Hebreu 6:19 - Yálá laawoo hɛɓɛ (dc)

¹⁹ Gilitɔɔmąąlaai gu yəi, gaa a gu kpulɔn ɲɛli, a poną, ganąn ŋąą gu kili pɔ a nwala-walaa, ə ɓo a tɛ̨ą, yɛ lɔ ɉəɠə ɓɛla pulu pələ Yálá lííla.

Yálá laawoo hɛɓɛ

¹⁹ Gilitɔɔmąąlaai gu yəi, gaa a gu kpulɔn ɲɛli, a poną, ganąn ŋąą gu kili pɔ a nwala-walaa, ə ɓo a tɛ̨ą, yɛ lɔ ɉəɠə ɓɛla pulu pələ Yálá lííla.

Bible

¹⁹ Gili-kɛ-zui ŋí káa yɛ̂ɛ kúmɔ̂leŋ soŋ-kɔli kpanaŋɔɔ a tɔ̃yâ. Gáa a gili-kɛ-zui nyíi a lɔ̂ pɔ̂rɔŋ é tɛ́ɛ seɣe sɛ̂lɛŋɔɔ pôlu,

Hebreu 6:19 ပူးပေါင်းရင်းမြစ်များ

Mąątɛ̨nɛ̨ 39:7

A tɛ̨ą, nu a kɛ lɔ lii, yɛ pa, kɛlaa, gaa lɔ yɛ nįnįn! A tɛ̨ą, gɛ mɛ̨nį kaa lɔ a hvąŋą! A hɛn gwɛli ə dɛ gee ɓa, nui pai dɔlɔ kulɔi, hvo gɔlɔn.

Mąątɛ̨nɛ̨ 42:11

Gɔ́lɔ́ kəlee aa kpɔną mą́ą́, ɲówóɠaa diɛ nálán, da tuwɔ lɔ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 42:5

Ɲələɠaai ŋį́ kɛi li la Yálá yəi bɛlɛ́n, a kwəinɛ̨ɛ̨ wələɠaa, da mąątɛ̨nɛ̨ wələɠaa, kwa nu kpulu kɛnɛ̨, ŋą́ gíliɲąhiɛ di hu, níí a kɛ lɔ ə ɓɛla gwə́i.

Mąątɛ̨nɛ̨ 43:5

Níi wolo, ə́ kaa mąąwɛli hee ɓoi, yɛ́ ə́ wóó laa mɛ̨́i, lə mɛ̨nį ɓa? Ə́ kilitɔɔ Yálá ɓa! A tɛ̨ą, gáá nwɔ̨nɔ̨ pai Naa tooi a wələ, yai a nwún mąąɓomun, da nwɔ́ Yálá!

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Azaya 28:16

Kɛlaa, mɛ̨nįi Nąmu Yálá kaa moi, ya ka: Gáá pai pɛlɛ́ kɔ́wɔ hvilɛn gwɛni laai Siɔn, a kwɛni mąą mɛ̨nį nwąnąą, yai daa mąąkpɛɛ, a bɛlɛ́ nwun ɉon gwɛni; nui a gilitɔɔ mą, gwəi hva pili mą.

Levetekɔ 16:15

Ə molu hilɛ nwun dee a nɔi lonnii di wɔ nɛ̨ŋɛ̨n mąąhvaalɛɛ haláá, ə li a ɲąmą ɉəɠə ɓɛla pulu pələ; ə ɲąmą kɛ pələ kɛ lɔ yɛ bələi ə nįŋɛ̨ ɲąmą kɛ la. A ɲąmą ta taɠa mįnɛ̨ kəhi laa kalan mɛ̨i da ɲɛ̨itɔwɔ.

Levetekɔ 16:2

«'Mo ə́ liɛ Aarɔn ɓa, hvo kɛ gaa lɔi gɛɛnąą mąąhəɠɛɛ ɓa a niiɓa pələ ɉəɠə ɓɛla pulu, mįnɛ̨ kəhi ɲɛ̨itɔwɔ, hvo pa nəi haa; ɓɛlɔwai gáá pai gbɔ́wɔ́ lɛi la tulɔ kpinįn ɉu mįnɛ̨ kəhi laakalan mɛ̨i.

Zakari 9:12

'Ka pənə ka lɔ daa kɛnɛ̨ɛ̨ hu, kaai a gɔluwɔɠaa, ka ɲɛ̨i ə ɓo bələi. Háákələi kpɔɔ kpɔɔ, gáá moi yɛ́: Gáá pai ə́ wɔ mɔ̨nɔ̨ɠaai mąą hvɛla tɛɛi ə́ pɔ, gee mɛ̨i hveelɛ.

Maafîu 27:51

Nąąlɔwai ɉəɠə ɓɛla ŋɛ̨i kɛ Yálá hee pɛlɛ́ mu, ɉu ə ɓɛla ə həɠə yələi ə yɛɛ gɔwɔ la. Lɔi ə kpɛlin, kwɛni kpɛa-kpɛaɠaa diɛ ɓɛla.

Gɛlaɠaa 23:6

Polə kili ə kɛ ɉu, yɛ diɛ: tɔ́n vili nąmįną kpulu heei ə kɛ hveelɛ; bələ tɔ̨nɔ̨ ə kɛ a Sadusiɛ̨ɠaa, bələ tɔ̨nɔ̨ yɛ ɓo a Farisiɛ̨ɠaa, yili ɓə gɛ, ə mo diɛ, yɛ diɛ: «Ną́n nonnii, gáá a Farisiɛ̨, ną́n ɲɛ ɓo a Farisiɛ̨. Gɛ mɛ̨nį náái haaɓɛlaa nwun mɛ̨nį la, ya ɓə gɛ, diɛ paa a ɲą́ą́ gíti tee mɛ̨nį ɓa.»

