Hebreu 6:6 - Yálá laawoo hɛɓɛ (dc)

⁶ ɛlɛɛ ə mą kɛ tii, daa həɠə laana pələ mɛ̨i, gɛ laa walaai di di yali di pulu, diɛ ɓə, da pənə nwɔ̨nɔ̨, diɛ Yálá Lon gbanwo kolɔwa ɓa a nįnɛ̨, diɛ gɛ nuą diɛ nalan.

Yálá laawoo hɛɓɛ

⁶ ɛlɛɛ ə mą kɛ tii, daa həɠə laana pələ mɛ̨i, gɛ laa walaai di di yali di pulu, diɛ ɓə, da pənə nwɔ̨nɔ̨, diɛ Yálá Lon gbanwo kolɔwa ɓa a nįnɛ̨, diɛ gɛ nuą diɛ nalan.

Bible

⁶ À kɛ̀ da tòo pôlu dílaa-lai su, núu fa pɔ̂ri pâi ŋɔnɔ pôlu a dia lii-pene su, kpɛ́ni fêi, da Ɣâla Ǹóŋ kpamo saa-wuru ma díkpîŋ mɛni ma da ŋ̀umɛ kpɔŋ su.

Hebreu 6:6 ပူးပေါင်းရင်းမြစ်များ

Mąątɛ̨nɛ̨ 51:10

'Hváá mą, gɛ́ pɛli wələ woo, da kwəinɛ̨ɛ̨ woo mɛ̨n ɉi, gɔ́wɠaai ə́ di kiin giin, diɛ pɛli mąnąi.

Azaya 1:28

Kɛlaa, kpalo kaa pai ɓɛlai kwɛlitee nuą da nɛ̨ŋɛ̨n ɉəɠə nuą diɛ, nuąi daa di pulu tɔɔ Yai-Laa ɓa, di nwun na a pili,

Maafîu 19:26

Jesus ə ɲɛ̨i hee diɛ yɛ diɛ: Yii gɛ la walaai nuą yəi, gɛ la hvo wala li Yálá yəi.

Lukə 11:48

Ka nąnni túwɔ́ pələ ɲɔ̨nŋąą tii, ka káá nɛi, kaa kpinįi kaa ɓo nwɔ̨nɔ̨ a gɛla. Mąąhɔlɔɓo, ka nąnni di Yálá kwəi mɛ̨nį hukulɔ nuą paa, ɛlɛɛ, kaa di kámąɠaa pɛli a nɛlɛɛ!

Timote veelɛ 2:25

Nuąi da kɛ naa hɛatooi, yɛ di woo ɲąąpənə a liinɛ̨ɛ̨ gwəi laa. Gbɛɛ ɓə gɔlɔn, akɛ, Yálá hvo pai kili tɛɛi di pɔ, diɛ pɛli di ɲɛ̨i tínɛ̨n ɉii, diɛ ɉee tɛ̨ą pɔ pələ?

Hebreu 10:26

Mąąhɔlɔɓo, guɔi gwaa tɛ̨ą leelee kɔ́lɔn, gwa gili, gwa nɛ̨ŋɛ̨n ɉəɠə, nɛ̨ŋɛ̨n mąą hvaalɛɛ haláá kulaa takpɛli hvo kɛa laa.

Hebreu 10:29

Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Kili-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Hebreu 4:14

Yii kani haláá laa həli mun gɛnɛ̨mun gaa ká gu yəi, a Yálá Lon Jesus, yai yələkɔlɔn ɉuɓɔ, 'ká gu naa na laa wooi ŋɛ̨i hon gani kpąą.

Hebreu 6:4

Gɛ laa walaai mun, nuąi daa ta Yálá ŋą kɛɛ ponoi hɔlɔɓo, daa yələkɔlɔn ɉu mɛ̨inɛ̨ɛ̨ kɔɔn, ɛlɛɛ, daa di wɔɔ nąą hɔlɔɓo Kili-Mąąhəɠɛɛ hu,

Piɛrə veelɛ 2:21

Mąąhɔlɔɓo, viɛlaɓoɔi kɛ, di lɛɛ di kpɔɔ ɓa, ə tɛɛ dɛ̨ą pələi ŋɛ̨i kɔ́lɔn ŋąą ɓa di yəi, di pənə di həɠə Yálá nwɔ liɛwoo lɛlɛɛ ŋɛ̨i mɛ̨i, yii di mɛ̨n.

Zɔ̂ŋ Maa-ŋuŋ 5:16

Nu ta a nąn non ɲee kaa nɛ̨ŋɛ̨n ɉui, a nɛ̨ŋɛ̨n yii hva nɔ haa hui, ə hvɛliɓo kɛ mą, ɛlɛɛ, Yálá ə yɛnɛ̨ɛ̨ tɛɛ bɔ, Akɛ gaa kpɔ a nɛ̨ŋɛ̨n, nu a ɉəɠə hva nɔ haa hu. Nɛ̨ŋɛ̨n da kaa laa, yɛ nu lɔ haa hu; yili hvəə gáá kɛi mą, di hvɛliɓo kɛ ɉəɠəmun ma;