonon mo 28:11

«Ɲąnin gəlee kɔ́wɔ tɔɔ hvóló, mąąnɛ̨ɛ̨ ka Yai-Laa kɔ́, a haláá hɛn da gəlee kələn, ka gɛ a nįŋɛ̨ hilɛ hveelɛ, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lonnii mɛ̨ihveelɛ. Kpɛɠii hva kɛ da ɓa.

Lonon mo 28:3

'Mo diɛ, yɛ́ diɛ: Kɔ̨nɔ̨nŋąąi mąąnɛ̨ɛ̨ ka Yai-Laa kɔ́ la, diɛ ka: kwɛlan dɔ̨nɔ̨ ɓɛlaa lon veelɛ, kpɛɠii hvo kɛ diɛ; hvóló tɛitɛi haláá hɛn ni, kaa gulɔ a haláái da gəlee kələn, yələ kəlee mɛ̨nį li.

Lonon mo 28:9

«Hviitɔɔ yələ, da kwɛlan dɔ̨nɔ̨ ɓɛlaa lon veelɛ kulɔ a haláá, kpɛɠii hva kɛ diɛ; diɛ di kələn. Bɛlɛɛ lɛɠɛ hunwɔ̨ gəgən ɲąą hveelɛ ɓa, giin ŋąą wulɔ hu, da nɔɔi mąąnɛ̨ɛ̨ di paa la.

Maafîu 12:28

Kɛlaa, akɛ Yálá nwɔ Kilii nwɔ huwalawala ɓə gáá ɲį́nɛ̨n gbɛi la nuą pulu, Yálá-taa tɔɔlaa aa pa aa həli kaa.

Maafîu 16:16

Simɔn Piɛrə ə nwoo ŋąąpənə yɛ mą: «Ə́ kaa a Kristə, yai di dɔɔ, Yálái gaa a vulú Non ɉulɔnu.»

Maafîu 20:28

Yili ɓə gaa mą, Nu lon ə pa, ə gɛ, ə kɛ a nuą di wɔ kólo kɛmun, ə gɛ ə gbɔwɔ kwɛlɛ nu kpulu kɛnɛ̨ nwun mąąɓo mɛ̨nį ɓa.»

Maafîu 7:11

Ka nu ɲɔ̨nwɔ̨ɔ̨ɠaai ŋɛ̨i, akɛ ka pɛli hɛn nɛlɛɛ tɛɛi ka lonnii pɔ, gu hvo mun kɛ ka Ną́n gaa yələkɔlɔn ɉu! Nwɛi a hɛn nɛlɛɛ tɛɛ nwɛlikɛmąą lonnii pɔ yiiɠaai da vɛli.

Lukə 1:74

a ku kulɔ ku yowoɠaa yee mu, ku lɛɛ ku kpɔɔ ɓa, əgɛ, ku tiɓo kɛ yaa tɔ̨nɔ̨ gbən ɓa a ku kwəinɛ̨ɛ̨.

Lukə 12:24

Ka gwąą-gwąąɠaa kaa ləi, di hva tíi kɛ, di hva mɔ̨nun dee, kɔ̨nɔ̨n pui hvo di yəi. Kɛlaa, Yálá a di kɔ̨nɔ̨n gɛ. Kaa mun, ka hviala hvo ɓo li hvo tɛɛ diɛ.

Lukə 12:28

Akɛ, lɔwɛi tumɔɠaai di kaa a nwɔ̨n gɔ̨nɔ̨n, Yálá a di mąąyili kpɔ tii, ka gɔlɔn kaa diɛ: a pɛli ə ka mąąyili ə tɛɛ diɛ. Ée kə́! Ka wɔ kilitɔɔmąą tiikpəi tai.

Lukə 4:18

«Ną́mu nwɔ Kilii laai mɛ̨́i, aa ɉə́ɠə́ ɉu, əgɛ, ŋą wɛlɛɛ lɛlɛɛ laa həli mąąwɛli nuą diɛ. Ə dɔ́ɔ́, əgɛ, ŋą gaho nąmįną di wɔ nwun mąąɓo mɛ̨nį laa həli diɛ, əgɛ, ŋą ɲɛ̨ipu nuą ɲɛ̨i hvólón, əgɛ, nuąi di laanɔ̨nwɔ̨ ɓoɔ ŋą di nwun mąąɓo,

Ɉaan 3:34

Yaan, nui ɲɛ̨i Yálá ə dɔɔ, a Yálá mąą mɛ̨nį ɓo, mąąhɔlɔɓo, Yálá a Kili kəlee tɛɛ bɔ.

