Hebreu 8:11 - Yálá laawoo hɛɓɛ (dc)

¹¹ Nui lɔpee ta hvo pai kɛi mɛlan ma, a wala kɛ ti, gaayɔwɔ ɓa: Mąąnɛ̨ɛ̨ ə́ gu Ną́mu Yálá kɔ́lɔn. Mąąhɔlɔɓo, nu kəlee kaa pai gɔ́lɔ́n ɉi, ə həɠə nɛapɛlɛɛ diɛ, ə həli la nu kpɛa-kpɛaa diɛ.

Yálá laawoo hɛɓɛ

¹¹ Nui lɔpee ta hvo pai kɛi mɛlan ma, a wala kɛ ti, gaayɔwɔ ɓa: Mąąnɛ̨ɛ̨ ə́ gu Ną́mu Yálá kɔ́lɔn. Mąąhɔlɔɓo, nu kəlee kaa pai gɔ́lɔ́n ɉi, ə həɠə nɛapɛlɛɛ diɛ, ə həli la nu kpɛa-kpɛaa diɛ.

Bible

¹¹ Dífe pâi môi díkɔlɛ-ma-ƃelai dîa, kpaa máŋ díƃarâai, díyɛɛ diai, ‘Ka Kúnuu-namui kɔ́lɔŋ.’ Kpɛ́ni fêi, núu kélee a pâi ŋ́gɔlɔnîi é síɣe lôloŋ ma é seri núu kɛ́tɛ ma.

Hebreu 8:11 ပူးပေါင်းရင်းမြစ်များ

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Kɔlɔnikɔ Veerɛi 30:22

Ezekiasə wooɠaa ə lévi lonnii lii hon, ə kiliŋąhiɛ lɛlɛɛ too diɛ yɛ hvilɛn na Yai-Laa ɓa. Ɛlɛɛ ɉɛli guu ta pɛlɛ mą a hvóló mɛ̨ihveelɛ, diɛ liilaa haláá kulɔ, diɛ di nąnni di wɔɔ Yálái Yai-Laa hɛɠɛɛɓo.

Ɛsdrasə 7:25

«Yii ɓaa yɛ́ Ɛsdrasə, yɛ́i ŋɛ̨i Yálá aa kili tɛɛ ə́ pɔ da nwɔ tɔ́n, kiti tee nuą da mɛ̨nį ɓo kɛ nuą, diɛi da Eufratə ya voló tooi pələ nuą kəlee mąą mɛ̨nį hutɔɔ, da nuąi kpɔ ə́ wɔ Yálái nwɔ tɔ́n kɔ́lɔn, nuąi di hvo gɔlɔn, ka di mąą kwɛli mą.

Azaya 2:3

Lɔi tamąą hu nuą kaa pai pai bɔ, di kaa pai kɛi diɛ: «Ka tɛɛ, gwə li Yai-Laa nwɔ yee ɓa, Ɉakɔbə nwɔ Yálá nwɔ pɛ́lɛ́i mu, ə gu kalan a mɛ̨nįi mąąnɛ̨ɛ̨ gu gɛ, kpaalə yii a vaa ɓo, gu tɛɛ la.» A tɛ̨ą, Siɔn daai ɓə Yai-Laa nwɔ tɔ́n nwoo ə həɠə laa, A tɛ̨ą, Ɉerusalɛmə daai ɓə nwoo a həɠə laa, yɛ həli guɔ.

Azaya 54:13

Ə́ lonnii kəlee di kaa pai kɛi a Yai-Laa yee pɔ nuą, ə́ lonnii di ɓo liilaa yɛnɛ̨ɛ̨ kɛnɛ̨ɛ̨ hu.

Ɉeremi 24:7

Gáá pai kili tɛɛi di pɔ, diɛ pɛli gɔ́lɔn ɉii la, diɛ kɛ diɛ: Ɲą́ą́ ɓə gáá a Yai-Laa diɛ ɓo a nwɔ nuą, ɲą́ą́ ɓə a di wɔ Yálá; mąąhɔlɔɓo, da pənə di pa bɔ a di kwəi kwəlɛɛ.»

