Hebreu 4:3 - Yálá laawoo hɛɓɛ (dc)

³ Guɔi gwaa laa na laa hɔlɔɓo, gu kaa pai lɔi vįitɔɔi tii hu, yai ə kɛ mą: Mąąhɔlɔɓo, ŋą́ gwɛ́la nwɔ́ lííholi hu, gɛ́ diɛ: Gu ɲɛ̨i kaa laa, akɛ di kaa pai lɔi ŋą́ hviitɔɔi hu! Ə nwoo ti ɓo, bələi mąn aa kpɛɛ la kɛ a gɛ kólo kəlee, a yɛnɛ̨ɛ̨ kɔ́wɔ tɔɔ yələ,

Yálá laawoo hɛɓɛ

³ Guɔi gwaa laa na laa hɔlɔɓo, gu kaa pai lɔi vįitɔɔi tii hu, yai ə kɛ mą: Mąąhɔlɔɓo, ŋą́ gwɛ́la nwɔ́ lííholi hu, gɛ́ diɛ: Gu ɲɛ̨i kaa laa, akɛ di kaa pai lɔi ŋą́ hviitɔɔi hu! Ə nwoo ti ɓo, bələi mąn aa kpɛɛ la kɛ a gɛ kólo kəlee, a yɛnɛ̨ɛ̨ kɔ́wɔ tɔɔ yələ,

Bible

³ Kúai kú làa lai, kú lɔ̀ vii-tɔɔi tí su, yɛ̂ɛ berei è mò la é pîlaŋ vii-tɔɔi kpîŋ ma, ǹyɛɛi, “Yɛ̂ɛ berei ŋá ḿvòo la ŋálii-ŋwanai sui, ‘Dífe pâi wɔ́lɔ liî ŋáfii-tɔɔi su.’ ” È mò tí berei máŋ ŋɔtíi è kpɛ̀ɛ la é síɣe ŋ̀énia-kɔɔ-pîlanii.

Hebreu 4:3 ပူးပေါင်းရင်းမြစ်များ

Zɛnɛse 1:31

Ɉɛnŋąą kpɔ tii Yálá ə bɛli, ə hee, ə gəlee kaa, gəlee lɛlɛɛ kpɔ ɲɛ̨i ɓa. Yələwulii ə kɛ, yələwala ə kɛ, yili ɓə kɛ a voló mɛ̨ida.

Mąątɛ̨nɛ̨ 95:11

Ya ɓə, níiholi pələ, ŋį́ gwɛ́la, gɛ́ diɛ: «A tɛ̨ą, di hvo pai lɔi nwɔ́ hviitɔɔi hu!»

Lɛɛ gbɔwɔ ɓa 20:11

Mąąhɔlɔɓo, Yai-Laa ə yələkɔlɔn, lɔi, gboloyá, da ɉu hɛnŋąą kəlee pɛli hvóló mɛ̨ida yee mu, kɛlaa, ə vįitɔɔ a voló mɛ̨ihveelɛ yələ. Yili ɓə gɛ, Yai-Laa ə lúwɔ́ too vįitɔɔ yələi ti ɓa, ə gɛ a hvóló mąąhəɠɛɛ.

Azaya 28:12

Ə gbɛa mo diɛ, yɛ diɛ: Hviitɔɔ lɔwai aa həli, nui viikpɛɛ, ka nɛɛ laa ə vįitɔɔ, kɛɛnąą ɲąąlaɠiɛ ka.» Kɛlaa di hvo gɛ di hvo di wəli tɔɔ nwoo ɓa.

Ɉeremi 6:16

Yai-Laa yɛ diɛ: Ka tɔɔ tai, bələɠaa mɛ̨i, ka ka ɲɛ̨i laa! Ka ka hiɛ pələ pɔlɔ mɛ̨i kaa; ka mąąni kɛ kɛ; kaa diɛ: mįnɛ̨ pələ ɓə nwun na nɛ̨ɛ̨ pələ kaa la! Ɛlɛɛ, ka ɉon na. Ka káá pai hvįįtɔɔ hɔlɔɓoi ka wɔ yɛnɛ̨ɛ̨ hu. Kɛlaa ka káá kɛi diɛ: «Ku hvo ɉon ɉii la!»

Izikiɛ 20:38

Nuąi di kwɛli tee, diɛ kulɔ nwóó mui, ŋą́ di kulɔ ka lɔwai; ɓɛi dəli di mąą kilɛi laa, ŋą́ di kulɔ laa, kɛlaa di hva lɔ Israɛlə lɔi hu, bələ ɓə ka gili kɔ́lɔn na kaa kɛ ɲą́ą́ ɓə gáá a Yai-Laa.

Maafîu 13:35

Ə kɛi gɛ tii ə gɛ, mɛ̨nį Yálá kwəi mɛ̨nį hukulɔ mun ə mo naa ə hon. Yaai ə kɛ la mą: «Gáá lɔ pai kɛi hvaai a hanwon, Mɛ̨nį yiiɠaa wɔlɔ a loo mɛ̨nį, ə həɠə yɛnɛ̨ɛ̨ kɔ́wɔ tɔɔi lɔwai ɓa ə həli la yiihu ɓa, gɛ́ yiliɠaai ɓo diɛ a lolo-woo.»

Maafîu 25:34

Nąąlɔwai, tɔɔmun a mo mamįiyee hu nuą diɛ yɛ diɛ: ‹Kaa yiiɠaai a Ną́n nwɔ lúwɔ́ lonnii, ka pa ka lɔ nwɔ tɔɔlaai hu, ɓɛi aa kɛ nąą pɛli ka mąą mɛ̨nį ɓa gɛɛ yɛnɛ̨ɛ̨ kɔ́wɔ hvo tɔɔ.

Ifisiɛŋ 1:4

Kristə hu ɓə, Yálá ə gbɛa gu həɠə laa ɉu, gɛɛ hvo yɛnɛ̨ɛ̨ pɛli, ə gɛ, gu kɛ a nwɔ nuąi hɔn və diɛ, yaa ɲɛ̨i ɓa, wɛlikɛmąąlaa hu.

Hebreu 3:11

hvo gaai nííholii kɛa di mo, ŋį́ gwə́la diɛ, gɛ́ diɛ: ‹Gu ɲɛ̨i kaa laa, akɛ di kaa pai lɔi ŋą́ hvįitɔɔi hu!›»

Hebreu 3:14

Guɔ ka kɛa gwaa kɛ kɛa a Kristə mɛlaani, akɛ, gwa lɛɛ lɔ tɔɔni gu tɔɔ kilitɔɔmąą laa hu, ə lɛɛ la ɉu ɲąąkpɛɛ yələ.

Hebreu 9:26

Akɛ yili ɉuwu ɓə kɛ, Kristə ə li gbɔwɔ kulɔ a haláá geemɛ̨i tamąą, ə həɠə kpɔ yɛnɛ̨ɛ̨ kɔwɔ tɔɔ yələ ɓa. Kɛlaa, a tɛ̨ą. Ə gɛ lɔ taanɔ̨n gbən, a vóló ɲąąkpɛɛi yələi ŋɛ̨i, ə too la pono ɲą, ə nɛ̨ŋɛ̨nŋaa waa, a gbɔwɔ kulɔi ə mo a haláá.

Piɛrə dɔlɔɔ 1:20

yai di gbɛa ɉəɠə ɉu gɛɛ yɛnɛ̨ɛ̨ kɔwɔ hvo tɔɔ, ə too pono ɲą a ɲąąkpɛɛi lɔwai, ká mąą mɛ̨ni ɓa.