Gɛlaɠaa 1:2

ə mą kɛ, ə lɛɛ ɉu ə həli la ɲələi ə tɛ la yələkɔlɔn ɉu mą, yili kəlee ɓə ŋį́ bɛ̨ɛ̨. Gɛɛ hvo kɛ tɛi yələi, Kili-Mąąhəɠɛɛ ŋą huwalawala háálai, nuą ŋɛ̨i ə di həɠə ɉu ə di kɛ a nwɔ kɛlaɠaa, ə di kili ɲą pono, ə di tɔɔ.

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.

Gɛlaɠaa 14:15

«Kué! Gbɛɛ nuą ɓəi! Lə ɓə ŋɛ̨i ka káá gɛi? Nuą lɔ ɓaa a kuɔ, ku kɛ pələ ə ɓo lɔ yɛ káá! Nwɛlɛɛ lɛlɛɛi ku pa moi káái, ya ɓaa, 'ká ká yee kulɔ mowo mɛ̨nįɠaa ŋɛ̨i hu, ka ká ɲɛ̨i tínɛ̨n Yálá hvulúmąą pɔ pələ, yai yələkɔlɔn, lɔi da gboloyá da di hu hɛnŋąa kəlee pɛli.

Gɛlaɠaa 15:9

Hvo gwa diɛni gu lɔwai laa li kpɔ tíikpə. Laai ŋɛ̨i di mo na, yili ɓə gɛ yɛ di lii mąąhəɠə.

Lomaŋ 1:20

Ə həɠə yɛnɛ̨ɛ̨ pɛli yələ ɓa, ə həli la yiihu ɓa, Yálá kɛ pələɠaai nu hva pɛli gaai: nwɔ huwalawalalaai kpɛɛ hvo mą, nwɔ Yálá laa, gəlee kulaai pono ŋą gɛ kólóɠaa kəlee hu. Mɛ̨niɠaa di hu ɓə nuą da pɛli di Yálá kɔ́lɔn naa. Yili ɓa, mąąhvaalɛɛ hvo diɛ.

Lomaŋ 1:4

Kɛlaa, di gu Ną́mu Jesus Kristə laa hee a Yálá Lon, Kili-Mąąhəɠɛɛ nwɔ hvaŋąi haalai, yai nwun, ə gulɔ haa yəi.

Lomaŋ 11:12

Akɛ di nwɔɔ hɔn ɲɔ̨n aa kɛ yɛnɛ̨ɛ̨ nąą kəlee nwɔ yéélaholoon; ɛlɛɛ, di mąąyɛɛ mɛ̨nį aa kɛ a huwu takpɛliɠaa di wɔɔ yéélaholoon; gu hvo mun kɛ, da di yee lɔ nuą nwun mąąɓo kólói hu?

Lomaŋ 11:24

Yɛ́i ŋɛ̨i a nɔwɔ wulu wonwoi di tee mąi, hvo kɛ kɛli a ɉin-nwulu nąą ta, kɛlaa di ə́ kąnąn mą, gu hvo mun kɛ diɛimun tii a neeleeɠaa, di hee laa hvo wala li nwulu ɓa.

Lomaŋ 6:13

Ka hvo ka tɔɔ-tɔɔiɠaa ta lɛɛ laa hvo kɛ a nɛ̨ŋɛ̨n nwɔ tiɓo kɛhɛn, yii a kɛ mɛ̨nį ɲɔ̨n gɛi la. Kɛlɛɛ yaamunn, ka ka kpɔɔ tɛɛ Yálá pɔ yɛ nuąi daa kulɔ haa hu daa kɛ a di húlu. Ka ka kɔ́lɔ nąą kəlee lɔ nwɔ tiɓo hu, ə gɛ, yii gaa a tələnmo mɛ̨nį ka yili kɛ.

