Hebreu 9:11 - Yálá laawoo hɛɓɛ (dc)

¹¹ Kɛlaa, Kristə ə pa ə kɛ a ɉaláá laa həli mun gɛnɛ̨, mɛ̨inɛ̨ɛ̨ɠaai gaa pai, di mąą mɛ̨nį ɓa. Ɉəɠə pɛlɛ́i gaa nwɔ tíɓo kɛi mu, gɛnɛ̨i, mąą mɛ̨nį pɛliɛ ɉu kpɔ hvɛɛ-hvɛɛ, hvo a nu kan ɲee pɔɔ, mukulaa ɓaa, hvo a ɲɛnɛ̨ɛ̨ ŋɛ̨i hu mɛ̨nį,

Yálá laawoo hɛɓɛ

¹¹ Kɛlaa, Kristə ə pa ə kɛ a ɉaláá laa həli mun gɛnɛ̨, mɛ̨inɛ̨ɛ̨ɠaai gaa pai, di mąą mɛ̨nį ɓa. Ɉəɠə pɛlɛ́i gaa nwɔ tíɓo kɛi mu, gɛnɛ̨i, mąą mɛ̨nį pɛliɛ ɉu kpɔ hvɛɛ-hvɛɛ, hvo a nu kan ɲee pɔɔ, mukulaa ɓaa, hvo a ɲɛnɛ̨ɛ̨ ŋɛ̨i hu mɛ̨nį,

Bible

¹¹ Kɛ́lɛ, Kôrai è pà yɛ̂ɛ sâla láa soŋ-nuu kɛ́tɛ mɛni lɛ́lɛɛ-ŋai pâi mɛni ma. Ǹúui nyíi gɛ́tɛ̂i a ŋánaa maa waai nyíi dífe gbɛtɛ ní a díyêei, zu-kulai ƃa vé a ŋ̀éniɛi ŋí su sɛŋ.

Hebreu 9:11 ပူးပေါင်းရင်းမြစ်များ

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Mąątɛ̨nɛ̨ 40:7

Haláá hɛn da kɔ́ɓo hɛn lɔpee ta wɛli hva ə́ hon, ə́ nwə́li wolo ɓo, əgɛ, ŋį́ mɛ̨nį mɛ̨n, hvo kɛ haláái da gəlee kələn da nɛ̨ŋɛ̨n mąąhvaalɛɛ haláá, da lɔpee hvɛli li.

Azaya 59:20

Kɛlaa, gaa pai pai Siɔn taa pɔ, yɛ kɛ a nwun mąąɓomun, da Ɉakɔbə lonnii yiiɠaai da di kɔ́wɔ kulɔ, kulɔ nwoo mu laa hu. Yai-Laa woo li.

Ɉeremi 33:8

Mɛ̨nį ɲɔ̨nwɔ̨ɔ̨ɠaai kpɔ di gɛ mą́ą́ a di hɔn, gɛ́ gəlee waa diɛ. Nɛŋɛ̨nŋaai di ɉəɠə mą́ą́ a di hɔn, gɛ gəlee lɛɛ diɛ a kpɛli.

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Maafîu 11:3

Diɛ kɛ mą: «Akɛti, nui kwa kɛ mąą mɛ̨nį mɛ̨n ɉii diɛ kɛ: Gaa pai, ya ɓaa a yɛ́? A wala kɛ tii, mąąnɛ̨ɛ̨ ku da kpɛli mąą kpɔn?»

Maafîu 2:6

«‹Yɛ́ Bɛtleɛmə taa, hvo ɓaa taa logolo Ɉuda daa kpɛa-kpɛaɠaa lɔwai. Mąąhɔlɔɓo, tɔɔmun da kaa pai kulɔi ə́ hu, yii a tɔɔ Israɛlə nwɔ́ nu huwui ɲɛ̨itɔwɔ.›»

Markə 14:58

«Kwaa ta ɉulɔnui ŋɛ̨i woo mɛ̨n, yɛ kɛ diɛ: ‹Yálá hee pɛlɛ́i ŋɛ̨i nuą di dɔɔ, gáá pai bui, ŋą pənə ŋį́ da kpɛli tɔɔ hvóló haaɓa yee mu, yii nuą di hvo dɔɔ li.›»

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Ɉaan 4:25

Nɛ̨ɛ̨nui tii yɛ Jesus ɓa: «Gílí kaa ɉu gɛ́ diɛ: Nwun mąąɓomun Yálá ə naakwɛlanmo, gaa pai pai; yii da kɛ mą: Kristə. Ɓɛlɔwai gaa pai pai la, gaa pai mɛ̨nį kəlee huponoi a kuɔ.»

