Hebreu 5:9 - Yálá laawoo hɛɓɛ (dc)

⁹ Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,

Yálá laawoo hɛɓɛ

⁹ Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,

Bible

⁹ Gɛɛ kɛ̀ a núu maa waai è kɛ̀ a wɔlɔ-wɔlɔ fúlu-laa diai kélee mɛni mà ŋ̀óo mɛnii.

Hebreu 5:9 ပူးပေါင်းရင်းမြစ်များ

Mąątɛ̨nɛ̨ 45:17

Ə́ lonnii kaa pai kɛi a ną́nni mąąhvalin, yɛ́ di kɛ a lɔi ɲɛ̨itɔwɔ nuą lɔi mɛ̨i nąą kəlee.

Mąątɛ̨nɛ̨ 51:6

Ŋą́ą́ nɛ̨ŋɛ̨n ɉəɠə yɛ́, yɛ́ kɔw taanɔ̨n gbən, yɛ́ kpɔ ɓə, mɛ̨nįi ɲɔ̨nwɔ̨ɔ̨ ə́ ɲɛ̨i mu, ŋą́ą́ gɛ; yili ɓa, yá kɛi ɉɔ́n mo, yɛ́ tɛ̨ą mɛ̨nį li, yá kɛi ɉútɔɔ, tɛ̨ą kaa ə́ pɔ, ɛlɛɛ, yɛ́ kitii mąą kulɔi hvo mą.

Mąątɛ̨nɛ̨ 51:8

Kɛlaa ə́ kaa bɔ, tɛ̨ą ə kɛ nu koo kpala, yɛ́ ɉú tɔɔ a ə́ wɔ kilii, loo pələi.

Azaya 45:22

'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.

Azaya 49:6

Yɛ mą́ą́: «Ə́ kɛ mɛ̨nį ɲə́i a nwɔ́ tímun, yɛ́ Ɉakɔbə huwu muhəɠə, yɛ́ pənə, yɛ́ pa a Israɛlə huwu kpəli, yili kolɔɔ ɓə, Ŋą́ą́ nwɔ̨nɔ̨ ə́ kɛ a huwu takpɛliɠaa di wɔ kɛɛ pɔ̨nɔ̨, lɔi kpɛlai kəlee yɛ nwɔ́ ɓalo mɛ̨nįi hɔlɔɓo ə́ yə́i.»

Azaya 50:10

Gbɛɛ ɓə ka lɔwai yɛ ɲɔw Yai-Laa ɓa? Mąą nu ə Yai-Laa nwɔ tímun woo mąn, ɛlɛɛ nui hiɛi kpinįi, yai kɛɛ pɔ̨nɔ̨ hvo ɲəi, Mąą nu ə gilitɔɔ lɔ Yai-Laa láá ɓa, ə kąnąn nɔ nwɔ Yálái ɓa!

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Danîa 9:24

Daa mąąhəɠɛɛi ŋɛ̨i, da ə́ wɔ nuąi, mɛ̨nį ta aa ɓo di laa mɛ̨i, yii gaa pai həli diɛ lɔwai pow mɛ̨ihveelɛ heei kwɛlan mɛ̨ihveelɛ yee mu. Nąąlɔwai kaa a lɔwai yii viɛlaɓoɔ, ə gɛ, di kulɔ nwoo mu laa kpɛɛ, nąąlɔwai ɓə di mɛ̨nį ɲɔ̨n gbɛɛ la, di di wɔ nɛ̨ŋɛ̨nŋaa mąąhvaalɛɛ, tələnmolaa yii kpɛɛ hvo mą, di gulɔ pɔ̨nɔ̨ ŋą, hįi kaaɠaa da mɛ̨nįi Yálá kwəi mɛ̨nį hukulɔ mun ə mo naa ə hon. Ɛlɛɛ, nui mąąhəɠɛɛ nu mąąhəɠɛɛɠaa diɛ, di mąątí.