Lomaŋ 6:22

Kɛlɛɛ yiihu kɛa, kaa kulɔ nɛ̨ŋɛ̨n nwɔ luwɔlaa hu. Kaa kɛ a Yálá nwɔ luwɔɠaa; tɔ̨nɔ̨ yii gaa ɉu ya ɓaa: Kaa kɛ a Yálá liiɓa mɛ̨nį kɛ nuą, yili ɲąąkpɛɛi ɓaa yɛnɛ̨ɛ̨ kpɛɛ hvo mą.

Korɛntə dɔlɔɔ 15:45

Yɛ bələi bɛ̨ɛ̨ la, yɛ mą: «Nu tɔlɔɔ, Adamə, nu kɔ́lɔ ə kɛ mą, nɔ̨ɔ̨ yɛ ɓo ɉu», kɛlaa, Adamə gbɛlamąą, gaa a Yálá-taa mun, ɛlɛɛ, yɛ yɛnɛ̨ɛ̨ tɛɛ nu kanŋaa pɔ.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Korɛntə veelɛ 6:16

Bɛlɛ gee ɓa lə kɛɛ ɓə a pɛli kɛi Yálá hee pɛlɛ́ da haliɠaa di lɔwai? Gbala ə tɔɔ, guɔ ɓə gu kaa a Yálá hvulúmąą hee pɛlɛ́; yɛ pələi Yálá ə mo la, yɛ kɛ diɛ: «Gáá pai heei di lɔwai, gɛ́ hiɛ laa, Ŋį́ ɓo a di wɔ Yálá, diɛn, di ɓo a nwɔ́ nu huwu.»

Galatə 2:19

Hvo gaai, nwɛ́i, ŋą́ą́ haa dɔn bɔ pələ, ə gɛ ŋą́ yɛnɛ̨ɛ̨ kɛ Yálá pɔ pələ. Kwa Kristə ɓə haa kolɔwa ɓa;

Ifisiɛŋ 2:5

ɓɛlɔwai gu kɛ la a haa nuą a gu wɔ nɛ̨ŋɛ̨nŋaa la pɔɔ, ə yɛnɛ̨ɛ̨ tɛɛ gu pɔ, gwa Kristə ni, ká ɓalo lɔ a mɛ̨inɛ̨ɛ̨ kpɛli-kpɛli,

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Dutɛrɔnome 15:21

Kɛlaa, kiliin ɉii a kɛ ɉuwɔi tii ɓa, yɛ lɔwu, a wala kɛ tii, ɲɛ̨ipuɔ, awala kɛ tii, nąą takpɛli ə ɓo mą, ka hvo Yai-Laa ka wɔ Yálá kɔ́ la.

Dutɛrɔnome 17:1

Kpɛɠii a kɛ ka wɔ nįŋɛ̨ ta ɓa, a wala kɛ tii, ka wɔ taatɛlɛɛ ta ɓa, ka hvo Yai-Laa ka wɔ Yálái kɔ́ la, yili kaa a mɛ̨nį mąąliɓiɛ Yai-Laa ka wɔ Yálái ɲɛ̨i ɓa.

Dutɛrɔnome 31:27

Mąąhɔlɔɓo, ka kwɛli teɛi, ɛlɛɛ, ka nwun ɉu walawalaa mɛ̨nį nwɛi, yili kpaɠala ka mą́ą́ nii háákələi ka lɔwai. Vúlú kɔ́wɔ ŋą ɓə ka tɔɔlaa Yai-Laa la, gu hvo mun kɛ ɉáá pulu!

Dutɛrɔnome 33:27

Yálái gaa a tɔwɔ-tɔwɔ Yálá, ya ɓə gaa a ə́ mąąkilɛi, ya ɓə ə́ yowoɠaa kpɛ ə́ tɔwɔ, yɛ kɛ yɛ́: di hu kala.

Dutɛrɔnome 5:26

Nu ta aa ta mɔ̨ɔ̨ Yálá hvulú woo mɛ̨n yɛ mɛ̨nį ɓo mą nwɔ̨n ɉąąi, yɛ bələi ə gɛ la a kuɔ, ɛlɛɛ mąą nu yɛ lɛɛ a vulú?