Gɛlaɠaa 7:48

«Kɛlaa ə mą kɛ tii, hɛn gəlee mɛ̨imun, hva hee nu tɔɔ pɛlɛ́ mu. Yɛ bələi Yálá kwəi mɛ̨nį hukulɔ mun ə mo la, yɛ kɛ:

Korɛntə veelɛ 4:18

Ku wɛi, mɛ̨nįɠaai kaa kaa diɛ, ku hvo di pulu, kɛlaa yiiɠaai hva kaa, diɛ ɓə kwa gwɛli, yiiɠaai kaa kaa diɛ, hvoló tɔ̨nɔ̨ mɛ̨nįɠaa lɔ li, kɛlaa Yii kaa hvo mą, kpɛɛ hvo diɛ.

Korɛntə veelɛ 5:1

Mąąhɔlɔɓo, ku kili kaa ɉu kuɔ, bɛlɛ́i ŋɛ̨i ku kaa mu ɓɛ yɛnɛ̨ɛ̨, gaa lɔ a ɓuwu, a pa kalai, pɛlɛ́ kpɔ-kpɔɔ kaa ku yəi, yai Yálá kpinįi ə dɔɔ, yələkɔlɔn ɉu pɛlɛ́ li, nu yee hvə dɔɔ li;

Kolosə 2:11

Yaa tii ɉu ɓə, káá kɛ la a kɛ́nɛ̨-lonni, ka wɔ kɛ́nɛ̨ kuu hvo kɛ li, yɛ bələi nuą da gɛ la. Kɛlaa, yili ɓə a Kristə ŋą kɛ́nɛ̨ kui; yai gu wɔ nɛ̨ŋɛ̨n gɔlɔi kulɔ guɔ.

Hebreu 10:1

Dɔn va pɛli mą, mɛ̨nį lɛlɛɛɠaai gaa pai, mąą mɛ̨nį ɲɛ̨i kulɔi kpɔ a neelee, gaa lɔ kɛ a nįnįn ɉu lɛ hɛn; yii dɔn ə kɛli ɉuhvɛli, ya ɓaa, ɉaláá huwu tanɔ̨n tii kaa gulɔ lɔ a kwɛlan gəlee, a gɛ pələ huwu tanɔ̨n. Yili ɓə gɛ, hva pɛli mą kɛ, nuąi da bɔ yíiɓo, di mąą mɛ̨nį ɲɛ̨i kulɔi a nɛlɛɛ, hvo naa kulɔ.

Hebreu 12:27

Nwoo ŋɛ̨i ə kɛ mą: «A gbəli-kpəli», a nɛ yɛ mą; pɛli hɛnŋaai kpɔ di kaa yɛnɛ̨ɛ̨ nąą kəlee, gəlee kaa pai həɠəi dɔɔi, gəlee di tɛɛ, ə gɛ, hɛn kala hvo mą, ə ɉeei kaa.

Hebreu 13:14

Mąąhɔlɔɓo, ɓɛ lɔi mɛ̨i, taa ta hvo ɓɛ a gu hee taa, kɛlaa gu hee taai laa, ya ɓə gu kaa lii bɔ pələ.

Hebreu 2:17

Yili ɓə gɛ, hvo kɛli kɛ ə gbɔwɔ kɛ yɛ nąn nonnii, ə gɛ, ə kɛ a haláá laa həli mun gɛnɛ̨ɛ̨i ɲɛ̨i mąąwɛli kaa hu, tələnmolaa hu, Yálá kwɛlɛ, yɛ ŋą nuą di wɔɔ nɛ̨ŋɛ̨nŋaa waa diɛ.

Hebreu 3:1

Yili ɓa tii kani, Kristalɛa mąąhəɠɛɛɠaa, káái Yálá aa ká təli, 'ká ká ɲɛ̨i hee Jesus ɓa, yai a ká wɔɔ laa na laa nwun, a kɛla, da ɉaláá laa həli mun gɛnɛ̨i;

Hebreu 4:15

Ɉaláá laa həli mun gɛnɛ̨mun gaa ka gu yəi, vįi hvo kpɛɛ li. A pɛli kpɔnmąą tɛɛi gu pɔ, gu wɔɔ hvįikpɛɛ laa hu. Yaa tii, ɲąąhɛn mɛ̨nį huwu kəlee ə həli mą, yɛ guɔ, kɛlaa, hvo nɛ̨ŋɛ̨n ɉəɠə da hu.

Hebreu 7:1

Mɛlkisedɛkə ti ɓə kɛ a, Salɛmə tɔɔmun, a Hɛn Gəlee Mɛ̨imun Yálá ŋą haláá laa həli mun gɛnɛ̨mun, yaa tii ɓə li Abrahamə laakwiɛn ɉii, ɓɛlɔwai yili ə həɠə la gɔ mɛ̨i, yai ə bɛlɛ dɔɔɓɛlaa diɛ; ə lúwɔ́ kɛ laa Abrahamə ɓa.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

Zɔ̂ŋ Veerɛi 1:7

Mąąhɔlɔɓo, nu ɲąąhɛn nuą tamąą daa taɠa-taɠa yɛnɛ̨ɛ̨, Di hvo laa li Jesus Kristə kɛ mɛ̨nį a nu, na. Ya ka tii, a ɲąąhɛn kɛmun tii, a Kristə ɲowoi tii!