Ɉeremi 31:34

Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

Ɉeremi 42:1

Nąąlɔwai, gɔ́kulaa nwun nąmįną, gəlee ə mą kɛ Karea lon Yohanan da Hosaya lon Azaria, da nɔi lonnii kəlee, gbɛa kpɛa mąn bɛlɛɛ mąn, di pa;

Ɉeremi 42:8

Ə Karea lon Yohanan təli, da gɔ́kulaa nwun nąmįnąi tii kɛ bɔi, da nɔi lonnii kəlee, gbɛa kpɛa da bɛlɛɛ-pɛlɛɛ;

Ɉeremi 44:12

Ɉuda nuą gbəli woloi tii ɉaŋan a Eziptə lɔi hu pələ, diɛ li di mąąkilɛi, gáá hvilɛn ɉii gəlee pulu, di kəlee di kaa pai haai Eziptə lɔi hu, nąą ɓə di kaa lɛɛi laa tooni, a kɔ́ kɔ́ ɓɔwa laa pɔɔ, diɛ haa a pulu. Kɔ́ da pulu ɓə pai di paai. Gbɛa-kpɛaa da bɛlɛɛ-pɛlɛɛ mąn, di kaa pai kɛi a mąąwɛli nuą, nuą diɛ di kwɛla a di laa, diɛ lalan bili, diɛ nɛ̨ŋɛ̨n naa kɛ a di laa.

Ɉeremi 6:13

Mąąhɔlɔɓo, di kəlee di hɛn nwɛliɛi. Nu kpɛa kpɛa mąn, ə́ mą kɛ yee mu nuą. Ə gɔwɔ tɔɔ Yálá kwəi mɛ̨nį ɓo nuą diɛ, ə həli la ɉaláá kulɔ nuą diɛ, di kəlee di túwɔ́ pələ kaa lɔ a hulu mɛ̨nį.

Izikiɛ 34:30

Da gili kɔ́lɔn gea nąąlɔwai, diɛ kɛ ɲą́ą́ ɓə gáá a Yai-Laa di wɔ Yálá, ŋį́ ɓə di pɔ, di ɓo a nwɔ́ nu huwu, diɛi tii a Israɛlə nwɔ pɛlɛ́i. Mɛ̨nį kəlee ŋą Hééɓomun Yálá woo li.

Habakukə 2:14

A tɛ̨ą, Yai-Laa, nwɔ mąąwiɛ kɔ́lɔn ŋąą a lɔi mɛ̨i kəlee laahvɛɛ, yɛ pələi yaɠaa da gboloyá hu hvɛɛ la.

Ɉaan 6:45

Yálá kwəi mɛ̨nį hukulɔ nuą di bɛ̨ɛ̨ diɛ mą: ‹Yálá ɓə pai di kilaa pono.› Nui pai ną́n nwoo mąn ɉi, ə ɲąą kaa, ə ɲee hee mu, a pa bɔ́.

Gɛlaɠaa 8:10

Ə gɔwɔ tɔɔ nɛapɛlɛɛ diɛ, ə həli la nu kpɛa-kpɛa diɛ, nu kəlee di kɛli kɛ diɛ: «Nui ŋɛ̨i kaa a Yálá nwɔ huwalawalaa, yai da kɛ mą: Gɛnɛ̨mun.»

Zɔ̂ŋ Maa-ŋuŋ 2:27

Ká wɛi, ká mąątíi ŋɛ̨i Ə moi, gaa ká hu, ɛlɛɛ, ə mą kpɛli kɛ, di hvo ká mąąkwɛli yili ɓa; kɛlaa, yɛ bələi nwɔ wulɔi a ká mąąkwɛli la a mɛ̨nį kəlee, ɛlɛɛ, yɛ ɓo a tɛ̨ą, ɛlɛɛ, hva lɛɛ kɛ, yii kani aa ká mąąkwɛlii, 'káán ká kąnąn gani mą.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.