Zakari 6:15

Nuą kaa pai həɠəi kwɛaa la, diɛ kólo kɛ Yai-Laa hvɛli pɛlɛ́ mu. Yili ɓə ka gbaɠala kaa la, káá kɛ, Yai-Laa Mɛ̨nį Kəlee ŋą Hééɓomun ɓə dɔ́ɔ́ ka pɔɔli. Akɛ ká lɛɛ Yai-Laa ka wɔ Yálá woo mu, mɛ̨nį kəlee hu, mɛ̨nįi tii kaa pai kɛi.

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

Lukə 13:32

Jesus ə di woo pulu pənə yɛ diɛ: «Ka li ka mo gɛlɛn tii ɓa, kaa mą: ‹Gáá ɲį́nɛ̨nɠaa kpɛi nuą pulu, gɛ́ nuą kɔ́lɔi pono. Voló haaɓai ŋɛ̨i yee mu, gáá pai ɲee laa kulɔi.›

Ɉaan 19:30

Yii kɛa ə nɔɔ kponai tii ta kpələ, yɛ diɛ: «Mɛ̨nį kəlee aa pɛli ɉu. Ə nwun vilɛn, nįį ə kulɔ.»

Gɛlaɠaa 3:15

Bələ ɓə ka yɛnɛ̨ɛ̨ Ną́mu paa la. Kɛlaa, Yálá ə gulɔ haaɓɛlaa lɔwai, a vulú; ku kaa a mąą kɛla.

Gɛlaɠaa 4:12

Ɓalo mɛ̨nį lɔpee ta hva hɔlɔɓo pələ takpɛli, ə kulɔ yaa ti bulu, gbala ə tɔɔ, laa ta kpɛli hvo yələkɔlɔn mu, ə ɓo nuą yəi, yai mąąnɛ̨ɛ̨ di tɛɛ la diɛ pɛli ɓaloi ɉaalai.»

Gɛlaɠaa 5:32

Ku kaa a mɛ̨nįɠaa ti kəlee mąą kɛla, kuɔ, kwa Kili-Mąąhəɠɛɛ ti Yálá ə dɛɛ nuąi lɛɛ woo mu, di pɔ.»

Lomaŋ 1:5

Yaa ɉaalai ɓə ŋį́ kɛ la nwɔ kɛla ə gɛ, huwu kəlee di kɛ nwoo mu laa na laa háálai.

Lomaŋ 10:16

Kɛlaa, nu kəlee hvo ɲee heeli nwɛlɛɛ lɛlɛɛ mu. Esai ə mo nwɔ̨nɔ̨ yɛ diɛ: «Námu, nwɛlɛɛ lɛlɛɛi ku naa həlii, gbɛɛ ɓə laai na?»

Lomaŋ 15:18

Yili ɓa, vá pɛli mɛ̨nį takpɛli ɓoi, ə kulɔ lɔ, yii Kristə ə gɛ ɲéé, gɛ́ huwu takpɛliɠaa hvilɛn nwɔ pələi mɛ̨i, a nwóó da gɛ́-mɛ̨nį,

Lomaŋ 2:8

Nuąi da nənə tɛ̨ą ɓa, di kwɛli təɛ, di hvilɛŋąą hvulu mɛ̨nį pulu, diɛ ɓə pai Yálá nwɔ lííholi da nwɔ liiɲąnwąną hɔlɔɓoi.

Lomaŋ 6:17

Kɛlɛɛ, kaa gu Yálá hɛɠɛɛɓo! Mąąhɔlɔɓo, ka kɛ tɔlɔɔ nɛ̨ŋɛ̨n nwɔ luwɔlaa hu, kɛlɛɛ, niɛwoo ŋɛ̨i di galan kaa ka ka yee hee mu, ka nwoo hon a ka lii kəlee.

Korɛntə veelɛ 10:5

ɛlɛɛ, da ɲɛ̨itɛ mɛ̨nįi lɔpee a kɛ ə tɔɔ Yálá kɔlɔn mɛ̨nį la. Kwa kiliŋąhiɛ kəlee hon a luwɔ, diɛ pɛli lɛɛi Kristə woo mu;

Filipə 2:12

Yili ɓa, nwɛ́likɛmąą nuą, bələ ká kɛi lɛɛ nwoo mu laa kɛ la, a yələ kəleei, 'ká lɛɛ lɔ ka yee yili ɓa, yiihu, ə mą kɛ və́ laa ká pɔ, ká túwɔ́ pələ ə ká nwun mąąɓo mɛ̨nį too pono ɲą, káá ɲɔwu la, ká mąą yɛ kpɛlin.