Tɛsalonikə dɔlɔɔ 1:9

Mąąhɔlɔɓo, bələi ká ká yee hee la ku mu, ɛlɛɛ, bələi ká tínɛ̨n na Yálá pɔ pələ, káá ká pulu tɔɔ haliɠaa diɛ, káá tí la tɛ̨ą Yálá hulúmąą ɓa, nuą da kɛ yili bələ ɓoi,

Timote dɔlɔɔ 1:17

Wɔlɔ-wɔlɔ da wɔlɔ-wɔlɔ tɔɔmun, a Yálái haa hvo mą, kaa hvo mą, yɛ ɓo lɔ tanɔ̨n gbən, kɛnɛ̨laa da mąąwiɛlaa, ə kɛ mą, ɲɛ̨n dee hvo mą! Kɛ́i a mo tii Yálá, ə kɛ! Amįįną.

Timote dɔlɔɔ 3:15

Kɛlaa, ə mą kɛ və́ pa li ɉa, bələi mąąnɛ̨ɛ̨ ə́ túwɔ́ la Yálá ŋą pɛlɛ́i mu, yáá bələ kɔlɔn, yai a Yálá hvúlúmąą ŋą kpɔn, a tɛ̨ą hąątíliin da tɔɔbulu.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

Hebreu 10:10

Yálá lii ɓai tii hu ɓə, Jesus Kristə ə gbɔwɔ kulɔ la a haláá, lɔ tii taanɔ̨n gbən, gu mąąhəɠə mɛ̨nį ɓa.

Hebreu 10:12

Kristə nwɛi, haláá tanɔ̨n gbən mə ə gulɔ nu kanŋaa di wɔɔ nɛ̨ŋɛ̨nŋaa mąą hvaalɛɛ mɛ̨nį ɓa, ə hee Yálá yee lɛlɛɛ mɛ̨i pələ, a yələ kəlee mɛ̨nį.

Hebreu 10:2

Akɛ kɛ nuąi kɛli kwɛli hvilɛn tii, di wɔɔ nɛ̨ŋɛ̨nŋaa ə waa diɛ kpɔ tɛ̨ɛ̨-tɛ̨ɛ̨i, di hvo li di kpɔwɔ kaa kɛa a nɛ̨ŋɛ̨n ɉəɠə nuą, ɛlɛɛ, di hvo li haláá takpɛliɠaa kulɔ di wɔɔ nɛ̨ŋɛ̨nŋaa mąą mɛ̨nį ɓa.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Hebreu 11:21

Laa na laa háálai, Ɉakɔbə kɛɛ pai laai nąnni kwɛlɛ, ə lúwɔ́ too Ɉosɛfə nonnii tɛitɛi ɓa, ə nwɔ túnwɔ̨n hvilɛn, ə gwɛli hvilɛn Yálá ɓa.

Hebreu 13:12

Yili ɓə gɛ, Jesus yaa kpɛlimąn, di baa daa pulu pələ, ə gɛ, ə nuą mąąhəɠə a gbɔwɔ ɲąmą.

Hebreu 3:12

Ną́n nonnii, ka gɛ kani a nɛlɛɛ, nu ta hvo kɛ ka lɔwai, kili walawala laa ɲɔ̨nwɔ̨ɔ̨ hvo mąąkwɛa Yálá hvulúmąą ɓa.

Hebreu 6:1

Yili ɓa, nu mąąkwɛli mɛ̨nį dɔlɔɔɠaai vilɛnŋąąi Kristə ɓa, ká gu yiliɠaa lɛɛ kɛa laa, ká gu nu pɔlɔ-pɔlɔ mɛ̨nįɠaa kɛ, gu hvo pənə nwɔ̨nɔ̨ gu hvo pa mɛ̨nį pɔlɔɠaa mɛ̨i, yɛ bələi: nu pulu tɔɔ haa ŋą túwɔ́ pələɠaa diɛ, laa Yálá la mɛ̨nį,

Hebreu 7:16

ɛlɛɛ, hvo kɛ a ɉaláá laa həli mun gɛnɛ̨ɛ̨, a kulɔ nu ta huwu hu, kɛlaa ə kɛ a ɉaláá laa həli mun gɛnɛ̨ɛ̨i, huwalawala yɛnɛ̨ɛ̨i kala hvo mą, ɉáálai.

Hebreu 7:27

Nwɛi hvo yɛ ɉaláá laa həli nuą kpɛa-kpɛaa tɔlɔɔ tii kɛ, a diɛi, yələ ɓɔ pələ kəlee, hvo kɛli di di kpɔwɔ mąą haláá kulɔ, di hvo tɛɠa kɛ pai nɔi nuą mąą haláá kulɔi. Nwɛi ə gbɔwɔ kulɔ lɔ a haláá tanɔ̨n gbən, gu mąą mɛ̨nį ɓa.

