Hebreu 6:12 - Yálá laawoo hɛɓɛ (dc)

¹² ká hvįi hvo kpɛɛ, kɛlaa, nuąi di liikpələ laa na laa pələ mɛ̨i, di kąnąn mą, di mɛ̨nį laakwɛlanmoɔ hɔlɔɓo, 'ká di pɔɔ kɔɔn.

Yálá laawoo hɛɓɛ

¹² ká hvįi hvo kpɛɛ, kɛlaa, nuąi di liikpələ laa na laa pələ mɛ̨i, di kąnąn mą, di mɛ̨nį laakwɛlanmoɔ hɔlɔɓo, 'ká di pɔɔ kɔɔn.

Bible

¹² Káfe kɛ̀ a nyɛ̃ŋ-nyɛ̃ŋ ƃela, kɛ́lɛ, ká kɛ́ a diai pɔɔkɔ̂ŋ-ƃela díkaa a gono-tee-ŋai sɔlɔ ƃo-ƃela laa-la da lii-kpele sârai.

Hebreu 6:12 ပူးပေါင်းရင်းမြစ်များ

Hanwon 12:24

Nui nwalaa, gaa pai tɔɔlaa kɛi; Kɛlaa, hviɲɛ kulɔmun nwɛi, hvɛɛ da gbaan goló laa mą.

Hanwon 13:4

Hviɲɛmun hva niiɓa kɛ. Kɛlaa, walamun a liiɓa hɛn ɉɔlɔɓo.

Hanwon 15:19

Hviɲɛ̨mun dɛɛ pələ kaa lɔ a ɲąąlən gbɔlɔ, Kɛlaa, nu lɛlɛɛɠaa di wɔ pələi kaa a pələ mɛ̨i pɔ̨nɔ̨ɔ̨.

Hanwon 18:9

Nui a gɛ koló kɛ a hviikpɛɛ, gaayɔwɔ ɓaa kɛɛ kalamun.

Hanwon 2:20

Ə́ wɛi, hvilɛn nu túwɔ́ pələ lɛlɛɛɠaa pulu, ə́ nu haŋąɠaa pɔɔn kɔ́ɔn.

Hanwon 26:14

Pɛlɛ́ laaləi kpon a tinɛ̨n gɔwɔ mɛ̨i, hviɲɛ̨mun yɛ tinɛ̨n yɛ laa ɲəi gbin ɲą.

Hanwon 28:10

Nui a nu haŋąą lan, yɛ vilɛn pələ ɲɔ̨nwɔ̨ɔ̨ mɛ̨i, nɔwai tii ə dee, ɉunwɛ̨i ɲąmą a pu ɉu, Kɛlaa, nuąi di túwɔ́ pələ haŋąą, da nwun na nɛ̨ɛ̨ hɔlɔɓo a di kwɛlin.

Wɛli 1:8

Nɛ̨ɛ̨nu lɛlɛɛ, Akɛ hvó gbaɠala kɔ́lɔn, hvilɛn nɔ mɛlaaɠaa pɔɔ ɓa, ə́ lɛɠɛ ɓɛlaa mɛ̨i kaa nuą di wɔ kpuwuluɠaa diɛ, a ə́ wɔ ɓolu haa pɛlɛɛɠaa.

Ɉeremi 6:16

Yai-Laa yɛ diɛ: Ka tɔɔ tai, bələɠaa mɛ̨i, ka ka ɲɛ̨i laa! Ka ka hiɛ pələ pɔlɔ mɛ̨i kaa; ka mąąni kɛ kɛ; kaa diɛ: mįnɛ̨ pələ ɓə nwun na nɛ̨ɛ̨ pələ kaa la! Ɛlɛɛ, ka ɉon na. Ka káá pai hvįįtɔɔ hɔlɔɓoi ka wɔ yɛnɛ̨ɛ̨ hu. Kɛlaa ka káá kɛi diɛ: «Ku hvo ɉon ɉii la!»

Maafîu 22:32

‹Gáá ɓaa a Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.›» Jesus yɛ diɛ: «Yálá kaa a nu huluɠaa di wɔ Yálá; hvo a haaɓɛlaa di wɔ Yálá.»

Maafîu 25:26

«Nąmu ə nwoo ŋąąpənə yɛ mą: ‹Kólo kɛmun hɔn ɲɔ̨nwɔ̨ɔ̨ ɓaa a yɛ́, ə́ gɔlɔn gbɔ kɛ yɛ́ diɛ ɓɛi və́ tii kɛli laa, nąą ɓə ŋą mɔ̨nun dee la, ɓɛi və́ mɔ̨nun dan ni laa, nąą ɓə ŋą mɔ̨nun giɲɛ̨ kələ laa.

Lukə 16:22

«Ɲeehvowolo mun tii, ə haa. Malakaɠaa di ɉəɠə də li la Abrahamə ə kɛ laa. Ɉɛn gɔw nąmui tii yaa kpɛli ə haa, di noo.

Lukə 8:15

Nu taɠaa diɛn, di kaa yɛ: Lɔi lɛlɛɛ, ɓɛi ɉihɛn ɉuwu taɠaa di too laa. Di wɛi, da Yálá laawoo mɛ̨n di di yee hee mu, di di yee kanąn ma, di tɔɔ la kpaan, nwoo tii ə ɉeei kaa di lii hu, ə ɓa a damąą.»

