Hebreu 6:17 - Yálá laawoo hɛɓɛ (dc)

¹⁷ Bələ lɔ ɓə Yálá ə gɛ la, əgɛ, ə nɛ ŋą mɛ̨nį laakwɛlanmoɔ hu mɛ̨nįi hɔlɔɓo nuą diɛ, yɛ, hva ɉəɠə mą, ə gwɛla.

Yálá laawoo hɛɓɛ

¹⁷ Bələ lɔ ɓə Yálá ə gɛ la, əgɛ, ə nɛ ŋą mɛ̨nį laakwɛlanmoɔ hu mɛ̨nįi hɔlɔɓo nuą diɛ, yɛ, hva ɉəɠə mą, ə gwɛla.

Bible

¹⁷ Mɛni ma tãi Ɣâla è kɛ̀ ŋ̀wɛ̂lii a gɛɛ é ǹɛ́ bɔɔ-sɛŋ sɔlɔ ƃo-ƃela dîa a gɛɛ ŋɔsapoi maa fa fâleŋ. È ǹɛ dîa a zu ponoɔ foo-woo su,

Hebreu 6:17 ပူးပေါင်းရင်းမြစ်များ

Zɛnɛse 26:28

Diɛ mą: «Kwaa gaa, kuɔ: Yai-Laa kaa ə́ pɔ. Mɛ̨nį gɛi, ku kaa la bɔ mįnɛ̨ ə kɛ gwa kaa ni gu lɔwai, yaa li.

Mąątɛ̨nɛ̨ 110:4

Yai-Laa aa gwɛla, hvo pai gələn ma, yɛ mą: «Ə́ kaa a haláá laa həli mun a yələ kəlee mɛ̨nį, yɛ bələi Mɛlkisedɛkə kaa la.»

Mąątɛ̨nɛ̨ 33:11

Yai-Laa kwəi kili kaa lɔ a yələ kəlee mɛ̨nį, mɛ̨nįɠaai a mąąkili tee gwəi, kwɛlan gəlee mɛ̨nį li.

Mąątɛ̨nɛ̨ 36:8

Yálá, ə́ wɔ wɛlikɛmąąlaa kɛnɛ̨ɛ̨ ɓə-e! Ee, mąąwiai, ɉɔ̨nwɔ̨ hvo mą. Nu kanŋaa da di mąąkilɛ ə́ hvaŋąn mu.

Lɛɛ gbɔwɔ ɓa 22:11

Kɛlaa, akɛ di nwuɔ̨ gwɛlɛ, a daatɛlɛɛ bɔɔi tɛɛ nąmu pɔ.

Hanwon 19:21

Mɛ̨nį tamąą ka tii nu a mąą kili tee gwəi, Yai-Laa kwəi kili ɓə a nɛ̨ɛ̨ mą.

Wɛli 5:1

Gáá pai ɲə́i nɔw yɛa. Oo níiɓa nɛ̨ɛ̨non, nwɔ́ wɛli. Gɛ́ nwɔ́ hąmą kun nɛ̨ɛ̨ da nwɔ́ laakpala kun nɛ̨ɛ̨ɠaa kulɔ, gɛ́ nwɔ́ kwɛin nwulɔ nɛ̨ɛ̨ ta kɔ̨mɔ̨n, gɛ nwɔ́ lɔɔi da nwɔ́ nįŋɛ̨ ɲįnįyái ta kpələ. Mɛ́laa! Ka ka laa mįi. Ka ka kpələ. Wɛlikɛmąąlaa ə ka hon yɛ lɔɔ.

Azaya 14:24

Yai-Laa Mɛ̨nį Kəlee ŋą Hééɓomun ə gwɛla, yɛ diɛ: «Mɛ̨nii ŋą́ naa gwə́i, ɲələ kaa pai həlii, mɛ̨nįi ŋą́ą́ mąą kili tee gwə́i, ɲɛ̨i kaa pai kulɔi.

Azaya 46:10

Mɛ̨nį ta kaa lɔ gbalatɔɔi, gɛ́ naa kulɔ pələ lɛ, ŋą́ mɛ̨nį lɛɛ kpɔ tɔwɔ, kwɛala, ŋį́ ɉu kulɔ. Gáá kpɔ kɛi kaa: «Mɛ̨nii gwə́i hva ɉəɠə mą, gaa mą a yələ kəlee, ɛlɛɛ, mɛ̨nįi a nɛ̨ɛ̨ mą́ą́, ya ɓə ŋą́ gɛ.»

Azaya 55:11

bələ lɔ ɓə nááwoo a túwɔ la, ɓɛlɔwai a kulɔ la ná, hva pənə hvo pa bɔ́ kpɛli kpɛli, yii hvo kóló kɛ li, Kɛlaa, mɛ̨nįɠaai kpɔ gáá bɔ, a gəlee kɛ, ɛlɛɛ, gólóɠaai kpɔ ŋį́ dɛɛ di kɛ mɛ̨nį ɓa, a gəlee ɲɛ̨i kulɔ.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Malasi 3:6

Ɲą́ą́ Yai-Laa, mą́ą́ hva hvalin. Káái a Ɉakɔbə nu huwu, ka káá kpɔ a nonnii leelee ka túwɔ́ pələ hu.

