Hebreu 5:11 - Yálá laawoo hɛɓɛ (dc)

¹¹ Yii hvilɛn na mɛ̨nįɠaa tii diɛ, mɛ̨nįɠaa kaa laa yii mąąnɛ̨ɛ̨ ku mo, kɛlaa ɉukulɔ laa ɓə nwalaa, mąąhɔlɔɓo, ká wɔɔ mɛ̨nį kpaɠala kaa laa aa wala.

Yálá laawoo hɛɓɛ

¹¹ Yii hvilɛn na mɛ̨nįɠaa tii diɛ, mɛ̨nįɠaa kaa laa yii mąąnɛ̨ɛ̨ ku mo, kɛlaa ɉukulɔ laa ɓə nwalaa, mąąhɔlɔɓo, ká wɔɔ mɛ̨nį kpaɠala kaa laa aa wala.

Bible

¹¹ Mɛni támaa káa kúla kú m̀ó é pîlaŋ m̀ɛnii ŋí mâ, kɛ́lɛ, ŋ̀á lɛ̂i kpanaŋɔɔ̂i, kpɛ́ni fêi kámɛni ŋá kâai kpanaŋɔɔ̂i.

Hebreu 5:11 ပူးပေါင်းရင်းမြစ်များ

Tɔɔɓɛlaa dɔlɔɔ 10:1

Salomɔn laa tɛ pələ, da Yai-Laa nwɔ mąąwiɛ nwɔ kɛ pələ mɛ̨i, dɔɔ nɛ̨ɛ̨nui ŋɛ̨i kɛ Saba ə bələ mąn; Nɛ̨ɛ̨nui tii ə pa Salomɔn hukɔɔn ɉii a hanwon ɉikpinɛ̨ɛ̨ɠaa.

Azaya 6:10

Nuąi tii kili walawala, 'di wəli hu kpɔn, di ɲɛ̨i pu, 'di hvo pɛli kɛɛ kaai a di ɲɛ̨i kɔ́w, 'di hvo mɛ̨nį mɛ̨n a di wəli, di hvo mɛ̨nį kpaɠala kaa a di kili, di hvo pa nee di hɔn mąą pənə, diɛ ɓalo.»

Maafîu 13:15

Mąąhɔlɔɓo, nuą ŋɛ̨i kili aa walawala, di wəlii aa kpɔlɔ, daa di ɲɛ̨i laakpulu, əgɛ, di hvo pa kɛɛ mąą kpɛɛ, di wəli hvo mɛ̨nį mɛ̨n, di kilaa hvo pa pono, di hvo pa tinɛ̨n di hvo kpəla mɛ̨nį ɲɔ̨n mą, və́ pa di kɔ́lɔi pono.›

Markə 8:21

Jesus yɛ diɛ: «Akɛti, ka hvo ni mɛ̨nį tii kpaɠala kaa li?»

Lukə 24:25

Nąąlɔwai, Jesus ə mo diɛ, yɛ diɛ: «Ee kə́! Ka hva mɛ̨nį kpaɠala kaa ɉa, ə lɛɛ, mɛ̨nį Yálá kwəi mɛ̨nį hukulɔ nuą di mo ka laa la walai yili la!

Ɉaan 16:12

«Mɛ̨nį tamąą kaa gwə́i, yii mąąnɛ̨ɛ̨ ŋį́ mo kaa, kɛlaa, gəlee kpaɠala hvo pai lɛɛi kaa.

Ɉaan 6:6

Ə kɛi mo lɔ tii, ə gɛ, ə Filipə hukɔɔn. Kɛlaa, yii dɛ mąąnɛ̨ɛ̨ kɛ ə gɛ, yaa kpinįi ə kɛ gɔlɔn.

Gɛlaɠaa 28:27

Mąąhɔlɔɓo, nu huwui ŋɛ̨i kili mąą pɛlɛɛ ɓə. Daa di wəli laa kpulu, Daa di ɲɛ̨i laa kpulu, Ə gɛ, di ɲɛ̨i hvo nəi pa kɛɛ kaa, Di wəli hvo nəi pa mɛ̨nį mɛ̨n, Di kili hvo nəi pa mɛ̨nį kpaɠala kaa, Diɛ di hɔn mąą pənə la, diɛ pa Yálá pɔ, ɛlɛɛ, və́ pa nəi di ɓalo.›

Hebreu 5:10

a gɛi di mo a ɉaláá laa həli mun gɛnɛ̨ yɛ Mɛlkisedɛkə.

Hebreu 5:12

Káá wɔlɔ lamun mɛ̨nįi ŋɛ̨i hu, káá ɓə kɛ, mąąnɛ̨ɛ̨i ká kɛ a nuą mąąkwɛli nuą, ya ka káámun káá kɛ a nuą mąąnɛ̨ɛ̨i di di mąąkwɛli tɛɠa, Yálá laa woo hu mɛ̨nį dɔlɔɔɠaa diɛ; káá kɛ kpɔ la tii kɛa yɛ, lɛapɛlɛɛi da ɲįnį tɔɔ di la, di hva pɛli kɔ̨nɔ̨n nwalawala mįi.

Piɛrə veelɛ 3:16

Yili ɓə ə bɛ̨ɛ̨ nwɔ hɛɓɛ́ɠaai hu, yɛ hvilɛn na mɛ̨nįi ŋɛ̨i ɓa. Kɛɛnaa tamąą kaa Polə nwɔ hɛɓɛ́ɠaai hu, yii nuąi di hva mɛ̨nį kpaɠala kaa, ə lɛɛ, di hvo kalan ni, da nwoo mąąpənə, yɛ pələi da kɛ gɛi la a Yálá lawoo naa taɠaa. Da gɛ ti di kpɔɔ nwun napili mɛ̨nį ɓa.