Lomaŋ 12:11

'Ká hvo hviɲɛ kulɔ, ka kólo kɛ a hvaŋą lɔ laa, ka tí gu Nąmu ɓa ka kwəi tɔ̨nɔ̨ mɛ̨i.

Lomaŋ 2:7

Nuąi di kanąn ŋąą mɛ̨nį lɛlɛɛ kɛɛ ɓa, diɛ mąąwiɛ kwɛli, diɛ ɓə Yálá kaa pai yɛnɛ̨ɛ̨ tɛɛi di pɔ kpɛɛ hvo mą.

Lomaŋ 4:12

Abrahamə kaa lɔ nwɔ̨nɔ̨ a nuąi di kɛ́nɛ̨ kɛɛ di kalaɓɔlɔ diɛi di hva di kilitɔɔ lɔ kɛ́nɛ̨ mɛ̨nį ɓa, kɛlaa, laa na laai kɛ gu kalaɓɔlɔ Abrahamə yəi, di hvo ni kɛ ɉee li kɛ́nɛ ɓa, ya ɓə di hvilɛn ŋąą bulu.

Tɛsalonikə dɔlɔɔ 1:3

bələi ká wɔ laa na laa pɔ túwɔ́ pələ kaa la, ká wɔ wɛlikɛmąą laa, ɛlɛɛ, bələi ká wɔ kilitɔɔmąą laa walawalaai la, diɛi da həɠə gu Nąmu Jesus Kristə pɔ, Yálá ɲɛ̨i ɓa, yiliɠaa kili kaa ku ɲą;

Tɛsalonikə veelɛ 1:4

yili aa gɛ, káá ɓo a ku wɔɔ kpɔwɔ ɲąąkɛnɛ̨, Yálá ŋą kpɔnŋaai lɔwai, a ká wɔɔ tɔɔ a nwąnąi laa, ɛlɛɛ, ká wɔ laa na laa mɔ̨nɔ̨ɠaa da hukɔɔn mɛ̨nįɠaa hu, diɛi həlii káá.

Hebreu 1:14

Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

Hebreu 10:36

Liikpələ laa kpɔ ɓə ká mąąkpaan gaa mą, káa pɛli Yálá liiɓa kɛi la, ɛlɛɛ, káá pɛli mɛ̨nį laakwɛlanmoɔ pɔ mɛ̨nį hɔlɔɓoi la.

Hebreu 11:33

a diɛi, laa na laa háálai, di yee ə tɛɛ tɔɔ lɔi tamąą ɓa, di tələnmolaa pɔ túwɔ́ ɓo, di mɛ̨nį laakwɛlanmoɔɠaa kaa, di laa yɛ hon, diɛ yalaɠaa laaləi hon,

Hebreu 12:1

Yili ɓa tii kani, guɔ kpɛlimąn, gu mąątinɛ̨nŋąąi a gɛla kpulu kɛnɛ̨ɛ̨, tiɛ̨ wiɛ da nɛ̨ŋɛ̨nŋaai da pɛli di gu kɔ́wɔ la yili, gu ɓo yiliɠaa diɛ, 'gu bu. Ɛlɛɛ, 'gu tɔɔ a gu nwąnąi, gu gu liikpələ, gilɛi ŋɛ̨i gaa gu kɔwɔ ɲą, gu ɉəɠə, gu həli la naa kulɔi;

Hebreu 13:7

'Ká ká kili kɛ, nuąi Yálá laa woo laa həli káá, di hu; 'ká di wɔɔ yɛnɛ̨ɛ̨ ɲąąkpɛɛ pələ kaa, ɛlɛɛ, 'ká ká kɔɔn di wɔɔ laa na laa ɓa.

Hebreu 5:11

Yii hvilɛn na mɛ̨nįɠaa tii diɛ, mɛ̨nįɠaa kaa laa yii mąąnɛ̨ɛ̨ ku mo, kɛlaa ɉukulɔ laa ɓə nwalaa, mąąhɔlɔɓo, ká wɔɔ mɛ̨nį kpaɠala kaa laa aa wala.

Hebreu 6:15

Yii kpɔ Abrahamə ə niikpələ, ə mɛ̨nį laakwɛlanmoɔi tii, laa honŋąą kaa.

Zĩi 1:3

'Ká kili ə pu kani ɉu, káá, hukɔɔn mɛ̨nįɠaai a həli ká wɔ laa na laa ɓa, a kɛ a ɉuwalawala hɛn.

Piɛrə veelɛ 1:10

Yili ɓə gaa mą, nwɛ́li kɛ mąą nuą, ka ka hvaŋąlɔ kpɔ kpaan, ka təli ŋɛ̨i Yálá ə mo, ə ka yɛɠɛ ɉu, ka kanąn ma. Mąąhɔlɔɓo, ka gɛ ti, ka hva pɛli tooi mɛ̨nį ɲɔ̨n ɉu.

Zɔ̂ŋ Maa-ŋuŋ 2:25

Ɛlɛɛ, yii yaa kpinįi ə naakwɛlanmo guɔ, ya ɓaa a, yɛnɛ̨nɛ̨i kpɛɛ hvo mą.

M̀ɛni-lɛɛi 13:10

Nui mąąnɛ̨ɛ̨ ə li luwɔlaa hu, gaa pai lii luwɔlaa hu. Nui mąąnɛ̨ɛ̨ di pa baa a ɓɔwa kwɛaa, ɓɔwa kwɛa lɔ ɓə pai baai. Nu mąąhəɠɛɛɠaa kąnąn mɛ̨nį laa na laa ɓa, ɲələ ka.