Ɉaan 10:10

Nwuɔ̨mun nwɛ́i, a pa lɔ, ə gɛ, ə nwuɔ̨ kɛ, ə paa ɓo kɛ, ə lɛɛ, ə kɛɛ kala. Nwɛ́i, ŋį́ pa, ə gɛ, mɛlaaɠaa di yɛnɛ̨ɛ̨ kpɛɛ hvo mą hɔlɔɓo, di ɉɔlɔɓo kpɔ kɛnɛ̨.

Lomaŋ 11:29

Mąąhɔlɔɓo, Yálá nwɔ mɛ̨inɛ̨ɛ̨, nwɔ təliɓo hva ɉəɠə mą.

Lomaŋ 8:17

Yii kani gu kaa a nonnii, gu kaa kani a gwɛlin ɉɔlɔɓo nuą, gwa Kristə ta ni gu kaa a Yálá kwɛlin ɉɔlɔɓo nuą; gbala ə tɔɔ, yii gu gu wɔɔ hɔlɔɓo nwɔ mɔ̨nɔ̨i hu, gu kaa lɔ pai gu wɔɔ nąą hɔlɔɓoi mąąɲįnɛ̨n ɉu.

Galatə 3:29

Ɛlɛɛ, akɛ, káá kɛ kɛa a Kristə nwɔɔɠaa, akɛ tii, káá ɓə a Abrahamə kwəi lon, yɛ bələi di naakwɛlanmo la, káá ɓə a gwɛlin ɉəɠə nuą.

Ifisiɛŋ 1:11

Yaa ti ɉu lɔ ɓə, gu gu wɔɔ nąą kɔlɔɓo laa, a nui a mɛ̨nį kəlee hee kpəlin na kɛ, a niiɓa, yɛ bələi ə gbɛa gu həɠə la ɉu.

Hebreu 11:7

Laa na laa háálai, Noe ə nwəli tɔɔ, Yálá ə pələ ɓo mą, yɛ hvilɛn na mɛ̨nįɠaai pai kɛi, yai nu hva gaa, mąą mɛ̨nį ɓa. Ə Yálá woo kaa a tɛ̨ą, ə kələn da bɛli, yɛ pɛli ɲəi bɛlɛ́n nuą ɓaloi. Bələ ə yɛnɛ̨ɛ̨ kəlee nwun na pili la, ə kɛ a tələnmolaai a hɔlɔɓo laa na laa hu, ŋą kwɛlin ɉəɠəmun.

Hebreu 11:9

Laa na laa háálai, ə pa, ə hee nwɛ̨ą lɔi hu, ɓɛi di nąą laakwɛlanmo mą; di kɛ lɔ həɠə-kələɠaa mu, yaa da Isaakə, ɛlɛɛ Ɉakɔbə, a diɛi tii kɛ a mɛ̨nį laakwɛlanmoɔ ŋą kwɛlin ɉəɠə nuą.

Hebreu 6:12

ká hvįi hvo kpɛɛ, kɛlaa, nuąi di liikpələ laa na laa pələ mɛ̨i, di kąnąn mą, di mɛ̨nį laakwɛlanmoɔ hɔlɔɓo, 'ká di pɔɔ kɔɔn.

Hebreu 6:16

Nu kanŋaa da di kwɛla a hɛn gɛnɛ̨ dɛɛ diɛ, əgɛ, di hɛa mɛ̨nį kulɔ di wɔ mɛ̨nį ta hu, da mɛ̨nįi tii ŋą tɛ̨ą lɛ a di kwɛla woo.

Hebreu 6:18

Mɛ̨nį hveelɛ ka ti, hva ɉəɠə mą, lɛɛ mɛ̨nį hvo ɉu Yálá pɔ pələ, yili a hvaŋąlɔ tɛɛ gu pɔ, a guɔi gwaa mɛ̨nį kəlee lɛɛ laa, gu kilitɔɔ mɛ̨nį laakwɛlanmoɔ tii ɓa.

Zĩi 1:17

Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?

Piɛrə dɔlɔɔ 1:3

Lúwɔ́ ə kɛ Yálá ɓa, yai a gu Nąmu Jesus Kristə Nąn: nwɔ ɲɛ̨imąąwɛli kaa laa kɛnɛ̨ɛ̨ hu, aa pənə aa gu kaa nwɔ̨nɔ̨ a nįnɛ̨, kilitɔɔmąą laa walawala mąą mɛ̨nį ɓa, a Jesus Kristə nwun ə mo haa nuą lɔwai,

Piɛrə dɔlɔɔ 3:7

Hinąą kaa kpɛlimąn, 'ká ká nɛ̨ąni ká ɲíi kɛ a nɛlɛɛ, ká kili ə pu ɉu, káá, di kɔlɔ hvįikpɛɛi, 'ká di mąąwiɛ, gbala ə tɔɔ, ká diɛni ká káá pai yɛnɛ̨ɛ̨ hɔlɔɓoi a ká kwɛlin, yili ɓə a gɛ, mɛ̨nį ta hva kpɛ̨ąn ka wɔ hvɛli woo tɔwɔ.