Gɛlaɠaa 27:29

Di kɛi ɲɔw diɛ gələn və pa kɛlɛ kwɛni ta hu. Yili ɓə gɛ, di gələn dɔɔ kwɛli nąąn yɛɛ ɲái gələn bulu pələ, di ɲɛ̨i ə ɓo yələɓɔɔ tɔwɔ a nwalawalaa.

Gɛlaɠaa 27:40

Di gələn dɔɔ yɛliɠaa hvólóon, di bu ɲái, di gələn dənən dɔɔ hɛn nwɔ yɛli hvólóon. Di ɉəɠə ɓɛla hu hvólóon gələn ɲɛ̨i tɔwɔ pələ, ə gɛ, vaŋą ə dənən dɔɔ ɲá kwɛlɛ.

Lomaŋ 4:16

Yili ɓa, laa na laa háálai ɓə Yálá ə naakwɛlan mo la, ə gɛ, yili ə kɛ a Yálá nwɔ mɛ̨inɛ̨ɛ̨ yii dɔlɔ a kɛ mą Abrahamə huwu hu nuą kəlee diɛ, nuąi di kaa tɔ́n bɔ yíi ɓoi, diɛ tɔ̨nɔ̨ lɔ hvəə, kɛlaa, ə mą kɛ, nuąi laa na laa kaa di yəi, yɛ pələi Abrahamə ə kɛ la. Abrahamə ka a gu kəlee gu nąn.

Lomaŋ 4:18

Abrahamə ə laa Yálá la ə gilitɔɔ mą, mɛ̨nį kəlee hu, yili ɓə gɛ a nu huwu tamąą di nąn yɛ bələi di kɛ la mą. Ə́ lonnii kaa pai tamąi.

Lomaŋ 5:4

Liikpələ ɓə a tɔɔ a nwąnąilaa tɛɛ nu pɔ hukɔɔn mɛ̨nį hu, kulɔ nwooɓa yɛ kilitɔɔmąą laa huwalawala.

Korɛntə dɔlɔɔ 13:13

Mɛ̨nį haaɓa ɓə laa hva kpɛɛ, diɛ ɓaa: Laa na laa, kilitɔɔmąąlaa, wɛlikɛmąąlaa, kɛlaa, yii gɛnɛ̨ dɛɛ gəlee diɛ, ya ɓaa: Wɛlikɛmąąlaa.

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Ifisiɛŋ 2:6

Aa gu nwun gwa Kristə ni haa yəi, aa gu hee yələkɔlɔn ɉu, Jesus Kristə hu.

Kolosə 1:27

Bələ ɓə ə kɛ la tii bɔ, ə mɛ̨nįi tii ŋą yəi-kɛnɛ̨laa da ŋą mąąwiɛlaa lɛ la huwu takpɛliɠaa lɔwai, a Kristə kɛ mɛ̨nį ká lɔwai, a kilitɔɔmąą laa, a mąąwiɛlaa!

Kolosə 3:1

Yii kɛa ká Kristə ni káá nwun, 'ká yələi pələ mɛ̨nįɠaa mąąkiliŋąhiɛ kɛ, ɓɛi Kristə kaa laa heeni Yálá ɓa-mįi-yee hu;

Timote veelɛ 2:19

Ə mą kɛ ləi, bɛlɛ́ kɔwɔ hvilɛn gwɛnii Yálá ə naa, gaa laani naai. Gɔlɔn ɉɛn maa a Nwoo ŋɛ̨i: «Gu Nąmu ə nwɛiɠaai kɔlɔn.» Ɛlɛɛ nwɔ̨nɔ̨: «Nui lɔpee a gu Nąmu hvɛli, ə mąą kwɛa mɛ̨nį ɲɔ̨n ma.»

Hebreu 4:16

'Ká gu gu mąąlɛɠɛ kan dɔɔkpəlin ma a kilitɔɔmąąlaa walawala, əgɛ, gu ɲɛ̨imąąwɛli kaa hɔlɔɓo da mɛ̨inɛ̨ɛ̨, yɛ pɛli kpɔn ɉii guɔ a ɲələi bɛliɛi mą.

Hebreu 9:3

A həɠə laa, ɉəɠə ɓɛla veelɛnąą pulu pələ, haláá kulɔi ə kɛ laa, diɛ kɛ mą: Gɛɛnąą mąąhəɠɛɛ kpɔ tɛakpa-tɛakpa.

Hebreu 9:7

Kɛlaa, bɛlɛ́ veelɛnąą mu nwɛi, ɉaláá laa həli mun gɛnɛ̨, a lɔ laa, taanɔ̨n gbən yaa tɔ̨nɔ̨, kwɛlan mą; ɛlɛɛ, a kɛi lɔ laa, a lɔ a huwɔ ɲąmą, ə gulɔ a haláá, gbɔwɔ mąą mɛ̨nį ɓa, da nɛ̨ŋɛ̨n nwɔ lɔi nuą hu di ɉəɠə, di mąą mɛ̨nį ɓa.

Piɛrə dɔlɔɔ 1:3

Lúwɔ́ ə kɛ Yálá ɓa, yai a gu Nąmu Jesus Kristə Nąn: nwɔ ɲɛ̨imąąwɛli kaa laa kɛnɛ̨ɛ̨ hu, aa pənə aa gu kaa nwɔ̨nɔ̨ a nįnɛ̨, kilitɔɔmąą laa walawala mąą mɛ̨nį ɓa, a Jesus Kristə nwun ə mo haa nuą lɔwai,