Tɛsalonikə veelɛ 1:8

nwɔ̨n nən gɛnɛ̨ɛ̨ hu, yɛ nwąną kulɔ la nuąi di hvo Yálá kɔlɔn, ɛlɛɛ, da nuąi di hvo lɛɛ li gu Nąmu Jesus ŋą wɛlɛɛ lɛlɛɛi woo mu, diɛ.

Tɛsalonikə veelɛ 2:16

Gu Ną́mu Jesus Kristə yaa kpinįlee da gu Ną́n Yálá, diɛi gu wɛlila kɛ, ɛlɛɛ, ə gu liilaa, a yii kpɛɛ hvo mą, da kilitɔɔmąą laa lɛlɛɛ,

Timote veelɛ 2:10

Yili ɓə gaa mą, gáá nííkpələi mɛ̨nį kəlee mu, nuąi Yálá aa di həɠə ɉu, di mąą mɛ̨nį ɓa, əgɛ, diɛ kpɛlimąn di ɓalo hva kpɛɛ hɔlɔɓo, yai gaa Jesus Kristə hu, ə pɛlɛ la, mąąwiɛlaa hva kpɛɛ, mą.

Hebreu 1:14

Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

Hebreu 11:40

Hvo gaai, Yálá ə mɛ̨nį lɛlɛɛ mąą kili tee gwəi nwɔ̨nɔ̨ a gu wɔɔ, ya ɓaa, mąą hvo nɛ̨ɛ̨li, di hvo həli mɛ̨nį kəlee laa kulɔi ɓa, gu tɔwɔ.

Hebreu 11:8

Laa na laa háálai, Abrahamə ə Yálá woo mu hon, ə lɛɛ nwoo mu, ə həɠə, ə li lɔi ta hu, yai gaa pai ɉɔlɔɓoi a gwɛlin, ɛlɛɛ, yɛ li, ɓɛimun gaa lii laa hvo nąą kɔlɔn.

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Hebreu 2:10

Bələ ɓə, ə nɛ̨ɛ̨ la tii, nui hɛn gəlee pɛli, yai hɛn gəlee kaa ɲəi, mą, ə hvaa mą, ə pələ kulɔ a lon damąą, ə di lɔ mąąwiɛlaa hu, ə mɛ̨nį kəlee laa kulɔ a nui ɓalo mɛ̨nį bələ kulɔ, ŋą mɔ̨nɔ̨.

Hebreu 2:3

gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Hebreu 9:12

ɛlɛɛ, lɔi ə mo laa, hvo lɔ li a, ɓolu ɲąmą, hvo lɔ li a nįnɛ̨ ɲąmą, ə lɔ laa, a gbɔwɔ ɲąmą, lɔ taanɔ̨n gbən, ɛlɛɛ, ə nu kanŋaa nwun mąąɓo mɛ̨nį tɛ̨ɛ̨tɛ̨ɛ̨ mąąlaa hɔlɔɓo.

Hebreu 9:15

yili ɓə gɛ, gaa a mįnɛ̨ nįnɛ̨ laamun, a mįnɛ̨ nįnɛ̨ hukɔw. Ə haa, əgɛ, ə nu kanŋaa nwun mąąɓo di wɔɔ nɛ̨ŋɛ̨nŋaa yəi, yai di ɉəɠə mįnɛ̨ tɔlɔɔ tii yee mu; yili pɔ pələ ɓə, nuąi Yálá aa di təli, da pɛlimą kɛa, mɛ̨nį nɛ̨ɛ̨ɠaa naakwɛlanmoɔ, di ɉɔlɔɓo a yələ kəlee mɛ̨nį.

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

Zûu 1:21

Ka lɛɛ Yálá nwɔ wɛlikɛmąąlaa hu, kaa gu Ną́mu Jesus Kristə nwɔ mɛ̨inɛ̨ɛ̨ mąą kpɔn yai pai yɛnɛ̨ɛ̨ kpɛɛ hvo mą dɛɛi ka pɔ.