Hebreu 9:12

ɛlɛɛ, lɔi ə mo laa, hvo lɔ li a, ɓolu ɲąmą, hvo lɔ li a nįnɛ̨ ɲąmą, ə lɔ laa, a gbɔwɔ ɲąmą, lɔ taanɔ̨n gbən, ɛlɛɛ, ə nu kanŋaa nwun mąąɓo mɛ̨nį tɛ̨ɛ̨tɛ̨ɛ̨ mąąlaa hɔlɔɓo.

Hebreu 9:26

Akɛ yili ɉuwu ɓə kɛ, Kristə ə li gbɔwɔ kulɔ a haláá geemɛ̨i tamąą, ə həɠə kpɔ yɛnɛ̨ɛ̨ kɔwɔ tɔɔ yələ ɓa. Kɛlaa, a tɛ̨ą. Ə gɛ lɔ taanɔ̨n gbən, a vóló ɲąąkpɛɛi yələi ŋɛ̨i, ə too la pono ɲą, ə nɛ̨ŋɛ̨nŋaa waa, a gbɔwɔ kulɔi ə mo a haláá.

Hebreu 9:7

Kɛlaa, bɛlɛ́ veelɛnąą mu nwɛi, ɉaláá laa həli mun gɛnɛ̨, a lɔ laa, taanɔ̨n gbən yaa tɔ̨nɔ̨, kwɛlan mą; ɛlɛɛ, a kɛi lɔ laa, a lɔ a huwɔ ɲąmą, ə gulɔ a haláá, gbɔwɔ mąą mɛ̨nį ɓa, da nɛ̨ŋɛ̨n nwɔ lɔi nuą hu di ɉəɠə, di mąą mɛ̨nį ɓa.

Hebreu 9:9

Ɉəɠə pɛlɛ́ tɔlɔɔ ti ə kɛ a háákələi nwɛi, mąąnįnįn, bɛlɛ́ dɔlɔɔ tii, di kɛli, Yálá kɔ hɛnŋaa da haláá hɛnŋaa laa həli mu, yili hvo pɛli li, nui gwɛli hvilɛn ɉii, ŋą nɛ̨ŋɛ̨nŋaa nwaai kpɔ tɛ̨ɛ̨tɛ̨ɛ̨?.

Piɛrə dɔlɔɔ 1:19

kɛlaa, ə kɛ a ɲąmąi mąą mɛ̨nį nwąnąą, yɛ ɓɛlaa lon kiliin ɉii ɲɔ̨nwɔ̨ɔ̨ hvo mą, da pɔɔ lɔpee ta, ya ɓaa a Kristə ɲąmą,

Piɛrə dɔlɔɔ 2:22

Yaa tii hvo nɛ̨ŋɛ̨n ɉəɠə li, nu ɓowo woo hvo kulɔ li na,

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Piɛrə dɔlɔɔ 4:2

ɲíi kuui aa lɛɛ ɲəi yɛ gɛ kɔlɔ hu, hva gɛ yɛ bələi nuą di wɔ ɲɛ̨i kulɔ bɔ kaa la, a gɛ Yálá liiɓa hu.

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.

Zɔ̂ŋ Maa-ŋuŋ 3:5

Kɛlaa, ká gbaɠala kɔlɔn káá, yaa tii a Jesus, ə pa, ə nɛ̨ŋɛ̨n gbɛɛ, ɛlɛɛ, nɛ̨ŋɛ̨n və yaa tii ɉu.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

Samuɛlə dɔlɔɔ 17:26

Nuąi ŋɛ̨i kɛ Davidə kwɛlɛ, ə mo diɛ yɛ diɛ: «Nui a Filisti mun ŋɛ̨i paa, ə nwumɛ̨ həɠə Israɛlə ɲɛ̨i, lə ɓə da gɛ mąą nu ɓa? Lə kpɔɔ ɓaa Filisti kɛ́nɛ̨ kpolɔwai ŋɛ̨i, yai a Yálá hvulú nwɔ nuą paa pɔlɔn dɔɔ?»